كل شخص فينا عنده فضول بس حد فكر الفضول ده ممكن يوديه لفين ,عمرك فكرت اية اللي ممكن يحصلك بسبب فضولك.
....
قاعد علي الابتوب بتاعي وبعيط بهستريا.
-أنا اسف مكنش قصدي بس بلاش اهلي دول اغلي حاجه عندي.
= سوف تصبح ملكاً لنا أنت وعائلتك ,لتعرف من نحن.
- بلاش اهلي, خدوني انا مكانهم .
وفجأه الجهاز فصل ,وبعدها النور قطع , وفجأه.
الجزء_الأول تجربتي مع الدارك ويب..
ازيكم عاملين اية, أنا اسمي أدم, عندي 19 سنه في اولي جامعه أنا جاي احكي تجربتي مع .. الدارك ويب.
انا والدي متوفي وعايش مع والدتي واخواتي البنات, بس اضطريت ابعد لان دراستي كانت في مكان بعيد جدا,
ودعت امي واخواتي وسبتهم , وروحت السكن بتاعي وكان موجود معايا شخص تاني اسمه عمار
بدأ اول يوم جامعة ، واتعرفت علي عمار وبقينا اكتر من صحاب، واليوم عدي علي خير
وانا كنت ناوي اني انزل اشتغل علشان اصرف علي نفسي وعلي اهلي ، لكن ملقتش شغل، وعمار قالي هكلملك صاحب السوبر ماركت اللي معايا لكن صاحب الشغل رفض ، مددتش اهتمام ونزلت الجامعه تاني يوم ، وخلصت المحاضرات وروحت الكافيه بتاع الجامعه،وقعدت ادور علي اي طريقه او شغل لقيت طريقه بس كانت صعبة ، اشتغلت عليها لكن كنت بجمع فلوس بصعوبه مكملتش فيها ،وكلمت اختي ندي .
أدم : ازيك ياندي، عاملة اية ياحبيبتي وماما عامله اية وملك عاملة اية.
ندي : كويسين ياحبيبي ، أنت عامل اية واخبار دراستك اية .
أدم :أنا كويس الحمدللـه، ودراستي تمام.
ندي : **** دايما , بس مال صوتك شكلك متضايق.
أدم : مش لاقي اي شغل .
ندي : يابابا مش ماما قالتلك ملكش دعوه بالفلوس ، وهيا هتبعتلك كل مصاريفك .
أدم : ياندي أنا عاوز اصرف علي نفسي ، ماما هتجيب فلوس منين اصلا ، هتستلف من الناس علشان اكمل دراستي أنا مش عاوز كده .
ندي : خد كلم ماما عاوزه تطمن عليك ، والتليفون بقي مع امي ،ازيك يا أدم عامل اية ياحبيبي .
أدم : كويس يا أمي أنتي عامله اية.
أمي : أنا بخير ، اخبار دراستك اية.
أدم : تمام .
أمي : اي حكاية الشغل دي يا ادم.
أدم : بدور علي شغل علشان اصرف علي دراستي .
أمي : ليه يابني أنا قصرت معاك في حاجه .
أدم : يا امي أنا مش عاوز كده انا عاوز اشتغل واصرف علي نفسي ، مش عاوز اتعبك كفاية مصاريف اخواتي ، أنا هشتغل واصرف علي نفسي .
أمي : هتعرف توفق بين الدراسة والشغل .
أدم : ايوة يا أمي .
أمي : ماشي يابني **** يعينك وركز في مذاكرتك ، عاوزاك تجيب درجات كويسه.
أدم : عيني يا امي ، انا هقفل بقي وابقي سلميلي علي ملك.
أمي : حاضر ، خد بالك من نفسك .
أدم : حاضر يا أمي ، سلام .
أمي : سلام .
وبعديها خدت شنطتي وروحت البيت، وكان عمار موجود
عمار : اية يادوما ،اتأخرت ليه ياعم .
أدم : كنت بخلص المحاضرات بتاعتي ياعم.
عمار : طب تاكل شاورما .
أدم : ماشي ، اطلبلي معاك شاورما فراح وزود توميه وواحد سوري بطاطس .
عمار : خلصانه
سبته ودخلت غيرت وقعدت علي اليوتيوب وشوفت فيديو كان بيتكلم عن الدراك ويب واية اللي موجود فيه،
اتفرجت علي الفيديو ،وجالي فضول اشوف بنفسي ، لانو قال في حاجات مش هقدر اعرضها ، حبيبت اشوف اية الحاجات دي.
بحثت عن طريقه دخول الدارك ويب ، ولقيت شخص اجنبي عامل فيديو وفيه طريقه دخول الدارك ويب .
نفذت كل حاجه ، حملت المتصفح وعملت كل حاجه ، ودخلت الدارك ويب وسجلت بـ اسم مستعار غير أدم ،وسجلت فعلا في الموقع .
وفجأه ... لقيت حد باعتلي مسج
الشخص : اهلا أدم.
اللي اللقاء في الجزء التاني
الجزء التاني تجربتي مع الدارك ويب
الشخص : اهلا أدم .
أدم اتصدم ومردش
الشخص : أدم لا داعي للقلق، أنا اريد أن اساعدك.
أدم : أنت عرفت اسمي منين، وازاي اصلا بتتكلم عربي كويس كده.
الشخص : تريد أن تعرف من أين عرفت اسمك.
أدم : ايوة، وعاوز اعرف اسمك .
الشخص : انا اسمي عقرب ،عرفت اسمك لانك فتحت لينك مفخخ قبل ان تسجل في الموقع.
أدم : يعني اية ؟! .
عقرب : يعني جهازك متهكر ، ولأثبتلك ذلك،هذة صورة لك الأن (وبعت لـ أدم صورة وهو بيتكلم معاة).
أدم : ازاي أنا معملتش حاجه ،أنا دخلت علي لينك تحميل تور.
عقرب : بالفعل الفديو الذي شاهدته هو خاص بي ، ولينك التحميل كان مفخخ ، لكن لا تقلق لن افعل اي شيئ يضرك ،أنا فقط اريد أن اساعدك.
أدم : هتساعدني أزاي.
عقرب : سوف تنصت لي في كل كلمة اقولها لك.
أدم : تمام ، أنا معاك اتفضل اتكلم .
عقرب : الشغل هو عبارة عن بيع اجهزة الكترونية ، سوف تستلمهم من شخص وتبيعهم وهيكون معاك حد يساعدك ،وليك نسبة، أيه رايك؟!.
أدم : حلو ده ، اجهزة جديدة يعني وانت عاوزاني ابيعها!! .
عقرب : هههههه ،جديدة هذة الأجهزة جميعها مسروقة .
أدم اتصدم ، لكن فكرت لاني محتاج الفلوس جدا ، لكن خايف انو يتقبض علية .
أدم : أنا موافق ، بس نسبتي هتكون كام ، و هسلم الفلوس لمين.
عقرب : تمام ، اما بالنسبة لي نسبتك هتكون 15% ، لكن سوف ازودها لك في المستقبل، اما بالنسبه للتسليم سوف ابغلك بيها غداً .
أدم : تمام.
عقرب : اللي اللقاء.
وقفل عقرب وأدم كمان و عمار دخل علية
عمار : الأكل وصل.
أدم : هات الأكل وتعالا يلا.
عمار : خلصانة.
قعدو ياكلو وخلصو اكل ، وعمار نزل الشيفت بتاعة في السوبر ماركت.
وأدم قعد يذاكر وبعديها قمت نمت،وصحيت تاني يوم وروحت الجامعة وخلصت كل محاضراتي، وبعديها روحت الكافيه وطلبت مشروبي كالمعتاد (قهوة فرنساوي)
طلبي نزل وقعدت اشرب القهوة بتاعتي، وانا قاعد في بنت جاتلي علي الترابيزة
البنت : ممكن اقعد معاك.
أدم : حضرتك تعرفيني.
البنت قعدت
البنت : انا اسمي نادين ، معاك في نفس السيكشن، والصراحه شخصيتك عجبتني ،وكنت حابه اتعرف عليك.
أدم : ازاي يعني أنا عمري ما شوفتك.
نادين : لأن انا بقعد ورا.
أدم : انا أدم .
نادين : اسمك جميل أوي .
أدم : تسلمي يانادين .
نادين : بص علشان بابا جاي ياخدني دلوقتي، هات رقمك وانا لما اروح هكلمك .
أدم : تمام، هاتي تليفونك اسجلك رقمي.
نادين ادتني تليفونها ،وسجلت رقمي
نادين : تمام ، باي ديمو.
أدم : باي يا نانا.
نادين مشيت، وأدم شرب القهوة ، وروح البيت.
عمار : حمدللـه علي سلامتك يادوما.
أدم : اللـه يسلمك ياعمور .
عمار : بقولك اية ،أنا واقع من الجوع وجاية معايا اكل اكلة دسمه.
أدم : زي اية؟!
عمار : فشة وممبار وكوارع من عند بجة، اية رأيك!.
أدم : تصدق انا كمان نفسي رايحة للأكله دي.
عمار : تمام ، نطلب بقي ونتغدي.
أدم : تمام .
دخلت أوضتي ، وفتحت الابتوب وفتحت الموقع ولقيت مسج من عقرب .
عقرب : جاهز!!.
أدم : جاهز طبعا.
عقرب : (بعت لينك)دة اللوكيشن اللي هتستلم منه الأجهزة ،اهم حاجه تقولة (عقرب بيمسي هيقولك التمسيه وصلت) علشان يعرف انك تبعي ، ودة رقم الشخص اللي هيساعدك وقولة (امانة عقرب معايا) ، اما بنسبة تسليم الفلوس ،هتاخد نسبتك الاول وتدي الفلوس للشخص اللي معاك وهو هيوصلي الفلوس.
أدم : تمام ، بس انا خايف اخش اللينك.
عقرب : هههههه، لا تقلق أدم ، اللينك امان .
أدم : تمام .
عقرب : انا واثق فيك .
أدم : شكراً .
أدم بعت اللوكيشن والرقم لتليفونه ، وقام غير هدومه
أدم : عمار انا هنزل رايح مشوار ومش هتأخر.
عمار : والأكل يبني .
أدم : الفلوس هتلاقيها علي المكتب، انا بس لازم اروح المشوار لأنه ضروري.
عمار : مش حكاية فلوس يا أدم ، خد بالك من نفسك بس .
أدم : ماشي .
ونزلت وروحت اللوكيشن ، وكان مكان ضلمة شوية ومعزول مفهوش ناس كتير، لقيت واحد معاة شنطة وقفني.
الشخص : مين اللي باعتك .
أدم : عقرب بيمسي .
الشخص : قول لـعقرب التمسيه وصلت.
واداني الشنطة
الشخص : طير .
مشيت من المكان وكلمت الرقم
أدم : الوو.
الشخص : مين معايا؟!.
أدم : امانة عقرب معايا.
الشخص : يامرحب يا أدم
أدم استغرب
أدم : انت تعرفني!!.
الشخص : اكيد اعرفك ، مش وقت رغي كتير يا أدم ، هبعتلك لوكيشن تجيلي فيه .
