متسلسلة برمجة | السلسلة الثانية | حتى الجزء السادس

[ابو دومة]

السلسلة التانيه
( بداية الصراع )

عودة من جديد السلسلة الثانيه قصة برمجة وحشتكم صح ؟ ...مأخرتش كتير خلصت امتحانات ورجعتلكم اهو ادعولي بقي علي النتيجه ..
نفتكر سريعا اخر ألاحداث
.
انضمام لين وسيليا ليوسف وال معاه وال سمي منظمته باسم شطرنج ...
مقابله الاسد بجورج وتحريضة علي قتل هاجر..
عرفنا ان المقنع ال بتقف معاه منار هو الشارد .
واخر حاجة موت هاجر.
.
*الجزء الاول *

علي لسان اختي منار "
الجميع بيعيطو وال يصرخ وال يهدي في الناس انا بقي كنت في حاله من الصدمه طب هو مش الشارد قالي انا معاهم هحميهم طب ليه مانقذهاش ..ليه محذرش يوسف طب يوسف هيعمل اي لما يفوق ..اسئلة كتيرة وكلام كتير بيدور في دماغي...الدنيا ضلمه حواليا سمعت صوت بيتكلم كان الدكتور تقريبا .
الدكتور : لو سمحتم لو سمحتم ال بتعملوه دا مينفعش في حالات تاني موجودة ال بتعملوه دا غلط لو استمريتو مش هسلمكم الجثه
فجأة الكل سكت وكتم الحزن جواه وانا واقفة مكاني مش بتحرك..
الكل وقف عند غرفة عمليات يوسف مستنين يقولولنا فاق بالسلامه..
.
انا : مش هسيبك احنا مع بعض علي طول ومهما حصل مش هنتفرق
هاجر: بس انت لسة مخلصتش مهمتك يايوسف
انا : خالد قدها وهيقدر عليها
هاجر: مش هيقدر لوحده مش تلبسو معاك وفي الاخر تحطو في وش المدفع وتسيبه لوحده
انا : بس انا عايز أفضل معاكي
هاجر: خلص مهمتك وانا مستنياك يانور عيني
انا: لا انا هاجي معاكي ..


بينقطع المشهد *


منار"
فجأه الممرضين بيجرو خالد بيحاول يوقفهم يفهم في اي بس كلهم مستعجلين رايحين جايين بسرعة محدش فاهم في اي
خالد بيوقف الدكتور : في اي يادكتور
الدكتور: حصل للمريض نزيف داخلي فجأه هنحتاج متبرع ددمم لانه فقد ددمم كتير وللأسف فصيله دمة نادرة جدا وصعب نلاقيها
خالد : فصيله دمه اي يادكتور
الدكتور : AB سالب
دينا ( ودموعها نازله ) : ايوة يادكتور انا فصيله دمي AB سالب
الدكتور: انتي اخته
دينا: انا زي اخته
الدكتور : تمام اتفضلي
ودينا بتروح مع الدكتور عشان تنقلي الدم


منار ( بتكلم نفسها بانهيار ) " لا يايوسف ارجوك احنا مش حمل انك تسيبنا انت كنت ابويا واخويا وحبيبي لا مش هستحمل يايوسف متمشيش يايوسف لا لا مش هينفع تسيبنا احنا محتاجينك ..**** لا **** متاخدهوش مننا ****
امي " بتعيط دموع بس.. كاتمه جواها كتير ...مستنيه ابنها يطلع من العناية المركزة خايفه يضيع منها يبقي فقدت اتنين هاجر ويوسف( بقلم الكاتب أرشميدس )...بس عندها احساس انه هيرجع " وبدأت تتكلم بالراحه. : انت اقوي من كدا يا يوسف العالم انت لسة مخلصتش مهمتك قوم ياحبيبي قوم ياضنايا .
خالد: لا ياصاحبي متمشيش انا مليش ضهر من غيرك ..اوعي تمشي يايوسف..طب لو مشيت مين هيقف معانا طيب " ودموعه بتخرج غصب عنه "
سحر" واقفة مع خالد بتعيط وبتحاول تهدي خالد : اهدي ياحبيبي هيكون كويس انشاء****
خالد ( دموعه بتنزل) : طب وهيعمل اي من غير هاجر دي كانت حياته كلها ... ازاي هيستحمل
..
بتطلع دكتورة من الغرفة ال كانت فيها هاجر .
الدكتورة حاطة كمامه وبتعيط ..وبتحوش الكمامه بتطلع نهي ..
نهي : الكل متفاجئ اي ال جاب نهي هنا اصلا ..
منار : نهي !!
نهي: اه انا بشتغل في صيدليه المستشفي ولما شوفت هاجر دخلت معاها أقف معاها بس هي ... " بتعيط "
منار : طب ادخلي شوفي يوسف وطمنينا ارجوكي انا عايزة اخويا."
نهي : يوسف قوي انا واثقة انه هيقوم بالسلامه
منار : **** **** ...**** ارجوك ****
...
نظرة علي جو المستشفى من بعيد..
الكل واقف ساند علي الحيطه ....منار بتدعي ومش عايزة تعيط....امي بتدمع من غير صوت ...خالد بيحاول يمسك دموعه ..سحر واقفة جنب خالد وبتعيط ..نهي بتروح تقف عند امي وبتعيط ...
حاله حزن علي العيلة ..بعد ما كانو طول الوقت ضحك وهزار....انقلب الوضع والكل في حاله حزن ..ال بيطلع حزنه في دموع وال كاتم حزنه...
بتطلع دينا بعد ما اتبرعت بالدم و نهي بتروح تجيبلها عصير يعوض الدم ال اتاخد منها ..
امي: انتي شوفتي يوسف
دينا: (بهدوء).لا انا كنت في مكان وهو في مكان . تاني ..
امي: غريب هدوءك
دينا : مينفعش كلنا ننهار كدا لازم حد يقف علي رجلو ..يوسف لو كان فايق كان هيعمل كدا
امي: واضح انك اتعلقتي بيوسف جامد وخدتي طبعه كمان
دينا : يوسف اخويا الصغير بس انا اتعلمت منه حاجات كتير .
امي : **** يطلع بالسلامه ..
دينا : **** ..دلوقتي حاولو ترتاحو كلكم وكفاية عياط خلاص يوسف هيفوق ويحتاجنا حواليه مينفعش لما يفوق يشوفنا كدا..ومحدش يتكلم عن هاجر لما يفوق لازم ياخد عافيته عشان نقدر نقوله ..
.
نرجع لمشهد هاجر ويوسف ..
هاجر : يلا روح بقا كفاية هما محتاجينك
انا : مش هتاخر عليكي ياروح قلبي.
هاجر. : باي ..
..
بعد شوية وقت .
.
الدكتور بيطلع: الحمد**** قدرنا نسيطر علي النزيف وهو بخير دلوقتي
كلهم: الحمد****.
الدكتور : تقدرو تروحو تستريحو مش هينفع حد يدخل عليه انهاردة
دينا: تمام يادكتور ..
اتفضلو ياجماعه يا خالد خد مراتك وماما روحهم وانا هقعد انا ومنار هنا وبكرا ابقي هاتهم ..وانتي يانهي ياحبيبتي انتي تعبتي انهاردة لازم ترتاحي
امي : مش هسيب أبني وامشي
دينا : لازم تستريحي ياماما هتتعبي كدا
امي : مش مهم انا هقعد مع ابني
دينا: يعني هتبقي مبسوطة لما يفوق يلاقيكي تعبانه كدا ماهو هيتعب لما يشوفك كدا يلا معلش ياماما اسمعي مني ويا سحر معلش خليكي معاها انهاردة
سحر: ماشي يلا ياماما دينا بتتكلم صح ..
وفعلا خالد خد امي وسحر وروحو ..ونهي قعدت معنا شوية وبعدين مشت
.
فضلت انا ومنار قاعدين عشان لو حصل حاجة
.
تاني يوم
.
الدكتور بيجي : مين ال اتبرع بالدم ليوسف امبارح
دينا : أيوة انا يادكتور
الدكتور : ممكن استأذنك في مكتبي هنتكلم كلمتين بس
دينا : تمام يادكتور مفيش مانع
الدكتور: اتفضلي في مكتبي ..
دينا: اتفضل
.
في المكتب .
الدكتور : انتي تبقي اي ليوسف
دينا : انا يعتبر اخته
الدكتور : يعني اي يعتبر اخته
دينا : هو يوسف مش قريبي ولا يبقالي حاجة بس حصل حوار كدا ف هو زي اخويا ..
الدكتور : بس الحمض النووي ليكي بيتطابق مع الحمض النووي ليوسف
دينا : نعم !!!
الدكتور : زي ما بقولك انتي لما قولتي امبارح زي اخته استغربت لان فصيله الدم دي نادرة جدا لازم علي الاقل ال بيحملو الفصيلة دي يكونو اخوات ف انا اخدت عينه وعملت تحليل DNA وطلع متطابق
دينا " مش مستوعبة ": طب ازاي وانا ليا اب وام وهو اب وام تانيين .
الدكتور : بس التحاليل بتثبت غير كدا وان علي الاقل الاب او الام مشتركين .
دينا " ساكته بتفكر مش فاهمه حاجة كل حاجة بقت غريبة في دماغها ..بس قررت متفكرش دلوقتي لان الوضع مش مستحمل .
دينا : تمام يادكتور متشكرة
الدكتور: تحت امرك
.
بتطلع دينا من المكتب .
.
بعد شوية خالد جاب ماما وسحر وجيه ونهي جات بعدهم ووقت الزيارة بيجي كريم ومصطفي وبالليل بيوصل ابويا من الكويت وبيجي علي المستشفى واول ما بيدخل بيروح يبص علي يوسف من الباب بتاع غرفة العمليات وبيقعد يعيط ..
دينا : لا يابابا متعملش كدا هو كويس وهيقوم بالسلامه.
ابويا: انا السبب في ال حصله سبتله مسؤوليه كبيرة علي ضهره انا السبب
دينا : متقولش كدا هو عارف انك بتعمل كل دا عشانه.
ابويا بيعيط ومش بيتكلم
دينا: اهدي خلاص لازم لما يفوق يشوفنا قادرين نقف علي رجلنا اهدي وقعدت اطبطب عليه زي الطفل الصغير . عشان يهدي


( دينا بتتكلم )
(أصعب يومين عدو في حياتي من صدمتي في موت هاجر وحالة يوسف الصعبة وال زادت بعد كدا بعد ما حصله النزيف بس عرفت اتمالك اعصابي لما شوفت كله منهار حسيت ان لازم حد يسندهم انا متأكدة لو يوسف كان موجود كان هيعمل كدا...مكنتش عارفه انا ازاي كنت ماسكة نفسي وازاي انا كنت قوية كدا...انا نفسي كنت مستغربه ال انا فيه..استغربت من وجود نهي هنا بس مركزتش كتير معاها..وال زود ألموضوع اكتر هو ازاي الحمض النووي (DNA) بتاعي يتطابق مع يوسف ...الموضوع في لف ودوران كتير طب لو دا فعلا صح مين ابونا او امنا الحقيقيين...محبتش افكر كتير في الموضوع دا لان هيجي وقته بعدين ..وحاجة كمان استغربتها ان ابو يوسف اول ما وصل فضل يبكي ويعيط ويحط اللوم علي نفسه انا عارفه ان سايب الدنيا في مصر ليوسف وهو بيشتغل في الكويت..بس كانت غريبة اني اشوفه بيعيط كدا...اكتر واحدة كنت خايفة عليها هي منار منظر صدمتها رعبني منظر عيونها ووشها ال مكنش بيتحرك بحركة بسيطة حاولت اتكلم معاها بس هي كانت في عالم تاني ..اخر حاجة.. كنت عايلة هم يوسف هيعمل اي لما يعرف انا متأكدة انه ممكن يروح فيها عشان كدا مينفعش حد يقولة علي طول لازم يفوق ويقدر يمشي علي رجله الاول عشان نقولة ...)
.
( دينا بتتكلم عن ال بيحصل )
بعد شوية بيوصل اهل هاجر وليلي ونور وريم وناس كتير من البلد الدكتور حذرهم ممنوع اي عياط واي صوت في المستشفى لان في مرضي في المستشفي وأغلبهم كان في الشارع بيبكي وال بيصرخ .
ام هاجر قطعت قلبي بكلامها كانت بتصرخ مش بتعيط كل صرخه منها كنت بحس بقلبها بيتكسر مكنتش عارفة جبت القوة دي منين كان نفسي انفجر من العياط بس انا كنت هادية...كانو بيحاولو يسكتوها بس ازاي هيسكتوها دي بنتها وضناها خلاص راحت رحت انا وقفت معاها حاولت أهديها ( بقلم الكاتب أرشميدس )...هديت شوية وبطلت صراخ بس كانت بتتكلم عنها ...(ام هاجر * بتتكلم بانهيار )قالتلي عارفة اخر حاجة قالتهالي اي ..قالتلي وحشتيني اوي ياماما وحشني حضنك ليا ياماما ...كان نفسي احضنها قبل ما تروح كان نفسي ابوسها كان نفسي اشوفها...عارفه كانت دايما تقولي لو حصلي حاجة محدش يعيط عليا انا هكون مستنياكم كلكم تيجو وانا اقولها انتي قدامك كتير احنا ال هنروح ونستناكي بس هي كانت حاسة انها هتمشي قبلي ليه كسرتي قلبي يابنتي ليه...عارفة يادينا اول يوم شافتك فيه قولتلها انتي ازاي مش هتخافي علي يوسف وفي واحده غريبة في البيت قالتلي انا واثقة في يوسف وانه مش هيعمل حاجة غلط وطالما هو خلاها اخته ف هي اختي وحبيبتي وانا حبيتها من غير ما اعرف عنها حاجة ..كانت بتحب الكل مفيش مرة اشتكتلي من حد.. .مفيش مرة قالتلي علي حد كلمه وحشة ..قلبها ابيض من التلج لما حد كان يزعلها كانت تعيط وتقولي اكيد انا ال غلطت فيه عشان كدا هو زعلني ...عارفه في مرة كنت متعصبة من حاجة برا جات هي قدامي زعقت فيها وهي معملتش حاجة بعدها بخمس دقايق لقيتها جات وحضنتني وباست راسي قالتلي انا اسفه ياماما حقك عليا بسألها انتي عارفة عملتي اي قالتلي لا معرفش بس طالما انتي زعقتي فيا يبقي انا عملت حاجة غلط ساعتها بكيت من نفسي واني فضيت عصبيتي فيها ..**** يرحمك يانور عيني **** يرحمك يا احن قلب في الدنيا **** يرحمك يا احلي واحده **** يرحمك ياضنايا سامحيني لو زعقت فيكي في مرة سامحيني لو زعلتك في مرة...استنيني انا هجيلك قريب مش هتأخر..


(دينا بتتكلم )
كنت قاعده جمبها حاولت امسك نفسي بس كلامها خلاني بعيط من غير ما احس دموعي نزلت غصب عنها كل كلمه قالتلها كانت كفيلة تخلي دموعي تنفجر وتطلع من عيني ..كنت حاسه بقلبها وهو بيتكسر في كل كلمه قالتها..حاولت اكون هاديه وامسك نفسي علي قد ما اقدر بس كلامها خلا دموعي غلبتني.
وفي حين ما احنا قاعدين بتنزل هاجر وهي جوا الكفن وخلاص رايحه تدفن مقدرتش اقوم من مكاني قلبي اتقبض من مكانه وانا شايفة الرجالة شايلين الكفن وخلاص رايحين يدفنوها ..حتي امها ملحقتش تودعها لآخر مرة وقعت علي الارض وهي شايفة عربيه الموتي فيها هاجر والعربيه بتبعد عنها نزلت قعدت جنبها خدتها في حضني كنت بحاول أهديها واقولها هي في مكان احسن دلوقتي وهي مبتتكلمش كأنها فقدت النطق فقدت الاحساس باي حاجة عينها علي العربيه وهي بتقعد وبتختفي عن عيونها..قومتها وخدتها لجوه المستشفي عشان ترتاح خليت حد يجبلها حاجة تشربها وانا رحت اشوف يوسف ...رحت لقيت الكل منهار مسكت نفسي ومسحت دموعي وقعدت اهديهم ودا لاني خايفة علي يوسف لما يصحي لما يشوف كل دا هيروح فيها لو شافنا كدا هيروح فيها ...واحنا مش حمل حد تاني يروح .
.
وصف المشهد من برا *
مشهد ملئ بالحزن والبكاء...هناك من يقف بعيدا ويبكي..هناك من يقف مصدوما مما حدث ..نساءٌ ورجالٌ يبكون...هناك من يحاول ان يصمد ولكن دموعه تتناثر غصبًا عنه ..وهناك من يلقي اللوم علي نفسه...وفي خارج المستشفى كان صراخاً ..الجميع يصرخون..وعند خروج هاجر في كفنها لم يكن بكاء او صراخ بل كان انهيار ..هناك من يسقط ويفقد الوعي ..وهناك من يلقي نظرة الوداع الأخيرة...وهناك من يلطم علي وجهه...وهناك من كان ينظر بعيدا ولا يريد أن يري هذا البكاء...وهناك من يكتب القصة وعيونه مليئة بالدموع.
.
نروح عند الغابة *
النمر: العضو الجديد عمل المهمه ال جلالتك كلفته بيها
الاسد: جميل جدا خليه يجيلي في اسرع وقت ..
النمر: امر جلالتك
.
النمر بيتواصل مع جورج عشان يروحلهم نفس المكان ..( بقلم الكاتب أرشميدس )
.
جورج : امر جلالتك
الاسد: عجبني ردة فعلك السريعة وانك خلصت المهمه بسرعة
جورج: دي حاجة سهله جلالتك
الاسد: انا توقعت هتاخد وقت مش قليل بس صدمتني صراحة
جورج: بحاول اكون قد ثقة جلالة الملك
الاسد: تمام تقدر تنصرف وهيتبعتلك مهمات تانيه تعملها
جورج: هتحتاجني في اجتماع تاني هنا.
الاسد: حاليا لا تقدر تروح اي مكان وهيوصلك المهمه قريب
جورج: تمام جلالتك
الاسد: انصرف.
.
بيدخل الدولفين.
الاسد: ها في اي
الدولفين: الفيروس جاهز ميه في الميه وكل حاجة جاهزة
الاسد: ممنوع وجود أي خطأ حتي لو بسيط
الدولفين : كل حاجة متظبطة زي منا عايز بالظبط متبقي بس تقولنا ننشر الفيروس امتي
الاسد: قريب ....اخلص ال في بالي وكل حاجة هتتظبط .
الدولفين: اي ال في بالك .
الاسد : اشوفهم مذلولين تحت رجلي.
الدولفين: مين دول .
الاسد : هتعرف قريب لما تشوفهم تحت رجلي.
الدولفين: اي ال في دماغك .
الاسد: هعزلهم عن اي حد مش هخلي ليهم ضهر .
الدولفين: لو عايزني في حاجة انا موجود.
الاسد: تمام انصرف انت .
الاسد : الو ياصقر بلغ الثعلب انه هيروح للBH وفهمه كل حاجة .
الصقر: تمام جلالتك اعتبره حصل ..
.
عند كريم ومصطفي "
كريم: تفتكر يوسف ممكن يعمل اي بعد موت مراته
مصطفي: لا مش عايف ( معلش بقي انتو نسيتو ان مصطفي الدغ في الراء ولا اي )
كريم: مش عامل نفسك محلل عقول وفاهم كل حاجة
مصطفي: يوسف مشفتوش في موقف شبه دا قبل كدا لو قولتلك هيعمل اي ابقي بضحك عليك
كريم: اممم
مصطفي: محتاجين نستني يفوق ونشوف هيعمل اي .
كريم: تفتكر الحادثة دي صدفة ولا متدبرة
مصطفي : بنسبة عاليه متدبية ( قصدة متدبرة )
كريم : ليه بقي
مصطفي: احساسي بيقولي كدا
كريم: انت بيض ياض
مصطفي: حبيبي تسلم
كريم: غور من وشي يلعن ابو ال يتكلم معاك
مصطفي : مخلاص ياعلق
كريم: هغور انا
مصطفي: احسن
.
عدي يوم والتاني والتالت وال رجع بيته وال رجع لحياته ولكن عيلتي مستنيين بصيص الامل اني افوق وارجعلهم....الدكاترة بتطمنهم انه الحاله بتتحسن وقريب هفوق..كل شوية يجي زيارة من ناس من البلد او اصحابي ...اهل هاجر عملو عزا ليها في البلد ..وبيرنو علي امي واخواتي يتطمنو عليا ..وخالد بقي تايه ومش عارف يعمل اي ...ومنار لسة في صدمتها ...لولا وجود دينا كان الكل انهار بس هي كانت بتشجعهم وتقويهم...كان هي ال بتعمل كل حاجة ...روحها القيادية كانت حاضرة بقوة مكنتش عايزاني افوق اشوف الكل منهار ..حقيقي دينا ابهرتني بقوتها...وأنها قدرت تسيطر علي حزنها...
.
بعد اسبوع بفتح عيني بشوف الكل حواليا لكن مكنتش مركز علي حد غير واحده ومش لاقيها بحاول اركز بعيني اكتر عشان الاقيها ..هي فين ...وبصيت علي امي ال بتدمع وبتقولي..حمدلله علي سلامتك ياحبيبي وبتعيط..ببص علي منار بلاقيها باصه عليا بس مش بتعمل اي ريأكشن بوشها...ابويا ال اول مرة بشوفه بيبكي...ودينا بشوفها واقفة قوية وبتقولي حمدلله علي سلامتك ياحبيبي..وخالد وسحر واقفين مع بعض وبيعيطو...بحاول اتكلم بس حاسس صوتي مش راضي يطلع وفجأه بيمسكني صداع جاامد بيخليني امسك راسي وبصرخ اااااااااه والكل بينده علي الدكتور وبيجي يشوف في اي وبيخلي الممرضه تديلي حقنه مهدئة وبيطلع الكل برا ..
دينا : خير يادكتور
الدكتور: خير اتطمنو كل دا متوقع يحصل بعد غيبوبة اسبوع هو بخير ومحتاج يرتاح بس وخلال يومين انشاء**** ممكن نكتبله خروج...
دينا : تمام شكرا يادكتور
.
الكل بيرتاحو شوية وخوفهم عليا قل بعد كلام الدكتور اني بتحسن...وهخرج قريب ...بالليل بفوق تاني والكل بيبقو حواليا ماعدا هاجر وانا مستغرب هي فين ..
انا: فين هاجر
دينا بتتكلم بسرعة قبل ما حد يخرف في الكلام : تعبانه ياحبيبي ومش قادرة تتحرك
انا: طب انا عايز اشوفها .
دينا: الدكتور قال بلاش تتحرك دلوقتي
انا : لا انا قادر اتحرك قوموني اشوفها
دينا : ارتاح ياحبيبي وانا هشوف الدكتور
انا ملاحظ امي بتحاول تكتم الدموع بالعافيه وسحر باصه بعيد بس كنت بكدب بنفسي وكنت بقول ان اكيد من خوفهم عليا
.
انا : دينا. هاجر مالها ..(بقلم الكاتب أرشميدس)
دينا : ملهاش ياحبيبي تعبانه شوية
انا: دينا... هاجر حصلها حاجة ؟
دينا ساكته ومش بتتكلم
انا : انطقي هاجر فين
دينا : هاجر تعيش انت وبتعيط
انا: لا انتو اكيد بتخضوني عليها معلش يادينا عايز اشوفها بس ..
دينا: بتعيط ومش بتتكلم
انا: طب خلاص خلاص هرتاح اهو ولما ارتاح هبقي اشوفها بس بلاش هزارك دا ..
ابويا : هاجر راحت يايوسف لازم تتقبل..
انا : والنبي يابابا متهزرش معايا قولتلكم هرتاح اهو..مش هتحرك دلوقتي. ماما ياماما قوليلهم يبطلو هزار ..
امي: هاجر وابنك راحو ياحبيبي.
انا: ابني اي هاجر مكانتش حامل
امي: الدكتور..... قال إنها كانت حامل في الشهر الأول وبتعيط
انا :عارف انكم بتهزرو ماشي خالت عليا اللعبة وزعلت اهو خلاص.
دينا جت قعدت جنبي وخدت راسي لحضنها: اهدا ياحبيبي وادعيلها بالرحمه
انا : ادعي اي هاجر عايشة مماتتش .
دينا بتعيط خلاص كل القوة ال كانت فيها راحت ومش قادرة تمسك نفسها اكتر من كدا كل الحزن ال كان جواها طلع في الوقت دا طلع وهي حاضنه اخوها الشرعي...ال عمرها ما كانت تتخيل انه اخوها الحقيقي..وامي بقت تعيط حتي ابويا كان بيعيط ..ومنار ال كنت مستغربها مكنتش بتحرك وشها واقفة كأنها تايهه ...خالد حاضن سحر وساكت ومش بيتكلم ...انا بهدا شوية وبقولهم ..
انا: انتو بتعيطو ليه هاجر عايشة.
محدش بيرد..
انا : مش بترد ليه.
برضو كله ساكت ..
انا:بحس بصداع وبغمض عيني شوية
بعد لحظات.
دينا :يوسف انت كويس
انا : حد يشوفلي الدكتور عايز اخرج انا بقيت كويس .
راح خالد يشوف الدكتور وبيجي مع الدكتور..
الدكتور بيفحص حالتي .......
الدكتور: تمام انت كدا تقدر تخرج من بكرا هتبات معانا انهاردة وبكرا تقدر تخرج .
انا : تمام يادكتور متشكر .
الدكتور: العفو يابني عن اذنكم .
بيجي بعد شوية نور وليلي وريم يتطمنو عليا وبيلاقوني عادي فكروا ان لسة محدش قالي ان هاجر ماتت ..
نور وليلي وريم : حمدلله على سلامتك يايوسف.
انا : **** يسلمكم تعبتو نفسكم وجيتو ليه.
نور : انت اخونا اكيد مش هنسيبك في وقت زي دا .
انا: اومال مصطفي فين وحشني ابن اللذينه .
دينا: كان هنا قبل ما تفوق وراح الشركة وقال يبقي يجيلك بالليل ..
انا: ماشي .
بعد شوية بيجيلي مصطفي بيتطمن عليا وبيمشي تاني ..
بالليل متأخر ..
نور : هنستاذن احنا عشان نلحق القطر ..
انا : انتي عبيطة يابت انتي وهي لو مشيتوا انهاردة ولا انتو اخواتي ولا اعرفكم .
ابويا: يوسف معاه حق انتو هتباتو انهاردة عندنا ولما يجي الصبح ابقي امشو .
نور: معلش ياعمي مش عاملين حسابنا .ومقولناش للبيت .
ابويا: اقعدي يابت وانا هرن علي بيت كل واحد فيكم اقولو.
نور: بس..
ابويا:ششش مبسش اسكتي انتي..
ابويا فعلا كلم أهلهم وقلهم عشان مينفعش يمشو متأخر كدا وطريق السفر بعيد .
انا: يلا يابابا خدهم وديهم البيت يرتاحو كلهم مش عايز حد يقعد معايا هنا .انا خلاص بخير والصبح تيجو .
دينا: هقعد انا معاك عشان لو عوزت حاجة .
انا: لا انتو محتاجين ترتاحو كلكم..وخالد يروح يغير وياخد شاور ويبقي يجي هو يقعد معايا
كل واحد قعد يتحايل معايا انه يقعد وانا صممت ان لا وخالد بس ال يجي ويقعد معايا ..وخليتهم يعملو كدا فعلا وخالد روح ريح شوية وخد شاور وجالي بالليل .
انا : في جديد.
خالد: لا بس انت ازاي بتعمل كدا .
انا: أزاي اي مش فاهم .
خالد: هاجر ماتت يايوسف فوق .
انا( بتعصب شوية ) : انت بتقول اي اسكت هاجر عايشة ومتقولش ماتت تاني .
خالد: دي الحقيقة ال لازم تتقبلها .
انا: احنا وعدنا بعض اننا مش هنسيب بعض
خالد: دا قدر **** ولازم هيحصل.
انا: اسكت بقي هاجر عايشة ملكش دعوه انت بيها .
خالد : طيب طيب خلاص اهدا
أنا : قولي بقي في جديد ولا لا
خالد: لا مفيش جديد.
انا: طب كويس . هطلع من هنا نبدأ في الجد واه صحيح انا هسيب الشركة عند كريم.
خالد: ليه .
انا: محتاج اركز اكتر في ال داخلين عليه.
خالد: وهتقول لكريم اي
انا: هقوله اني محتاج ارتاح شوية وممكن ابقي ارجع وممكن لا .
بعدها بنسكت شوية وسيطر الهدوء علي المكان .
انا : مالك ياخالد
خالد : انا اكتشفت انك اعز شخص في حياتي يايوسف( وبيحضني )
انا: لو حد شافنا هيقولوا كلام وحش علينا
خالد : مش مهم
انا كمان بحضن خالد : انت اخويا ياض
خالد : انت عارف اني اول مرة اعيط لما انت كنت في الغيبوبة وهاج....
انا: "بقطع كلامه "يبقي هتعيط كتير المرة الجاية،
خالد: انت ناوي تخش في غيبوبة تاني
انا: ممكن احنا داخلين حرب .
خالد: لا مش هستحمل انا ان دا يحصل
انا : انا موجود اهو هروح فين يعني .
خالد: متسبناش
انا: حاضر
خالد : يلا هسيبك تريح شوية
انا : ماشي .
.
تاني يوم بتيجي العيلة وبرجع علي البيت بقعد في شقة أمي.
انا : سيبوني مع منار شوية
الكل طلع برا الأوضة وقعدت منار .
انا : مالك يامنار في اي انا موجود اهو .
منار : ...........
انا باخدها في حضني : اهدي ياحبيبتي أنا موجود اهو.
منار لأول مرة من وقت الحادثة هتطلع صوت وتعيط :
انا : أيوة عيطي متكتميش جواكي.
منار وهي بتعيط : مكنتش متخيلة انك تمشي وتسيبني .
انا:.....
منار: انا كنت في دوامه ومصدقتش انك فوقت غير لما حضنتني دلوقتي
انا حاضنها وبطبطب عليها ....
منار : كله كان بيعيط كنت بكدب كل ال بيحصل مكنتش عايزة أصدق انك ممكن تروح وتسيبنا
انا: انا موجود اهو ..
منار: كنت مستغربة القوه ال فيها دينا كنت شايفاك فيها مرضيتش تستسلم للعياط غير لما انت فوقت هي ال كانت مقويانا كلنا ، حتي بعد ما اتبرعتلك بالدم
انا : ....
منار: حتي بابا كان بيعيط اول مرة احس انك غالي عندنا كلنا كدا
انا: كان لازم يحصلي كدا عشان تعرفي غلاوتي يعني اذا كان كدا اعمل حادثة كل يوم.
منار: وتعمل فينا كدا تاني انا مش مصدقة اني في حضنك لدلوقتي .
انا:هههه بهزر معاكي فكي كدا .
منار: طب هتعيش ازاي من غير هاجر .
انا : ........... هاجر لسة عايشة مسمعش حد بيقول انها ماتت تاني هاجر عايشة
منار: لا يايوسف لازم تتقبل الحقيقة
انا : حقيقة اي
منار: ان هاجر ماتت يايوسف وكله قدر ومكتوب .
انا: اسكتي بقي هي وعدتني مش هنسيب بعض لآخر العمر .
منار : قدر **** كدا يايوسف
انا : لا هاجر مش ممكن تسيبني
منار :
انا : بدأت ادمع * لا هي هتيجي قريب متفوليش عليها
منار : لازم تصدق يايوسف .
انا : أصدق اي ؟ اصدق ان هاجر سابتني
منار : " بتشوفني وعيني بتنزل دموع وبتحضني هي .
انا بقعد ادمع من عيني الاتنين ( مش عين واحده زي المسلسلات ) ومنار واخداني في حضنها معرفش عدا وقت قد اي بس لاقيت نفسي نمت .
منار بتطلع برا بعد ما انا نمت
منار وهي بتدمع: يوسف لازم يتقبل بالحقيقة .
دينا : سيبوه دا طبيعي يحصله وصعب انه يتقبل بالسهولة دي انتو عارفين هاجر بالنسبالة كانت اي
امي : هو نام؟
منار : اه... وبتحضن امي وهي بتنزل دموع
امي : سيبوه بقي ومحدش يقعد يتكلم معاه ولا حد يبين حاجة قدامه.. وبتحضن منار وبتطبطب عليها
دينا : صح وهو مع الوقت هيتقبل .
..