أدم : تمام ، ابعت وانا هجيلك،سلام.
الشخص : سلام .
واللوكيشن وصل لي أدم
اللي اللقاء في الجزء التالت.....
الجزء التالت من تجربتي مع الدارك ويب
اللوكيشن وصلي ،واتحركت علي اللوكيشن، وصلت اللوكيشن وكلمت الرقم
أدم : انا وصلت اللوكيشن.
الشخص : خليك عندك وانا هجيلك.
أدم : تمام ، سلام .
قفلت معاه ، وبعد خمس دقايق شخص جة ووقف قدامي
الشخص : أدم
أدم : ايوة
الشخص : يامرحب بيك ، أنا الدوك ، وخد بالك اي حركة وحشه عقرب مش هيسمي عليك.
أدم : اهلا بيك يادوك ، عارف وانا عمري ما اخون عقرب ، وياريت تندهلي بالجوكر هيكون احسن.
الدوك : تمام ياجوكر ، أسامينا لما ندخل المحلات ، انت حسن وانا مازن ، تمام .
أدم : تمام يا مازن .
روحت انا والدوك ودخلنا اول محل
الدوك : سلام عليكم.
الشخص : وعليكم السلام اتفضل
الدوك : بص ياريس ،انا كان معايا جهازين ايفون جبتهم من دبي ، بس كنت عاوز ابيعهم .
الشخص : ايفون كام؟
الدوك : واحد ايفون 14 برو ،والتاني ايفون 13 برو ماكس مساحتهم 512.
الشخص : ممكن اشوفهم .
الدوك : اكيد طبعا ، هات الجهازين ياحسن .
طلعت الجهازين فعلا واديتهم للدوك
الشخص : طب فين العلب بتاعتهم!!
الدوك : الحقيقي مش معايا العلب بتاعتهم، لان زي ما قولتلك جايبهم من دبي فا رميت العلب .
الشخص : بس كده سعرهم هينزل خالص .
الدوك : ماشيها معانا شوية .
الشخص : اخرهم هما الاتنين 13الف .
الدوك : طب حتي خليها 20.
الشخص : ده اخري واللـه .
الدوك : تمام ياريس .
الشخص راح يجيب الفلوس ورجع
الدوك : مبروك عليك .
الشخص : اللـه يبارك فيك.
الدوك اداني الفلوس وحطيتها في الشنطه وخرجنا
أدم : يابن اللعيبة ، انا كنت خايف نتقفش.
الدوك : عيب عليك ، تخش انت المحل اللي بعديه .
أدم : لا انا ممكن اتوتر .
الدوك : امال انت لازمتك اية .
أدم : يعني هو لازم ابيع .
الدوك : ايوة .
أدم : ماشي . هخش انا المحل ده .
الدوك : تمام يلا .
أدم : هخش انا لوحدي .
الدوك : براحتك .
سبته واقف برا ودخلت محل لوحدي
أدم : سلام عليكو.
الشخص : وعليكم السلام.
أدم : حضرتك انا معايا جهازين ايفون، وكنت محتاج ابيعهم.
الشخص : نوعهم اية.
أدم : واحد 11 برو ماكس والتاني 11 برو .
الشخص : مساحتهم قد اية .
أدم : الاتنين 512 .
الشخص : طيب ممكن اشوفهم .
أدم : ايوة طبعا.
طلعت التلفونات فعلا واديتهمولة.
الشخص : حالتهم كويسه جدا .
أدم : ايوة لانهم كانو هدية من دبي ، لكن مضطر ابيعهم .
الشخص : طب فين العلب بتاعتهم.
اتوترت جدا
أدم : رميتهم ،لان زي ما قولتلك جايبهم هدية من دبي.
هو بصلي كده حوالي دقيقة
الشخص : طب وريني الفاتورة .
أدم : مش معايا برضو .
الشخص : مش معاك ، كده يبقي انت حرامي وسارق الأجهزة دي ، ياحمديييي.
انا ضربته وخدت الاجهزة وطلعت اجري ، ولقيت 3 شباب بيجرو ورايا ومنهم اللي كنت بتكلم معاه، وانا بجري تليفون وقع مني ،كملت جري وخلعت منهم ، واتصلت بالدوك .
الدوك : اية اللي حصل .
أدم : الراجل عرف ان الأجهزة مسروقه .
الدوك :طب الأجهزة والفلوس معاك .
أدم : الفلوس معايا والأجهزة ، في واحد وقع مني .
الدوك : مش مهم ، خلي الأجهزة والفلوس معاك النهاردة ، ونتقابل بكره .
أدم : تمام ، سلام .
الدوك : سلام .
قفلت معاه ، ورجعت السكن ،دخلت كلمت عقرب
أدم : احنا بعنا جهازين بس .
عقرب : بعت جهازين ، وواحد وقع منك .
أدم : ايوة ، الراجل قفشني وعرف ان الأجهزة مسروقة ، كنت اعمل اية .
عقرب : أنت غبي ، المفروض كنت تتصرف بثقة .
أدم : أنا مش غبي ياعقرب .
عقرب : لا غبي ، لان وشك ظهر في الكاميرات اللي في الشارع والمحل ، ولو اني اتدخلت ومسحت التسجيلات كان زمانك في الحبس .
أدم : ما الدوك وشه اكيد ظهر .
عقرب : الدوك وشه مجاش في اي كاميرا .
أدم : ماشي ياعقرب ، أنا غلطت .
عقرب : اسبوعين وتكون بعت الأجهزة ، فاهم .
أدم : طول المده شوية .
عقرب : اسبوعين ياجوكر ، وهتبيعها لوحدك .
أدم : أزاي .
عقرب : ده اللي عندي ، سلام
وقفل عقرب وانا قعدت افكر هعمل اية
وأنا قاعد عمار دخل عليا الأوضة، وشاف الاجهزة والفلوس
عمار : اية كل الأجهزة والفلوس دي .
أدم : عمار الموضوع مش هعرف افهمولك ، بس أنا لازم ابيع الأجهزة دي ، وانهاردة كان هيتقبض عليا .
عمار : أنت شكلك واقع في مصيبة ، بس أنا هساعدك ونبيع الأجهزة دي .
عقرب فتح تاني وباعتلي مسج
عقرب : لو صحبك اتدخل هتقرا علية الفاتحة
اللي اللقاء في الجزء الرابع......
اهلا بكم في الجزء الرابع
عقرب : صحبك لو اتدخل هتقرا علية الفاتحة.
أدم : أنت عرفت منين؟
عقرب : ملكش فية صحبك ميتدخلش.
أدم : ماشي ماشي .مش هدخل صحبي.
وقفل عقرب
أدم : معلش ياعمار ،مش هينفع تبقي معايا.
عمار : ياعم ده أنا صحبك ، وهكون ستر وغطا عليك.
أدم : أنا بعمل كل ده لي مصلحتك يسطا .
عمار : ماشي ياعم ، بس اهم حاجة اوعا تلبس نفسك في حوار .
أدم : عيب عليك .
عمار راح ينام ، وأنا قعدت افكر هعمل اية ، قطع تفكيري رنه موبايلي وكانت نادين
أدم : الوو.
نادين : أزيك يا ادم.
أدم : الحمد *** يانادين ، أنتي عاملة اية .
نادين : أنا بخير ، أنت كنت نايم ولا حاجة .
أدم : لا بالعكس، أنا صاحي .
نادين : اصلي زهقانه ، فا قولت اكلمك نخرج.
أدم : دلوقتي ، ده الساعه 11.
نادين : عادي بقي يادوما، اي وقت عادي.
أدم : طيب ابعتيلي لوكيشن ، واجهزي عقبال لما اجيلك.
نادين : اوكي ياميدو.
أدم : باي.
نادين : باي.
قفلت معاها، وقومت لبست ،وخدت فلوس من فلوس بتاعت الأجهزة،ونزلت وطلبت اوبر ، واستنيت وعشر دقايق وكان وصل، ركبت واتحركنا .
وقعدت افكر هعمل اية في الأجهزة ، وهبيعها ازاي، وفجأه حازم (سواق الاوبر) قالي الحل عندي
أدم : حل اية ؟
حازم : بيع الأجهزة ياباشا.
أدم بارتباك : أجهزة اية اللي بتتكلم عنها.
حازم : بص ياباشا ، انا ولا مرشد ولا تبع حكومة، بس انا لاقيتك مش عارف تتصرف ومحتاج مساعده.
أدم : وانت عرفت منين!!
حازم : بص ياصحبي دي حكاية كبيرة جداً ومحتاجة قاعدة.
أدم : ماشي ياحازم نتقابل بكرة ،ونقعد واعرف اية حكايتك ونتكلم شوية .
حازم : تمام ياصحبي ، وحمد *** علي سلامتك .
أدم : *** يسلمك ياحازم ، وانا معايا رقمك وهكلمك بكرة .
حازم : تمام ، وانا مستنيك.
أدم : تمام ، سلام .
حازم : سلام.
نزلت من العربية ورنيت علي نادين
أدم : انا تحت البيت.
نادين : اوكي ، استني بس خمس دقايق.
أدم : تمام ، باي .
نادين : باي.
خمس دقايق وكانت نزلت وكانت قمر
أدم : اية الحلاوة دي.
نادين : ميرسي.
أدم : تحبي تروحي فين؟!
نادين : عاوزة اروح نايت.
أدم : عاوزة تسهري ، خلصانة يلا بينا نتحرك.
نادين : طيب يلا اركب.
أدم : هيا دي عربيتك!!.
نادين : ايوة ، وخد سوق أنت احسن.
أدم : تمام اركبي .
وكان نوع العربية ميني كانتري مان موديل السنة
ركبنا العربية ، وهيا قالتلي علي نايت كويس.
وصلت النايت ونزلنا ، وخدتها في ايدي ودخلنا ، وكلهم كانو كابلز، ولقيت اللي بيشرب واللي بيرقص واللي واخد صحبتة في ركن (انت فاهم بقي)
نادين : اية رأيك .
أدم بصوت عالي : بتقولي ايهه.
نادين بصوت عالي: عجبك المكان.
أدم بصوت عالي : اة حلو ، ما تيجي نقعد.
نادين : لااا تعالا نرقص.
أدم : ماشيي.
وفعلا روحنا رقصنا شوية ،وبعديها روحنا قعدنا علي ترابيزه ، والويتر جه
الويتر : تشربو اية يافندم .
أدم : خمس دقايق .
نادين جت عند ودني : هات كوكتيل مارغريتا .
أدم : خلاص هات اتنين كوكتيل مارغريتا.
الويتر : حاجة تاني.
بصتلها وهزت راسها بي لا.
أدم : لا شكرا ، والويتر مشي ، اي بقي المارغريتا ده.
نادين : هيعجبك اوي ياديمو.
أدم : انا مفيش حاجه عجباني غيرك هههههه.
نادين : كويس انك فكرتني ، هو انت مرتبط .
أدم : لا ، ليه بتسألي.
نادين بصوت واطي : طب كويس.
أدم : بتقولي اية.
نادين : بسأل عادي.
أدم : تمام.
والويتر جه ونزل الطلب، ومشي
نادين : ايه رأيك في زوقي .