دينا هتتكلم عن الكام يوم ال جايين *
يوسف كان رافض تماما فكرة ان هاجر ماتت ومحدش فينا اتكلم معاه عنها كان اليوم كله ينزل يقعد هو وخالد في البدروم ويطلع ياكل وينام عند شقه ماما ولما نقولة مش هتطلع فوق يقولنا لا لما هاجر تيجي مش هقعد فوق من غيرها ...كنت بشوف حالته بحزن عليه اوي كنت حاسه انه مش يوسف..وساب الشركة وقال لكريم انه تعبان ومحتاج يرتاح وكريم اتفهم دا....منار فاقت من صدمتها بعد ما يوسف اتكلم معاها ...انا مكنتش عارفة افاتحه امتي في ال الدكتور قالي عليه أن هو اخويا الحقيقي ...بصراحه دا كان اكتر خبر انا فرحانه بيه اوي بس مكنتش عارفة اقوله اي او ابدأ ازاي بس قولت استني الدنيا تهدا واقدر اتكلم معاه ....
بعد فتره بقيت بلاحظ ان يوسف بينزل الصبح بدري وبيرجع الساعة 12 ..لاحظت انه يوميا بيعمل كدا ..خوفت عليه يكون بيعمل حاجة غلط عشان يقدر يتقبل أن هاجر سابته او انه ينسي ال هو فيه خوفت يكون بيشرب عشان يهرب من الواقع ...كلمت خالد قولت يمكن عارف بيروح فين ..
دينا : خالد معلش عايزاك في موضوع
خالد : في اي انتو كويسين
دينا: احنا كلنا كويسين بس يوسف مش حاسه انه كويس.
خالد : في اي خوفتيني.
دينا : كل يوم الصبح بعد الفجر كدا بلاقيه بيطلع من البيت وبيرجع الساعة 12 الضهر انا خايفة يكون بيعمل حاجة غلط .
خالد : غريبة فعلا بس متقلقيش انا هحاول اعرف بيروح فين
دينا : معلش ياخالد انا ازعجتك بس ملقتش غيرك اتكلم معاه ومحدش في البيت يعرف لغاية دلوقتي هما مفكرين انه بينزل في البدروم ويقعد معاك بس انا بلاقيه طلع من البيت وراقبت كذا مرة مش بلاقيه رجع لغاية الساعة 12 وانت اهو اكدتلي انك متعرفش هو بيروح فين وانا خايفة يكون بيعمل حاجه غلط
خالد : اولا انتي عبيطه صح ؟ قولي متتكسفيش ..يوسف مش بس صاحبي يوسف اخويا وأكتر كمان ...قال ازعجتك قال ..ومتخافيش انا هعرف هو بيعمل اي اتطمني
دينا : **** يخليكم لبعض وميفرقكمش ابدا ...واعرف وطمني معلش .
خالد : حاضر متخافيش ..اول ما ينزل كلميني
تاني يوم الصبح يوسف بيطلع من للبيت كالعادة وانا ( دينا ) رنيت علي خالد عشان اقوله انه نزل وخالد كان جاهز ونزل علي طول وراه ..
.
خالد هو ال بيتكلم
روحت ورا يوسف عشان اعرف بيروح فين وكنت ماشي وراه بس بعيد عنه بشوية عشان ميلاحظش ...لقيته وصل عند المدافن وركن عربيته .
انا ركنت بعيد شوية ونزلت وروحت عند المدافن دخلت وراه معرفش هو راح فين قعدت الف شوية عشان الاقيه لان المدافن كانت كبيرة ..وانا بتمشي سمعت صوت انا اصلا كنت ماشي مرعوب تخيل تبقي ماشي في المقابر الساعة 6 الصبح ولوحدك احا ياعم.قولت انا همشي ورا الصوت وال يحصل يحصل عفريت بقي جنيه مش هتفرق ...فعلا اتبعت الصوت وببص لاقيت يوسف قاعد وبيتلكم
وبيقول : اهو يوم امبارح عدي زي اي يوم من غيرك بقعد مع خالد نكمل ال داخلين عليه عشان مش عايزين غلطه ..بقت الدنيا ممله ..انا عايز اجيلك في اسرع وقت مش مستحمل اعيش من غيرك دقيقة واحده بس لازم اخلص ال بدأتو كل الناس دي مسؤولين مني..كله بيقول انك سبتيني ومشيتي محدش عارف انك عايشة ومش هتسيبيني خالص..خالد اهو بينزل الشركة وبعدها بيجي نكمل شغلنا ومعانا سحر ..بحاول ابعدها عن شغلنا عشان خطر عليها وخايف عليها وخايف علي خالد كمان بس انا عارف انه قدها وانا وهو هنقدر نخلص من القرف دا ..دينا كتر خيرها اوي معانا تعبت جامد ومنار ابتدت ترجع لحياتها واحده واحده ..حتي بابا اهو قال انه هيخلص الورق ويستقر في مصر..وامي كل يوم بسمعها بتعيط عليكي بكون زعلان منها انها بتعيط عليكي وانتي عايشة اهو ...اصحابي كل واحد مشغول في حياته ..الشلة بتاعت زمان مبقتش زي انهاردة ...كان نفسي نستمر كلنا مع بعض ومنتفرقش ابدا بس دي سنه الحياه...بس انشاء**** نخلص من ال احنا فيه وهجمعهم تاني...
انا ( خالد) : استغربت يوسف.. عرفت قد ايه قلبه علي الكل عرفت قد اي هو اخ وصاحب كويس كنت مكسوف من نفسي اني فكرت فيه بطريقة مش صح بس كان التفكير دا كان لاني خايف عليه مش اكتر انا سبته ومشيت ورجعت قولت لدينا ال حصل..وهي اتطمنت وقلبها ارتاح ..
.
نطلع من هنا وتعالو نشوف اول مقابلة بين منار والشارد بعد الحادثة*
منار: مش قولت هتحميهم وتبعد عنهم اي خطر فين كلامك دا اهو هاجر راحت واخويا كان علي وشك انه يروح تقدر تقولي انت عملت اي قولتلي انا معاهم وهحميهم..،فين كلامك دا ...قولتلك هتدخل أمتي قولتلي مش دلوقتي اومال امتي ...ها قولي امتي هنخلص من القرف دا
الشارد: اهدي طيب وارتاحي ...انتي مفكرة اني قاعد بلعب ..وال حصل دا قدر ومكتوب ..وكل دا هيخلص قريب بس اتطمني .
منار : مش هستحمل حد تاني من عيلتي يروح.
الشارد : خير يامنار ودا قدر ****.
منار: طيب بس لو حد حصله حاجة تاني بسبب المنظمات دي انا مش هسامحك " وبتمشي منار"
الشارد بيقعد يفكر مع نفسه علي ال بيحصل ...وبيقرر انه خلاص حان الوقت *
.
منظمة ال BH *
الرئيس : اهلا بالثعلب.
الثعلب : رئيس ال BH. اهلا بيك
الرئيس : طبعا انت عارف جاي ليه
الثعلب : احب اسمع منك
الرئيس : ال سماك الثعلب مكدبش
الثعلب : بنتعلم منكم
الرئيس : بص ياعم المكار
الثعلب : هو اي الرئيس ال بيقول بص ياعم المكار وبيقلش دا
الرئيس : اي ياعم انت مفكرني عشان انا الرئيس يبقي اتكلم باللغة العربيه الفصحى والكلام دا لا ياعم انا شخص عادي جدا
الثعلب : ليلتنا فلل
الرئيس : ليلتنا عنب .بص يامعلم انت هنا ودا توطيد للعلاقة بين الغابة وال BH وطبعا الاسد قالك انك هتكون جاسوس ليهم وتنقل معلومات من عندنا ليهم
الثعلب معملش اي ردة فعل كأنه عارف ال هيتقال: حضرت الرئيس احنا مش محتاجين نعمل كدا
الرئيس : ماشي يامكار .
الثعلب : ماشي يارئيس
الرئيس : طب احنا خطتنا نقضي علي الغابة
الثعلب : ههههه بالسهولة دي
الرئيس : تؤ انا بحب اللعب شوية
الثعلب: واحنا بنعشق اللعب
الرئيس : احنا كلنا في لعبة شطرنج يامكار اهم حاجة تعرف تحسب
الثعلب : خد بالك بقي من الكش مات
الرئيس : قول للاسد احذر من البريليانت موف ( ال مش فاهم البريليانت موف ف دي بتكون تضحيه قطعة في الشطرنج في سبيل انك تاخد أفضلية او تكسب )
الثعلب : نقلتك بلندر يا رئيس "وبيقوم يمشي " ( بلندر يعني نقله خاطئة في الشطرنج )
.
عند الغابة *
الاسد: خير ياثعلب
الثعلب : رئيس الBH بيعلن الحرب بدري
الاسد: دبور وزن علي خراب عشه
الثعلب: العمل اي
الاسد : اجتماع بعد يومين ضروري بكل الأعضاء.
الثعلب : هقول للصقر يبلغ الجميع
بالفعل الثعلب كلم الصقر جميع الأعضاء وتم تحديد معاد ومكان الاجتماع .
.
علي الناحيه التانيه رئيس الBH بيحدد معاد اجتماع وبيكون نفس معاد اجتماع الغابة *
.
معاد الاجتماعين *
المنظمتين بيجتمعو كل منظمة بتجتمع عشان تنظم خططها وازاي هتقدر تكسب الحرب ال داخلين عليها
وهما في الاجتماع بتحصل ضربات الكترونيه متتاليه مفاجأة علي المنظمتين الغابة والBH
الضربات كانت قوية دمرت جزء كبير من اجهزة الغابة وال BH
وبيجي جرس إنذار في المنظمتين...وال عمل الضربات بيسيب رسالة للBH مكتوب فيها كش ملك .ونفس الرسالة مبعوته للغابة ومكتوب فيها كش ملك .
هنا الغابة بتفكر ان الBH هي ال عملت الضربات دي والBH بتفكر ان الغابة هي ال عملت الضربات دي ودا بسبب الاجتماع ال حصل بين الثعلب مع رئيس الBH .
المنظمتين بيتوعدو لبعض بالدمار ،بعد ما كانو هيتفقو اتقلبو علي بعض.
.
تخطيطات الغابة *
الاسد مجتمع بكل الاعضاء المهمين بما فيهم جورج في مكان كبير اشبه بقاعة الاجتماع ال بيجتمع فيها رئيس الوزراء بباقي الوزراء..
الاسد قاعد في النص والباقي حواليه قاعدين..الكل مجمع تركيزة ومركز نحو الاسد.
الاسد(في تركيز شديد) :الكل مجتمع دلوقتي لاننا داخلين علي حرب ممنوع فيها الغلطه البسيطة.. الكل يسمع ال هيحصل..
الاسد : اولا هنحصن نفسنا ونقوي دفاعاتنا الالكترونيه ونشدد علي الجيش انه يحذر ويركز...ثانيا.. نرتب افكار الهجوم انا مفيش حاجة عندي تمشي وخلاص اهم حاجة النظام..
الكل مستمع بتركيز"
الاسد:التحصين الإلكتروني في مسؤوليه الصقر والشاهين..تحصين القوات في مسؤوليه الضبع والنمر..المراقبه علي مسؤوليه الحرباء والثعلب.. الدولفين هيحط تخطيطات الهجوم ومعاه العضو الجديد.. والديب هيكون المشرف علي الكل.. وانا هراقب كل ال بيحصل واي تقصير من حد انا ال هقتله بنفسي.
.
الاسد"
الصقر والشاهين..شغلكم هيبقي من المقر الرئيسي هنا..واي تحرك الكتروني تراقبوه.
الحرباء والثعلب" تراقبو اي تحرك بيحصل علي الارض.
النمر والضبع" ابدأو حصين القوات علي المقر الرئيسي وتزويدهم بالاسلحه.. وبعدها تجهيز قوات الدعم...والكل يكون في حاله استعداد
الدولفين والعضو الجديد "شغلكم هيكون من المقر الرئيسي هنا... تخطيط منظم لحملات هجوم قوية.. ووضع اكتر من خطه بديلة تحسبا لأي مفاجأه تحصل..وتجهيز الڤيروس لان بعد الحرب دي الڤيروس لازم ينتشر خلاص كله خلص..
.
عند الBH
بنروح للBH وبنشوف ابو يوسف ومعاه لين وسيليا...

اسيبكم هنا بقي اتمني يعجبكم الجزء والأخطاء تكون قليلة
انتظروني قريبا في الجزء الثاني من....... <<برمجه >>

الجزء الثاني

بنروح لل BH بنشوف ابو يوسف(سعيد) ولين وسيليا..
سعيد :اخر مرة اتواصلتو مع يوسف امتي.
لين :قبل الحادثة.
سعيد: ليه.
لين: هو نبه علينا محدش يتواصل معاه لازم هو ال يتواصل معانا.
سعيد :كان لازم تطمنو عليه علي الاقل.
لين :من تعليماته برضو قالنا حتي لو حصلي حاجة نختفي احنا ومنسألش عليه.
سعيد : تمام ماشي هننتظر تواصله معاكم... خلينا دلوقتي نشوف هنعمل اي لان اكيد الغابة عامله احتياطاتها لكل حاجة.
لين : تمام
سعيد بيمسك موبايلة وبيكون عنده تطبيق لتغيير الصوت .. الو ايوة ياكريم اي الاوضاع عندك
كريم :تمام يافندم كله تمام
سعيد: اي اخبار يوسف
كريم :تحت عنينا علي طول ياريس
سعيد :وخالد.
كريم : متراقب ياريس.
سعيد :مش عايز تقصير وخدو بالكم من اي خطأ..(وبيقفل الخط)
.
مصطفي : في اي
كريم : الرئيس بيتطمن علي الاوضاع هنا.
مصطفى : مقلش اي الجديد هناك
كريم : لا
مصطفى :........
كريم : اي اخر الاخبار عن يوسف
مصطفى : مفيش جديد بيروح للمقابر يقعد يتكلم مع نفسه بعدين يرجع تاني
كريم : طب وفي بيته بيعمل اي
مصطفي : بيطلع يقعد في شقه امه وبعدين بيقعد في اوضة يرسم وبعدين ينام ويصحي الصبح هكذا
كريم : وخالد.
مصطفي : خالد بيجي الشركه هو ومراته بعدين بيرجع ممكن يقعد مع يوسف شوية يحاول يطلعه من ال هو فيه بس مفيش فايدة وبعدين بيطلع يستريح وهكذا
كريم : غريبة حماس يوسف بعد ما فاق كان بيأكد انه مش هيسكت وهيخرب الدنيا علي الكل بس ال بتقولة دا غريب
مصطفي : حماس يوسف كان طبيعي انه عايز ينتقم لمراته لكن غيابها وانه رافض انها ماتت دا اثر عليه بالسلب وهو مش عارف يفكر
كريم : كلام منطقي بس حاسس بحاجة غريبة برضو.
مصطفي : اي الغريب
كريم : مش متطمن لخالد حاسه بيعمل حاجة ومخبيها.. زود المراقبة علي خالد.
مصطفى : خالد متراقب كويس جدا ولو عمل حركه بصباعة بنعرفها... ومع ذلك تمام هزود المراقبه عليه.
كريم : عايز حاجة تاني كمان
مصطفي : اي هي
كريم : تراقب باقي شلتك كويس جدا.
مصطفى : تمام بس ليه
كريم : راقبهم وهتفهم ليه
مصطفي : اعتبرو حصل.
كريم : تمام.
.
في نفس الوقت.
يوسف بيجهز شنطته..
دينا :اي ياحبيبي رايح فين
يوسف : هروح اقعد في البلد شوية
دينا : طب اجي معاك
يوسف : لا
دينا : طب اخلي خالد يروح معاك
يوسف : لا مش عايز حد معايا عايز اقعد لوحدي شوية
دينا : طيب ابقي طمنا عليك
يوسف : حاضر.
.
يوسف بيتكلم عن نفسه *
. كنت حاسس اني مخنوق في البيت مش عارف افكر وحاسس بحمل تقيل عليا.. بقيت تايه حاسس اني في مكان ضلمه مفهوش اي نقطة ضوء.. مكان واسع ملهوش بداية ولا نهاية.. مكنتش عارف دا بسبب اي... هل بسبب فراق هاجر عني... او بسبب الضغط ال عليا... حقيقي مبقتش عارف.
.
بينزل يوسف وبيتحرك ناحيه محطه القطر.
انا : أقرب قطر للمنيا امتي
محصل التذاكر : أقرب قطر بعد 6 ساعات
انا : تمام شكرا
محصل التذاكر : العفو.
.
بطلع من المحطه بتجه ناحيه موقف الميكروباصات..
وانا في الطريق بلاحظ حد بيراقبني.. شوفت وشه بس مبينتش اني خدت بالي
انا : تاكس
التاكسي بيقف
انا : موقف ميكروباصات المنيا
التاكسي :اتفضل
بركب التاكسي وبتحرك..
.
انا : خلاص وقفني عند المول دا لو سمحت
التاكسي بيقف وبنزل بحاسبه وبدخل المول.. بلف شوية وبدخل محل ملابس بغير لبسي وبطلع بلف من الباب الخلفي بوقف تاكسي تاني للموقف.
بوصل الموقف وبركب وبستني بقي يكمل العدد.. وكل شوية بنزل بلف شوية عشان لو حد مراقبني وبرجع تاني..
بعد وقت كبير بيكمل العدد وبيطلع الراجل بالميكروباص اخيرا بعد انتظار كتير.
.. بيمشي وبريح عيني شوية بس... منمتش بس مريح عيني. . وبحط ايربودز في وداني وبسمع موسيقي هاديه بريح بيها اعصابي شوية..
بعد وقت معرفش قد اي بلاحظ برنامج غريب علي موبايلي.. بشوف اي دا.. فهمت انه برنامج تجسس خفي... معرفش وصل لموبايلي ازاي.. ممكن في الحادثة وانا لما مكنتش فايق حد حطو..مش عارف بصراحه ال حصل ..كنت عارف البرنامج دا وانه صعب اشيلو ومحتاج جهاز كمبيوتر عشان اقدر اقفلو..فتحت طلعت ايدي من الشباك ورميتو جامد عشان يتكسر خالص
.ورجعت اركز مع الطريق.
فجأه لقينا السواق بيوقف
شخص من الركاب : في اي ياعم
السواق : الكاوتش ال ورا اتفقع
شخص : معاك استبن هتركبو
السواق: للأسف لا
الركاب انفجرو في الزعيق وازاي يعني معكش استبن وانت ماشي في طريق صحراوي والمسافة بعيدة.. وال رايح لشغل وال راجع من لبيته بعد ما اتمرمط عشان يجيب اللقمه لسة هيتمرمط تاني ويستني حد ينجدنا
انا : يا اخوانا اهدر الراجل مكنش يقصد اكيد... حصل خير وانشاء **** نلاقي حد معدي يلحقنا استهدو ب**** وكل حاجة هتتحل.
الكل بيسمع الكلام ويسكت وبننزل نقف برا وبنشوف اي ال حصل للكاوتش...بنلاقي زي زجاج داخل في الكاوتش وانا بنزل اشوف الزجاج دا بلاحظ انه من الموبايل بتاعي ال رميتو
عملت نفسي مش واخد بالي وقولت : ازاي الزجاج دا جيه قدام العربية يعني وازاي حد يرميه كدا في طريق سريع زي دا
السواق: ناس معندهاش ددمم
شخص : هنعمل اي دلوقتي.
انا : يا اخوانا دلوقتي كل واحد فينا يمسك الموبايل بتاعة ويشوف اي حد يكلمه يبعتلنا مساعدة.
شخص :طب نوقف اي حد من ال هيعدي
انا : هنحاول نعمل كدا لكن صعب حد يقف لان محدش بيأمن حد خصوصا في طريق صحراوي زي دا
السواق : صح
كله بيشوف موبايلاته بس للاسف مفيش شبكه في المكان
شخص : مفيش اي شبكه هنا
شخص تاني : فعلا مفيش اي شبكه هنا
شخص تالت : طب والعمل اي
انا : في حلين يا اما حد يتحرك باي موبايل يحاول يوصل لمنطقة يكون واصلها شبكه او نستني اي عربيه ممكن تقف.
السواق : نعمل الحلين وانشاء **** خير
انا : مين هيتطوع ويروح بموبايله يحاول يلقط شبكه
شخص : انا مقدرش اسيب حاجتي هنا
شخص تاني : وانا كمان
شخص تالت : الدنيا صحراء متضمنش ال ممكن يطلع عليك وممكن نتوه كمان
انا : خلاص يا جدعان هروح انا بس مش معايا اي موبايل للأسف
السواق: خد يابيه الموبايل دا زراير بس فيه أرقام سواقين اصحابي كلم اي حد فيهم لو لقيت شبكه
انا : تمام ماشي.
انا باخد شنطتي وبتحرك علي طول الطريق بحاول القط اي شبكه بس مفيش اي إشارة حتي
قولت اما ادخل للصحرا وكنت بعلم مكاني عشان متوهش وبتحرك حركات هاديه عشان اعرف افتكر. انا مشيت ازاي
عدي وقت مش كتير نص ساعة تقريبا بمشي يمين شمال وبعلم مكاني وبعد تقريبا ساعة مشي لقيت اخيرا الإشارة بدأت ترجع وبدأت ارن علي اي حد
بيرن وبعدها يقطع لان الإشارة ضعيفة... مشيت شوية والإشارة زادت اخيرا.. رنيت علي حد وقولتلو ال حصل وفعلا قالي هيجيب استبن ويجي علي السريع.
انا بقي ركزت ورجعت علي الحاجات ال كنت معلمها وقاعد بدعي اني متوهش.. كنت تعبت شوية قولت اريح خمسه لان مكنتش عارف اتحرك من التعب لاني مشيت كتير يعتبر في الحر والصحرا والتراب.. وبعد ما خدت راحه ابتديت اتحرك تاني بس كنت بمشي بطئ بسبب التعب...وصلت اخيرا للمكان ولكن.... ملقتش حد.
ازاي طيب.. طب هل انا تهت؟ ضيعت المكان ومشيت غلط.؟ راجعت المكان كويس وشوفت الحاجات ال كنت معلم بيها المكان ال كانت واقفة فيه العربيه كل حاجة بتقول ان دا المكان..
لحسن الحظ كنت واخد مياه كتير معايا واكل... قعدت علي صخرة وبدأت اكل ومفيش اي عربيه بتقف نهائي ومقدرش الوم عليهم لان مفيش امان في حاجة زي كدا..
بعد ما اكلت قولت اتحرك تاني احاول اجيب إشارة تاني ارن علي اي حد يجيلي... فضلت اتمشي تاني ومع التعب والحر وضربة الشمس.. وقعت من طولي ومحستش بنفسي غير وحد بيرش عليا مياه..وبسمع صوت شخص
الشخص : حمد**** على سلامتك يابيه انت كنت هتموت
انا : انا فين وانت مين ( شخص لابس جلابيه)
الشخص : انت عندنا هنا في ارضنا احنا كنا ماشيين ولاقيناك واقع من طولك لحقناك.
انا : هو انت خدتني لفين
الشخص : انتا في بيتي يابيه وكويس اننا لحقناك في الوقت المناسب مكناش نعرف اي ممكن يصيبك
انا: فين يعني
الشخص : انت هنا حدانا في الصالحيه يابيه
انا : فين دي بالظبط
الشخص : الفيوم يابيه
انا : انتو لقيتوني ازاي
الشخص : يابيه احنا كنا في فرح في مصر ووقفنا نريح شوية عشان المكنه متولعش ٤ اتمشينا شوية في الصحراء ولقيناك مرمي علي الارض لحقناك وخدناك معانا
انا : فين شنطنتي وحاجاتي
الشخص: في الحفظ والصون محدش جيه جنب حاجة متقلقش
انا : كتر خيرك انا اسف تعبتك يا.....
الشخص : شريف يابيه اسمي شريف
انا : شكرا يا شريف
شريف : اهلا بيك يابيه انت هنا في امان ولما تاخد عافيتك هنوصلك في اي مكان تعوزه
انا : انا بقيت كويس خلاص محتاج شنطتي عشان ارجع بلدي
شريف :يابيه انت لازم ترتاح شوية وبعدين هنرجعك متقلقش
انا : انا بقيت كويس
شريف : يابيه متتعبنيش معاك عاد
انا : خلاص تمام هقعد ارتاح بس بشرط
شريف : اي هو يابيه
انا : بلاش كلمه يابيه دي انا اسمي يوسف
شريف : عاشت الاسامي يا يوسف بيه..
انا : برضو بيه
شريف : خلاص خلاص يا يوسف عشر دقايق والعشا يكون جاهز
انا : هتعبكم معايا كدا
شريف : انت كدا بتغلط فينا
انا : لا مقدرش كفاية انكم انقذتوني
شريف : طب اتفضل يلا العشا زمانه جهز.
نزلت مع شريف لتحت عند المندرة زي ما شريف قالي انه اسمها المندرة ( دي بتكون اوضة بياكلو فيها ويرتاحو فيها بعد ما يرجعو من الزراعة... وبيكون في التلفزيون.. زي الصاله كدا)
بيكون محطوطه الطبليه وبيقعد شريف وانا معاه.. وبتيجي واحده ومعاها بنت تاني...بيحطو طبق قلقاس وببجيبو طبق تاني... وبينزلو طبقين رز وطبقين فاصوليا وبيجيبو لمون مخلل وزيتون مخلل..
انا : ليه دا كله بس كلفتو نفسكم بالأكل دا كله... انا مش هاكل دا كله
شريف : انت بتشتمني كدا يايوسف بيه دي حاجة قليلة ال بنقدمهالك دي
انا : قليلة اي بس دا كتير عليا
شريف : هاتي يابت اللحمه
انا : و**** كلفت نفسك ياعم شريف
شريف : برضو يابيه مصمم تغلط فيا.. يابيه انت باين عليك صعيدي وبتفهم في الأصول
انا : انا من المنيا وبفهم في الأصول
شريف : اجدع ناس المنياويه.... مد ايدك يلا بسم **** ولما ناكل نكمل كلام..
انا : طب والمدام والبنت ال معاها مش هياكلو
شريف : هيبقو ياكلو بعدينا...مد ايدك انت
انا: مش همد ايدي غير لما يجو ياكلو ولو مكسوفين مني هروح امشي
شريف : تمشي فين بس الناس تقول عليا اي
انا : خلاص هاتهم ياكلو معانا
شريف :خلاص تعالي ياسعاد انتي وبنتك كلو معانا.
بيجو فعلا ياكلو معانا. وبصراحه نفسهم في الاكل كان حلو اوي.. الاكل كان طعمه حلو بجد انا اكلت لما شبعت.
انا :تسلم ايدك يا سعاد الاكل بجد تحفه تسلم ايدك
سعاد :كمل اكلك يابيه انت مكلتش حاجة
انا : دا انا اكلت لحد ما بطني اتملت انا كنت ناوي اكل لقمتين واقوم بس حلاوة الاكل خلتني معرفش اقوم
شريف : بالهنا والشفا ياخوي... هقوم معاك عشان تغسل ايدك.
انا : لا خليك مكانك قولي بس المكان وانا هتصرف
شريف : علي يمينك كدا وامشي علي طول هتلاقي الحنفيه قدامك
انا :تمام..
بروح اغسل ايدي وبرجع بيكون شريف ومراته وبنته خلصو اكل.
شريف : اعملينا بقي كباية شاي عقبال ما اغسل يدي
سعاد : من عيني
بيغسل شريف ايده وبيجي يقعد..
شريف :الشاي ياسعاد
سعاد : اتفضل الشاي اهو
انا : تسلم ايدك
سعاد:بالهنا
انا: تعرفي يا ساعد ان اسمك علي اسم امي
سعاد : **** يرحمها
انا : امي عايشة
سعاد بتتكسف : **** يطول في عمرها ويخليها ليكم.
انا : ****.... (ببص علي بنت شريف و بكلمها) انتي بقي اسمك اي
بنت شريف وهي مكسوفه :اسمي سمر
انا : عندك كام سنه ياسمر
سمر: 18
انا ;في ثانوي عام يعني
شريف: المفروض بس انا طلعتها من المدرسة
انا : ليه كدا كنت تسيبها تكمل تعليمها
شريف: هتستفاد اي يعني هي البنت ليها اي غير بيت جوزها
انا :غلطان طبعا البنت لما تتعلم يبقي احسن وتتجوز واحد متعلم وتعيش عيشة احسن بكتير
شريف :اهو ال حصل بقي
انا : وليه مانت فيها اهو
شريف : فيها ازاي
انا : تقدر تعلمها.
شريف : ماهي كبرت خلاص وعلي وش جواز
انا : مخطوبة يعني
شريف : لا لسة ادعيلها بس.
انا : طب اي رأيك انا مستعد اعلم بنتك حاجة هتساعدها قدام
شريف : تعلمها اي
انا : هعلمها برمجه
شريف :اي برمجه دي
انا : بص انا محتاج اقعد هنا فترة انا كنت راجع بلدي اغير جو واقعد لوحدي بس خلاص هقعد هنا اقضي وقتي بس محتاج تشوفلي مكان اقعد فيه ومحتاج اروح اشتري كام حاجة
شريف : اذا كان علي مكان تقعد فيه ف دي سهله يابيه
انا : خلاص تمام ياعم شريف.. وقولت اي موافق اعلم بنتك
شريف : علي بركه **** يايوسف بيه
انا : تمام... معلش بس محتاج شنطتي
شريف : روحي يا ندي هاتي الشنطه من فوق
بتطلع ندي تجيب الشنطه وبترجع. تديهاني.
انا : ها ياعم شريف يلا نطلع نشوف المكان ال هبات فيه
شريف :يلا يابيه
انا : ماقولنا بلاش بيه دي.
شريف : معلش ياعم يوسف لزقت في لساني.
انا : ولا يهمك ياعم شريف.
احنا طلعنا من البيت..
ندي : هو مين دا
سعاد :واحد ابوكي وهو راجع من فرح ابن عمه شافو مغمي عليه جابو هنا
ندي : واحنا مالنا يمكن يكون حرامي ولا حاجة
سعاد : منتي عارفة ابوكي ميحبش يشوف حد في زنقة ويسيبو والراجل معملش حاجة تدل انه وحش حتي نظراته مكنش فيها أي حاجة غلط.
ندي : بس انا مش متطمنه وخصوصا لما قال هيعلمني البرمجه
سعاد : اه صحيح يابت هي اي البرمجه دي.
ندي : دي ياماما حاجات علي الكومبيوتر بنتعلمها ونقدر نعمل بيه حاجات كتير.. ممكن نعمل برامج والعاب كمان
سعاد : انتي عرفتي كل دا منين يابت
ندي : من علي النت ياما هو في حاجة بقت صعبه دلوقتي.. كل حاجة موجودة علي النت
سعاد : اهو النت ما ال خرب بيتنا.
ندي: علي العموم انا برضو لسة مش متطمنه للجدع دا.
سعاد : هو راح لمكان تاني اهو.. وان كان علي تعليم البرمجه لو مش عايزه اقول لأبوكي يعتذو منه.
ندي : لا متقوليش خلينا نشوف آخرته.. انا اصلا مش مقتنعه انه يعرف حاجة في البرمجه.
سعاد : اهو جربي مش هتخسري حاجة
ندي :علي رايك
سعاد : انا هقوم اغسل المواعين يابت وانتي نضفي البيت يلا قومي.
ندي : حاضر.
...
في نفس الوقت ماشي انا وشريف.
انا : انت متأكد انك عارف مكان
شريف : احنا هنروح لعم صابر وهو ال يعرف الأماكن
انا : نشوف عم صابر دا يلا.
بعد ما اتمشينا شوية وصلنا لبيت.
شريف بيخبط علي باب خشب كبير وباين انه قديم : ياعم صابر... ياعم صااابر.
صوت ست من جوه : مين.. مين ال بيخبط.
شريف : انا شريف.
الصوت : اتفضل ياعم شريف.
شريف : عايزين عم صابر.
الصوت : طالعلكم حاضر.
..بعد شوية
الباب بيفتح وبيطلع عم صابر.. ( راجل كبير في الستينات تقريبا لابس جلبيه وماسك عصاية علي طول)
بيسلم علينا..
شريف : الراجل دا بلدياتي وكان عايز مكان يقعد فيه كام يوم.
صابر : في بيت دور ارضي ودور لفوق يناسب معاك.
انا: يناسب ياعم صابر.
صابر : تمام استني هجيب المفتاح من جوه واجيلك.
.
.دخل عم صابر البيت يجيب المفتاح وطلعلنا تاني واتحركنا ناحيه البيت
طول الطريق.
عم صابر :انت منين بقي يا...
انا : يوسف اسمي يوسف ياعم صابر
صابر : عاشت الاسامي منين بقي.
انا :المنيا.
صابر: اهلا بأهل المنيا الغاليين.. مراتي الاولي كانت من المنيا.
انا :انت متجوز كام ياعم صابر.
صابر :هي واحده.
انا : انت مش لسة قايل مراتك الاولي.
صابر :ماهي الاولي ماتت.
انا: **** يرحمها
صابر : ****.
وطول الطريق وهو يتكلم راجل رغاي..
شريف : ياعم صابر صدعت الراجل كفاية كلام.
صابر : بنسلي مشينا بدل ما نسكت.
شريف : طب كفاية.
انا :مقربناش نوصل.
صابر : الشارع ال جاي شمال.
انا : تمام.
ودخلنا الشارع ووصلنا عند بيت صغير شوية والباب خشب زي اغلب بيبان القرية دي..
وفتح عم صابر البيت واداني المفتاح.
صابر: الإيجار ١٠٠ج في الشهر.
انا : تمام ياعم صابر وطلعت ٢٠٠ قولتله دي فلوس الشهر دا.
صابر: استني هديلك ١٠٠.
انا : لا خلاص هي دي فلوسك.
صابر :**** يزيدك ياولدي كمان وكمان ويكتر من امثالك.
انا :تسلم ياعم صابر.
شريف :يلا خش انت يايوسف ارتاح
انا : تمام ياشريف متذكر علي تعبك معايا.
شريف : ياجدع متقولش كدا. انا معملتش حاجه
انا :ابن أصول ياشريف.
شريف :حبيبي يايوسف.. يلا احنا ياعم صابر خليه يرتاح.
بيمشي شريف وصابر وبقعد انا اكتشف البيت.
..
بيت مكون من دور ارضي ودور علوي... الدور الارضي اوضة الأرضية بتاعته طين مش محطوط سيراميك.
بتمشي لجوا شوية اوضة تاني نفس الكلام... قبل الاوضة التانيه في السلم ال بيطلع للدور التاني..
تطلع الدور التاني... اوضتين وصاله والحمام والمطبخ.. محطوط البلاط القديم الصغير مش سيراميك..ومحطوط سرير وفي تلفزيون وانتريه.. والبيت نضيف مفهوش تراب..
..
كنت تعبت ف حطيت الشنطه وقولت اريح شوية
تاني يوم صحيت دخلت اخد دش في الحمام... بصراحه كنت بسب والعن في الوقت دا... حمام عبارة عن قعده بلدي ال هي بتاعت زمان مش ال بتعمل فيها حمام دلوقتي
وحنفيه واحده وكوز... ومفيش سخان كمان... اعفن دش خدته في حياتي.
المهم خدت الدش وقعدت شوية افكر وارتب أولوياتي.
المهم بعد شوية وقت طلعت وقلت الباب كويس
رحت اشتريت شويه طلبات ورحت علي بيت شريف.. وانا ماشي معرفتش انا فين وتهت معرفتش ارجع ولا اروح.. وقفت عند بقال
انا :لو سمحت بيت شريف فين
البقال :شريف مين
انا :تصدق معرفش اسمه شريف اي.
البقال :طب اوصفلي اي حاجة عنه
انا : كان في فرح في مصر امبارح عنده بنت ١٨ سنه تقريبا اسمها ندي
البقال : اه شريف سالم بص هتمشي علي طول هتلاقي واحده قاعده بتبيع خضار اسالها هتشاورلك عليه
انا :تمام تسلم ياريس
البقال : العفو
مشيت زي ما قالي وفعلا لقيت واحده ست بتبيع خضار.
انا :صباح النور ياست
الست : صباح الخير اتفضل
انا: كنت عايز اعرف بيت شريف سالم فين
الست: شايف عمود النور ال هناك دا (وبتشاور بايدها -)
انا :ايوة شايفه
الست : البيت التالت بعديه.
انا :تمام تسلمي ياست الكل
الست : العفو..
.
مشيت رحت للبيت زي ما وصفت الست... خبطت علي الباب
سعاد من جوه : مين ال بيخبط
انا : انا يا سعاد
سعاد : يابت ساندي شوفي مين بيخبط.
ندي: حاضر ياماما. بتيجي تفتح الباب
انا :ازيك يا ندي شريف موجود
ندي :لا في الشغل
انا :طب خلاص تمام هجيلو في، قت تاني بس خدي دول دخليهم جوا وقولي لابوكي اني جبت الحاجات دي.
ندي :دا اي دا.
انا : شوية حاجات بسيطه (كنت جايب خضار وفراخ وفواكه)
ندي: طب تمام لما يجي ابويا ابقي اقولو
انا :تمام بعد اذنك.
ندي:اتفضل..
مشيت انا.
.
سعاد:مين يابت
ندي : ال اسمه يوسف دا
سعاد : كان عايز اي
ندي: كان عايز ابويا وساب الحاجات دي.
سعاد :حاجات اي
ندي: مش عارفة استني كدا......... دا جايب خضار وفاكهه وفراخ يامه
سعاد : كلف نفسه ليه بس
ندي : انا مش متطمناله الراجل دا
سعاد : يابت يعني الراجل جابلنا الحاجات دي كلها وبرضو مش متطمناله دا حتي باين عليه جدع وابن أصول.
ندي : يمكن عايز يكسب ودنا وبعدها يطلع مصايبة.
سعاد:اتلمي واسكتي يابت وحطي الحاجات ال جابها في التلاجه عشان متبوظش
ندي :حاضر لما نشوف اخرتها
.
مشيت انا ورحت لغاية البقال وقولتلو ارجع ازاي ووصفتلو البيت عشان يعرف وهو ماشاء **** حافظ البلد كلها بالتفصيل.
رجعت كان معايا كراسة وقلم في الشنطه طلعتهم وكتبت حاجات عايزها وحاجات هعملها...الفتره الجاية.
اولها اني هشتري لابتوب...وهظبط. البيت ال انا فيه دا كويس.. قررت أن البيت دا هيبقي مقر شطرنج الرئيسي.
بعد شوية الباب بيخبط... بفتح الباب.
شريف : اي ياعم انت نايم ولا اي.
انا : لا صاحي من بدري
شريف.:صحتك تمام دلوقتي
انا :اه الحمد****.
شريف : طب تمام انا لسه مخلص شغل قولت اعدي عليك لو محتاج حاجة.
انا :روح خد دش واتغدي عشان عايز انزل البلد اشتري كام حاجة.
شريف: قولي عايز اي ممكن تكون موجودة هنا.
انا: معتقدش انا محتاج لابتوب وكام حاجة متعلقة بيه ومحتاج اسحب فلوس.
شريف :خلاص تمام هتغدي واخد دش واجيلك نروح.
انا :تمام
بيمشي شريف يروح بيته.
بيدخل البيت.
شريف :حضريلي الغدا يا سعاد عشان رايح مشوار.
سعاد :مشوار اي
شريف : يوسف عايز ينزل البلد يشتري كام حاجة ف هروح معاه.
سعاد : اه صح دا جاب شوية حاجات ومشي
شريف: حاجات اي
سعاد :معرفش انا كنت بغسل وندي ال شافت
شريف: جاب اي يابت.
ندي:هو جيه سأل عليك ولما ملقكش قالي خلاص خدي الحاجات دي ولما تيجي انت يبقي يجيلك.
شريف : جاب اي.
ندي :شوية خضار وفواكه وفراخ.
شريف:خدتيهم منه ليه بس
ندي: هو قالي خديهم وسابهم ومشي ملحقتش اتكلم.
شريف: طيب ماشي خلاص حضريلي الغدا عقبال ما اخد دش.
ندي:حاضر
شريف بياخد دش وبيتغدي وبيجيلي وبفتحله الباب
.
شريف :ليه كلفت نفسك بالحاجات دي
انا: حاجات اي
شريف: ال جبتها
انا :دي حاجة بسيطه من ال عملته معايا
شريف : انا معملتش حاجة
انا : انت اتقذت حياتي كان ممكن تعبان يقرصني ولا حد يطلع عليا يقتلني.
شريف: الحمد**** اننا لحقناك.
انا:متشكر خالص انا لو قعدت اتذكرك من هنا لعشر سنين مش هوفيك تعبك.
شريف: العفو علي اي احنا كلنا اخوات في الوطن. ولو مساعدتش اخويا هساعد مين
انا: لو كل واحد في جدعنتك البلد دي هتتغير وتبقي افضل دولة في العالم.
شريف : **** يخليك.
انا: يلا نتحرك بقي.
اتحركت مع شريف اشتري الحاجات واسحب فلوس.
اشتريت لابتوب عالي وسحبت فلوس من حساب باسم مختلف لاني مش ضامن اذا كانت متراقبة ولا لا بعد ما طلعت متراقب عن طريق التلفون.
واشتريت هارد للابتوب واشتريت رامات عاليه تستحمل الشغل عليها. واشتريت لبس ليا وحاجات للاستحمام وكدا وبعدها خدت شريف ورجعت..
قعد معايا شوية وبعد كدا مشي.....
.........
نروح نشوف ال حصل بعد اختفائي.
عند كريم ومصطفي.
مصطفى( بيتكلم في الموبايل) : ازاي دا حصل.....طب اقفل دلوقتي وليا تصرف تاني معاك
كريم : في اي
مصطفي : فقدو الاتصال بيوسف وتاه منهم ومش عارفين يوصلولة.. يعني مراقبة يوسف فشلت. ومنعرفش هو فين دلوقتي ولا بيخطط لاي
كريم ( بيزعق) : ازاي يعني دا يحصل... اومال فين مراقبينه زي عنينا.. ومش بيغيب عننا والكلام دا كله غااار فين.
مصطفى : اهدا وكل حاجة هتتحل.
كريم : تتحل اي طب ولما يرن الرئيس عليا اقولو اي... اقولو يوسف تاه مننا ؟ ساعتها هيقتلنا ومش هنفرق معاه.
مصطفى :اهدا عشان نعرف نفكر.
كريم( بيخبط علي المكتب) : تلات ايام ويوسف يكون تحت عينك يا مصطفي.
مصطفي : تمام (و بيمشي مصطفي)
..
في بيتي.
دينا : موبايل يوسف غير متاح انا خايفة يكون عمل حادثة ولا حاجة
امي : خير يادنيا اهدي وبكرا نرن عليه يمكن فصل شحن ولا حاجة.
دينا : **** يكون بخير
منار : هو ازاي امي هاديه ودينا متوترة مش المفروض العكس.
امي : يوسف بخير
دينا : انتي عارفة هو فين وساكته.
امي : وهعرف منين منا قاعده جنبكم اهو
دينا : اومال عرفتي ازاي انه بخير
امي : قلبي متطمن وانا احساس قلبي مبيخيبش
دينا : ****.
منار : خلاص يادينا متوترينيش انا كمان يمكن الموبايل فصل منه ولا حاجة اهدي وانشاء **** يكون بخير.
دينا :سكت اهو.
.
دينا بتتكلم..
كنت خايفة عليه اوي مش بعد ما عرفت انه اخويا شقيقي يحصله حاجة.. انا لسة مكلمتوش عن الموضوع دا ومستنياه يفوق من ال هو فيه.. الاقيه راح مني.. منار كانت خايفة زيي ويمكن اكتر كمان بس كانت بتداري.. امي ال كان هدوئها غريب بالنسبالي معرفتش افهم سبب هدوئها دا..
.
نطلع لخالد.
سحر : مالك في اي ياحبيبي.
خالد: يوسف موبايل مقفول من بدري انا قلقان عليه.
سحر: اهدا يمكن فصل منه ولا حاجة وهو قال عايز يقعد مع نفسه شوية
خالد: يوسف مش متعود ان الموبايل يكون مقفول كل دا.
سحر : اهدا ياحبيبي انشاء **** خير.
خالد : هرن علي دينا اشوف يمكن تعرف حاجة... بيمسك الموبايل يرن.
خالد : ايوة يادينا.
دينا : ايوة ياخالد خير.
خالد : يوسف مكلمكيش.
دينا: لا وموبايلة مقفول انا كنت لسة هرن عليك اشوفك لو كلمك هو ولا حاجة.
خالد :لا مكلمنيش... انا قلقان عليه.
دينا : وانا قلقانه عليه اوي.
امي : يا ولاد اهدو يوسف بخير بكرا نبقي نكلمه ونشوفه.
خالد : **** يا أمي...يوسف بكرا في مردش انا هنزل المنيا اشوفه.
دنيا : انا هاجي معاك مش هقدر اقعد كدا
منار :وانا كمان.
خالد : خلاص ماشي لو كلمكم او الموبايل فتح حد يبقي يكلمني.
دينا :حاضر وانت كمان لو كلمك قولنا.
خالد : ماشي يلا باي
دينا : باي
.
بنرجع عندي وانا نايم.
فجأه بسمع صوت صويت وزعاق وتخبيط جامد علي الباب.
.
وهنا اكون انتهيت من الجزء الثاني. بعتذر يا اخواتي علي التأخير
الي اللقاء.. انتظروني قريبا في... <<برمجه >>