أدم : لا زوقك حلو .
نادين : طب اشرب .
وفعلا شربت ومع اول بوق حسيت ان دماغي تقلت ،وفصلت عن الناس اللي حواليا وبقيت في دنيا تانيه
نادين : ديمو ياديمو.
أدم : ايه .
نادين : شكل دماغك خفيفه .
أدم : انا مبشربش اصلا.
نادين : هتتعود.
وشي كان قريب لي نادين جدا ، وهيا كانت بتقرب بس انا بعدت
أدم : ما تيجي نقوم نرقص .
نادين : ياريت.
قومنا ، وقعدنا نرقص لحد لما اتهدينا،ورجعنا علي الترابيزه تاني
نادين : انا تعبت اوي.
أدم : نخلص بس الكوكتيل ده ونقعد شويه ونمشي.
نادين : تمام .
شربنا وقعدنا شويه وبعديها طلبت الشيك
الويتر : اتفضل يافندم.
وكان الحساب 360 ، حاسبت وسبت تبس، وروحت طلبت قهوه وحاسبت عليها ،وخدت نادين ومشينا
وهيا مكنتش قادره تمشي وانا كنت ساندها
ركبتها العربية وانا ركبت واتحركت علي بيتها ،وهيا كانت نايمه
وصلت العماره ، وقعدت اصحي فيها
نادين : وصلنا ولا ايه.
أدم : ايوه.
نادين : طب معلش طلعني علشان مش قادره امشي.
أدم : عيني.
نزلت من العربيه ، ونزلتها هيا كمان ودخلنا العماره وركبنا الاسانسير
أدم : ساكنه في الدور الكام .
نادين : الرابع باين ، او الخامس.
أدم : يابنتي افتكري.
نادين : الرابع.
دوست علي الرابع وطلعنا
أدم : اني واحده شقتك.
نادين : اهي.
روحنا علي الشقه ، وفتحت الشقه ودخلنا
لقيت اوضه مفتوحه ، وكانت باينه انها اوضه نوم
دخلنا الاوضه ونيمتها علي السرير وسبتلها المفتاح جمبها ،ونزلت وروحت بيتي
ونمت وصحيت تاني يوم علي مكالمه حازم
أدم : ايه ياحازم.
حازم : انت نستني ولا ايه يسطا.
أدم : لا ياحازم ساعة وهكلمك.
حازم : خلصانه يابرنس.
قفلت معاه ولقيت نادين بتكلمني
أدم : صباح الخير.
نادين : صباح الفل، عامل ايه.
أدم : بخير ، وانتي!.
نادين : دماغي تقيله اوي وجسمي منمل.
أدم : قومي اشربي قهوه، وفوقي وكلي حاجه وابقي كلميني.
نادين : اوكي ، باي.
أدم : باي.
قفلت مع نادين وقومت خدت دش وشربت القهوه،واليوم ده مكنش عندي محاضرات انا و عمار
عمار : مش هنفطر ولا ايه.
أدم : افطر انت ، أنا عندي مشوار.
عمار: طب افطر ياعم وبعديها انزل.
أدم : لا انا متأخر.
عمار : ماشي.
دخلت اوضتي وفتحت الابتوب، وبعت لي عقرب ورد عليها علي طول
أدم : انا هبيع الأجهزة النهارده، بس نسبتي هتزيد.
عقرب: كام يعني نسبتك؟!.
أدم : 30%.
عقرب: كده طمع أدم.
أدم : مش طمع ياعقرب، أنا هبيع الأجهزة هبيعها لوحدي ، يعني المخاطر هتزيد عليا.
عقرب: تمام أدم ، بس خليك فاكر حركة غدر منك ، اخواتك البنات وامك ،والجيرل فريند بتاعتك ،وصحبك عمار هخليك تقرا عليهم الفاتحة .
أدم : مش هيحصل ياعقرب ان شاء *** .
عقرب : باقي معاك كام جهاز!!
أدم : اتنين اتباعو، وواحد وقع وباقي 5 اجهزة.
عقرب: تمام الخمس الأجهزة يتباعو النهاردة,
أدم : حاضر.
عقرب : اتشاوو.
أدم : اتشاوو.
وقفلت الابتوب ، وقومت لبست ،وكلمت حازم
حازم : ايه ياريس.
أدم : فينك كده.
حازم : المفروض تحت بيتك.
أدم : ماشي انا نازلك ، سلام.
حازم : سلام.
وقفلت معاه وخدت الأجهزه والفلوس، ونزلت وكان فعلاً موجود ، ركبت العربية وسلمت عليه وقولتله احكيلي بقي حكايتك
حازم : بص ياعم أدم ، أنا ابويا متوفي وامي كمان كانت حادثه كهربائيه ، اكيد سمعت عنها ومن ساعتها وانا بخاف من الكهربا، وفي يوم النور كان قاطع ولما جه كان في صوت زن في التلاجه ولما مسكت فيشه التلاجه ،حصل زي فرقعه في البيت ووقعت من طولي ، وانتقلت علي المستشفي ولما فوقت كان في اصوت في دماغي بس قولت اكيد هلاوس، بس اتأكدت من اللي عندي ده مش هلاوس ، لما قابلت حبيبتي وبس ده اختصار حياتي.
أدم : يعني أنت بتقرأ الأفكار صح كده!
حازم : ايوه.
أدم : طيب بص الأجهزة دي هنبيعها النهارده ، وهيكون ليك نسبه 15% بس عاوز فيهم سعر حلو.
حازم : تمام ، هما كلهم ايفونات .
أدم : ايوه ، اجهزه لي اشخاص اجانب.
حازم : طيب كويس هجبلك فيهم سعر حلو.
أدم : ياريت.
حازم اتحرك ووصل عند محل بيع تليفونات
حازم : خليك هنا، وانا هاخد الأجهزه ، هبيعها في السريع واجاي.
أدم : تمام ياحازم.
حازم خد الأجهزة ونزل وبعد عشر دقايق رجع
حازم : 56 الف جنيه اهم.
أدم : جامد ، كده الفلوس 69 الف جنيه وانا نسبتي كده تكون ،20700 وانت ليك منهم النص يعني حقك يابرنس10350
حازم : حبيبي ياعم.
اديته الفلوس ، ونزلت وبعديها كلمت عقرب
أدم : الفلوس معايا ، وانا خدت نسبتي ال30%.
عقرب : الفلوس كلها كانت كام!!
أدم : 69 الف.
عقرب : طيب حلو، هبعتلك لوكيشن وتوصل فيه الفلوس وتمشي علي طول.
أدم : تمام ، بس انا نسبتي خدتها خلاص.
عقرب : عارف.
أدم : تمام ابعت اللوكيشن.
عقرب : تمام.
(طبعا الكلام ده كله كان علي الشات بتاعي يعني مكنش بيكلمني من رقم فيك حتي)
بعت اللوكيشن واتحركت عليه، وصلت اللوكيشن وكلمته
أدم : أنا وصلت ياعقرب.
عقرب : سيب الشنطة قدام الباب وصورها، وامشي.
أدم : تمام.
وفعلا حطيت الشنطه وصورتها وبعتها، ومشيت
بعت لي امي واخواتي نص الفلوس ، وخليت معايا الباقي
وفتحت الجهاز ولقيت عقرب باعتلي
عقرب : جاهز!!.
أدم : جاهز لا ايه؟
عقرب : . . . . . . .
تم الانتهاء من الجزء الرابع ومستني رايكم ياحبايب قلبي
اللي اللقاء في الجزء الخامس
الجزء الخامس من تجربتي مع الدارك ويب
عقرب : جاهز!!.
أدم : جاهز لا ايه؟
عقرب : هنغير النشاط.
أدم : ايه هنتاجر في الأعضاء ولا اية.
عقرب : الأعضاء مش دلوقتي هنشتغل في حاجه اقل، انت اثبت انك قدها .
أدم : اي هيا بقي الحاجه الاقل؟!.
عقرب : مخدرات .
أدم : انت بتهزر!!.
عقرب : انا مبهزرش في الشغل.
أدم : الشغل ده اخرته حبسه.
عقرب : يا تشتغل يا تموت اختار.
انا مكنش قدامي اي اختيار تاني غير اني اوافق
أدم : موافق.
عقرب : شاطر ياديمو ، عاوزك تخاف علي اهلك وحبيبتك ،وصحبك عمار.
أدم : انا مبتيجيش معايا لغه التهديد.
عقرب : انا مبهددش تحب تجرب.
أدم : الشغل عباره عن ايه.
عقرب: شاطر ، حشيش و هيروين.
أدم : الاتنين!!.
عقرب : عندك مانع.
أدم : لا.
عقرب : شطور ، البضاعه بكره حد هيجي يسلمهالك.
أدم : هيجي فين.
عقرب : هيجيلك بكره ،الشقه اللي انت فيها.
أدم : انا عندي جامعه يامعلم.
عقرب : متروحش تقعد تستني اللي هيجيلك.
أدم : ده أمر!!.
عقرب : اه .
أدم : ماشي ، سلام.
عقرب : سلام.
أدم : أنا اية اللي عملته في نفسي ده، يعني اخرتها ابقي ديلر ، انا مش عارف اخرت الطريق ده اية ، حبسه ولا موته ولا اية بالضبط.
قطع كلامي رنه تليفوني وكان حازم
أدم : الوو ، اية ياحازم .
حازم : اية ياريس مفيش مصلحة كده ولا كده.
أدم : في بس مخدرات تيجي.
حازم : لا يابا مع نفسك ، سلام.
أدم : سلام.
أدم : يابن الغداره ، يعني في الأخر بقيت لوحدي.
قطع تفكيري تاني رنه تليفوني وكانت نادين
أدم : الوو ، اية يا دودو
نادين : اية ياحبيبي فينك.
أدم : في البيت.
نادين: طب ما تييجي ننزل.
أدم : هنروح فين النايت تاني!!.
نادين : لا هنروح سينما ، ونتعشي مع بعض اية رأيك!.
أدم : تمام البسي وهعدي عليكي.
نادين : تمام ياديمو، باي.
أدم : باي ياحبيبتي.
قفلت معاها ، وقعدت افكر ممكن اعمل اية ، وابيع الحاجات اللي هتجيلي دي ازاي ، واية اللي ممكن يحصلي
بس اديتها واحده no risk no fun ، قومت لبست ، ونزلت وروحت لي نادين
ورنيت عليها
أدم : انا تحت.
نادين : تمام انا نازله اهو.
أدم : تمام ، باي.
نادين : باي.
ونزلت
أدم : هو في حلاويات بالشكل ده.
نادين : ميرسي.
أدم : عاوزه تخشي فيلم اي بقي.
نادين : بص عاوزه اخش فيلم The Gorge
أدم : عيوني.
نادين : تسلملي عيونك.
ركبتها العربيه ،واتحركت علي سينما فوكس ، وفعلا لقيت الفيلم واخترت الدرجه الماكس
جبت التذاكر والفشار ودخلنا القاعه
كان فاضل خمس دقايق علي بدايه الفيلم ، وانا مكنتش في المود
نادين : مالك ياديمو ، شكلك متضايق.