بصحي من النوم مخضوض علي صوت زعيق جامد وتخبيط جامد علي الباب... بفتح عيني لقيت دخان جامد وريحه شياط ومش شايف حاجة من الدخان.
بحاول اتحرك بس مش شايف قدامي... كنت ماشي بهدوء ومادد ايدي لقدام عشان مخبطش في حاجة... بحسس علي الحيطه وبمشي جنبها.. وكل ما الوقت بيعدي الدخان بيزيد وانا ابتديت اتخنق وعيني بتدمع افتكرت كلام كنت شوفته علي الفيس ان لو حصل حريق انزل لتحت لان الأكسجين بيبقي اعلي.. عملت كدا ونزلت علي بطني ابتديت. اهدا واتحرك بالراحه عايز اوصل لباب الاوضة عشان اطلع... كل دا وانا سامع التخبيط والزعاق ال برا.
وصلت لأول الاوضة ومسكت في حلق الباب وسحبت نفسي عشان الاقي نفس كميه الدخان وانا مش شايف حاجة برضو... ومش عارف الحريق دا فين بالظبط.
بدأت اتحرك بنفس الطريقة وعيني بتدمع من كتر الدخان وانا بتخنق بس محافظ علي هدوئي...فجأه سمعت صوت حاجات بتقع علي الارض.. كل دا وانا مش عارف الحريق دا فين اصلا ولا عارف انا هطلع ازاي.. صوت الخبط والزعاق عالي.. وناس بتحاول تكسر الباب بس الباب شديد وصعب يتكسر ودي قرية مفهاش مطافي واكيد هيبقي معاها وقت عشان تيجي.
فجأ ببص بلاقي ضوء ابيض وواحده كأنها أميرة طالعه من وسط الدخان.. وشها كان بيشع نور ومش شايف ملامحها كويس... وبتقرب مني واحده واحده وكل ما بتقرب وشها بيبتدي يوضح اكتر... وبتقرب ووشها بيوضح... وبتظهر هاجر وانا بشوفها وبدمع وببتسملها... بتيجي تحط ايدها علي خدي وبتقول.. انا معاك متخفش كمل في ال انت ماشي فيه انت صح.
انا بتكلم وبقولها عايزك معايا ودموعي بتنزل...بترد عليا وبتقولي...خلص مهمتك وهنكون مع بعض لاخر العمر...بغمض عيني وبغيب عن الوعي واخر حاجة شوفتها.. ابتسامه هاجر.
.
في نفس الوقت عند البيت عندي *
دينا بتحس بتوتر فجأه وضربات قلبها بتعلي.
منار : في اي مالك يادينا مش علي بعضك ليه.
دينا : مش عارفة قلبي انقبض مره واحده من غير سبب
منار بتروح تحضنها :اهدي ياحبيبتي مالك في اي... انتي ايدك بتعرق جامد اهدي.
دينا : مش عارفة في اي انا حاسه يوسف في مشكله... انا مش متطمنه انا هروح انزل اروحله انا لازم اشوفه قدامي.
منار :اهدي يابت يطلع الصبح ونرن عليه ولو قافل نرن علي حد هناك يطمنا عليه بس.
دينا:انا خايفة عليه اوي
منار :وانا خايفة اكتر منك بس اهدي ال انتي فيه دا مش حل.
دينا : جسمها بيترعش من التوتر..وهي بتقول. **** احميه **** اقف معاه **** رجعه لينا بالسلامه **** طمني عليه.
فضلت دينا في التوتر دا طول المدة ال انا كنت بحاول اطلع من البيت ال كان بيولع..ما اغمي عليا.
.
نرجع عندي بعد ما اغم عليا.
بصحي بلاقي نفسي علي سرير ومتركبلي اكسجين صناعي وقدامي دكتور تقريبا من البالطو واضح انه الدكتور..
بحوش بتاعه الأكسجين من علي بقي..
الدكتور:حمدلله علي السلامه
انا:انا فين.
الدكتور : انت هنا في العيادة بعد ما انقذوك من الحريق ال كان في البيت ال انت قاعد فيه.
انا :اه تمام معرفوش ايه سبب الحريق.
الدكتور :الناس بتقول يمكن تسريب غاز **** اعلم اي ال حصل بالظبط.
انا: تمام شكرا يادكتور...اقدر اعرف هخرج امتي؟
الدكتور : هعمل شوية فحوصات حالا واذا حالتك تمام تقدر تخرج دلوقتي.
انا : تمام يادكتور.
الدكتور بيعمل شوية الفحوصات.
الدكتور :انت تمام جدا هكتبلك علاج عشان الكدمات ال في جسمك وفي حروق خفيفة هكتبلك ليهم علاج وانشاء **** الاسبوع الجاي هستناك في العيادة في نفس المعاد عشان اتطمن علي صحتك.
انا :تمام شكرا يادكتور.
.
في نفس الوقت.
ندي: اهو من ساعة ما جيه وهو مجبش غير المصايب.
شريف :يابنتي في اي مالك دا الراجل كان هيموت... دا كان في نص البيت وهو بيولع.
ندي :تلاقيه هو ال ولع في البيت عشان يداري علي حاجة بيعملها.
شريف :يابنتي بلاش سوء الظن دا انتي من امتي كدا.
ندي: هو كدا انا مش متطمنه للجدع دا.
شريف :هو عملك حاجة يابت انطقي.
ندي:لا معملش بس انا حاساه وراه مصيبة وجاي يستخبا عندنا..او جاي يبهدل البلد.
شريف: ادينا موجودين ولو عمل حاجة غلط هيتعرف بس انتي اهدي كدا ومتحطيش الراجل في دماغك.
ندي:هتشوفو في الاخر اني صح.
شريف: طيب روحي جهزي الاكل مع امك وانا رايح ازورة وغالبا هيخرج انهاردة زي ما الدكتور قالي
ندي :حاضر اما نشوف اخرتها.
.
بيوصل شريف أثناء ما الدكتور كان بيفحصني وانا بخرج بلاقيه واقف.
شريف:حمدلله علي السلامه.
انا: **** يسلمك تعبتك نفسك ليه كدا.
شريف : انت بتقول اي بس تعب اي دا ياخويا.
انا : **** يخليك انا حقيقي مش عارف اشكرك ازاي علي ال انت بتعمله معايا دا.
شريف : متقولش كدا طالما انت دخلت عندنا البلد يبقي بقيت واحد مننا.
انا : هو اي ال حصل بالظبط.
شريف : تعال اقعد ارتاح شوية وهنتكلم.
انا : طب الحاجات بتاعتي.
شريف :الحمد**** الحاجات بتاعتك لحقناها.
انا :طب انا كدا هقعد فين.
شريف :مفيش غير عم صابر ال هيفيدنا.
انا : **** يستر المرة الجاية بقي هروح فيها
شريف : اتفائل خير ياجدع
انا : طب بينا علي عم صابر يلا.
شريف :طب ارتاح شوية وناكل لقمه.
انا :لا معلش كفاية عليك انت تعبت معايا اوي كدا.
شريف :تعبك راحه ياعم تعالي بس ناكل لقمه انت لسة خارج من العياده لازم تتغذي.
انا : لا لا نروح لعم صابر نشوف بيت وانت تروح لمراتك وبنتك.
شريف :خلاص براحتك.
.
رحنا لعم صابر.
عم صابر :معلش يبني انا اسف البيت دا كان فيه انبوبة منفسة وهي ال عملت الحريق دا
انا: ولا يهمك ياراجل ياطيب...معندكش مكان تاني اقعد فيه.
عم صابر: موجود بيت في شارع العمده.
انا :بينا عليه.
عم صابر : بت يارشا انا رايح مع الاستاذ هيشوف البيت ال عند العمده.
رشا : ماشي ياخويا هعمل الغدا عقبال ماتيجي.
.
بنمشي انا وعم صابر ومعانا شريف.
انا: بقولك ياعم صابر.
صابر : أأمرني يابني.
انا : لو البيت ال رايحينه عجبني وعايز اشتريه يفصل كام.
صابر : انا مش ببيع بصراحه بس لو انت عايز تشتريه هبيعلك دانت من طرف شريف ودا غالي عليا قوي خلي بالك.
شريف : تسلم ياعم صابر.
انا:تمام لو عجبني نشوف هيفصل كام وانا هشتريه.
صابر : تمام.
بصيت علي شريف لقيته استغرب اني عايز اشتري بيت انا فاهم هو استغرب ليه.... لاني قولت اني هقعد اسبوع بالكتير بس غريبة اني قررت اشتري بيت. ف مستغربتش ان شريف استغرب.
.
بنوصل للبيت. بيكون قدام بيت العمده يعتبر..
بندخل وعم صابر بيديني المفتاح.
بيت نفس ال كنت قاعد فيه تقريبا بس اكبر شوية. وانضف حبتين.
انا بعد ما شوفت البيت كله :انا هشتري البيت دا ياعم صابر شوف هيفصل علي كام ونمضي العقد.
صابر:تمام يابني ال تشوفو.
في وقت ما احنا بنتكلم بيدخل واحد في أواخر التلاتينات تقريبا لابس جلبيه وماسك نبوت فخم وواقف بهيبه وكاريزما وبيخبط علي الباب
صابر : اتفضل ياحضرة العمده.
العمده: يزيد فضلك ياعم صابر...ازيك ياعم صابر
صابر : عايشين ياعمده.
العمده : وانت ياشريف عامل اي
شريف : نشكر **** ياعمده.
العمده بيبص عليا: وانت عامل اي يايوسف بيه وكويس دلوقتي ولا لسة حاسس بتعب بعد الحريق.
انا : الحمد**** ياعمده عدت علي خير.
شريف : العمده من اول الناس ال جات تشوفك عند الدكتور يايوسف واصر انه يجيلك.
انا : متشكر جدا ياعمده وشكرا لتعبك
العمده :الشكر *** ياغالي انت طالما دخلت البلد عندنا يبقي لازم نحافظ عليك ولا عايز بتوع المدن ياكلو وشنا.
انا : تسلم ياعمده انا مش عارف اقولك اي بجد.
العمده: متقولش حاجة المهم انك بخير
انا : الحمد****
عم صابر : بما انك موجود ياعمده... البيت دا لو هيتباع يفصل بكام.
العمده : دا يفصل بمليون ياعم صابر بس انت مش قولت مش هتبيع.
عم صابر : استاذ يوسف عايز يشتري البيت وطالما من طرف شريف انا مقدرش اقصر ياحضرت العمده.
العمده : وانت يا يوسف بيه هتشتري البيت ليه.
انا : اهو حبيت البلد وممكن اجيب امي واخواتي واجي نقعد شوية.
العمده : علي بركه ****
شريف : هروح اجيب العقد ونمضيه دلوقتي
عم صابر : علي بركه **** يبني.
بيروح شريف يجيب العقد ويرجع.
شريف : العقد اهو نمضيه وبكرا نختمه من الشهر العقاري
انا : تمام ماشي.
بنمضيه و العمده واقف معانا وهما مستغربين انا اشتريت بالسرعة دي ليه.
العمده : الف مبروك **** يعمرلك علي خير.
انا :تسلم ياعمده.
العمده : بما ان انتو هنا ف انا عازمكم علي العشا عندي.
انا :ملوش لزوم ياعمده كتر خيرك
العمده : وه انت عايز تصغر كلمتي ولا اي.
انا :مقدرش ياعمده.
العمده : خلاص يبقي تتفضل معانا علي العشا انهاردة.
شريف: بعتذر ياعمده انا همشي مراتي وبنتي مستنيني عشان ناكل سوا.
العمده : وآلله مينفع تروح تجيب مراتك وبنتك يتعشو معانا.
شريف : كتير علينا دا ياعمده
العمده : ولا كتير ولا حاجة يلا روح عقبال ما الوكل يجهز.
شريف :خلاص ماشي ياعمده.
العمده :وانت ياعم صابر روح هات مراتك.
صابر :ماشي ياعمده
بيروح شريف وصابر يجيبو عيلتهم.
.
نروح للبيت عندي.
دينا اول ما انا بفوق بتبتدي تهدا والرعشة تروح ونبضات قلبها تهدا.
منار : بقيتي كويسة.
دينا :اه مش عارفة اي ال حصل بس انا متأكده ان يوسف كان في مشكله وطلع منها عشان كدا قلبي ارتاح.
منار: **** يكون بخير.
دينا :****.
امي: ارتاحو ياحبايبي يوسف بخير هو بس بيريح اعصابو نامو وارتاحو.............مالك يابت بتبصي كدا ليه.
منار :ال يشوفك دلوقتي ميشوفكيش في المستشفى.
امي: لاني عارفة ان يوسف مش هيسيب حق هاجر ويروح ودا ال شوفته في عينيه.
منار ابتدت تدمع لما افتكرت هاجر.
امي : بس يابت مش وقته عياط ابوكي واخوكي برا البيت مينفعش تعيطو.
دينا : **** رجعهم سالمين.
منار : ****.
.
عند مصطفى وكريم.
كريم : اي اخر الاخبار عرفتو يوسف فين.
مصطفي : لسة بندور اهو.
كريم :طيب انا لو شوفت تقصير من حد همحيه من علي وش الدنيا.
مصطفي : خير.
كريم :لما نشوف اخرتها.
.
نرجع عند بيت العمده.
العمده : اتفضل بيتك ومطرحك (البيت كان كبير وفخم من جوا... في سفرة في نص البيت كبيره ونجفه نازلة من السطح عامله شكل تحفه.)
العمده : دا يوسف ال كان في البيت ال اتحرق.
واحده عجوزة : الف سلامه يابني **** يبعد عنك الشر.
انا :تسلمي ياحجه.
العمده : دي ستي الحجه كريمه بركه البيت هنا.
انا ببوس ايدها : **** يطول في عمرك ياحجه.
العمده : بيشاور علي وحده تقريبا في الخمسينات : دي بقي امي فاطمه.
انا : ازيك يا ست الكل
فاطمه : اهلا بيك يابني حمدلله علي سلامتك
انا :**** يسلمك.
العمده بيشاور علي واحده في سنه تقريبا او أصغر. : دي بقي مراتي رباب.
انا :اهلا بيكي.
العمده : ودول اخواتي سنيه ٣٨ جوزها مسافر ف هي قاعده معانا شوية..... حسناء.... ٣٥ سنه جوزها برضو مسافر..... ودي كتكوتة العيلة سمر ١٨ سنه في لسة متجوزتش وعايزة تكمل دراستها.
انا : بسلم عليهم كلهم وبقعد :انتي بتدرسي اي يا سمر
سمر: انا في ٣ث عام السنادي. ( سمر بنت حلوة اوي.... ملامحها هاديه جدا... عندها غمازات لما بتضحك)
انا :بتذاكري ولا سايباها كدا
سمر: لا بذاكر الحمد****.
انا: **** معاكي ولو عوزتي حاجة انا موجود ممكن اساعدك..
سمر:تمام..
العمده : انت بقي بتشتغل اي.
انا :انا مبرمج يعني اطور العاب او برامج او شبكات حماه للاجهزة حاجات من دي يعني.
العمده :طب دا حلو جدا دا انا سمعت عن الحاجات دي وعرفت انها حاجات كويسة وعاليه جدا.
انا:اه طبعا حاجات كويسة ومحتاجه خبرة برضو.
العمده : طب كويس انا ممكن احتاج حاجات منك
انا : اامرني ياعمده وانا مش هقصر معاك لو حاجة في مقدورتي.
العمده : لا مش دلوقتي لما اعوزك هكلمك.
انا : تمام في اي وقت براحتك كلمني
.
عند بيت شريف.
سعاد : استاذ يوسف كويس ولا فيه حاجة.
شريف :لا كويس الحمد**** وراح اشتري البيت ال قدام العمده.
سعاد:مش دا بتاع عم صابر.
شريف : ايوة
سعاد: هو مش قال مش هيبيع.
شريف :ماهو قال عشان خاطر انك تبع شريف وباعلو.
ندي: هي ناقصاه كمان يروح يشتري بيت هنا هو هيخلل ولا اي مش قال كلها اسبوع.
شريف :ماهو قال ان ممكن يبقي يجيب عيلته يقعدو شوية.
ندي: اه كمان ومالو ينورونا.... هتشوفو ان وراه مصيبة وهتقولو ندي قالت
شريف : ما يبقي وراه زفت احنا مالنا.
ندي :منت من ساعة ما جيه وانت معاه علي طول.
شريف : طب كفاية كلام بقي ويلا البسي عشان العمده عازمنا عنده.
ندي:وطبعا هو هناك مع العمده.
شريف : ماهو العمده عازمنا عشانه اصلا.
ندي: مش رايحه.
شريف : بت قومي البسي واخلصي عشان منزلش فيكي قتل واحترمي نفسك بقي وتتكلمي باحترام طالما معملش حاجة غلط.
ندي: طيب اما نشوف اخرتها.
شريف :وانتي يا سعاد روحي البسي يلا
سعاد :ماشي ياخويا علي السريع اهو انا مش اما اكمل في اللبس.
شريف : يلا مستنيكم برا.
.
شريف بيجيب اهله وصابر بيجيب مراته وبيجو واحنا بنتكلم.
العمده : يا مرحب يامرحب نورتونا... وبيدخلو يسلمو علي بعض كلهم وبعدين بيقعدو كلهم علي السفره.
وبتقوم سعاد تساعد اهل البيت في الطبيخ ورشا مرات صابر معاها وندي بتروح تقعد مع سمر.
بيحطو اكل كتيير علي السفرة لان ناس كتير قاعده هتاكل... وانا لاحظت ان ندي بتبصلي بقرف بس كبرت مخي منها انا معملتش حاجة عشان تبصلي كدا اصلا..
بيقعد الكل ياكل ومحدش بيتكلم خالص... بصراحه استغربت ان كله ساكت علي الاكل ومحدش بيتكلم.
بعد الأكل العمده بيطلب شاي.
العمده : نورتنا يا يوسف بيه
انا : نورك ياعمده..... بوجه كلامي للستات والاكل جميل تسلم ايدكم بجد.
فاطمه : الف هنا.
انا : هو انتو ليه كنتو ساكتين علي الاكل.
العمده : احنا اتعودنا علي كدا الاكل ليه احترامه وبالذات عندي في البيت ممنوع حد يتكلم علي الاكل.
انا:دي حاجة كويسة جدا
.
في نفس الوقت.
ندي : ال اسمه يوسف دا انا مش طايقاه
سمر: ليه دا باين عليه لذيذ
ندي:لذيذ اي دا باين وراه مصايب وجاي يستخبا عندنا... اقطع دراعي لو مكنش كدا.
سمر:بس دا باين عليه محترم وابن ناس.
ندي: ماهو لازم يعمل كدا انه يبان محترم وابن ناس عشان لو عمل غير كدا اهل هيتقفش وهيمشوه.... غير اصلا طلع معاه فلوس كتير واشتري بيت من عم صابر.
سمر : انتي هتقلقيني ليه طالما الراجل معملش حاجة غلط يبقي خلاص متشغلش بالك بيه.
ندي : لا وعارفة بيقول لابويا لو يعلمني البرمجه.
سمر: طب دي حاجة كويسة اي المشكله انتي لو اتعلمتي برمجه هتطوري جدا وتقدري تسافري برا كمان
ندي :يعني هو دا يفهم في البرمجه ما تلاقيه عارف شوية حاجات ويقولك برمجه.
سمر :مالك يابت يخربيتك انتي كارهاه كل دا ليه يكونش قاتلك قتيل ولا اي
ندي : اهو هو كدا بقي مش طايقاه ونفسي اخنقة
سمر :اهدي بس ولو في حاجة غلط هتبان مفيش حاجة بتستخبي.
ندي : علي رأيك... يلا هسيبك عشان تشوفي مذاكرتك انتي.
سمر : ابقي تعالي اقعدي معايا شوية.
ندي :ماشي يلا باي.
سمر : باي.
بتكمل سمر مذاكرة وبتطلع ندي تقعد برا.
.
العمده: وانت هتقعد قد اي هنا يايوسف.
انا:عشر ايام كدا وممكن تمتد لشهر وبعدين هرجع اتمني مكنش تقول عليكم.
العمده : تقيل اي دي بلدك تنورنا ولو عايز تقعد سنه كمان احنا نشيلك فوق راسنا.
انا :دي الأصول برضو ياعمده
ندي في سرها : احنا مستحملينك يومين عشان تقعد سنه دا اي المرار دا.
انا : بقولك ياعمده عندي طلب بسيط لو تقدر عليه.
العمده : قولي ولو بيدي مش هقصر.
انا : محتاج بس واحده هتيجي يوم في الأسبوع تنضف وهديها ال هي عازاه.
العمده : من عيني امي اهو تقدر تفيدك.
فاطمه : موجوده يابني...ولو عايز واحده تعملك اكل موجودة.
انا : خلاص ماشي عايز واحده تعمل اكل....وتنضفلي مرة بس في الأسبوع ومتقلقش من الحساب خالص.
فاطمه : خلاص تمام هكلمهالك واخلي العمده يرد عليك.
انا : تسلمي ياحجه هتعبك معانا.
فاطمه : تعبك راحه.
انا : هستأذن انا دلوقتي وهستني ردك ياعمده.
العمده : من عيني متعولش الهم
.
رجعت البيت ال اخدتو وقعدت علي السرير وقعدت افكر ازاي اهل القرية طيبين وكويسين حتي العمده كويس وبيعامل اهل القرية باحترام وبيساعدهم لا وال لفت انتباهي هو كرمهم الزايد معروف طبعا عن الصعايدة الكرم بس دول اكتر كمان....غلب عليا النوم وصحيت الصبح علي حد بيخبط الباب..
انا : مين بيخبط.
شريف : انا شريف
قمت فتحت الباب ودخل شريف ودخل الحاجات بتاعتي ال كانت في البيت ال اتحرق... دخل اللابتوب والشنطه بتاعتي ال فيها لبسي وحاجاتي ال اشتريتها لما نزلت البلد.
انا : تعبت نفسك ليه كنت هاجي اخدهم انا.
شريف :انت مصمم تغلط فيا ياعم ما قولنا مفيش تعب انت طالما دخلت بلدنا يبقي بقيت واحد مننا.
انا : تسلم بابن الأصول.
شريف : هتنزل امتي عشان نختم العقد من الشهر العقاري.
انا : استأذنك بس هاخد دش سريع ونتحرك.
شريف : تمام براحتك انا هستناك هنا.
انا : تمام.
دخلت خدت دش سريع وطلعت لبست وخدت شريف وعدينا علي عم صابر وخدناه ونزلنا البلد مضينا العقد وحولت الفلوس لعم صابر من الحساب بتاعي ال مش باسمي برضو.
عم صابر وشريف لسة مستغربين الفلوس ال عندي واني وفرت المليون بالسرعة دي.
وبعدها رجعنا البلد شريف راح بيته وعم صابر راح بيته وانا قعدت اتمشي شوية علي الترعة وبعدين رجعت بيتي.
قعدت اظبط اللابتوب وانزل تطبيقات الحماية مرضتش اربط اللابتوب بالاجهزه ال عندي في البيت لأن عندي فكره تاني هتوضح في ال جاي.
قررت اعمل بوت مخصص للجهاز دا بس مشكلته انه هيحتاج وقت شوية بس مش مهم انا كدا كدا قاعد في البلد دي فتره.
الفكره التانيه ال عندي هتبقي في البيت نفسه... عايز احفر اوضة تحت الارض هيبقي فيها شغلي هنا بس انا عايز الموضوع سري عن اهلي القرية مش عارف هعملها ازاي..
جيه في بالي فكره ان اخلي شريف يساعدني بس مش ضامن حد لان طبعا في شغلنا دا محدش مضمون.
دخلت علي اللاب بحثت عن شريف وحاولت اجيب اي معلومات عنه تقدر تفيدني بس ملقتش معلومات كتير للأسف و ملقتش حاجة تفيدني تطمني من ناحيته..
فكرت في العمده... وبالفعل دخلت بحثت عنه... لقيت ان العمده اسمه محمود الهواري خريج سياسة واقتصاد.... سافر برا كتير ودرس... عنده شركه عقارات اسمها الهواري.. عامل علاقات كويسة مع ناس من كبار البلد... انا استغربت انه كدا بصراحه... المهم برضو مش عارف هيقدر يساعدني ولا لا خصوصا معارفه الكتيرة دي... لكن بعدت فكرة مساعدة العمده لان معارف دي شككتني انه ممكن يكون ليه معارف من الغابة او ال BH... لأنهم ليهم وجوه في كل مكان في العالم.
فكرت استعين بخالد بس انا كنت عايز ابعد عن الوجوه في الفترة دي كلها مكنتش عايز اعرف حد.... ف اتراجعت عن الفكرة دي.
جات في بالي فكره حفر بمساعده اهل القرية بدون ما حد يعرف... قعدت خططت وظبط الخطه وحان وقت التنفيذ.
.
انا : ياعم صابر دلوقتي في مياه بتطلع فجأه في الصاله متعرفش سببها اي دا.
صابر: استني هاجي معاك نشوف.
انا : يلا بينا.
.
انا : اهو شوف هنا تلاقي المياه ملت الصالة انا لقيت كدا بقيت بقفل المياه.
صابر: يمكن في ماسورة اتخرمت ولا حاجة...هنكلم الصيانه وهما هيتصرفو.
انا: في أسرع وقت بس عشان مش هعرف اقعد كدا.
صابر :خد الرقم اهو وكلمهم.
.
خدت الرقم وكلمت شركه المياه وقالولي هنبعتلك في أسرع وقت حد يشوف مشكلتك..
شريف عدي عليا وحكيتلو المشكله قالي متقلقش دي بتحصل كتير وفي خلال يومين هتتحل انشاء ****.
انا : علي بركه **** يوم حريق ويوم غرق مش عارف ناقص اي تاني.
شريف :انت منحوس
انا : تقريبا كدا
شريف :هسيبك انا عشان ارتاح لان بالليل في عريس جاي للبت ندي.
انا : بجد.. الف مبروك **** يكمل علي خير.
شريف : **** يبارك فيك ياخوي... وبيمشي شريف وانا بقعد في البيت لوحدي.
.
كدا الخطه ماشيه كويس هيجو يحفرو وهيغطو المواسير وانا هبدأ بعدها اعمل الاوضة واظبطها.
.
بالليل. عند شريف.
بيروح شخص يتقدم لندي.
شريف :ازيك ياحج مرعي
مرعي: بخير ياشريف
شريف : اتفضل بيتك ومطرحك
مرعي : يزيد فضلك...اومال فين عروستنا القمر.(مرعي راجل رخم عنده 50 سنه عنده. .. متجوز 2... لما حد بيجي تحتيه بيدوس عليه ويزلة وبيستمتع بأنه يشوف الناس مزلولة ليه).
شريف : نادمي علي العروسة ياسعاد خلي عريسها يشوفها.
بتدخل سعاد لندي.
ندي بتعيط بقهره وحزن : عايزين ترموني لمرعي ياما... ليه هو انا مش بنتكم ولا انا مش بنتكم...خلاص هترموني رميه الكللابب كدا؟
سعاد وهي بتعيط علي بنتها : غصب عننا يابنتي نعمل اي.. ابوكي هيتحبس ومش هيطلع منها... مانتي عارفة مرعي لما بيدوس علي حد مش بيسيبة... انا اسفة يابنتي مافيش في اي نا حاجة نعملها... يرضيكي ابوكي يتحبس ويقضي باقي عمره في السجن.
ندي : ساكته مش بتتكلم بس خلاص هتعمل اي لازم تضحي عشان ابوها... طيب ياما هتجوز مرعي عشان خاطر ابويا.
بتطلع ندي لبرا وهي عينها محمرة من العياط.
مرعي : اي ياعروسة حد مزعلك.
ندي: لا انا تمام.
شريف : شوف معاد الفرح امتي ياحج مرعي.
مرعي: مش نشوف العروسة موافقة الاول ولا لا. وبياحول يمسك ايدها بس هي بتفلت
شريف : هي موافقة
مرعي : لا اسمعها منها اومال دي الأصول.
ندي بحزن : موافقة.
مرعي :سمعينا زغروطه.. وبيبص لسعاد.
سعاد بتزغرط بس من جوها بيتقطع علي بنتها وعلي آل هي رايحاله.
مرعي : علي اخر الشهر الفرح وكتب الكتاب.
شريف : علي بركه ****.
.
عند العمده.
سمر : بعد اذنك يا عمده محتاجه بس اسأل يوسف علي حاجات عندي في المنهج لانه كان قالي انه شاطر في المواد دي ف كنت عايزة اعرف لو يقدر يفهمني الجزء دا.
العمده : انتي تقعدي مكانك وهو يجيلك لحد عندك.
سمر بتبوس العمده في خده : اخويا ال بحبه
العمده : يلا عايزك ترفعي راسنا.
سمر:عيب عليك.
العمده : هروح اشوفه واجيلك.
سمر :ماشي ياخوي.
.
بيجيلي العمده.
العمده : اي ياعم يوسف المياه دي.
انا : معرفش تقريبا مواسير ضربت كلمت عم صابر ادالي رقم الصيانه كلمتهم وقالو هيجو يشوفو.
العمده : طب قولي ياراجل يمكن اقدر اساعدك دا البيت قصاد البيت حتي
انا: محبتش اتقل عليك.. غير ان عندك اختك في ٣ث ف محتاجه تركز.
العمده : طب يلا تعالي سمر عايزاك تفهمها حاجات في المنهج علي **** متعرفش تفهمها هيبقي اخر يوم ليك هنا ( بيتكلم بنبرة حادة)
انا بستغرب وبتوتر وبرجع لورا :...
العمده :يخربيت شكلك وانت متوتر اهدا ياعم انا بهزر معاك مش للدرجادي ياجدع.
انا: بضحك... انا استغربت من تغيرك المفاجئ دا
العمده : شكلك يفطس ضحك الصراحه
انا: انا رايح اغير الليس واجي معاك عقبال ما تخلص ضحك.
وانا بلبس كنت مستغرب ان العمده كدا وبيهزر ويضحك غريبة بصراحه... كنت مفكر العمده دا راجل صعب ومبيضحكش ولازم يفشخ الناس.
.
لبست ورحت معاه.
سلمت علي ال قاعدين والعمده وصلني لمكتب سمر.... اوضة واسعة مليانه كتب مذكرات اغلبها 3ث...ومنظمه جدا وشكلها يخليك عايز تذاكر وسمر قاعده بتذاكر.
العمده : يوسف اهو ولو قصر او مفهمكيش قوليلي بس وانا انفيه.
انا : هتنفيني فين.
العمده : في السنبلاوين.
انا : اشمعني.
العمده : معرفش بس حسيت الاسم حلو قولته.
سمر : لا انا مش فاضية ليكم انتو الاتنين.
العمده : هسيبكم انا دلوقتي وهبعتلكم حد بالشاي.
بيمشي العمده وانا بقعد قدام سمر في المكتب.
انا : اي ال مش فاهماه بقي
سمر : اهو الجزء دا
.
كانت في الفيزياء وانا كنت بحب الفيزياء اصلا فهمتهالها كويس وقعدت معاها وهي بتحل علي الجزء دا.
واختها جابتلنا عصير وهي بتحل..
بعد ما خلصت حل واتمكنت من الجزء ال مكانتش فاهماه.
انا: بس كدا تمام ارتاحي شوية وكملي مذاكرة.
سمر: ممكن اسالك سوال.
انا : اه طبعا اسألي.
سمر : انت ازاي جيت هنا.
انا :...... حكيت ال حصل.
سمر: انت كنت هتموت كدا.
انا: الحمد**** قدر **** بقي.
سمر : طب واهلك.
انا: مالهم.
سمر: مش هيقلقو عليك.
انا : انا كدا كدا قولتلهم انا واخد اجازة وهقفل موبايلي لاني كنت عايز اريح مخي شوية.
سمر: شكلك كنت مضغوط جامد.
انا : فعلا
سمر : انت متجوز.
انا : اه.
سمر: طب وهي فين.
انا : معرفش من اخر مرة كنت معاها وعملنا حادثة وهي مختفيه..
سمر سكتت شوية بتحاول افهم كلامي. :قصدك انها ماتت
انا : متقوليش ماتت هاجر مستحيل تسيبني وتمشي هي وعدتني
سمر فهمت ان هاجر ماتت وانا مش متقبل كدا ف هي فضلت انها تسكت احسن عشاني وحبت تغير الموضوع.
سمر: انت منين اصلا.
انا: من المنيا بس سبت المنيا وقعدت في القاهرة عشان شغلي.
سمر: اه شغلك في البرمجه دا انت قولت كدا تقريبا.
انا : اه بالظبط.
سمر :طب و....
انا بقطعها في الكلام : كفاية كلام كدا مش ريحتي شوية يلا كملي مذاكرتك ويوم تاني ابقي اسألي براحتك.
سمر : بتضايق شوية.... امممم ماشي
بمشي انا عشان تكمل مذاكرتها عشان عارف انها هتفتح في الأسئلة مش هتسكت.
.
نروح لدينا والبيت.
دينا : الو ايوة يانور ازيك عامله اي.
نور : بخير الحمد**** انتو عاملين اي كلكم.
دينا : كلنا بخير ياحبيبتي.... يوسف جالكم؟
نور : يوسف؟.... لا ليه هو في حاجة.
دينا : لا ياحبيبتي مفيش حاجة بس هو كان قال انه هيرجع البلد يريح اعصابه شوية بس هو قفل تلفونه من ساعة ما مشي واحنا هنا قلقانين عليه .
نور : لا هو مجاش ممكن يكون جيه البلد بس معداش علينا هرن علي ريم وليلي اسألهم.
دينا : ماشي ياحبيبتي معلش قلقتك.
نور : ولا يهمك ياحبيبتي متقوليش كدا.
.
نور : ايوة ياليلي هو يوسف عدي عليكم؟
ليلي : يوسف مين.
نور : انتي تعرفي كام يوسف.
ليلي : هو واحد وفي مصر اي ال نجيبو هنا.
نور :... حكت ال قالتو دينا
ليلي : انتي قلقتيني علي فكره... هو معداش علينا لا.
نور :خلاص ماشي تمام
ليلي : لو عرفتي حاجة كلميني طيب.
نور :حاضر ياحبيبتي.
.
نور : الو ايوة يادينا.
دينا :ها في اخبار.
نور : لا مراحش لليلي
دينا : طب والعمل اي كدا.
امي : يابنات اه و شوية يوسف قال عايز يرتاح شوية تلاقيه قاعد في مكان لوحده بعيد عن الدوشة والصداع دا اهدو وهو لما يرتاح هيرجع خلاص نامو وارتاحو هو دايما كان بيعمل كدا وهو صغير كان بيحب ياخد جنب لوحده فترة كدا يهدا ويستعيد تركيزة بعدين يرجع تاني.
دينا :طب يطمنا حتي
امي : مش انأ أمه اهو والمفروض ابقي قلقانه اكتر منكم...انا اهو بطمنكم دا ابني وانا حافظاه هو بخير بس بيريح اعصابة شوية ارتاحوا بقي..يلا هروح اصلي انا.
دينا كلام امي بيهديها شوية.
.
دينا بتتكلم *
شعور التوتر دا اول مرة يحصلي من ساعة ما عشت مع يوسف وأهله... يمكن لاني عرفت اني ابقي اخت يوسف فعلا من دمه ولحمه... ف دا خلاني خلاص مش عايزة اخسرة بعد ما عرفت انه يبقي اخويا شقيقي...يمكن ارتبط بيه اكتر من اللازم انه حسسني بشعور الاخوة والحنان وهو يعتبر ملوش صله بيا او زي ما كنت فاكرة انا وهو... وكمان مكنتش عايزة اخسرة وانا لسة مقولتلوش حقيقة انه يبقي فعلا اخويا. مش عارفة اصلا هقولهاله ازاي.... **** رجعه ليا بخير وسلامه.
.
نرجع لعندي.
بعد ما سبت سمر تكمل مذاكرتها رجعت انا البيت اظبط الدنيا عشان خطه حفري للاوضة تبقي ماشية كويس ومحدش يشك في الأمر و.
ريحت شوية وصحيت علي حد بيخبط.
انا :مين.
شخص : احنا شركه المياه.
نزلت فتحت ودخل العامل بتاع شركه المياه.. يشوف اي ال حصل.
العامل: في مواسير حصلها تلف هنضطر نحفر في الاوضة عشان نقدر نوصلها وغالبا هنحفر عميق لان المواسير هنا بتبقي علي عمق كبير شوية.
انا : تمام امتي الحفر؟ لاني مش هقدر اعيش والدنيا بتغرق كدا.
العامل : بكرا الصبح هيوصلك فريق العمل يافندم.
انا : تمام مفيش مشكله... تشرب اي حضرتك.
العامل :لا متشكر شوية مياه بس.
انا: ودا يحصل داحنا صعايدة الناس تقول علينا اي.
العامل : خلاص يبقي شاي.
جبت الراجل مياه وعملتله شاي وقعدت اتكلم معاه علي اي ال ممكن يكون سبب في تلف المواسير قالي ممكن عمرها الافتراضي خلاص انتهي وان دا طبيعي يحصل وقالي متقلقش خالص هتتحل في أسرع وقت انشاء ****.
خلص الشاي بتاعه واستأذن ومشي. وانا قعدت اظبط في اللاب شوية وبدأت شوية تحديثات وسبت التحديثات شغاله وانا نمت.
.
صحيت علي صوت العمال ال هيصلحو المواسير وهما بيخبطو....غسلت وشي علي السريع ونزلت فتحتلهم.
كانو جايبين معدات كتير عشان الشغل. دخلتهم جوا وسلمت عليهم كلهم
انا : تفطري اي.
عامل : ولا حاجة تسلم... كوباية شاي بس عشان نبدأ نشتغل.
انا :وآلله ميحصل هتفطرو معايا انا كدا كدا لسة مفطرتش.
رحت نزلت جبت فطار من عم مجدي ( واحد بيبيع فول وطعميه في أول الشاوع بس اي حاجة عظمه انصحكم تجربوه)
رجعت بالفطار جبت طلبات كتير لان العمال كانو كتار.
فطرو وانا فطرت عملتلهم شاي عقبال ما فطرو.
خلصو فطار وشربو الشاي وبداو في الشغل.
انا سبتهم يشتغلو وقعدت افطر انا.
حلاوة الفول وعليه لمونه كدا يلهواااااي عظمه.... ولا الطعميه **** عليك ياعم مجدي وعلي الحاجات دي... تحط الفول عليه طحينه وبعدها شوية سلطه ودوس يامعلم يلهواااااي دمار.
خلصت فطار وقعدت اشوف التحديثات علي اللابتوب وصلت فين.... لقيت في تقدم كويس... بس لسة شوية تاني محتاج أجهزة تاني بس دي مش هقدر اجيبها غير لما اظبط الاوضة.
سبت التحديثات تكمل وانا طلعت اشوف الرجاله ال شغاله وصلت لفين.
انا : شده يا رجاله **** معاكم.
سبتهم يكملو وطلعت اتمشي شوية في البلد. وقفت علي حافة الترعة اتأمل جمال المنظر..
يا لجمال الطبيعة وعظمه وابداع الخالق... منظر المياه ومن خلفها جمال الخضار وشده الرياح... غمضت عيني وبقيت استنشق الهواء النقي.. واسترخي بعيدا عن متاعب الحياه.
.
لكن طبعا الحلو ميكملش بصوت صويت ست بتزعق..
بفتح غيتي بشوف في اي بلاقي ست بتجري علي الترعه وراها كام واحده ورجاله بتجري وبتصوت بتقول ابني ابني حد يلحق ابني وبتزعق.
ببص علي الترعة بلاقي عيل بيغرق ومحدش فكر يساعده.
في لحظه سريعة خدت قرار ونطيت في المياه بهدومي وعومت لغاية عند الواد المياه كانت غزيرة وعميقة سحبت الواد معايا وطلعت بيه لامه وهي بتعيط لسة وكل الناس بتشكرني اني ساعدته... شلت الواد وخليت الست توريني بيتها... خدت الواد علي البيت وخليتها تجيب حاجة تنشفه بيها وخليتها تغيرلة اللبس وتغطيه... قولتلها تعمله حاجة سخنه يشربها وتعمله ياكل وهي قعدت تشكرني كتييير وانا سبتها مع ابنها ورجعت البيت عشان اغير هدومي وقعدت اسب والعن في حياتي ال كل ما اريح شوية الاقي مصيبة علي دماغي.
شوفت الناس ال بتشتغل كانو حفرو كتير في الاوضة سلمت عليهم وطلعت خدت دش وغيرت اللبس وريحت شوية.
.
قمت بعد كدا جبت غدا للرجالة ال بتشتغل وجبت غدا ليا.
بعد شوية لقيت العمده جايلي.
العمده : اي يابطل
انا : اي ياعمده.
العمده : سيرتك بقت علي كل لسان.
انا : اي دا ليه.
العمده :بقي مش عارف ليه ولا اما تتواضع علينا.
انا: لا بجد مش عارف ليه.
العمده : كله بيتكلم علي الطفل ال انت انقذته من الغرق
انا : اه كنت عايزني اشوف الواد بيغرق وامه بتصوت واسكت يعني كان لازم انقذة واي حد مكاني المفروض يعمل كدا.
العمده: محدش عنده الشجاعة يعمل كدا وانت اول ما شوفت الواد مفكرتش ونزلت علي طول.
انا : طبعا دي روح ولازم انقذها
العمده : عاش يابطل.... يلا قوم معايا سمر عايزاك تكملها شرح.
انا : من عيوني هشوف الرجاله واجي معاك.
.
شوفت الرجاله ورحت مع العمده لسمر.
اول ما دخلت البيت كله بيقولي... عاش يابطل وانا سكت لاني فهمت ان الموضوع وصلهم. ماهو مفيش حاجة بتستخبي هنا.
سلمت عليهم وروحت لسمر.
سمر : اي ياعم البطل دا.
انا :حتي وصلتلك انتي اي مفيش حاجة بتستخبي هنا خالص.
سمر : دا الطبيعي هنا اقل حاجة بتوصل للكل.
انا :طب وانتي مركزة في مذاكرتك ولا مركزة مع الاخبار برا.
سمر: مفيش مانع لما اريح شوية وحد يحكيلي يعني.
انا : طيب كفاية كلام بقي يلا اي ال عايزاني اشرحو.
سمر : هو جزء صغير بصراحه بس انا قولت لاخويا يقولك تيجي عشان تقعد معايا وانا بذاكر لاني كنت مركزة كويس وانت قاعد معايا امبارح.
انا : امممم طيب اديني قاعد اهو كملي مذاكرة يلا.
سمر : ماشي.
.... بتكمل سمر مذاكرتها وانا قاعد مش بعمل حاجة عشان هي متتشتتش.
.
خلصت سمر جزء كبير من مذاكرتها وحلت عليه... كل جزء بتحل عليه بصححه انا عشان تنجز اكتر.
انا. : بس كفاية كدا ارتاحي شوية وارجعي كملي وانا هروح اشوف الرجاله عملو اي.
سمر : اقعد شوية وبعدين امشي.
انا:طيب اهو قاعد اسألي.
سمر : عرفت ازاي اني عايزة أسأل.
انا : من المرة ال فاتت وانتي بتسالي.
سمر : اممم طيب بس انا مش عايزة اسأل.
انا : اومال عايزة اي.
سمر : عادي نتكلم عادي... اصل مفيش حد هنا بعرف اتكلم معاه كويس... اغلب ال بيكلمني يا اما بيقعد يشتكيلي او بيقعد يقولي اخبار البلد ال انا اصلا مليش دعوه بيهم.. إنما انت ممكن تسمعني عادي ودا عرفته من تحليلي لشخصيتك.
انا : الناس برضو شايفينك بتسمعي ليهم ف بيتكلموا معاكي لانك هتسمعيهم عكس باقي الناس مش بيحبو يسمعو حاجات كتير او بيسمعوا بدون ما يدو اي رد فعل لكن هما عايزين ال يتفاعل معاهم... زي مانتي بتعملي.
سمر : انت عرفت الحاجات دي ازاي.
انا : من تعاملي مع الناس
سمر : هو انت ممكن تعلمني برمجه.
انا : اه طبعا خلصي مذاكرتك واعلمك بس تستحملي بقي.
سمر : هشرفك.
انا : انا واثق من كدا.
سمر: اي ال مخليك واثق كدا.
انا: من خلال تعاملي مع الناس بعرف مين ال اقدر اثق فيه ومين لا ومين ال قد المهام ومين لا.
سمر : اتمني هكون علي قد ثقتك
في وقت ما انا قاعد مع سمر بنتكلم عادي.
بتدخل ندي علينا فجأه.
ندي: طبعا اقعدي اضحكي واتمسخري ولا هامك انا اي ال بيحصلي...قاعده في أحسن بيت بتتعلمي احسن تعليم وبتاكلي احسن اكل... ولا يهمك صاحبتك عايشة ازاي واي ال بيحصلها... لا ما خلاص انتي اصلا عمرك ما اعتبرتيني صاحبتك وطول عمرك تعتبريني اقل منك في كل حاجة... يمكن بتعاملي الخدم احسن مني... حتي دا ( بتشاور عليا) ال منعرفش مصيبه اي اصلا وجايب وراه اي ولا بيقندل اي عندنا... بتتكلمي معاه احسن مني وبتتاعملي معاه احسن مني كمان... واحد زي دا تلاقيه بيستخبي عندنا اصلا من جريمه عملها يمكن البوليس بيدور عليه وهو مستخبي عندنا وانتي حضرتك بتتعاملي معاه كانه من بقيه اهلك... لكن انا.... انا ال طول عمري بعتبرك صاحبتي الوحيدة وكل حاجة بقولهالك... وانتي ولا مرة قولتيلي حاجة ولا مرة فكرتني تطمني عليا ولا تعرفي اي حاجة عن حياتي.
.
وهنا اكون انتهيت من الجزء الثالث
الي اللقاء.. نلتقي في الجزء الرابع.. من... (( برمجه))