أدم : شوية مشاكل.
نادين : مشاكل اية احكيلي.
أدم : مش عاوز ادوشك بمشاكلي.
نادين : مشاكلك هيا مشاكلي احكيلي.
مرضتش اتكلم والفيلم بدأ ، واتفرجنا علي الفيلم وخدنا الأستراحة ورجعنا كملنا الفيلم وكان رومانسي وعجبني ، وخلص الفيلم وخدتها وخرجنا
نادين : احكيلي بقي مالك.
أدم : مش لاقي شغل يانادين.
نادين : طيب ما تدور تاني واكيد هتلاقي.
أدم : دورت بدل المره ميه ، ومحدش راضي يشغلني.
نادين : متزعلش ياحبيبي، دور تاني واكيد هتلاقي شغل.
أدم : ما انا لقيت.
نادين : ازاي انت لسه بتقولي مش لاقي!!.
أدم : متاخديش في بالك ، اهو كلام بقوله وخلاص.
نادين : أدم : اوعي تكون بتعمل حاجه غلط.
انا في نفسي ( حاجه دي حاجات ويعالم اية اللي هيحصل تاني)
نادين : أدم .
أدم : لا مفيش.
نادين بحنيه : طب مش هتأكلني بقي ولا اية.
أدم : تحبي تاكلي اية.
نادين : نفسي في شاورما.
أدم : عيوني ، اركبي ونروح ناكل شاورما.
ركبنا العربية ، وروحت عند المعلم ابو مازن (ولله لاعطيك شاورما هتاكل فمك بعديها)
أدم : تحبي تتطلبي اية.
نادين : هطلب بس متقولش عليا مفجوعة.
أدم : اطلبي براحتك ياقمر.
نادين : عاوزه واحد شاورما لحمه وواحد بطاطس.
أدم : عيوني .
ونزلت طلبت اتنين شاورما لحمه واتنين بطاطس
واستنينا لي حد لما الاوردر خلص، وبعديها روحت استلمت الاوردر
وقعدنا ناكل
نادين : اية رأيك تعدي عليا بكره ، ونروح الجامعة مع بعض.
أدم : لا أنا مش جاي بكره.
نادين : لية!!
أدم : عندي كام مشوار.
نادين : مشواير اية!!.
أدم : هروح لي أهلي واعمل كام حاجه.
نادين : طب ما تاخدني معاك.
أدم : هاخدك معايا ازاي، هقولهم اية طيب.
نادين : زميلتك في الجامعة ، علشان خاطري خدني معاك نفسي اتعرف علي اهلك اوي.
( يمراري هعمل ايه في المصيبة دي كمان)
أدم : طب ما تخليها مره تانية.
نادين : علشان خاطري.
أدم : ماشي ، هاخدك معايا.
نادين : تسلملي ياحبيبي.
أدم : يلا علشان اروحك .
نادين : اوكيه ، بس هنروح بكره امتي.
أدم : انا هكلمك واقولك اجهزي.
نادين : اوكيه بس لو مكلمتينش ، هزعل منك.
أدم : هكلمك متقلقيش.
واتحركت علي بيتها، ووصلت وسلمت عليها ونزلت وروحت بيتي ، ونمت وصحيت تاني يوم علي رنه تليفوني وكانت نادين
أدم : الوو ، اية يانادين في حاجه ولا اية؟!.
نادين : مش هنروح عند مامتك ولا اية.
أدم : هنروح بس مش دلوقتي.
نادين : ماشي انا قاعده مستنياك.
أدم : تمام ، ماشي باي.
نادين : باي .
قفلت معاها ،ولقيت برايفيت نمبر بيرن رديت
أدم : الوو.
الشخص : اهلا ياجوكر ، انا تبع عقرب.
أدم : اهلا بيك يااا. . .
الشخص : جوو.
أدم : اهلا بيك ياجو.
الشخص : حبيبي ياعم ، يلا انزلي.
أدم : أنت تحت؟
الشخص : أيوة ، انجز بقي.
أدم : ماشي سلام.
قومت لبست بسرعه، ونزلت وكان شخص واقف ومعاه شنطه
أدم : جوو.
جو : امسك ياعم الشنطة، وعقرب مبسوط بذكائك.
أدم : دي اقل حاجة .
جو : لا متفخمش في نفسك ، هو اتبسطت من ذكائك انك دخلت حازم ، من غير ما تعرفة.
أدم : وانتو عرفتو حازم منين !!.
جو : عقرب مفيش حاجه بتستخبي عنه ، ومتفكرش تعمل كده تاني ، وخاف علي حبيبة القلب وامك واخواتك.
أدم : خلاص ياعم ، يلا اتكل.
جو : بتقولي اتكل وانا اللي هساعدك ، براحتك سلام.
أدم : تعالا تعالا ، هتساعدني ازاي.
جو : . . . . .
اللي اللقاء في الجزء الاخير
ومستني رأيكم في الجزء ده
الجزء الســادس مـن تجربتي مع الدارك ويـب
اهلا بيكم يامروقين اخباركم ايه، طبعا القصه دي جالي عليها بعض التعليقات السلبيه لكن انا بتقبل كل الأراء ، لكن انا بعمل كده لان فعلا احداث القصه قصيره.
دوشتك معايا ياروقه ، يلا هات كوبايه الشاي او النسكافيه وتعالا اخدك في الجزء قبل الاخير واللي هيحصل احداث كتير جدا ، يلا بينا نبدأ.
جو : بتقولي اتكل وأنا اللي كنت هساعدك ، براحتك سلام.
أدم : تعالا تعالا ، هتساعدني ازاي!!.
جو : هقولك ياعم ، وهخليك كمان تكسب عقرب.
أدم : طب قول.
جو : بص ياعم ، الجامعة بتاعتك فيها كام عيل مدمنين وأنا عارفهم ، وهقولك أساميهم ، وبرضو تروح النايت هتلاقي فية اللي عاوز يشم ، اية رأيك .
أدم : أنت عبيط يسطا ، ازاي هدخل بـ الحاجة دي الجامعة.
جو : أنت اللي غبي ، اكيد مش هتبيع جوا الجامعة بيع برة الجامعة.
أدم : ماشي.
جو : الحاجه تمنها 70 ألف جنيه ، تجيبهم85.
أدم : بس أنا ولا بفهم ابيع ازاي ولا اعمل اية.
جو : هتلاقي ورقة مكتوب فيها كل حاجة، سلام.
ومشي جو ياروقه وخدت الداجز وطلعت
وفتحت الشنطة ولقيت كميه حلوه من الحشيش والهيروين ، ولقيت ورقه فيها كل حاجه
من حيث السعر والكميه بتاعت الداجز
أدم : حلو دة يعني ابيع في الجامعة و النايت ، ياريت الحوار ده يعدي علي خير.
وفصل تفكيري ياروقه رنه تليفوني وكانت نادين
أدم : اية يانادين .
نادين : أنا زعلانه منك علي فكرة.
أدم : لا متزعليش ، يلا البسي انا هعدي عليك.
نادين : بجد!!.
أدم : بجد ، يلا البسي وانا ربع ساعه واكون عندك.
نادين : ماشي انا هقوم البس.
وقفلت في وشي ساعتها ياروقه انا شتمتها لان بكرهه، ان حد يقفل في وشي من غير ما اقفل معاه، بس عديتها وشليت الشنطة ، وغيرت هدومي ، وقولت لي عمار اني هروح لأهلي ، ونزلت ياروقه وركبت تاكسي وروحت بيت نادين وصلت ياروقه ولقيتها واقفه عن عربيتها.
أدم : اية اللي نزلك دلوقتي!!.
نادين: متحمسه اويي.
أدم : طب اركبي يلا.
ركبنا العربيه ياروقه واتحركت علي بيت اهلي ، وصلت البيت ياروقه ، وانا حاطط ايدي علي قلبي ، من رده فعل امي واخواتي
نزلنا من العربيه ياروقه ، وروحنا البيت وخبطت واختي ندي فتحت
ندي : ازيك يانادين ، ده انتي طلعتي احلي من الصور كمان.
نادين : الحمد *** ياقمر ، وانتي كمان طلعتي احلي من الصور.
انا واقف وسطيهم ياروقه زي العبيط مش فاهم حاجه.
ملك اختي الصغيره جت عليا وحضنتني
ملك : وحشتني ياميدو.
أدم : وأنتي كمان وحشتيني ياقلب ميدو.
خدت ملك ونادين ودخلنا سلمت علي أمي وبوست ايديها
أدم : طمنيني علي صحتك، بتاخدي الدوا في معاده.
أمي : الحمد *** كويسه يابني ، ايوه اختك ندي بتتديني الدوا في معاده.
أدم : ربناا يخليكي لينا ياست الكل.
أمي : ويخليكو ليا.
ندي : تعالا يامومو ، عاوزك دقيقه.
روحنا انا وندي ودخلنا المطبخ ( مش عارف اشمعنا المطبخ)
ندي : بقي كده ياميدو .
أدم : كده ايه!!.
ندي : علي نادين ، ده أنت اي حاجه كانت بتحصل معاك، كنت تيجي تحكيلي.
أدم : يابنتي الموضوع جه خطف، وكمان انا مشغول بالدراسه والشغل، معنديش وقت اكلمكو غير كل فين وفين.
ندي : طب احكيلي اشتغلت ايه.
أدم : اهو في سوبر ماركت شويه، وحارس شويه واهي ماشيه.
ندي : بلاش كذب ، شغل ايه اللي يجبلك 5تلاف جنيه في اسبوع.
أدم : سلفه ياندي مسمعتيش عن سلفه.
ندي : مع ان الموضوع مش داخل مزاجي بس هعديها.
أدم : احكيلي أنتي، عرفتي نادين ازاي اصلاً.
ندي : امبارح لقيت ادد جالي علي الفيس دخلت اشوف مين، لقيتها ولقيتك عندها، قمت قبلته.
أدم : وبعدين!.
ندي : دخلت كلمتني وقعدت تتعرف عليا ، وقالتلي انا ابقي زميله نديم وكنت حابه اتعرف عليكو.
أدم : ماتكملي ياندي، هو أنا هسحب منك الكلام.
ندي : ماشي ياعم هكمل ، اتعرفنا علي بعض وحسيتها انسانه طيبه وقالتلي أن أنت هتجيبها وتيجو ، وبعتنا صورنا لي بعض
، وروحت فهمت امك الحوار واختك برضو علشان اضبطلك الدنيا.
أدم : هو مش أنا يابت قولتلك قبل كده متبعتيش صورك لي حد.
ندي : يابني ما انا لقيتها بنت وكمان ، هيا كانت عاوزه تعرف شكلي مش اكتر.
أدم : متكررش تاني ياندي.
ندي : حاضر .
سبتها وخرجت ، وخدت نادين ودخلنا البلكونه
نادين : انا حبيت اهلك جدا.
أدم : وهما كمان حبوكي جدا.
نادين : طب ما تحكيلي اكتر عنك وعن عيلتك.
أدم : عاوزه تعرفي حياتي يعني.
نادين : ايوه، عاوزه اعرف كل حاجه.