الي اللقاء.. نلتقي في الجزء الرابع.. من... (( برمجه))

في وسط كلام ندي ال بتقولو.. ببص علي سمر لقيتها واقفه مصدومه وعينها اتملت دموع...كانت لسة بتقولي أن ندي أقرب حد ليها هنا وانها بتعتبرها اختها.. انا واقف ساكت وبسمع كلام ندي.. ولقيتها بتتهمني اتهامات انا معرفش اي سببها اي.. شافت اي مني تخليها تقول عليا كدا.. بس مهتمتش لان اصلا هي مش فارقة معايا.
ندي : اه اه اعمليلي فيها جو الصعبانيات الكلام دا ميخلش عليا.. وعارف طبعا تبريرك انك في ثانوية عامه وبلا بلا بلا والكلام بتاع كل مرة ال مش فاهمه فين التبرير في كدا ما كل الناس في ثانوية عامه عادي انتي يعني الوحيدة ال في الثانوية... لكن طبعا انتي معتبراني اقل منك دا مفيش مرة جيت اتكلم معاكي وقعدتي تتكلمي معايا شوية وتضحكي زي ما كنتي بتعملي دلوقتي مع ال جاي بمصايبة دا.. كل ما اجي اتكلم تعملي انك بتذاكري وانك بتريحي من المذاكرة لكن تسمعيلي هههه لا ياندي معلش اصل انا تعبانه لا ياندي معلش اصل انا بذاكر لا ياندي معلش اصل انا مش عارفه اي... كل ما اكلمك تتهربي مني لكن انتي تتكلمي لازم الكل يسمعك اصل انتي اختي العمده.. اه ماهو فرق طبقات بقي احنا الوسخين المعفنين وانتو الناس النضيفة...وانت (بتشاور عليا) مشوفكش مع ابويا تاني ماهو احنا مش ناقصين مصايب عشان حضرتك تلزق مصايبك مع ابويا...ومشوفكش بتعدي من قدام بيتنا... وياريت تسيبنا واشوف حد غيرنا ارمي بلاك عليهم... اه انا بطردك من البلد دا لو تحس علي دمك يعني... وانتي مشوفكيش بتجيبي سيرتي علي لسانك ولا بالحلو ولا الوحش.( وبتسيبنا وتمشي).
.
سمر بتتكلم *
حسيت الوقت وقف بيا كل كلمه قالتها كانت كأنها رصاصة بتدخل في قلبي وعقلي.. مكنتش بعتبرها صاحبتي انا كنت معتبراها اختي ال مجابتهاش امي.. يمكن فعلا قصرت معاها شوية الايام دي بس لان فعلا عندي مذاكرة ومش فاضية... والدقيقتين ال كلمت فيهم يوسف دول لاني كنت بفصل مخي من مود المذاكرة وبعدين هكمل مذاكرة... معرفش هي عملت كدا ليه بس.. حتي معرفش اي سبب كرهها ليوسف لا وتطردة كمان.. هو معملناش حاجة وحشه من ساعت ما جيه البلد.. مكنتش عارفة رجلي شايلاني ازاي وانا بسمع كل كلامها دا.
.
بعد ما ندي مشت *
انا ساكت معرفش اقول اي.. ببص علي سمر لقيتها لسة في نفس حالة صدمتها ودموعها بتنزل... مرضتش اتكلم معاها سبتها تهدي لوحدها قعدت تقريبا ربع ساعة في حاله سكوت مبتتكلمش دموعها بتسيل من عينها بس... كنت حاسس بيها وبقهرتها... ان صاحبك يكون بيحقد عليك دي وانت معتبرة اخوك دي بتوجع اوي...شعور صعب فعلا... سبتها كدا لغاية ما هديت ولقيتها هي ال بتتكلم .. كل دا وانا مستغرب ان محدش من البيت دخل.
.
سمر: انا مش عارفة هو اي ال حصل... هي دي صاحبتي ال بعتبرها اختي؟ طب هو في كدا؟ ليه كل حقدها عليا دا انا عملتلها اي طيب؟ اي ال انا عملتو غلط معاها؟ انا كنت بخليها تتكلم معايا عادي شوية بعد كدا بقولها معلش هذاكر خليكي قاعده معايا وانا بذاكر.! كنت بخليها تاكل معايا وتنام معايا هنا عادي ولا مرة حسستها انها اقل مني ولا مرة اصلا حطيت في بالي ان ندي أقل مني.. لما امها او ابوها كانو يبقو هيزعقولها كنت انا ال بتصدالهم عشان محدش يكلمها او كنت بخلي اخويا العمده كمان يتصدالهم... علي طول عاملاها اختي وحبيبتي.
انا : اهدي اهدي الانسان ال يبقي فيه الحقد دا يبقي ميستاهلش دموعك.
سمر : لا اسكت انت هي اكيد عندها مشكله وكانت متعصبة ومش عارفة بتقول اي وهترجع تعتذرلي انا متأكده من كدا.
انا : بعد كل الكلام دا... انتي طيبة اوي يا سمر ال زيك بقيو قليلين اوي... هاجر مراتي زيك كدا طيبة اوي.
سمر : انا لازم اعرف في اي مينفعش اسيبها كدا... دي مهما كانت اختي.
انا : طب اقعدي ذاكري وانا هحاول اعرف في اي وهقولك
سمر : حاسه كدا هتقل عليك اوي.
انا : لا خالص خليكي في مذاكرتك انتي ومتعوليش الهم.
سمر : شكرا ليك خالص انا بعتذر لك عن الكلام ال هي قالته عليك.
انا : لا مفيش حاجة عادي.
.
انا بتكلم * علي الرغم اني كنت مبين ان الموضوع مش فارق معايا وكل كلمه قالتها ندي عملت اني مش فارق معايا اصلا بس انا كنت متضايق من كلامها لاني معملتش حاجة لكل دا... انا كنت بشوف نظراتها ليا كل مرة اكون موجود وهي موجودة بس كنت بعتبر انها نظرات استغراب لاني دخيل عليهم بس متوقعتش تكون كارهاني كل دا... انا زعلت علي سمر اكتر كمان لان باين عليها انها طيبة اوي واستغربت انها لسة عايزة تساعد صاحبتها ومكنتش عايز اتدخل بس مفيش وقت تضيعه عشان كدا قولت انا هحاول اعرف.
.
مشيت من عند سمر بعد ما قولتلها اني هحاول اشوف اي ال حصل لندي... مش عارف هعملها ازاي بس هتصرف.
روحت شوفت الناس في البيت عندي وصلو لاي...كانو حفرو الاوضة كلها عشان يغيرو المواسير كلها لان خلاص كانت تلفت كلها يعتبر.
انا : معاكم قد اي يا رجاله
شخص منهم : احنا كدا حفرنا باقي بس تركيب المواسير ودا اسهل من الحفر بكتير ساعتين بالكتير ونخلص.
انا : تمام يارجاله **** معاكم.
سبتهم يكملو وقعدت. بعيد اراقب لمدة ساعتين هما بيعملو اي... لغاية ما خلصو تغيير المواسير...وحطو عليها رمل وردموها شوية وبعدين سابوها ودا ال كنت عايزة وكنت عارف انهم هيسيبوها لان مينفعش يقفلو الحفرة علي طول لازم يسيبوها شوية... شكرتهم واديتهم فلوس وراضيتهم كويس.. قالولي لازم نسيب المواسير كدا يومين تلاته بعدين نكمل ردم.. قولتلهم تمام هبقي اجيب اي حد يعملها تعبتكم معايا يارجاله سلمو عليا ومشيو وانا بكدا عملت نص ال عايزة وباقي النص التاني.
رتبت الدنيا وكنت تعبت شوية قولت اطلع اريح شوية.
.
بالفعل ريحت شوية وقومت خدت دش وطلعت برا عشان احاول اعرف اي ال حصل لندي.
كنت ماشي في الشارع معرفش هعمل اي بس قولت يمكن اي حد يكون فاهم يقولي..مكنتش عايز افتح الكلام مع حد في الموضوع كنت عايز اعرف من غير ما أوضح إني مش مهتم.
.
مشيت لغاية قريب من بيت شريف وقفت عند البقال ال قريب منه ال سالته عن بيت شريف قبل كدا وقالي.
انا : سلام عليكم.
البقال : وعليكم السلام ورحمة **** وبركاته
انا : اي اخبارك.
البقال : الحمد**** يبني بخير... انت كيفك وكيف البيت الجديد.
انا بضحك : انت عرفت
البقال : هو في حاجة بتستخبي هنا.
انا : منا عرفت ان مفيش حاجة بتستخبي فعلا... المهم.
البقال : أوأمرني.
انا : متعرفش شريف فين مختفي بقالو يومين قولت اما اجي اسال عليه
البقال : معلش اصله مشغول بتحضريات فرح بنته.
انا باستغراب : فرح بنته!. ندي؟
البقال : ايوة المعلم مرعي هيكتب كتابة عليها اخر الشهر.
انا * كنت لسة هسأل مين المعلم مرعي بس قولت لا فكك مش لازم أوضح اني مهتم بالموضوع اوي. : ابن اللذينه دي ميقوليش كدا طيب لما اشوفه ( قولت اقول كدا عشان أوضح ان دا موضوع عادي).
البقال : تلاقيه بس مفضيش تعال اشربك شاي.
انا : تسلم **** يخليك يدوب الحق اروح. اشوف ال ورايا
البقال : في رعاية ****.
.
سبته ومشيت كنت هدخل لبيت العمده اشوف سمر واحكيلها بس قولت لا لما هي تطلبني اني اروح اشرحلها مينفعش اروح انا كدا من نفسي. قولت ارجع بيتي واقعد وبكرا هي هتطلبني اكيد.
رجعت قعدت علي اللاب شوية في البيت.. وبعدها لقيت الباب بيخبط.
فتحت لقيتها سمر ماسكه الكتب.. اتفاجأت انها جت دلوقتي.
سمر وهي ملهوفة :عرفت حاجة؟
انا : اهدي اهدي في اي.
سمر. : انا قولت لأمي اني جايه عشان تشرحلي ومنها اغير مكان المذاكرة.
انا : وهي وافقت كدا.
سمر : امي واخواتي واثقين فيا وكدا كدا الباب مفتوح.
انا : انا كنت هدخلك بس قولت خليها في الصبح لما انتي تطلبيني.
سمر: مش مهم انا عارفة انك هتعمل كدا المهم قولي في اي طمني.
انا :..... حكتلها ان في واحد اسمه المعلم مرعي هيتجوز ندي.
لقيت سمر اتفاجأت اوي
سمر: مرعي!!!!
انا : مين مرعي دا وفي أي.
سمر : دا اقذر شخصية ممكن تقابلها في مصر كلها
انا : ماله دا وبيعمل اي
سمر : دا راجل كبير في الخمسينات بيشتغل في اي حاجة وسخه مخدرات... دعارة... ارهاب... سرقة. بس مفيش دليل علي انه بيعمل كدا واتمسك كذا مرة بس بيطلع منها بسهولة ومحدش يعرف ازاي.
انا : طب وهو ليه هيتجوز ندي.
سمر : من فترة ابو ندي كان مزنوق في فلوس ف مرعي دا بيشوف اي حد كدا وبيدخله انه هيساعده ويديلة الفلوس ال هو عايزها وفعلا بيديلو فلوس بس بعدها هيوريك الويل ويذلك ذل السنين ... عمو شريف كان عارف كدا بس مكنش في ايده حاجة غير انه يوافق علي المساعده ال قدمهالو مرعي
انا : طب والعمده كان فين.
سمر : كان مسافر ومرعي استغل انه مسافر.
انا: كملي طيب ال حصل.
سمر : المهم اكيد مرعي طالب بفلوسه من عمو شريف بس عمو شريف حاليا مش معاه اي فلوس ف اكيد مرعي ساومو بأنه يتجوز ندي ولو متجوزش ندي هيسجنه.. المشكله بقي ان مرعي متجوز اتنين وعايشين مع بعض ولو اتجوز ندي هتعيش معاهم ودول هيخلو حياتها جحيم غير ان مرعي لوحده هيخلي حياتها جحيم
انا : كدا انا فهمت ليه ندي قالت كل ندي.
سمر : انا خايفة عليها اوي ومعرفش اعمل اي عشان انقذها من القذر دا.
سمر كل دا بتتكلم وعينها بتنزل دموع.
انا * قعدت ساكت معرفش اقول اي ولا اعمل اي بس قولتلها : سمر سيبي الموضوع دا عليا ركزي في مستقبلك وانا هعرف اتصرف
سمر : انت بتتكلم جد هتساعدها.
انا بابتسامه خفيفة : متقلقيش وعلي فكرة انا هساعدها عشانك وعشان شريف مش عشانها هي
سمر : مش مهم بس ارجوك متسبهاش ابوس ايدك ومهما قالتلك كلام سيبها بس عشان خاطري ساعدها
انا : متقلقيش ركزي في مذاكرتك انتي وبس.
سمر : حاضر حاضر هركز في مذاكرتي.
انا : يلا قومي اغسلي وشك وروحي كملي مذاكرتك.
سمر بالفعل قامت غسلت وشها ورجعت بيتها وانا قعدت مكاني افكر هعمل اي.
مسكت اللاب توب وقعدت اشوف مرعي دا وال هو بيعمله...قعدت شوية عشان اقدر اجيب بيناته... لقيت ليه حاجات قذرة علي الدارك ويب وبيشارك في بيع أعضاء ومخدرات وحاجات كتير. لقيته عامل نظام ان اي حد يدخل حسابة علي الدارك ويب يتبند والجهاز يتهكر تلقائي طبعا انا دخلت ومن غير ما حاجه تحصل ومن غير ما يعرف ان في حد دخل عنده (طبعا هتقولي عرفت تعمل كدا ازاي هقولك لا انت كدا تروح ترجع تقرا من الاول انت شكلك نسيت انا مين وعملت اي)
طبعا مكنش عندي شك انه تابع للغابة.
المهم عرفت انه كل حاجة بيعملها بيكتبها في مذكراته ودي موجودة في مكان سري.
ودي كانت مهمتي اني اكشفه واعتقد دا هيساعدني في حربي ضد الغابة لان كل ما تابع ليهم يتكشف يبقي قوتهم بتقل.
بكدا انا تقريبا بدأت الشغل من تحت... ومنها هساعد شريف وبنته.
جاتلي فكرة ازاي هساعد ندي بس مش عارف انا صح ولا لا كنت محتاج حد يقولي انا صح ولا لا ومفيش غيرها ال كانت بتقولي بس هي مش معايا دلوقتي.
قعدت شوية لغاية ما النوم كبس عليا.
اول ما نمت لقيت نفسي في مكان واسع اوي وكله ورود وريحه جميله اوي..بلاقي بنت لابسة ابيض ووشها بيشع نور جايه عليا وبتقرب اكتر ليا وببص علي وشها اى بيكون النور قل من وشها وبتظهر هاجر بابتسامتها وبتهز راسها بتقولي كمل يايوسف انت صح. وبتمشي تاني بعدها وهي علي نفس ابتسامتها.
.
نسيبنا من كل دا ونروح بقي لل نسيناهم ( الغابة)
الاسد قاعد علي كرسي فخم وقصاده الأعضاء الدولفين والصقر والشاهين والنمر والثعلب والحرباء والضبع... وغيرهم
الاسد بصوت حاد : كل واحد يقدم كل ال عمله. نبدأ بالدولفين
الدولفين : تخططيات الهجوم جاهزة والعضو الجديد اضاف تعديلات جديدة هتعجب حضرة الملك.
الاسد : اتكلم.
الدولفين : اولا هيتم ترتيب أولويات هجوم.... هنبدأ بالهجوم الإلكتروني مع تنظيم الدفاع مع الصقر والشاهين بحيث يكون جاهز لاي رد مضاد ... تاني حاجة ترتيب أماكن اخري وغير معروفة لاي مخلوق يفضل ان تكون تحت الارض او في الجبال... ثانيا من ضربات العدو هنقدر نعرف موقع الضربات وقبل ما تسألني ازاي هستسمحك العضو الجديد يشرح.
الاسد بيسمح لجورج يتكلم.
جورج : بتقنيه معينه تقدر تدخل على اكونت اي شخص بدون ماهو يعرف وبدون ما اي بوت يقدر يعرف ان في حد دخل كأنها طاقية الاخفاء... طب دي لازمتها.. الاكونتات دي يافندم بيبقي عليها بوتات محصنه الاكونت بحيث اي حد يدخل تقدر تخفي اي معلومه عن صاحب الاكونت وتقدر تخفي المكان كمان.... مهما كانت قوة صاحب الاكونت وقوة تحصينه فيه هنقدر ندخل علي الاكونت ونعرف المكان ال جت منه الضربات وبكدا هنقدر نعرف مين ال وجهها ونقدر نوجهه ضرباتنا ليه.
الدولفين بيشاور للاسد انه يكمل كلامه.
الاسد بيسمح للدولفين يتكلم.
الدولفين : زي ما سمعت من العضو الجديد وبالفعل قدرنا نوصل للتقنيه وتجربتها ونجحت بالفعل... كمان يافندم هيتم نشر الڤيروس بداية من الشهر القادم اي بعد أقل من تلات اسابيع... ودا هيكون في مصلحتنا ان ضرباتنا تكون في مرة واحده... وقبل ما حضرتك تتكلم... الخطط البديلة موجودة كامله هيتم الاعلان عنها في وقت لاحق للجميع...، اما عن الأماكن ال اتكلمت عنها أنها لازم تكون موجودة تحت الارض او في الجبال ف تم وضع الأعين علي بعض الأماكن واتفضل شوف الأماكن واختار وهيتم تنظيمها لباقي الأعضاء في أقل من عشر ايام وبكدا بعد ٣ اسابيع هنقدر ننشر الڤيروس واحنا في أتم الاستعداد.
الاسد بيهز راسه في هدوء : بيشاور للصقر والشاهين.. اتكلمو عن تنظيمكم الالكتروني.
الصقر : تم تحصين جميع اجهزتنا وتنظيم انظمه حرب هجوميه الكترونيه قوية سيتم عرضها علي سيدي الملك الان.... بيفتح شاشة كبيرة وبيعرض عليها تجارب الدفاع والهجوم.
الاسد بيشوف الانظمه وهو قاعد في هدوء وبيلاحظ كل حاجة بتحصل.. انظمه دفاع شبه مستحيل اختراقها وتم تجربه اقوي الضربات الالكترونيه علي الانظمه مقدرتش تخترق اي نظام ومقدرتش تدمر غير جزء بسيط من انظمه الدفاع.
بيكمل الشاهين كلام الصقر ... وتم التواصل مع الدولفين والعضو الجديد لتطوير تقنيه الاختفاء وبالفعل ادار العضو الجديد التقنيه وبالفعل نجحنا في التقنيه بفضل العضو الجديد وتم تجربتها بالفعل.
الاسد بيهز راسة في هدوء وبيشاور للنمر والضبع عشان يتكلمو.
النمر : تم تحصين الجيش وتم تزويده بمعدات اكتر تطورا وتم تزويده بمتفجرات فتاكه وايضا تم زياده عدد الجيش... وتم وضع خطط للهجوم وللدفاع وايضا تم تقسيم الجيش لاكتر من فرقة سيتم اختيار مكان ليكون المقر الرئيسي للجيش وتم تنسيق المكان مع الدولفين.
الاسد بيهز راسة بنفس الطريقة ال قبلها وبيشاور الحرباء والثعلب يتكلمو.
الثعلب : تم تجهيز خطط التجسس والمراقبة... تم تكليف جنود من الجيش بالتنسيق مع النمر والضبع..
الحرباء : تم وضع افخاخ قدام المقر وتم تجهيز افخاخ آخري للأماكن الجديدة بالتنسيق مع الدولفين والصقر.
الاسد بيهز راسة وبيشاورلهم يقعدو.
.
بيقعد الاسد لمده عشر دقائق من غير اي كلمه واي حركه والأعضاء قاعدين بنفس الطريقة من غير ما حد يتحرك... بيبدأ الاسد يتكلم.
الاسد : ابدعتو يا أعضاء... الدولفين تطرح عليا الأماكن بعد انتهاء الاجتماع.... الصقر زود الدفاع اكتر مش عايز اي ثغرات... النمر زود جنودك بمعدات اكتر وتدريبات اكتر واي تقصير من اي جندي اقتله... الثعلب والحرباء... تعرضو الافخاخ عليا بعد الاجتماع...العضو الجديد استناني بعد الاجتماع... الديب خليك لبعد الاجتماع.
بيقوم الاسد بيقف بهيبته وبيقول: الباقي ينصرف.