أدم : بصي ياستي ، أنا اسمي أدم عندي 19 سنه ابويا كان شغال محاسب واتوفي طبيعي كان عندي ساعتها 15 سنه واخواتي كانو صغرين، عمامي رفضو يساعدونا او يدونا حق ابويا، خرجت اشتغل علشان اصرف علي اخواتي، لكن كنت بلاقي اهانه وشتيمه، كنت بستحمل علشان خاطر اخواتي، ولما جه وقت الدراسه امي خلتني اسيب الشغل واشتغلت هيا علشان اركز في الدراسه، كنت دحيح في دراستي علشان ارفع راس امي قدام الناس ، وملك اختي الصغيره يعتبر انا اللي ربيتها وندي كانت بتحاول تساعد وتشتغل بس انا رفضت، وخلصت ثانويه ودخلت الجامعه اللي بحلم بيها ( الحقوق) ، وعندي صاحب واحد وهو عمار، عمار شخص جدع، اتعرفت عليه في السكن اللي قاعدين فيه، وبقينا يعتبر اخوات بيزور اهله من الوقت للتاني، ولما اتعرفت عليكي في الكافية، في الاول قولت هنكون زمايل عادي، لكن مع الوقت حبيتك، كده انتي عرفتي عني كل حاجه دورك بقي.
نادين :عاوز تعرف كل حاجه برضو!.
أدم : ايوه.
نادين : بص ياسيدي، أنا نادين عندي 19 سنه بابا عنده شركه استيراد وتصدير، ماما متوفيه من وأنا عندي 10 سنين، وبابا اتجوز واحده تانيه علشان تاخد بالها مني ، بس أنا لما كبرت قررت أني أعيش لوحدي ، وبابا بيبعتلي مصاريف الجامعه ومصاريفي واهي ماشيه.
ندي : يلا الغدا جهز.
روحنا وقعدنا اتغدينا كلنا
وقضينا وقت حلو ياروقه ، وخلصنا قعدتنا وبعديها سلمت علي اخواتي وامي وخدت نادين ومشينا
نادين : حقيقي، النهارده كان أحسن يوم.
أدم : كان حلو علشان كنتي فيه.
نادين : انا حقيقي حبيت أهلك جداً، ومبسوطه أني اتعرفت عليهم.
أدم : وهما كمان ، فرحو بيكي.
نادين : ياريت تكرر تاني ولله.
أدم : في أقرب وقت.
وصلت نادين بيتها وركبت تاكسي واتحركت علي البيت وطلعت ولقيت عمار نايم ، وانا دخلت نمت وصحيت تاني يوم
خدت دش وروحت الجامعه حضرت محاضراتي وخلصتها وقابلت نادين وروحنا قعدنا علي الكافيه
نادين : ليه ياعم مكلمتنيش.
أدم : نسيت ولله.
نادين : طب ما هتخرجني ولا ايه.
أدم: عاوزه تروحي فين.
نادين : نروح نسهر.
أدم :خلصانه، نتقابل بليل ونخرج.
نادين : تمام.
واحنا قاعدين ياولا ياروقه والقهوه الرايقه والكلام الحلو
واحد دخل عليا
شخص:ما تيجي يا أدم دقيقه ، عاوزك.
انا مكنتش اعرفه بس قومت وروحت ووقفنا علي جمب
شخص : أنا عرفت انك معاك حاجات عنب.
أدم : حاجات اية!!.
شخص : الكيف ياعم.
أدم : وأنت عرفت منين!!.
شخص : ياعم ده أنت اسمك بقي مسمع، معاك حاجه ولا لا.
أدم : هتعوز ايه!.
شخص : أنا عرفت أن معاك حشيش وهيروين صح .
أدم : صح.
شخص : طيب انا عاوز نص الكميه هيروين او حشيش.
أدم : انت تعرف اصلا دي تعمل كام.
شخص : هديك اللي أنت عاوزو، اسأل عن فهد السيوفي، وأنت تعرف هو مين.
أدم : هاخد 45 الف جنيه.
فهد: موافق.
أدم : عربونك.
فهد : كمان .
أدم : معلش علشان اضمن.
هو طلع تليفونه وقالي اديني رقم كاش وبعد ما خد الرقم بعتلي 10 تلاف.
فهد : وصل!!.
أدم : وصل.
فهد : الحاجه عاوزها بكره علي العنوان ده.
أدم : تمام بس مش كتير الكميه اللي أنت عاوزاها يعني.
فهد : لا دي حفله احتفال بقي ما أنت عارف ، لو عاوز تيجي تعالا وهات صحبتك لو عاوز.
أدم : لا لا هجبلك الحاجه بكره، وتكون محضر ال35الالف.
فهد : تمام، سلام.
أدم : سلام.
فهد مشي ياروقه وانا رجعت لي نادين
نادين : فهد كان عاوز ايه منك.
أدم : انتي تعرفيه؟!.
نادين : ايوه ، ابوه غني وعايش علي حسه.
أدم : طب يلا نمشي ونخلي الحفله بكره ونحتفل بالسنه الجديده.
نادين : لا خليها النهارده وبكره.
أدم : ماشي ، يلا طيب علشان نروح.
نادين : يلا .
وصلتها البيت ، وبعديها خدت تاكسي وروحت وفتحت الابتوب ، ولقيت عقرب باعتلي.
عقرب : أنت بتتضحك عليا أنا.
أدم : أضحك عليك في ايه!!.
عقرب : سعر الأجهزه كام يا أدم .
أدم : سعرهم 56 الف.
عقرب: سعر الأجهزه 65 الف.
أدم : ازاي!!.
عقرب : علشان أنا قولتلك تبيع الأجهزه لوحدك، ومتدخلش حد.
أدم : ياعقرب ، هو عرف ان معايا أجهزه وقالي هساعدك.
عقرب: عرف منين يعني بيقرا أفكارك.
أدم : ايوة.
عقرب : هو ايه اللي ايوة!!.
أدم : قرا أفكاري.
عقرب : انت بتستهبل
الجزء الســادس والأخـيـر مـن تجربتي مع الدارك ويـب
اهلا بيكم يامروقين اخباركم ايه، طبعا القصه دي جالي عليها بعض التعليقات السلبيه لكن انا بتقبل كل الأراء ، لكن انا بعمل كده لان فعلا احداث القصه قصيره.
دوشتك معايا ياروقه ، يلا هات كوبايه الشاي وتعالا اخدك في اخر جزء واللي هيحصل احداث كتير جدا ، وياتري أدم هيطلع منها سليم ولا اية اللي هيحصل، يلا بينا نبدأ.
جو : بتقولي اتكل وأنا اللي كنت هساعدك ، براحتك سلام.
أدم : تعالا تعالا ، هتساعدني ازاي.
جو : هقولك ياعم ، وهخليك كمان تكسب عقرب.
أدم : طب قول.
جو : بص ياعم ، الجامعة بتاعتك فيها كام عيل مدمنين وأنا عارفهم ، وهقولك أساميهم ، وبرضو تروح النايت هتلاقي فية اللي عاوز يشم ، اية رأيك .
أدم : أنت عبيط يسطا ، ازاي هدخل بـ الحاجة دي الجامعة.
جو : أنت اللي غبي ، اكيد مش هتبيع جوا الجامعة بيع برة الجامعة.
أدم : ماشي.
جو : الحاجه تمنها 70 ألف جنيه ، تجيبهم85.
أدم : بس أنا ولا بفهم ابيع ازاي ولا اعمل اية.
جو : هتلاقي ورقة مكتوب فيها كل حاجة، سلام.
ومشي جو ياروقه وخدت الداجز وطلعت
وفتحت الشنطة ولقيت كميه حلوه من الحشيش والهيروين ، ولقيت ورقه فيها كل حاجه
من حيث السعر والكميه بتاعت الداجز
أدم : حلو دة يعني ابيع في الجامعة و النايت ، ياريت الحوار ده يعدي علي خير.
وفصل تفكيري ياروقه رنه تليفوني وكانت نادين
أدم : اية يانادين .
نادين : أنا زعلانه منك علي فكرة.
أدم : لا متزعليش ، يلا البسي انا هعدي عليك.
نادين : بجد!!.
أدم : بجد ، يلا البسي وانا ربع ساعه واكون عندك.
نادين : ماشي انا هقوم البس.
وقفلت في وشي ساعتها ياروقه انا شتمتها لان بكرهه، ان حد يقفل في وشي من غير ما اقفل معاه، بس عديتها وشليت الشنطة ، وغيرت هدومي ، وقولت لي عمار اني هروح لأهلي ، ونزلت ياروقه وركبت تاكسي وروحت بيت نادين وصلت ياروقه ولقيتها واقفه عن عربيتها.
أدم : اية اللي نزلك دلوقتي!!.
نادين: متحمسه اويي.
أدم : طب اركبي يلا.
ركبنا العربيه ياروقه واتحركت علي بيت اهلي ، وصلت البيت ياروقه ، وانا حاطط ايدي علي قلبي ، من رده فعل امي واخواتي
نزلنا من العربيه ياروقه ، وروحنا البيت وخبطت واختي ندي فتحت
ندي : ازيك يانادين ، ده انتي طلعتي احلي من الصور كمان.
نادين : الحمد *** ياقمر ، وانتي كمان طلعتي احلي من الصور.
انا واقف وسطيهم ياروقه زي العبيط مش فاهم حاجه.
ملك اختي الصغيره جت عليا وحضنتني
ملك : وحشتني ياميدو.
أدم : وأنتي كمان وحشتيني ياقلب ميدو.
خدت ملك ونادين ودخلنا سلمت علي أمي وبوست ايديها
أدم : طمنيني علي صحتك، بتاخدي الدوا في معاده.
أمي : الحمد *** كويسه يابني ، ايوه اختك ندي بتتديني الدوا في معاده.
أدم : ربناا يخليكي لينا ياست الكل.
أمي : ويخليكو ليا.
ندي : تعالا يامومو ، عاوزك دقيقه.
روحنا انا وندي ودخلنا المطبخ ( مش عارف اشمعنا المطبخ)
ندي : بقي كده ياميدو .
أدم : كده ايه!!.
ندي : علي نادين ، ده أنت اي حاجه كانت بتحصل معاك، كنت تيجي تحكيلي.
أدم : يابنتي الموضوع جه خطف، وكمان انا مشغول بالدراسه والشغل، معنديش وقت اكلمكو غير كل فين وفين.
ندي : طب احكيلي اشتغلت ايه.
أدم : اهو في سوبر ماركت شويه، وحارس شويه واهي ماشيه.
ندي : بلاش كذب ، شغل ايه اللي يجبلك 5تلاف جنيه في اسبوع.
أدم : سلفه ياندي مسمعتيش عن سلفه.
ندي : مع ان الموضوع مش داخل مزاجي بس هعديها.
أدم : احكيلي أنتي، عرفتي نادين ازاي اصلاً.
ندي : امبارح لقيت ادد جالي علي الفيس دخلت اشوف مين، لقيتها ولقيتك عندها، قمت قبلته.
أدم : وبعدين!.
ندي : دخلت كلمتني وقعدت تتعرف عليا ، وقالتلي انا ابقي زميله نديم وكنت حابه اتعرف عليكو.
أدم : ماتكملي ياندي، هو أنا هسحب منك الكلام.
ندي : ماشي ياعم هكمل ، اتعرفنا علي بعض وحسيتها انسانه طيبه وقالتلي أن أنت هتجيبها وتيجو ، وبعتنا صورنا لي بعض
، وروحت فهمت امك الحوار واختك برضو علشان اضبطلك الدنيا.
أدم : هو مش أنا يابت قولتلك قبل كده متبعتيش صورك لي حد.
ندي : يابني ما انا لقيتها بنت وكمان ، هيا كانت عاوزه تعرف شكلي مش اكتر.
أدم : متكررش تاني ياندي.
ندي : حاضر .
سبتها وخرجت ، وخدت نادين ودخلنا البلكونه
نادين : انا حبيت اهلك جدا.
أدم : وهما كمان حبوكي جدا.
نادين : طب ما تحكيلي اكتر عنك وعن عيلتك.
أدم : عاوزه تعرفي حياتي يعني.
نادين : ايوه، عاوزه اعرف كل حاجه.
أدم : بصي ياستي ، أنا اسمي أدم عندي 19 سنه ابويا كان شغال محاسب واتوفي طبيعي كان عندي ساعتها 15 سنه واخواتي كانو صغرين، عمامي رفضو يساعدونا او يدونا حق ابويا، خرجت اشتغل علشان اصرف علي اخواتي، لكن كنت بلاقي اهانه وشتيمه، كنت بستحمل علشان خاطر اخواتي، ولما جه وقت الدراسه امي خلتني اسيب الشغل واشتغلت هيا علشان اركز في الدراسه، كنت دحيح في دراستي علشان ارفع راس امي قدام الناس ، وملك اختي الصغيره يعتبر انا اللي ربيتها وندي كانت بتحاول تساعد وتشتغل بس انا رفضت، وخلصت ثانويه ودخلت الجامعه اللي بحلم بيها ( الحقوق) ، وعندي صاحب واحد وهو عمار، عمار شخص جدع، اتعرفت عليه في السكن اللي قاعدين فيه، وبقينا يعتبر اخوات بيزور اهله من الوقت للتاني، ولما اتعرفت عليكي في الكافية، في الاول قولت هنكون زمايل عادي، لكن مع الوقت حبيتك، كده انتي عرفتي عني كل حاجه دورك بقي.
نادين :عاوز تعرف كل حاجه برضو!.
أدم : ايوه.
نادين : بص ياسيدي، أنا نادين عندي 19 سنه بابا عنده شركه استيراد وتصدير، ماما متوفيه من وأنا عندي 10 سنين، وبابا اتجوز واحده تانيه علشان تاخد بالها مني ، بس أنا لما كبرت قررت أني أعيش لوحدي ، وبابا بيبعتلي مصاريف الجامعه ومصاريفي واهي ماشيه.
ندي : يلا الغدا جهز.
روحنا وقعدنا اتغدينا كلنا
وقضينا وقت حلو ياروقه ، وخلصنا قعدتنا وبعديها سلمت علي اخواتي وامي وخدت نادين ومشينا
نادين : حقيقي، النهارده كان أحسن يوم.
أدم : كان حلو علشان كنتي فيه.
نادين : انا حقيقي حبيت أهلك جداً، ومبسوطه أني اتعرفت عليهم.
أدم : وهما كمان ، فرحو بيكي.
نادين : ياريت تكرر تاني ولله.
أدم : في أقرب وقت.
وصلت نادين بيتها وركبت تاكسي واتحركت علي البيت وطلعت ولقيت عمار نايم ، وانا دخلت نمت وصحيت تاني يوم
خدت دش وروحت الجامعه حضرت محاضراتي وخلصتها وقابلت نادين وروحنا قعدنا علي الكافيه
نادين : ليه ياعم مكلمتنيش.
أدم : نسيت ولله.
نادين : طب ما هتخرجني ولا ايه.
أدم: عاوزه تروحي فين.
نادين : نروح نسهر.
أدم :خلصانه، نتقابل بليل ونخرج.
نادين : تمام.
واحنا قاعدين ياولا ياروقه والقهوه الرايقه والكلام الحلو
واحد دخل عليا
شخص:ما تيجي يا أدم دقيقه ، عاوزك.
انا مكنتش اعرفه بس قومت وروحت ووقفنا علي جمب
شخص : أنا عرفت انك معاك حاجات عنب.
أدم : حاجات اية!!.
شخص : الكيف ياعم.
أدم : وأنت عرفت منين!!.
شخص : ياعم ده أنت اسمك بقي مسمع، معاك حاجه ولا لا.
أدم : هتعوز ايه!.
شخص : أنا عرفت أن معاك حشيش وهيروين صح .
أدم : صح.
شخص : طيب انا عاوز نص الكميه هيروين او حشيش.
أدم : انت تعرف اصلا دي تعمل كام.
شخص : هديك اللي أنت عاوزو، اسأل عن فهد السيوفي، وأنت تعرف هو مين.
أدم : هاخد 45 الف جنيه.
فهد: موافق.
أدم : عربونك.
فهد : كمان .
أدم : معلش علشان اضمن.
هو طلع تليفونه وقالي اديني رقم كاش وبعد ما خد الرقم بعتلي 10 تلاف.
فهد : وصل!!.
أدم : وصل.
فهد : الحاجه عاوزهابكره علي العنوان ده.
أدم : تمام بس مش كتير الكميه اللي أنت عاوزاها.
فهد : لا دي حفله زي ما انت عارف يعني ، لو عاوز تيجي تعالا وهات صحبتك لو عاوز.
أدم : لا لا هجبلك الحاجه، وتكون محضر ال35الالف.
فهد : تمام، سلام.
أدم : سلام.
فهد مشي ياروقه وانا رجعت لي نادين
نادين : فهد كان عاوز ايه منك.
أدم : انتي تعرفيه؟!.
نادين : ايوه ، ابوه غني وعايش علي حسه.
أدم : طب يلا نمشي ونخلي الحفله بكره ونحتفل بالسنه الجديده.
نادين : لا خليها النهارده وبكره.
أدم : تمام ، هنخرج النهارده وبكره.
نادين : قلبي اقسم با ***.
أدم : طب يلا علشان نروح .
نادين: يلا.
وصلتها البيت ، وخدت تاكسي وروحت البيت.
طلعت البيت وكان عمار نايم ، دخلت اوضتي وفتحت الابتوب ، ولقيت عقرب باعتلي.
عقرب : أنت بتتضحك عليا أنا.
أدم : أنا عملت ايه!!.
عقرب : سعر الأجهزه كان كام يا أدم .
أدم : 56 الف ، ما أنا قولتلك.
عقرب :سعر الأجهزه 65 الف ، فين باقي الفلوس.
أدم : ولله سعرهم كان 56.
عقرب : يعني الشخص اللي أنت خليته يساعدك من ورايا ضحك عليك.
أدم : شكله كده.
عقرب : خلاص انا هتصرف ، عملت ايه في البضاعه اللي معاك.
أدم : متقلقش هنزل النهارده هبيع كام حته وكام جرام.
عقرب : تمام، سلام.
أدم : سلام.
قفلت مع عقرب، وخدت شاور علي السريع وغيرت هدومي ، وضبطت حبه من الدراجز ، وحطيتهم في جيبي ورنيت علي نادين
أدم : الوو، ايه يانادين اعدي عليكي.
نادين : اه يلا أنا جاهزه.
أدم : تمام انا جايلك باي.
نادين : باي.
نزلت من البيت وخدت تاكسي وروحت بيت نادين ،ولقيتها واقفه علي عربيتها.
أدم : يابنتي ايه اللي موقفك ، مش انا لما باجي برن عليكي.
نادين : وحشتني فا قولت استناك هنا.
أدم : وأنتي كمان وحشتيني.
نادين : طب نركب العربيه أحسن لاحسن الناس بتبص علينا.
أدم : يلا اركبي.
وفتحتلها باب العربيه وركبت وانا كمان ركبت العربيه
واتحركنا علي النايت
نوقف لي حد هنا النهارده علشان الجزء طول مني اوي
وانتظروني في الجزء السابع والاخير مــن تجربتي مع الدارك ويب
وده هيكون جزء 18+ لمحبين الرعب
اللي اللقاء في الجزء السابع والاخير النهارده بليل
الجزء السابع والأخير من تجربتي مع الدارك ويب
اهلا بيكم يامروقين عاملين ايه يــارب تكونو بخير، معلش يامروقين طولت عليكم في الجزء الاخير بس حقكم عليا ،
القصه دي جالي عليها بعد التعليقات السلبيه ان محدش عارف ازاي الاحداث بتجري بسرعه كده، ازاي نادين و أدم حبو بعض بسرعه الحته دي اللي هتعرفوها النهارده ونهايه قصتنا، يلا بينا نبدا.
ركبنا العربيه وروحنا النايت ودخلنا وقعدنا علي ترابيزه، والمكان كان زحمه
والويتر جه
الويتر: تشربو ايه.
أدم : ويسكي ديڨلـن.
الويتر: حاجه تانيه!!.
أدم : لا شكرا.
نادين : أنت بقيت خبره بقي.
أدم : عيب عليكي، بقولك أنا هروح الحمام واجاي.
نادين : اوكي بس متتأخرش.
قومت وروحت الحمام ولقيت شباب كتير جوه ، دخلت علي شب كان واقف.
أدم : مش عاوز كيف.
الشب : معاك ايه!!.
أدم : معايا حشيش وهيروين ، هتعوز ايه!.
الشب : هات الاتنين .
أدم : هات 1000.
الشب : مش كتير .
أدم : يامعلم دي حاجه نضيفه ، وهسبلك رقمي علشان لو عوزت تشتري تاني.
الشب : خلصانه يامعلم .
وطلع الفلوس واديته الحاجه ، وواحد ورا التاني ورا التالت، لي حد لما خلصت اللي معايا ويعتبر اني بيعت ربع الكميه اللي كانت معايا.
خلصت وخرجت رجعت الترابيزه
نادين : اتأخرت ليه.
أدم : الحمام كان زحمه يابنتي.
نادين : زحمه برضو.
أدم : امال هيكون ايه .
نادين : ولا حاجه .
والطلب نزل وشربنا ، وانا مرضتش اشرب كتير ، وهيا تقلت في الشرب ومبقتش شايفه قدامها
ولقيت حد بيرن عليها وكان متسجل بـ ( طه)
هيا مكنتش موجوده معايا ، وكانت بترقص
أدم : افتحي تليفونك ، عاوز اعمل مكالمه يانادين.
نادين : مش فاكره الباسورد.
أدم : حاولي تفتكري يانادين ، عاوز اعمل مكالمه ضروريه.
نادين : افتكرت 6\6\2005.
فتحت التليفون وفتح ودخلت علي الواتساب، ولقيت شات بـ اسم طه ، دخلت عليه ولقيت الشات كله عليا
طه : عملتي ايه مع أدم .
نادين : روحت بيت اهله ،وعرفت المكان، واتصحابت علي اخته ندي.
طه : ابعتيلي اللوكيشن.