بيدخل غرفة وبيقعد علي مكتب فخم وبيضغط علي حاجة بيطلع عليها صور الأعضاء وبيضغط علي صورة الديب وبيجي اشعار للديب انه يدخل الاسد.
الاسد : اقعد
الديب : امرك.
الاسد : المفروض كل ال اتقال دا تكون انت علي علم بيه ومتابع مع الكل.
الديب : حصل وكل شيء ماشي تمام وتحت السيطرة وكل حاجة راجعتها بنفسي.
الاسد : الأهم متحطش نفسك في اي خطه لان انت اهم عضو عندي. وكل حاجة هتبوظ انت ال هتقدر تعدلها.
الديب : اتطمن جلالتك.
الاسد : انصرف.
.
بيخرج الديب والأسد بيستدعي الثعلب والحرباء.
الاسد : اقعدو.
الثعلب والحرباء يقعدو وبيعرضو الافخاخ علي الاسد وهو بيقتنع جدا بيها وبيصرفهم.
الاسد بيستدعي الدولفين..
الاسد : اقعد
الدولفين بيقعد وبيعرض الأماكن علي الاسد.
الدولفين : دا المكان الأول وبرشحو يكون المقر الاساسي ودا بيكون في الصحراء الغربيه في مصر تحت الارض ومستحيل حد يوصله غير انه بيحاوطة الهضبة الوسطي ف سهل ندبر حماية عاليه جدا
المكان التاني ودا في جبال سيناء في مصر ودا هيكون المقر البديل وطبعا لازم تكون المسافة بينهم بعيدة زي كدا كان في مكان في هضاب الصحراء الغربية ولكن مينفعش لأنها هتبقي قريبة من المقر الرئيسي.... المكان التالت ودا بعد تعب كتير قدرنا نتوصلة ودا مكان تحت البحر الأحمر من ناحيه اعتقد دا مناسب يكون مناسب للمقر الثالث...المكان الرابع ودا هيكون في منتصف بحر الرمال العظيم في شمال غرب مصر... المكان دا كثبان رمليه وال بيروح هناك بيموت لان كبير جدا ودا رمال متحركه ف ال بيدخل بيموت. ودا تم تنظيم مكان في منتصف البحر بحيث نقدر نقعد فيه وحاجة تاني ان حركه الرمال فيه ساعدتنا نعمل نظام تنقل في المكان بحيث اذا انكشف المكان نقدر نتحرك. ودا مساحته كبيرة جدا ف دا ساعدنا اكتر.
.
الاسد بيشوف الأماكن وبيقعد يشوف ويفاضل مع نفسة.
الاسد : المقر الرئيسي هيكون عند بحر الرمال العظيم...مقر الجيش قريب مننا في الصحراء الغربية...المقر الثاني تحت البحر... والجبال هيكون مقر مخصص للاجتماعات
الدولفين تمام رياستك.
الاسد : انصرف.
بعدها الاسد يستدعي جورج.
الاسد : انتظرني.
بيروح الاسد مكان وبيرجع تاني.
الاسد : جربت الڤيروس؟
جورج : ايوة ياملك.
الاسد : محتاج اشوف بنفسي.
جورج : مفيش أشخاص للتجارب دلوقتي ياملك انتظرني اشوف متشرد للتجارب دي
الاسد : لا خليك الشخص موجود.
جورج : فين.
الاسد : تعال معايا.
جورج : اتفضل.
الاسد بياخد جورج بيروحوا مكان عشان يجربو الڤيروس قدام الملك.
جورج : فين ال هي تجرب عليه جلالتك.
الاسد بيبص لجورج بهدوء وبيتحرك وبيدوس علي الحيطه ال في الوش وبتتفتح.
بيظهر 6 أشخاص 3 شباب و3 بنات وشهم متغطي بغطاء اسود. تحت الغطاء بقهم محطوط عليه لاصق عشان محدش يتكلم وعينهم متغميه عشان محدش يشوف حاجة
بيبدأ الاسد يحوش الغطاء من الأول وبيقول : دا ماريو مش متشرد ولا حاجة دا كان بيفكر يخون المنظمه...وبيحط الغطاء علي وشه تاني.
بيحوش الغطاء من علي وش بنت.. : دي ماري كانت من فريق القناصة بس اتعرف مكانها بسبب غباءها ف لازم تموت بس قلنا نعمل عليها تجارب.
بيكرر نفس الموضوع مع الباقي وبيشرح اي ال جابهم هنا.
وبيجي عند آخر بنت وبيبص علي جورج يشوف ملامحه. وبيحوش الغطاء من علي وشها وبيقول : دي بقي ميرنا هي معملتش حاجة بس جوزها ال عمل... جوزها معانا في المنظمه ودي تعتبر رهينه انه مستحيل يخون وببيغطي وشها وبيرجع يبص لجورج ال كان ثابت ومتحركش علي الرغم ان دي مراته ....جورج لاحظ ان ايده بتعرق وبتترعش رجع ايده ورا ضهره ومسك ايدة في بعض عشان يقلل توترة والأسد ميلاحظش وبالفعل لما الاسد لف وشه لجورج شافه ثابت زي ما كان.
.
الاسد بنفس الهدوء : انا مش عايز اشوف تجارب لان مفيش حاجة بتتعمل وانا مش بكون شوفتها انا حبيت اعرفك ال بيحصل لاي خيانه هنا...ولانك جديد كان لازم تعرف ال بيحصل
جورج : (بيتكلم بهدوء غريب) متقلقش جلالتك انا عارف كل دا والدليل ان انا ال طلبت الدخول للمنظمه واثبتلك دا اعتقد.
الاسد : انصرف.
.
نروح لل BH
الرئيس (ال عرفنا انه طلع ابو يوسف) ومعاه لين وسيليا.
الرئيس : يوسف كلمكم ولا لسة.
لين : لسة من ساعة الحادثة مفيش اي تواصل بينا وبينه.
الرئيس : اتواصلو انتو معاه
لين : تمام
الرئيس : سيليا اتواصلي انتي مع خالد ولين مع يوسف.
سيليا : امرك ياقائد.
.
بنستني لتاني يوم ونفس الاجتماع بين التلاته.
الرئيس : ها حد رد
لين : يوسف كل حاجة عنه مقفولة ومعرفتش اوصلو
سيليا: خالد في مكانه وسالته عن يوسف قالي محدش يعرف هو فين.
الرئيس : تنزلو تقابلو خالد وتفهمو ال حصل. و هنتقابل في مصر بعدها
لين : تمام ياقائد.
.
بتنزل لين وسيليا لخالد يقابلوه وبيتفقو معاه علي المكان.
خالد بيقول لسحر وبياخدها معاه.
لين : فين يوسف.
خالد : منعرفش كان مسافر فجأه اختفي وكل طرق تواصلنا معاه اتقفلت
لين : ليكون حصله حاجة.
خالد : كنا هنعرف.
لين : اومال اي.
خالد : معرفش انا بحاول اوصله من فترة معرفتش
لين : هو كان رايح فين.
خالد : كان رايح المنيا يريح اعصابة بس فجأة اختفي.
بيسكتو كلهم شوية.
سحر :اومال انتو كنتو فين ومسالتوش عليه ليه من بدري ولما عمل حادثة.
لين : دي تعاليم يوسف هو ال قالنا مهما حصل محدش يتواصل معايا انا ال هتواصل معاكم بس لما لقيناه اتأخر اوي حاولنا نشوف هو فين ولما معرفناش نوصل هو فين تواصلنا معاكم.
بيرجعو لنفس الوضعيه ال هي السكوت.
بيخلصو قعدتهم بدون كلمه مفيدة تانيه وبيمشو.
.
نرجع ليوسف في القرية.
بصحي من نومي وانا بعد ما شوفت هاجر في نومي وهي بتاكدلي علي أفكاري.... حقيقي بحس انها معاية في كل لحظة علي الرغم من اننا بعاد.
بنزل اتمشي شوية لوحدي برتب أفكاري وانا بمشي.
.
نروح عند بيت شريف.
شريف : سامحيني يابنتي انا ال ورطتك في المصيبة دي.
ندي : متقولش كدا خلاص كله نصيب يابابا.
شريف : انا خلاص مش موافق علي الجوازة انا هتسجن احسن من اني ارميكي الرميه السودة دي.
ندي : لا يابابا انا احسنلي اموت ومشوفكش في الحبس وانا في أيدي اطلعك منه انا خلاص هتجوز مرعي وال يحصل يحصل.
شريف بيعيط بدموع لأول مرة في حياته تنزل دموعه
ندي بتمسح دموع ابوها : لا يابابا متعيطش دموعك غاليه عندي قوي يابابا.. وبتحضن ابوها.
.بيخبط الباب وسعاد بتفتح الباب وبيكون مرعي
مرعي بالطريقة الرخمه بتاعته : احم احم **** ياساتر
شريف : اتفضل يامعلم.
مرعي : انا مش هقدر استني لاخر الشهر عشان الجواز... انا قررت الخميس الجاي بعد يومين هو كتب كتابنا والفرح.
ندي : ال تشوفه يامعلم
مرعي بيبص للندي بصة مريبة : تمام ياعروسة.... المهم انا هكون مسافر وهرجع علي كتب الكتاب علي طول هيكون المأذون والمعازيم هنا وانتو تكونو جاهزين
..
بكون معدي من جنب بيت شريف وبسال حد من رجاله مرعي في اي وبيقولي ال حصل وان مرعي هيخلي الجوازة تتم بدري
انا في نفسي : كدا لازم اسرع من خطتي ال هعملها.
رجعت البيت راجعت أفكاري وبعدين ظبطتزدنيتي عشان أنظم الاوضة دي... انا محتاج عشر ايام عشان الاوضة السرية دي تكون جاهزة.
بدأت ارتب الاوضة وجبت عمال تظبطلي الاوضة كدا كدا لازم اجيب عمال لان مش هتنفع تبقي كدا بعد تغيير المواسير.
.
عدا اليوم علي كدا بدون اي احداث غير اني كنت قاعد علي اللاب بظبط فيه شوية حاجات وبحاول اتابع اخر الاخبار...والعمال شغالين بالتعليمات ال انا قولتها.
اليوم التاني صحيت علي تخبيط العمال دخلتهم وجبتلهم فطار وسبتهم يكملو شغلهم... ونزلت انا الفيوم عملت كام مشوار وسحبت فلوس ورجعت تاني.
سمر بعتتلي مع حد اروحلها.
دخلت سلمت علي الناس في البيت بتاع العمده وسالت علي العمده قالولي مسافر... بعدين دخلت لاوضة المذاكرة بتاعت سمر.
سمر : طمني عملت اي
انا : اطمني متقلقيش
سمر : مقلقش اي دا مرعي حدد معاد كتب الكتاب وخلاه بكرا.
انا : انا وعدتك اني هخلصها من الموضوع.
سمر : وانا واثقة فيك.
انا : المهم عامله اي في المذاكرة.
سمر : بصراحه مش احسن حاجة لاني قلقانه عليها اوي.
انا :لا مينفعش كدا لازم تذاكري وتركزي في مذاكرتك اومال انا قولتلك خليها عليا ليه ما عشان تذاكري انتي ومتنشغليش.
سمر : حاضر بس ارجوك متسبهاش.
انا : متقلقيش ال فيه الخير يقدمه ****.
سمر : انا اسفة علي ال حطيتك فيه بس انا مليش كلام كتير مع حد هنا واخويا مسافر ومعرفش اذا كان هيقدر يساعدها ولا لا وملقتش غيرك اثق فيه.
أنا : انا بعمل كدا عشان شريف وقف معايا كتير هنا ولازم اساعده غير اني عايزك تركزي في مذاكرتك... وبرضو هي صغيرة متعرفش هي قالت اي ف لازم اساعدها طالما في أيدي اساعدها.
سمر : انا بحبك اوي.
انا : اي
سمر بتتوتر ومش عارفه تقول اي : اي... اي... حب اخوات يعني.
انا بضحك : انتي اتوتري ليه كدا اهدي انا بهزر مفيش حاجة عادي.
سمر بتحط وشها في الأرض وبتسكت.
انا :يلا ابدأي مذاكرة وانا قاعد اهو.
سمر : حاضر.
بتبدأ سمر مذاكرة وانا قاعد ساكت مش بعمل حاجة عشان متتشتتش... ببص علي رف كان فيه كتب لفت انتباهي كتاب عليه عنوان رمال الصحراء.
استغربت العنوان ومفهمتش هيكون بيتكلم عن أي ف جالي فضول اشوفه... وقفت خدت الكتاب وسالتها عن الكتاب دا.
سمر : دا كتاب بيشرح حاجات عن الرمال بتاعت الصحراء وازاي اتكونت والعوامل ال بتتاثر بيها وأنواع الرمال وكدا اقراه كتاب كويس.
انا : تمام كملي مذاكرتك.
قعدت اقرا الكتاب وسمر بتذاكر.
بدأت اقرا في جزء في الكتاب عن الصحراء الكبري في أفريقيا... مكتوب عنها كل حاجة ومساحتها ال بتمتد بين مصر لغاية المغرب ال منها بتكون الصحراء الغربية والشرقيه.
ومنها انا حبيت أقرأ اكتر عن الجزء الموجود في مصر خصوصا ان الكتاب كبير مش هقدر اقراه كله ف قولت اقرا الجزء بتاع مصر ولما اخلصه ممكن اخش علي جزء تاني.
بيبدأ الكتاب بوصف الصحراء الغربية وانها بتاخد جزء كبير من مصر فيها تلات هضاب كبار... الهضبة الاولي مارمريكا ودي فوق.... والهضبة التانيه الجولف الكبير ودي في الجنوب... والهضبة الوسطي في نص الصحراء يعتبر... هضبة مارمريكا موجودة في مصر وليبيا... هضبة الجولف موجودة تحت عند جبل العوينات.... الهضبة الوسطي موجود فيها أماكن محدش اكتشفها بسبب ارتفاعها وصعوبة الحركة فيها... وفيها اماكن مستخبيه كتيير... الكاتب بيقول في الكتاب انه تجار السلاح والمخدرات بيستخدموها لأنها تكون مقر ليهم بسبب كدا... بعد كدا بيبدأ الكتاب شرح عن بحر الرمال العظيم... بحر من الرمال مساحته كبيرة جدا.. يعتبر من أهم العوامل الطبيعية ال بتعتبر حرس حدود لمصر لان حمي مصر من دخول الحملات من الجهه الغربية ودا كان اهم خط دفاع لمصر في الغرب... وساعد مصر كتير فعلا.
من الصعب أو من شبه المستحيل ان حد يقدر يدخل البحر دا او يمشي فيه لانه هيتبلع لأنها رمال متحركه لكن الكاتب في آخر الصفحه قال ان في طريقة معينه وفي طريقة كمان تقدر تبني عليه بس دي محتاجه تكاليف ومحتاجه خبرة كبيرة وكان... ببص في الصفحه التاني ملقتش التفاصيل دي... ببص علي رقم الصفحه لقيت في ورقه مقطوعه كان عندي فضول اعرف ازاي..
انا : في ورقة مقطوعة من الكتاب دا.
سمر : اه فعلا ومعرفش فين اى مقطوع دا.
انا : تمام.
سمر : انا خلصت جزء كبير هريح شوية واكمل.
انا : تمام كويس جدا عايزة مني حاجة انا همشي اشوف الناس ال عندي.
سمر : لا خلاص تمام هستناك بكرا.
انا : تمام.
يسيب سمر وبرجع بلاقي العمال بيلمو حاجتهم ومروحين.
انا : معاكم قد اي يا رجاله.
شخص : بكرا هنخلص انشاء **** وكل تعليماتك تكون خلصت.
انا : تمام يارجاله تعبتكم معايا
شخص : لا ولا يهمك يابيه.
بيمشو العمال وبقعد انا علي اللاب اكمل شغلي وتجسسي علي المواقع والمنظمات... وبقعد أأمن اللاب اكتر وكل شوية بعملو تطويرات في الأمان.
بكدا انا مستني العمال بكرا يخلصو وبكدا اكون بدأت الخطوة الاولي نحو اول طريق الاكشن.
.
بخلص شغلي وبنام وانا مش عارف بكرا هيحصل اي بس سايبها علي ****.
صحيت الصبح عملت نفس الروتين بتاعي بنزل اتمشي شوية وارجع افطر واخد دش وبعدها طلعت علي الفيوم عشان اكمل الخطه.
بيعدي الوقت وانا في الفيوم.
.
سمر بتتكلم *
صحيت كنت قلقانه اوي علي ندي كان عندي ثقة غريبة في يوسف انه هينقذها من الوحش معرفش سبب الثقة دي اي دا بس كنت برضو قلقانه . كل دقيقة بتعدي كان بيزيد قلقي خصوصا ان يوسف اختفي من الصبح حاولت اعرف راح فين معرفتش برضو... كنت قاعدة في اوضتي مقيدة مفيش في أيدي حاجة اعملها البيت عندي راحو لبيت ندي عشان اتعزمو للفرح من مرعي لانه عزم البلد كلها...هو بيحب يشوف الناس مزلولة في العلن مش في السر عايز يزل ابو ندي قدام البلد كلها راجل وسخ..
.
عند ندي *
ندي :اومال فين يوسف بيه ال كنت واقف جنبه من ساعة ما جيه بعد مانت انقذته
شريف : منعرفش يابنتي كل واحد ليه ظروفة انتي متعرفيش ظروف الناس.
ندي : ظروف الناس اه... مش دا ال وقفت معاه والمفروض كان يجي يقف معاك ويساعدك.
شريف : مش عايز مساعده من حد
ندي بتسكت بعد كلام ابوها مش عارفه تقول اي تاني.
المعازيم وصلو المأذون وصل وندي جاهزة باقي بس وصول مرعي.
.
عند سمر*.
سمر : لا انا لازم اروح اقف مع ندي انا مش هفضل واقفة كدا لازم اشوف إل بيحصل.
بتتحرك ناحيه بيت شريف عشان مرعي جهز كل حاجة علي هناك.
.
قبل ما توصل سمر كان وصل مرعي لابس جلابيه فخمه بس كان جاي متلتم مش مبين وشة رجالته بتتحرك قدامه واحده واحده وبتهيصلة وزغاريط وطبل اشتغل اول ما وصل.
وصل مرعي وقعد علي الكوشة مستني عروسته ندي تطلع من الاوضة.
في اللحظه دي بتوصل سمر البيت بتشوف مرعي وبتبص عليه نظرة كلها حقد وكره.
وندي بتطلع لبرا وهي كلها حزن ولما بتشوف سمر.
ندي : انتي اي ال جابك هنا غوري اطلعي برا متدخليش هنا تاني.
الكل مستغرب من رد فعل ندي خصوصا انهم عارفين انهم صحاب واكتر من صحاب... حتي مرعي في عينه الحاجة الوحيدة ال ظاهرة من وشة كان فيها استغراب.
واستغراب الناس برضو كان بسبب ان سمر اخت العمده ف ازاي ندي تعاملها كدا برضو.... كل واحد قعد يبرطم بكلام وخلاص ويلقحو بكلام زي السم.
شريف : في اي ياندي دي سمر زي اختك.
ندي : انا مليش اخوات ولا عايزه يبقي ليا اخوات يلا اطلعي برا مش دا فرحي انا اهو بطردك منه.
شريف اتعصب ولسة هيضربها بالقلم... سمر حاشت ايدة وقالتله : لا ياعمي متضربهاش انا مقدراها انا خلاص هروح امشي وكملو انتو زي مانتو... بتطلع سمر من البيت وهي بتعيط وبتقف بعيد وبتقعد علي عربية حمار وهي بتبص علي البيت بتفكر ياتري يوسف فين مش هو قال هيساعدها طب ماهي هتكتب الكتاب اهو طب اتأخر ليه ياتري حصلتله حاجة. ياتري هو عايز يسيب ندي عشان الكلام ال هي قالته... بس لا يوسف ميعملكش كدا.. معرفش ليه متأكدة كدا بس هو غير كدا... انا مش عارفه في اي . دماغي هتنفجر من التفكير.
.
عند الفرح *
ندي بتروح تقعد جنب مرعي بعد ما سمر طلعت وهو واقف برخامته دي وباصص عليها وبيمسك ايدها وبيقعدها جنبه.
بيهيصو شوية وبعدها مرعي بيقف وبيعمل إشارة فيما معناها خلاص كفاية وخد ندي من ايدها وراحو قعدو عن المأذون ال كان موجود من بدري.
بدأ المأذون يكتب الكتاب.
بيختم المأذون بجملته " بارك **** لكما وبارك عليكما وجمع بينكما في خير "
وفجأه.....
.
اه بالظبط كدا نعرف الجزء الجاي
بعتذر عن التأخير يااخواتي
انتظروني في الجزء الخامس من... <<برمجه>>