نادين : عيوني ياعقروبي. (دي كانت صدمه بالنسبالي ان نادين تعرف عقرب ، وربطت الاحداث وقولت ان عقرب زاقق نادين عليا ، بس معرفتش ليه)
سبت تليفونها ، وقومت حاسبت ومشيت
روحت البيت وعملتلها بلوك ، وفتحت الابتوب ، ولقيت عقرب باعتلي.
عقرب : عملت ايه!.
أدم : بيعت ربع البضاعه.
عقرب : يعني معاك كام؟!.
أدم :20 الالف ونص.
عقرب : كويس.
أدم : ماشي ، سلام.
عقرب : سلام.
قفلت ونمت ، وصحيت تاني يوم ، قومت خدت دش ولبست وفطرت أنا وعمار ونزلنا ، وكل واحد راح الجامعه، حضرت محاضراتي وخلصت وروحت الكافيه، وفهد جالي.
فهد : معادنا النهارده الساعه 10 .
أدم : تمام ، ابعتلي اللوكيشن علي الواتساب، سلام.
وقومت روحت البيت ، وعمار مكنش موجود ، دخلت الأوضه وضبطت الحاجه ، واللوكيشن وصلي .
وقعدت استنيت ، واتغديت أنا وعمار ، وهو نزل شغله ، وانا نزلت الساعه 9.
وطلبت اوبر وروحت اللوكيشن
نزلت من الاوبر وكان معايا الشنطه ، كلمته وقولتله أنا بره ، قالي ادخل هتلاقيني واقف قدام الباب.
دخلت الفيلا ولقيته فعلا واقف.
أدم : فين الفلوس ياعم فهد .
فهد : الفلوس حاضره.
وفجأه لقيت اتنين واقفين ورايا.
أدم : اي ده ياعم فهد ده مش اتقفنا.
فهد : الاتفاق اتغير وده اللي عندي.
ولقيت الاتنين بيضربوني وخدو مني الشنطه وأنا مش قادر ادافع عن نفسي.
اغمي عليا ولما صحيت ، لقيت نفسي مرمي في حته بعيد عن الفيلا ، ركبت تاكسي وروحت البيت وكلمت عقرب.
أدم : في مصيبه ياعقرب.
عقرب : مصيبه ايه!!.
أدم : نص البضاعه اتسرقت مني.
عقرب : أنت بتستهبل!!!.
أدم : ولله زي ما بقولك البضاعه اتسرقت مني.
عقرب: مين اللي سرقها؟!!.
أدم : فهد السيوفي.
عقرب : أنا مش هحلك أنت وهو ، واحد بكره هيعدي عليك هياخد البضاعه والفلوس ، وفلوس البضاعه تجيلي.
أدم : طب ما انا هديها للي هيجي بكره.
عقرب : لا ياحلو ، 50 الالف جنيه يجولي .
أدم : طب وانا اجيبهم منين.
عقرب : مليش فيه اتصرف ، يا ما هتصرف معاك بطريقتي.
أدم : هحاول اتصرف.
عقرب : في خلال اربع ايام ، الفلوس تكون جاهزه.
أدم : طب خليها شهر انا مش هعرف اتصرف في الوقت القليل ده.
عقرب : اربع ايام الفلوس تكون جاهزه ، سلام.
وقفل وقعدت، وحاطط ايدي علي راسي ، فجاه لقيت حد كلمني علي الدارك ،وكان اسمه استرا
استرا : سوف تتدفع الثمن غالي أن لم تتدفع المال.
أدم : أنت تعرفني!!.
استرا : لا تتدخل فيما لا يخصك ، امامك اربع ايام لتجهز المال.
أدم : حاضر حاضر.
روحت كلمت عقرب
أدم : هو مش أنت هتعرف ترجع البضاعه منه!!.
عقرب : اسمع كلام استرا احسنلك ، وملكش فيه هرجع البضاعه ولا لا.
أدم : طب ما انا مش هعرف اجمع الفلوس.
عقرب : مليش فيه ، سلام .
قفل وقعدت ،وانا مش عارف اعمل ايه وبعيط ، لقيت عمار دخل
عمار : مالك يا أدم!!.
أدم : مفيش حاجه يسطا.
عمار : يابني احكيلي.
أدم بعصبيه : ما قولتلك مفيش حاجه ياعم.
وسبته ونزلت الشارع ، فضلت ماشي وبفكر هعمل ايه ، قولت طب اروح لي امي اخليها تبيع دهبها ، طب وانا ايه اللي ضمني انهم هيسبوني عايش ، انا بتعامل مع شويه ناس معندهمش قلب.
روحت البيت ونمت وصحيت تاني يوم ، علي تليفوني وكان بيرن وكان بريفيت نمبر.
أدم : الوو ، مين؟!.
الشخص : هات الفلوس والبضاعه وانزلي.
أدم : حاضر .
قفلت معاه ، وخدت الحاجه ،ونزلت زي ما انا
أدم : امسك.
الشخص : فين الفلوس!!.
أدم : هات رقم كاش احولك عليه الفلوس.
الشخص : هات التليفون.
فتحت التليفون واديتهوله.
الشخص : الفلوس كام!!.
أدم : 20 الف و500 جنيه.
الشخص : تمام ، حولت خد التليفون .
واداني التليفون ومشي .
طلعت وفتحت الابتوب ، ولقيت عقرب باعتلي.
عقرب : قدامك 3 ايام، يا ما هتزعل علي اهلك وحبيبتك وصحبك.
أدم : حبيبتي مين ياطه.
عقرب : انت عرفت الأسم ده منين.
أدم : اخص عليا نسيت اقولك ، مش انا عرفت انك انت اللي زقيت نادين عليا ، علشان تبقي قريبه مني وتعرف عني كل حاجه ، وتمسكني من ايدي اللي بتوجعني.
عقرب : مش مهم ، قدامك 3 ايام.
أدم : وانا ايه اللي ضمني بعد ما اديكو الفلوس، اني محدش يقربلي .
عقرب : مفيش ضمان ، هتجيب الفلوس ولا لا.
أدم : لا .
عقرب : حلو أنت اللي جبته لي نفسك.
وقفلت وقومت لبست ، وروحت الجامعه حضرت محاضراتي، وقعدت الف في الشارع لي بليل خايف اروح ، خايف اما اروح مصيبه تحصلي ، ولقيت عمار بيرن عليا رديت عليه.
أدم : ايه ياعمار.
عمار : أنت لازم تجيي الشقه بسرعه في مصيبه.
أدم : مصيبه ايه!!.
عمار : لما تيجي هتعرف .
أدم : انا جايلك بسرعه.
قفلت معاها وروحت علي الشقه علي طول واول لما فتحت لقيت عمار في وشي.
أدم : في ايه يابني.
عمار : في جثه في الحمام .
انا كتمت بوقه بسرعه، ودخلت الشقه وقفلت الباب.
دخلت الحمام ، ولقيت الحمام غرقان ددمم وفهد مقتول في البانيو .
خرجت وانا حاطط ايدي علي بوقي ومصدوم ، وقعدت وانا حاطط ايدي علي راسي ، وبدات اعيط
ولقيت عمار بيقولي
عمار : هو ايه اللي بيحصل!!.
أدم : أنت لازم تسيب الشقه ، وتمشي دلوقتي، أنت ملكش دعوه بـ اللي بيحصل ياعمار.
لقيته سكت كده وبص بعيد عني ، انا سكت ومعرفتش ارد اقوله ايه علي المصيبه دي ، ولقيته بعديها بـ دقيقه قام وراح علي ترابيزه الصاله ، وبعد دقيقه لقيته رمي ورقه علي الارض واتفزع
أدم : في ايه ياعمار!!.
عمار مردش
قومت وروحت عليه ولقيت الورقه اللي رماها مسكتها وقريتها وكان مكتوب فيها:
"البضاعه أنا اخدتها بنفسي ... فاضل روحك أنت وصحبك"
أدم : انت لازم تمشي من هنا ياعمار ، لازن تمشي في اسرع وقت .
عمار سبني وراح قعد علي الكنبه وقالي ..
عمار : انا عاوز اعرف ايه اللي بيحصل .... حتي لو هموت علي الاقل هموت وانا عارف موت ليه.
روحت قعدت جنبه وفاضلت ساكت حبه وقولتله
أدم : أنت طبعا عارف أن أنا كنت بيبع أجهزه مسروقه ، بس الصراحه الموضوع وسع مني ودخلت مع ناس تقيله ، وخلوني ابيع مخدرات ، و لما واحد من عيله تقيله اوي اسمه فهد السيوفي طلب مني كميه علي ليله رأس السنه ، ولما روحت اسلمله البضاعه ، طلع عملي كمين هو وصحابه وخد مني البضاعه ، ولما قولت لي عقرب .
عمار : مين عقرب!!.
أدم : عقرب ده اللي انا شغال لي حسابه ، ولما قولتله ان البضاعه اتاخدت مني ، قالي انا عاوز فلوسها منك ، ولما رفضت قالي استحمل ، بس عقرب رجع بضاعته من فهد ، ليه لسه عاوز فلوسها مني.
عمار : طب وهو عقرب وصل لي فهد ازاي؟!.
أدم : ده عقرب يعني مفيش اي حاجه توقف في طريقه.
عمار : طيب أنت بتقول أن فهد ده من عيله تقيله اوي ، ازاي ساب البضاعه لي فهد بالسهوله دي؟!!.
أدم : ما هو ياعمار فهد السيوفي اللي أنا بقولك عليه ده ، هو الجثه اللي في الحمام جوا.
في الليله دي والوقت متأخر كنت بعيش لحظات صعبه أنا وعمار ، وموقف مكنتش متخيل أني اتحط فيه، كنت شايل أنا وعمار جثه فهد السيوفي ، شايلينه علي كتفنا ونازلين نتحسب من شقتنا ، بعد صــلاه الفجر، كنا لفينو وقتها في سجاده ، نازلين واحنا بنترعش ، وحطينا الجثه في الشنطه بتاعت عربيه عمار، واتحركنا بيه علي مصنع مجهور علي الطريق الصحراوي، ودراينا الجثه وقتها وسط مخلفات المصنع ، وبعديها رجعنا الشقه بتاعت السكن ، ونضفنا الحمام ، وعدت اليله دي بكابوسها المرعب ولكن هيفضل كابوس العقرب مستمر ....
دخلت اوضتي وكلمت عقرب
أدم : هتصرفلك في الفلوس بس ابعد صحبي عن الموضوع ده .
عقرب : شاطر : الفلوس تكون جاهزه خلال اسبوع ، شوفت انا جدع ازاي ، وصحبك هو اللي دخل نفسه ومفيش خروج.
أدم : ماشي ياطه
عقرب : طه مين ياحبيب قلبي ، نادين دي كانت مجرد كارت واتحرق وانا ولا اسمي طه ولا بتاع.
أدم : يعني يعتبر ضحكت عليها.
عقرب : بالضبط كده وقدامك اسبوع تجمع الفلوس ، سلام يادوما.
قفلت الابتوب ، ونزلت الشارع ، وقعدت افكر
اخد دهب امي ابيعه ولا استلف من الناس ، ولو استفلت ياتري ايه اللي هيحصل لاهلي وليا
روحت لي واحد صحبي استلف منه فلوس بس قالي مش معايا ، وانا كل اللي معايا 4000 تلاف جنيه
روحت البيت علي الساعه 2 ونمت ومعرفتش اجمع فلوس خالص نمت وصحيت تاني يوم ، غسلت وشي وقعدت افكر اعمل ايه
عمار : مش هتروح الجامعه ولا ايه!!.
أدم : جامعه ايه ياعمار لما اشوف اللي لسه عاوز فلوس ده ومش هسيبنا غير لما ياخدها.
عمار : هو عاوز كام.
أدم : 50 الالف يسطا ، ومش معايا منهم غير 4 .
عمار : ده مبلغ كبير يسطا.
أدم : هحاول اتصرف، انا بس عاوز تعس لو حد عرف يعني بغياب فهد.
عمار : ماشي، هتعوز حاجه.
أدم : لا ، سلام.
ونزل عمار وانا نزلت بعديه ، روحت عند واحد كنا متربين مع بعد واحنا صغيرين ، وهو ليه في الشبحنه والبلطجه
أدم : اخويا مراون ياعم ، عامل ايه.
مراون : دلوقتي اخوك ياعلق ، انت مختفي فين ياض.
أدم : مشاكل يسطا والجامعه .
مراون : مشاكل ايه اقعد احكيلي.
قعدت وحكتله الحوار كله من اوله لي اخره
مراون : احا يسطا ، ليه كل ده يابني.
أدم : يسط أنا مش جايلك علشان تقطمني ، أنا قولت انك هتساعدني ، وكمان مش عاوز امي تعرف بالموضوع ده.
مراون : مش هعرفها اي حاجه هو انا عبيط يسطا ، انا برضو لسه عامل مصلحه وطلعت منها بقرشين خدهم وحل مشكلتك وابقي سدهم علي مهلك كده كده احنا اخوات.
أدم : تسلم يامراون ولله انا ملقتش غيرك اجيله علشان عارف أنك هتقف معايا.
مراون : خليك هنا هجبلك الفلوس .
وفعلا استنيت مراون وجه ومعاه كيس اسود وكان فيه الفلوس.
مراون : دول 30 الالف كل اللي معايا وللهي.
أدم : تسلم ولله يامراون، ان شاء *** احل الحوار وارجعلك فلوسك.
مراون : متقولش كده يالا احنا اخوات .
سلمت عليه وخدت الفلوس ،وروحت البيت وكان عمار موجود.
سبته ودخلت اريح شويه وصحيت بليل علي رنه تليفوني وكان عمار
أدم : ايه ياعمار.
عمار : يسطا في مصيبه حصلت عندي في الشغل.
أدم : مصيبه ايه ايه اللي حصل.
عمار : في حد دخل اشتري حاجات ولما دفع وقعدت اكمل قرايه لقيته حط طلقه مسدس وكان واقف يبصلي من بره.
أدم : أنت تيجي علي البيت حالا ، بسرعه تكون هنا.
عمار : حاضر حاضر.
قفلت معاه وكان اللي معايا لسه 34 الالف ، ومعرفتش اعمل ايه تاني
شويه ولقيت عمار جه
أدم : دي ظروف تنزل فيها شغل يسطا.
عمار : هعمل ايه طيب يسطا.
أدم : خش نام ياعمار ، ومتنزلش الشغل دلوقتي لما نخلص الموضوع ده الاول.
عمار دخل ينام وانا دخلت كملت نومي ، وصحيت تاني يوم وقعدت انا وعمار ، وقولتله ان معايا 34 ومش عارف اجيب الباقي منين
عمار : انا هجيب سلفه من صاحب الشغل ونحاول نشوف حاجه تانيه ، وانت عارف لو العربيه كانت بتاعتي مكنتش أتأخرت وبيعتها.
أدم : عارف ياعمار.
وعلي العصر كده لقيت امي بتتصل بيا.
أدم : ايه يا امي عامله ايه.
امي : بخير يا أدم ، في واحد بيسأل عليك.
انا استغربت جدا لان صحابي مش بيروحو لي بيت امي بيجولي بيت السكن
أدم : مين يا أمي اللي بيسأل عليا.
امي : واحد صحبك .
أدم : متفتحيش لي حد الباب .
وفجاه لقيت التليفون في ايد حد تاني
الشخص : ايه يادوما عامل ايه كده ياعم تنسي صحبك طه .
انا قومت من مكاني واتصدمت ، ولقيت الخط فصل ، دخلت لبست بسرعه
عمار : في اي يابني.
أدم : عقرب وصل لي بيت اهلي.
عمار : طب استني اجاي معاك .
أدم : انا عارف اني مش هلاقيه هناك بس خايف علي اهلي ، خليك أنت هنا واقفل الباب ورايا كويس.
ونزلت وفعلا عمار قفل الباب واتحركت علي بيت اهلي ولما دخلت لقيتهم قاعدين بيتفرجو علي التليفزيون
امي : ايه اللي جابك هو فيه حاجه ولا ايه يابني.
أدم : وحشتوني قولت اجاي اقعد معاكو.
ملك : وحشتني اوي.
أدم : وانتي كمان ياقمر وحشتيني.
ندي : معلش يا أدم عاوزك دقيقه.
أدم : خير ياندي.
خدتني ودخلنا الأوضه.
ندي : نادين بتكلمني كتير اوي وبتحاول توصلك بس مش عارفه.
أدم : وعاوزه ايه.
ندي : قالتلي خليه يكلمني وانا هخليه يفهم كل حاجه.
أدم : كلميها ياندي.
ندي : حاضر.
ندي طلعت تليفونها ورنت عليها وردت علي طول.
خدت منها التليفون وحطيت ميوت وقولتلها اطلعي ، وطلعت وانا فتحت الميوت ورديت
نادين : ياندي.
أدم : خير يانادين.
نادين : أدم!!.
أدم : ايوه .
نادين : انت ليه عملتلي بلوك.
أدم : عاوزه تعرفي ليه ، علشان عقرب اللي وزك عليا علشان تتدخلي وسط عيلتي وتعرفيهم وتنقليله كل اخبارهم.
نادين : عقرب كان مهددني بصوري وكان لازم اسمع كلامه.
أدم : قديمه.
نادين : وللهي زي ما بقولك عقرب كان بيهددني بصوري، وخلاني ادخل حياتك علشان يعرف مكان اهلك.
أدم : طب وانتي عاوزه ايه دلوقتي يانادين.
نادين : عاوزه نرجع زي الاول ، انا حبيتك عارفه انك ممكن متصدقش ، بس انا فعلا حبيتك.
أدم : مش هينفع نادين انا مش هعيش النهارده ولا لا ، عقرب بيهددني بالقتل.
نادين : طب تعالا البيت وهنحل الموضوع مع بعض.
أدم : هشوف يا نادين ، سلام.
نادين : طب فك البلوك.
أدم : حاضر ، سلام.
نادين : سلام.
قفلت معاها وروحت قعدت مع اهلي وانا بفكر ، ايه اللي هيحصل بكره خلصت القاعده مع عيلتي وبوست ايد امي وقولتلها ادعيلي ، وحضنتها وسلمت علي اخواتي ومشيت ، وروحت لي نادين ، وطلعتلها الشقه وخبطت ولقيتها فتحت.
واول لما فتحت حضنتني.
نادين : تعالا يا أدم .
دخلنا وقعدنا علي الكنبه وقالتلي احكيلي ، وحكلتها كل الحوار .
نادين : انا هساعدك انا معايا 10 تلاف خدهم وكمل عليهم ، وان شاء *** الموضوع يخلص.
أدم : تسلمي يانادين.
نادين : هقوم اعمل حاجه نشربها.
قامت وعملت نسكافيه ، وقعدنا نتكلم ، لي حد لما الصبح طلع علينا
أدم : ده الصبح طلع ، معلش يانادين هاتيلي بس الفلوس علشان مضطر امشي.
نادين : نام هنا شويه وريح جسمك.
أدم : مش هينفع.
نادين : لاهينفع انت نام هنا وريح جسمك شويه.
وفعلا نمت وحسيت اني اول مره انام مرتاح شويه بعد اللي بيحصل ده كله ، وصحيت علي رنه تليفوني وكان عمار
أدم : ايه ياعمار .
عمار : أنت فين يا أدم ؟!.
أدم : بحاول اجمع الفلوس.
عمار : يسطا انا صحيت لقيت طلقه مسدس تانيه في ايدي والشقه مقلوبه.
أدم : انزل يسطا بسرعه اقعد في قهوه او اي حته فيها ناس متقعدش في الشقه لوحدك.
عمار : حاضر حاضر ، بس خلينا نخلص يسطا من الموضوع ده بسرعه .
أدم : حاضر ياصحبي .
وقفلت مع عمار وقعدت شويه ، ولما ركزت في الكلام اللي هو قاله " لقيت طلقه مسدس في ايدي والشقه مقلوبهه؟"
قومت بسرعه ونزلت روحت البيت ، ودخلت ولقيت الشقه فعلا مقلوبه دخلت علي الفلوس ملقتش الفلوس خالص ، قلبت عليها البيت مكنش ليها اثر .
كلمت عقرب
أدم : مين اللي خد الفلوس ياعقرب.
عقرب : فلوس ايه!!.
أدم : أنت هتستهبل الفلوس يسطا اللي بجمعها علشان اديهالك.
عقرب : بستهبل!! ، أنا هخلي استرو يتصرف معاك.
وهو قفل ولقيت استرا بيكلمني .
استرا : أنت نسيت من أنت ، أنت مجرد خدام.
أدم : يا استرا الفلوس انا كنت مجهزها بس عقرب سرقها.
استرا : كده سوف تتدفع التمن غالي أنت وعائلتك .
أدم : يا استرا وللهي كنت مجهز الفلوس واتسرقت.
استرا : أنا لم اصدقك وسوف ادفعك الثمن غالي أنت وعائلتلك.
أدم : طب اهلي ملهومش ذنب خدوني انا مكانهم.
استرا: تريد انت تتضحي بنفسك لأجلهم.
أدم : ايوه خدوني أنا مكانهم.
فجأه لقيت الجهاز فصل والنور قطع قومت علشان اشوف فيه ايه ، لقيت واحد في وشي ورافع في وشي سلاح.
أدم : أنت مين وعاوز مني ايه!!.
الشخص : أنت مش عارفني ده انا عقرب.
أدم : ياعقرب اهدي ، أنت عارف ان الفلوس أنت خدتها.
عقرب : ومين هيعرف بالكلام ده .
وطلع طلقه من السلاح بتاعه ومات أدم
وصحبه عمار حزن عليه جدا لانه كان اعز صاحب عنده
ودي نهايه اي شخص حابب الطريق السهل ، الدارك ويـب اخطر مما تتخيل ، هتلاقي ناس فيه عاوزه حد يشتغل معاها ، بس انت متعرفش ايه اللي هيحصلك في الاخر ، اوعا تختار الطريق الغلط وتحزن اهلك عليك ياصديقي
ودي كانت نهايه قصتنا النهارده