الجزء الخامس

وصلنا الجزء ال فات بعد ما انها المأذون كتب كتاب ندي علي مرعي وختم بقوله " بارك **** لكما وبارك عليكما وجمع بينكما في خير "
فجأه....
.
إضاءة جامده وصوت طبول ورقص جاي من اخر الشارع وصوت عالي... اي دا؟ الصوت في بيت شريف اتقطع وكله بيطلع يشوف اي النور و الطبل والرقص دا بس مرعي وندي قاعدين مكانهم متحركوش.
الضوء بيقرب كل شوية وصوت الطبول والرقص بيعلي... ولما بيوصلو عند البيت بيكون في اشخاص كتير واقفين في الوش كأنهم موكب جاي مع أمير او ملك...سمر شافت المنظر دا واتحركت مع الموكب دا عشان تشوف دا اي..
بيتقسمو نصين وبيظهر مرعي في النص وبيتحرك ناحيه بيت شريف بالراحه وبتكبر واستعلاء علي الناس ال واقفين كانه هو الكل في الكل.

.
الناس *
اي دا؟ اومال مين ال فوق دا؟.
كله واقف محدش فاهم حاجة مرعي ملاحظ نظرات الاستغراب دي بس محطش في باله لانه مفكر انهم مستغربين من العظمه ال هو داخل بيها.
بيدخل مرعي البيت وبيروح ناحيه المكان ال فيه الكوشة.
.
بيدخل مرعي وبيشوف مرعي المتلتم قاعد جنب ندي. بيقف المتلتم وبيمسك ايد ندي وبتقف معاه.
في وسط نظرات الاستغراب من الكل من ندي ومن مرعي ومن الناس وسمر بتدخل البيت مرة تاني عشان تفهم هو اي دا.
محدش فاهم حاجة هو في اي؟
مرعي بيروح ناحيه ندي والمتلتم وبيحوش ايدهم من بعض بالعصاية ال معاه( وبيقول بتكبر) : انت مين ياااض انت
مفيش رد من المتلتم.
مرعي : هتنطق انت مين ياض ولا اخلي رجالتي تخليك تنطق انت مين.
برضو مفيش رد.
مرعي بيشاور للرجاله تتحرك ناحية المتلتم يكتفوه.
فجأه النور بيقطع وحاله من الهرج حصلت ومحدش فاهم حاجة ومحدش شايف حاجة لحظات قليلة والنور كان جيه تاني
بس مجاش زي الاول.. مرعي بيبص مفيش المتلتم... مفيش ندي.... مفيش شريف... مفيش سعاد... مفيش سمر.
مرعي بيبص مش بيلاقيهم بيتجنن راحو فين... وبيشاور لرجالته يدورو عليهم.
مرعي : اتحركو انتو لسة واقفين... تهبو وتغطسو وتلاقوهم... والكلب ال معاهم دا انا مش هسيبه وهعرف هو مين... هخليه يتمني الموت.
بتتحرك رجاله مرعي حوالين البيت ومش بيلاقوهم كأنهم فص ملح وداب.
بيرجع لمرعي...:. ملقيناش حاجة يامعلم كأنهم اختفو
مرعي : يعني اي اختفو الواد المتلتم دا يتجاب في اقرب وقت وشريف دا خلاص وقتو خلص معايا وندي خليها تفرح وابوها في السجن.
وهو واقف كدا بتوصل رسالة ليه.
الرسالة بتكون : تم تحويل مبلغ...... من حساب........ المسجل باسم شريف سالم.
مرعي بيشوف الرسالة وبيتجنن ازاااي دا... .. دا شريف بيشحت معهوش الرقم دا... اكيد المتلتم هو ال عمل كدا... مش هسيبه مش هسييبببببوووه وهعرف هو مين.
.
في مكان بعيد داخل الزراعة ... تبص من الشباك تشوف انوار القرية ..بيت منعزل عن القرية ...صعب توصله بدون شخص خبير يقدر يوصلك هناك ...بيقف عم صابر علي باب البيت ماسك لمبه جاز واقف كأنه منتظر حد وكل شوية يقف ويقعد..
بيقول لنفسه : ياتري حصل اي ..نجح في العمليه دي ولا عمل اي ...**** تكون عديت بالسلامه دي .
وهو بيكلم نفسه بيظهر نفس نور لمبه الجاز ال ماسكها عن صابر ... النور بيقرب عليه وهو واقف باصص عليه بتركيز وكأنه عارف مين ال جاي دا .
بيقرب النور كل شوية وبيظهر كذا شخص ماشيين مش شخص واحد ...كل ما بيقرب بيزيد شخص تاني .وصلو لخمس أشخاص بس مع الضلمه وضعف نور لمبه الجاز مش بتبقي باينه ملامح حد .
بيقرب اكتر وعم صابر بتظهر علي وشه ابتسامه خفيفة ...وبيقول : وصلت بالسلامه يا بطل
صوت : **** يسلمك ياعم صابر وبياخد عم صابر بالحضن.
عم صابر بيدخل جوه وبيفتح النور وبيدخل الشخص الأول وبيظهر المتلتم ... وبتدخل ندي وبعدها شريف وبعدها سعاد وبعدها سمر .
ندي : مين انت بقي يا منقذ البشرية.
عم صابر : تلاقيها خرمت ودانك طول الطريق اكيد .
المتلتم : طول الطريق زي مانت شايف كدا .
عم صابر : منا قولتلك أنها هتعمل كدا مصدقتش .
المتلتم : ال حصل بقي .
شريف : انا مشيت معاك بهدوء بس ياريت تشرحلنا ال حصل ومين انت .
عم صابر : خش غير يابني عقبال ما يرتاحو شوية
بيدخل المتلتم يغير الجلبيه ويشيل الشال ال متلتم بيه وبيلبس لبسه .
شريف : مين دا ياعم صابر .
عم صابر: استنو يخلص لبس وهو هيعرفكم بنفسه
سمر قاعده مش فاهمه حاجة هي فجاه لقت النور قطع وفجاه لقت حد سحبها ونزل مشي بيها بسرعة
سعاد مش عارفة في أي هي زي اي ام شايفة بنتها قدامها وقلبها حاسس انها كدا بخير .
شريف دماغة مقلوبة من اليوم كله وحاسس أنه في حلم أو كابوس مش عايز يخلص .
لحظات قليلة عدت وكأنها ساعات أو أيام علي ندي وشريف وسمر وسعاد .
بيطلع المتلتم اخيرا بلبس نضيف لكن حاطط الشال علي وشه كأنه بيستخبي
وش سمر بيبتسم كأنها عرفت مين ال ورا الغطاء دا .
الباقي مترقب يحوش الشال عشان يعرفوا مين دا .
بيشيل الشال واحده واحده وببطئ كأنه قاصد يشلهم ( ويشل القارئ)
بيشيل الشال كامل اخيرا وبيطلع يوسف
القارئ ( يخربيت المفاجأة يخي )
.
شريف : يوسف ؟
يوسف : أيوة ياعم شريف .
ندي بتقف : انا مش طردتك اي ال جابك تاني .
عم صابر : اهدي يابنتي واسمعي للآخر .
ندي : اهدي اي دا خرب الدنيا دا مرعي هيهد الدنيا علي دماغه ودماغ أبويا .
عم صابر : مش هيقدر يجي جنب ابوكي
ندي : معاه وصولات تخلي ابويا يقضي باقي حياته في السجن .
عم صابر : طب ممكن تهدي وتسمعي يوسف وكلامه .
ندي : ثواني دا كمان انت كتبت كتابك عليا دا بصفتك مين اصلا
عم صابر : يابنتي اهدي بقي خليه يتكلم
ندي : طيب سكت اهو لما نشوف هيقول اي .
عم صابر : اتكلم يابني سكتت اهي.
انا : **** تفضل كدا دي طول الشارع مسكتتش وحتي هنا مسكتتش انا اتصدعت ياعم صابر
عم صابر : معلش يابني امسحها فيا .
انا : عشان خاطرك بس .
عم صابر : حبيبي ياجو يلا اتكلم عشان يفهمو ال حصل .
انا : اولا بعتذر ليك ياعم شريف علي ال حصل بسرعة دا .
ثانيا بعتذر اني كنت بعيد عنك الفترة ال فاتت وموقفتش معاك في الفترة دي لاني كنت بعمل الخطه دي .
بيبدأ الموضوع لما كنت قاعد عند سمر بساعدها في المذاكرة بطلب من العمده نفسه.. ساعتها ندي جت فجأه وقالت (حكيت ال قالته)
ساعتها سمر وضحتلي أن ندي اكيد في مشكله وهي بتطلع غلها في أي حاجة ...ودا لأن سمر حافظه ندي اكتر من نفسها
سمر ساعتها اترجتني اني اساعد ندي ومسبهاش وانا وعدت سمر اني هنقذ ندي ودا عشان خاطر سمر وعشان خاطر شريف الراجل ال وقف معايا من ساعة ما جيت هنا
قعدت افكر وفكرت في كذا خطه وكنت بشوف ثغرات الخطه واي ال ممكن يبوظها أو اي ال ممكن يفشل الخطه دي .
جاتلي خطه اني اقطع النور واخطف ندي وامشي بس مكنتش اعرف هدخل البيت ازاي لأن عارف أن ندي لو شافتني كانت هتهزقني .ف مكنش ف أيدي حل غير اني ادخل كاني مرعي ودخلت متلتم ومعايا رجاله هوضحلكم جبتهم ازاي بعد شوية .
كان قدامي مشكله تاني اني لما اخطف ندي هوديها فين .
ساعتها جيه في بالي عم صابر هو ال هيحللي الموضوع دا .
حكيتلو علي الموضوع وعلي خطتي وهو شجعني علي الخطه وقالي متعولش هم المكان دا .
قالي تعالي معايا ومشي في طريق غريب كأنه متاهه في وسط الزراعة لغاية ما وصلت للبيت دا وعرفني أن البيت دا صعب حد يوصله بدون ما يكون حافظ الطريق ولو حد حاول هيتوه .
قعدت امشي معاه كتير لغاية ما حفظت الطريق كنت بصحي الصبح اتمشي واروح للبيت دا عشان منساش الطريق.
كان في مشكله تانيه هتواجهني وهي أن مرعي مش هيسب ندي ..ف كانت الخطه ان حد يتجوزها مكان مرعي ومكنش في حد يقدر يخاطر في موضوع زي دا ف اخترت اني انا ال هعمل كدا .
والحاجة التانيه هي أن مرعي هيهدد شريف بالفلوس ال عليه وهيحبسو كمان ... ف انا عملت حساب باسم شريف سالم في البنك ودا كان سهل عليا جدا ( فووق انا مبرمج ياض )
وبعد ما خطفتكم من البيت حولت لمرعي الفلوس ال ليه من الحساب دا. .وهي وصلتله بالفعل وزمانه هيتشل ويعرف مين المتلتم دا ...وازاي شريف عنده الفلوس دي كلها .
أما عن الرجاله ف دول شوية العمال ال كانو شغالين في البيت عندي اتكلمت معاهم علي الموضوع بس مش كله وقولتهم هيعملو اي واديتهم فلوس بالزيادة وهما مقصروش وعملوا دورهم بالظبط والمأذون دا انا ال جبته لان والمأذون ال كان جايبة مرعي عرفت ابعده وكله بالفلوس ..وبقيت متلتم عشان لو عملت مكياج كاني مرعي كان ممكن تتقفش بسهولة ..وبالفعل الخطه نجحت وانتو اهو قدامي... وكل ال عملته دا يا ندي عشان خاطر سمر وشريف... ولولا سمر اترجتني مكنتش هعمل كدا.. اه سمر ال انتي روحتي وهزقتيها وقولتي عليها كلام غلط وزعقتي فيها.. سمر كل يوم كانت تكلمني تفكرني اني مسبكيش ولازم انقذك من ال اسمه مرعي.. لان هي عرفتني مين مرعي وبيعمل اي وعرفتني كل وساخته... مكنتش قادرة تذاكر من الخوف عليكي ومن التوتر.. سمر اول مانتي قولتي الكلام دا قالتلي ندي دي اكتر من اختي وحافظاها اكتر من نفسي... لولا سمر كان زمانك مع مرعي وهتقضي باقي حياتك عذاب وابوكي الغلبان دا كان زمانه كل يوم بيتحسر علي ال عمله... وامك طول اليوم تبكي عليكي وعلي الرميه دي.. الفضل كله لانك متجوزتيش مرعي دا يرجع لسمر... ومتقلقيش هيعدي كام يوم وهطلقك الجواز دا كان لازم يتم عشان اقدر اكمل الخطه بدون ما تبوظ.
سمر : مقولتليش ليه انك هتعمل كدا .
.انا : محبتش ادوشك معايا انا عايزك تركزي في مذاكرتك وبس .
سمر : منا مركزة اهو .
انا : معلش خلصي بس وهدوشك كتير .
سمر : أمتي اخلص بقي انا زهقت .
انا : هانت ياسمر.
ندي وهي بتبكي : انا اسفه ياسمر.. ( وبتاخدها في حضنها) والاتنين بيكملو عياط في حضن بعض.
شريف : انا مش عارف اقولك اي يايوسف انت بجد انقذتني وانقذت بنتي الوحيدة (بيعيط وبينزل يبوس ايدي)
انا بعدت ايدي : استغفر **** ياعم شريف عيب كدا انت وقفت معايا كتير كان لازم اردلك ال انت عملته معايا
شريف : انا مدين ليك بعمري كله وفلوسك هرجعهالك في اقرب وقت
انا : فلوس اي بس خلي فلوسك معاك انا مش عايز حاجة خالص ياعم شريف اهم حاجة تكون انت مرتاح.
شريف ياخدني بالحضن.
عم صابر : مش هتاخديني بالحضن انتي كمان ( بيبص لسعاد)
سعاد : ياراجل ياعحوز اتلم دانت رجلك والقبر..
كلهم بيضحكوا علي علي عم صابر.
سعاد :يوسف انت زي ابني انا بجد مش قادرة اقولك اي انت انقذتنا كلنا من مرعي وجشعه انت عملت ال لو كنت مخلفة ولد مكنش هيعمله انا بشكرك من كل قلبي يابني
انا :متشكرنيش يا أمي انتي من اول يوم وانتي احتضنتيني في بيتك وكرمتيني كل الكرم من أكل وشرب وضيافة انا ال المفروض اشكركم انكم خليتوني جزء منكم في وقت قليل
سعاد : انا عايزة اشوف والدتك ال ربتك انا مديونه ليها بحياتي انها ربت راجل زيك قد اي هي أم عظيمه انها خلفتك.
انا : قريب هجيبها ليكم تسلمي عليها
سعاد : وانا في انتظارها تيجي تنورنا.
انا : المهم دلوقتي شريف وندي وسعاد هتفضلو هنا فترة وسمر هترجعي بيتك دلوقتي وانا هرجع بيتي كأن مفيش حاجة حصلت
سمر : تمام.
هدء للحظات قليلة الكل سكت محدش بيتكلم.
انا : يلا ياسمر
سمر بتبص لندي : يلا
ندي بتوتر : اي.... اي... يوسف.. انا... انا انا اسفه على كل كلمه غلط قولتها في حقك عارفه اني حكمت عليك بسرعة وانا كنت خايفة علي ابويا لانه مش ناقص مشاكل (بتبدأ تعيط).. انا قولت انك مستحيل تقف مع بابا في وقت ضيق بس انت انقذتني من الهلاك والسجن ال كنت هروحه وكمان دفعت لبابا الفلوس ال عليه عملت دا بعد ما سمعت مني كلام وحش اوي وطردتك كمان من القرية... انا اسفة بجد علي كل نظرة وحشة واسفه علي كل كلمه وحشه في حقك انت طلعت اجدع انسان شوفته انا مديونالك بحياتي.. ولو عايزني خدامه تحت رجلك انا مستعدة اعمل كدا... انا مستعد اعمل اي حاجه عشان تسامحني.... (كل دا وهي بتعيط)
انا : متعتذريش ياندي انا مقدر ال كنتي فيه وانا مسامحك من غير ما تعتذري... وبعدين يعني انا انقذتك من سجن مرعي عشان اشغلك عندي خدامه يبقي انا عملت اي كدا (وبضحك)
ندي :بعد ال انت عملته دا اكيد سجنك مش هيبقي 1٪ من سجن مرعي
انا : طب خلاص كفاية عياط بقي
ندي بتمسح عيونها من الدموع : اهو خلاص بطلت عياط بس انت مسامحني؟
انا : قولتلك انا مسامحك من غير ما تعتذري
ندي : هو انت كدا جوزي بعد كتب الكتاب دا.
انا: اه ومتقلقيش الدنيا تهدي بس وهجيب المأذون نتطلق.
ندي بتسكت شوية... بعدها بتجري علي يوسف تحضنو
ندي : انا اسفه
يوسف بيتفاجأ من عملتها دي وكل الموجودين بيتفاجأو برضو... يوسف بيبص لشريف وسمر ال كانت مبتسمه.
شريف بيأشر براسة ليا كأنه موافق ان عادي احضنها وسمر وسعاد وعم صابر نفس الكلام.
انا بسمع كلامهم وبضمها بايدي : متعتذريش خلاص قولتلك انا مسامحك.
ندي بتسكت وهي حضناني وكانها *** ولقي امه ال حس معاه بالأمان... *** كان تايه ومصدق لقي امه ال اتحمت فيه.
.
عند دينا وخالد وباقي العيلة.
دينا :وبعدين يايوسف مش ناوي تطمنا عليك غيابك طال ياحبيبي
خالد : يوسف هيظهر قريب اكيد هو متابع ال بيحصل وهيرجع في اقرب وقت
دينا : اي ال مخليك متأكد كدا
خالد : لاني عارف يوسف وتصرفاته وهو اكيد هيرجع.
دينا : **** يرجعلنا قريب.
خالد بيجيبو رسالة من لين.
لين : في جديد عن يوسف.
خالد : لا لسة مفيش اي خبر
لين :تمام لو في جديد خبرنا
خالد : تمام.
.
منار بتتكلم مع حد ماسدجات.
منار : غبت كتير فينك... حتي مش عارفه اتطمن علي يوسف انت الوحيد ال كنت ممكن تعرف هو فين
الراسل : بظبط شوية أساسيات برا وراجع قريب.
منار : طب هتعلن انك موجود امتي... الشارد عودته اتأخرت اوي
الراسل : في اقرب وقت هعلن للكل عودتي بس لازم اتأكد ان كل حاجة في مكانها.
منار : تمام ماشي هستناك ولو عرفت حاجة عن يوسف ارجوك قولي.
الشارد : قريب.
منار : لحد امتي قريب
الشارد : لما يحين الوقت
منار : اهو منتظرة لما يحين.
الشارد : متقلقيش .
منار : ماشي لما نشوف
.
نروح للغابة.
الاسد مجتمع بالدولفين والديب.
الاسد : اسبوعين فقط علي بدء اكبر عمليه إبادة شهدها التاريخ اسبوعين فقط علي بدء السيطرة علي البشرية بأكملها ...فقط....... اسبوعين.
الديب :الكل جاهز جلالتك يتبقي فقط الأماكن ونقل المنظمه كامله لها.
الاسد بيبص للدولفين : معاك قد اي وتبقي جاهزة.
الدولفين : اسبوع فقط والاسبوع التاني نقل المنظمه وترتيبها وبعدها بدء العمليه الكبري.
الاسد بيتنهد بالراحه : خد وقتك كامل مش عايز غلطه....حلم المنظمه الاكبر علي وشك التنفيذ مش عايز غلطه تضيع تعب سنيين.
الدولفين : اتطمن جلالتك.
الاسد : انصرف.
الدولفين : امر جلالتك.
.
بيمشي الدولفين.
الاسد : البدائل جاهزة لاي خطأ.
الديب : جاهزة جلالتك.
الاسد : تابع العمليه الأساسية اي تقصير خلص علي طول.
الديب : تمام جلالتك تؤمرني بحاجة.
الاسد : انصرف.
.
الاسد بيقعد لوحده غارق في تفكيره عايب في بحر الحلم.... الحلم ال حلم بيه كتييير... مش لوحده كل الملوك ال قبله كمان... حلم السيطرة علي الكل
حلم الجلوس علي العرش والباقي بينفذ اوامرة.... أوامر الملك وبس.
.
اسبوعين وتبدأ العمليه الكبري....اسبوعين بس.. اي حد هيعطل العمليه ولو للحظه واحده همحيه من وجه الكون كله... همحي اسمه من سجلات التاريخ....(وبيقفل النور)
.
نروح لتجهيزات الدولفين وجورج للأماكن.
الدولفين وجورج في صحراء سيناء متجهين لبحر الرمال العظيم. ومعاهم جزء من القوات بس مش كتير عشان ميلفتوش النظر.
.
الدولفين : دا أهم مكان لازم يتجهز باعلي الامكانيات لان دا مقر الملك.
جورج : اتطمن كله جاهز.
.
بيوصلو للمكان.
جورج : اهلا بيك في بحر الرمال العظيم.
الدولفين : دا آخره فين.
جورج : صعب تجيب آخرة لان مساحته كبير جدا... بيمتد في مصر وليبيا كمان.
الدولفين : المقر الرئيسي هيكون فين.
جورج : في النص بالظبط.
الدولفين : اشمعني النص.
جورج : لان دا الجزء الوحيد ال تقدر تحط فيه مبني وهو ال فيه المواصفات ال عايزها.
الدولفين : تمام احنا دلوقتي منتظرين المبني يوصل
جورج : قصدك المعدات ال هنبني بيها
الدولفين : لا
جورج :اومال اي
الدولفين : المبني جاهز لكن هو متنقل...وزي ما الاسد كان طالب انه يكون مبني خيالي.... المبني دا فكرته انه يقدر يتحرك إلكتروني في الرمال دي... ودا هيساعد في التخفي ودي فكرة الحرباء وتنفيذها برضو... المبني في طريقة لهنا بقيادة الحرباء.... وهي اننا عملنا المبني في مكان ونقدر ننقلة... كانت مهمه صعبة ولكن قدرنا ننفذها بنجاح وهو علي بعد أميال مش كتيرة مننا.
جورج : اتمني ميحصلش اخطاء لان الاسد محرص جامد علي اي خطأ
الدولفين : متقلقش البديل موجود قي حاله حدوث خلل.
جورج : تمام.
بعد شوية وقت مش كتير بتوصل الحرباء في المقدمه وراها...مدرعات كبيرة جدا بتحمل المبني... المبني مفكك لطوابق... يعني كل مجموعة مدرعات بتشيل طابق (دور).
الدولفين : ودي فكرة نقل المبني اننا فككناه لطوابق ونقدر نجمع الطوابق دي بسهولة وكانها مكعبات بنفك ونركب ودا تم تحت إشراف اشطو وأهم المهندسين في العالم ودا ال حصل بالفعل وفي وقت قياسي..وقدرنا نستعين بفكرة اليونيسكو في نقل معبد ابو سمبل ال كان هيغرق فهي نقلت المعبد بعد ما فككت المبعد بالكامل ف احنا قدرنا ناخد الفكرة دي ونطبقها.
الحرباء : بالظبط و فكرة التنقل دي تحسبا لاي فخ او اي خيانه او حد اكتشف وجود المبني فهو يقدر يتنقل من مكان لمكان ويتخفي بين رمال الصحراء
الدولفين : بالظبط ودا المبني بناء علي طلبات الاسد.
مبني ضخم وعالي جدا... مجهز باعلي التقنيات....من برا مرايات عاكسة بحيث تقدر تخفي المبني كامل وكأنه جزء من الصحراء... المبني بيتكون من 5 طوابق وتحت مجهز بالكامل للجيش.. الطابق الأول قاعة مجهزة الاجتماعات الملك لأعضاء المنظمه... الطابق الثاني مقسم لغرف للاعضاء ال هيكونو موجودين... الطابق التالت ودا مجهز للأكل... الطابق الرابع مجهز بالكامل بأحدث الأجهزة والتقنيات تحت إشراف الصقر والشاهين ودا الطابق ال هيتحكم في المبني إلكترونيا... الطابق الخامس دا الطابق الرئيسي ودا مقر الملك فقط... مجهز بالكامل للاسد..موجود في الطابق دا غرفة كاميرات... الغرفة دي محطوط فيها كاميرات كل المبني... مش بس المبني دا لا كل المباني المخصصة للمنظمه.
.
جورج مصدوم من الإبداع ال بيشوفو مبني ولا في الخيال وفكرة النقل متخطرش علي بال حد...مبني خيالي بمعني الكلمه زي مطالب الاسد
جورج : طب المبني كدا وصل هتنقل المبني لنص الرمال دي ازاي... اعتقد مينفعش المدرعات دي تدخل لجوا لأنها هتغرق.
المهندس بيتدخل في الكلام بأمر من الدولفين : صحيح مينفعش المدرعات دي تدخل لجوا ف احنا استعنا.... بفكرة البكرات اني اقدر انقل حمل ثقيل جدا بقوة اقل..الفكرة اني ازود عدد الحبال ال هترفع المبني ومن هنا وزن المبنى هيتوزع علي كل الحبال دي ف مش هتحتاج قوة كبيرة... ودي تطبيق لفكرة البكرات المركبه للعالم أرشميدس... أرشميدس استخدم الفكرة دي لنقل السفن العملاقة في أيامه... وبالفعل نجح وساعتها أرشميدس قال لو كان لدي نقطه خارج الارض لارتكز عليها لرفعت الأرض.
في هليكوبتر جاية دلوقتي هتنقل المهندس والعمال ال هيعملو المعدات في منتصف البحر عشان نقدر ننقل المبني.
جورج واقف مصدوم دا كله اي دا وازاي قادر يخطط ويجيب الافكار دي... جورج كان مفكر نفسه اذكي من الناس دي بس ال شافة في الواقع غيير.
.
في وسط اندهاش جورج بيلاحظ صوت مروحه عالي جدا بيبص لفوق بيلاقي الهليكوبتر وصلت.
الكابتن بينزل سلم وبيطلع المهندس الأول وبيكون معاه شنطه ضهر ... بعده العامل الأول... والتاني وبيكون معاه صندوق كبير فيه أدوات والتالت بيكون شايل صندوق تاني بس مكتوب عليه كلمه خطر .... واخيرا الرابع وبيرفع معاه كيس كبير فيه ماده معينه وبتتحرك الهليكوبتر بيهم...بيوصل عند نقطه معينه والمهندس بيأشر لكابتن الطيارة يقف... بيلبس نضارة وجوانتي وبيلبس ملابس وقاية عاليه الأمان وبيخلي الباقي ال معاه يلبسو نضارات برضو وبيفتح الصندوق ال مكتوب عليه خطر بحرص بتكون مادة مشعه جدا وبتغلي زي الزيت بالظبط بس درجه حرارتها عاليه جدا تُقدر باضعاف اضعاف أضعاف غليان الزيت يعني اي لمسه ليها هتعرضك لعذااب من الألم المتواصل لفترة كبيرة جدا من الأحسن تموت ومتحسش بالالم دا... غير تأثيرها علي جسمك بعد كدا ال هيعرضك لأمراض كتيرة منها اكتر من نوع من السرطان... بيطلع المهندس آله شبه السحاحه من المعدات ال في الصندوق التاني وبيخلي عامل من ال معاه يفتح الكيس ال فيه مادة معينه وبيخليه يطلع آله شبه الملعقة بس كبيرة وبيأشرلو يدخل الاله دي جوا الكيس ويطلع شوية من المادة ال في الكيس دا وخلي عامل تاني يطلع من صندوق المعدات ميزان حساس بيقيس أوزان صغيرة... وبيخليه يقيس وزن معين من الماده دي وبيرجع الباقي مكانه... والمهندس بيطلع طبق مصنوع من الفولاذ ومغطي بطبقة من التنجستين ودا عشان يقدر يستحمل درجه حرارة و شدة اشعاع الماده.... بيحط الأول الماده ال طلعها من الكيس بتكون زي البودرة وملمسها ناعم جدا وممنوع تتمسك بالايد لانها مضرة جدا وممكن تصيبك بجروح غير انها ممكن تصيب بسرطان الجلد... المهندس بيمسك الآله ال شبه السحاحه (ودي بتكون انبوبة رفيعة فيها جزء تضغط عليه يسحب السائل جوا الانبوبة ولمة تضغط عليه تاني يطلع السائل من الانبوبة) ... بيحط السحاحه في الماده المشعه وبيسحب بحرص شديد نقطه ورا نقطه لحد ما اخد جزء محدد.
بيخلي العامل يسيب الطبق الفولاذ وبيأشر للكل يبعد ويحاول يغطي نفسة باي لبس موجود واشرلهم يرجعو لاخر الطيارة وممنوع اي جلد من جسمهم يظهر وبيحرص عليهم ممنوع حد يخلع النضارة.
العمال بتسمع كلام المهندس وبالفعل نفذو كلامو وبعدو لاخر الطيارة وبيغطو جسمهم بالكامل وبيكون معاهم كابتن الطيارة.
بعد ما اتطمن انهم بعدو واتغطو بالكامل.
بيمسك السحاحه وايدة فيها رعشة بيبدأ ينقط نقط في الطرق الفولاذ ال فيه الماده الناعمه.... بيفضي كل الماده ال في السحاحه وبيبعد لاخر الطيارة... بتبدأ تفاعلات تتعمل في الطبق الفولاذ بين الماده المشعة والماده ال شبه البودرة... بيبدأ الإشعاع يزيد واحده واحده وبيبدأ صوت غليان وفرقعة عالي جدا بيزعق المهندس وبيقول سدو ودانكم بسرعه... العمال بيسمعوا الكلام... بيفضل الإشعاع يزيد وصوت الغليان والفرقة بيزيد لمدة ربع ساعة تقريبا كل ثانيه الإشعاع بيبقي اكبر وصوت الغليان بيبقي عالي جدا... المادتين بيتفاعلو مع بعض بشده رهيبة... بعد ربع ساعة بيبدأ التفاعل يهدأ والاشعاع بيبدأ يقل تاني وصوت الغليان والفرقعه بتقل... المهندس بيحذر محدش يقوم مهما حصل غير لما هو يأشر ليهم انهم يقومو.
.
جورج *
واقفين منتظرين المهندس يخلص شغله فجأه لقينا إشعاع عالي جدا وكل شوية بيزيد وصوت فرقعة عالي وبيزيد محدش في قدر يستحمل الصوت... كل ال كان معانا سدو ودانهم... انا والدولفين و الحرباء وباقي العمال الموجودين.
.
ساعة كامله بتعدي والعمال والمهندس متغطيين وموجودين بعيد عن مكان التفاعل... بيبص المهندس في ساعة وبعدها بيبدأ يتحرك وبيحذر الباقي محدش يتحرك.
بيروح لمكان التفاعل بحرص وبخطوات بطيئة وفيها خوف بيحاول يداريه عشان ميعملش حاجة غلط وميتوترش لان دي حاجة ممنوع فيها الغلط.
.
بيبص المهندس علي الطبق الفولاذ بيكون لونه اتغير بسبب الإشعاع والتفاعل ال كان فيه وهو كان عارف ان دا هيحصل... بيلاحظ انه خلاص التفاعل انتهي ومفيش إشعاع موجود لكن مسمحش بالعمال انهم يقربو.
بيمسك طبق الفولاذ بآله وبحرص شديد... وبيرش الماده الناتجه من التفاعل برا الطيارة... في منتصف بحر الرمال.
بيستني خمس دقايق وبيبص يلاقي الرمال اتصلبت وبقت تقدر تمشي عليها... بكدا اتأكد انه في المكان الصح...لان مفيش غير المنتصف بس ال ينفع يتعمل فيه كدا.
بيأشر للكابتن يجهز الهليكوبتر انها تتحرك وهو مغطي نفسه برضو.
المهندس بيفتح الكيس ال فيه الماده الناعمه دي.
بيأشر المهندس لكابتن الطيارة انه يتحرك في حركة دائرية وكل ما يتحرك يوسع الحركه الدائرية.
بيبدأ الطيار في الحركه والمهندس بيسيب الماده تنزل لتحت. واحده واحده
ومع الحركه الدائرية الماده بتتوزع في نطاق واسع من مساحه الرمال.
بيرجع كابتن الطيارة للنقطه ال كان واقف عليها في الاول.
والمهندس بيأشرلة بعد 3...2…1 تتحرك بأسرع ما عندك في نفس الحركه الدائرية وبعد ما أأشرلك تطلع برا الرمال نهائيا بدون ما تلتفت لاي حاجة.
الطيار بيفهم الكلام وبيجهز عشان يتحرك بسرعة.
المهندس واقف وبيمسك صندوق الماده المشعة وايده فيها رعشة عالية ورجله بترجف... بيفتح الصندوق وبيبص لبرا وبيروح يقف علي باب الطيارةوبيأشر للعامل انه يمسكه عشان ميقعش.. بيبص علي الرمال نظرة و باين في عينه الخوف والتوتر... بيستعد... بيأشر للطيار... 3............2............1.. اتحرك... بيبدأ المهندس ينزل الماده واحده واحده وبيتحرك كابتن الطيارة بالطيارة بسرعة في حركه دائرية... وبيمشي بسرعة اكبر وبيوسع الدائرة لغاية ما المهندس نزل كل الماده المشعه في الرمال... اول ما خلص الماده.... ابععععععدددددد
الطيار بيسمع دي وبيتحرك باقصي سرعة متجه لبرا الرمال دي.
بيبعد الطيار عن المكان تماما وبيلف يروح للمكان ال فيه الدولفين وجورج والحرباء.
.
بعد لحظات بسيطه من ابتعاد الطيارة عن بحر الرمال بيبدأ التفاعل... والصوت بيبدأ يزيد والاشعاع بيزيد بيبص المهندس من الطيارة وبيشوف التفاعل من بعيد وهو بيحصل وبيتطمن شوية بس مش بيتطمن اوي.
واخيرا بيأشر للعمال انهم يرجعو لمكانهم طبيعي.
بيوصل الطيار لمكان تجمع أعضاء المنظمه وبيكون المهندس مستعجل جدا وبيأشر للكل يخلي المكان
وبينزل بالطيارة علي عربية ضخمه مخصصة للطيارة بتكون وصلت في وقت ما المهندس بيعمل التفاعل... ولازم الطيارة تقف لفترة معينه لأنها متقدرش تطير كل الوقت دا.
جورج : اي الصوت والاشعاع العالي دا.
المهندس : دا بسبب تفاعل المادتين مع بعض بيحصل تفاعل شديد جدا وبيكون خطر جدا.... والاشعاع ال طالع دا لو حد اتعرضلة بنسب عاليه... هيصاب بأمراض كتيرة منها سرطان الجلد وغيرة.... والصوت دا لو في حد قريب منه بمسافة معينه. بيدمر طبله الأذن ولو قربت اكتر هيخلي دماغك تنفجر من شدة التردد....( المهندس بيقول كدا وهو لسة في حاله توتر)
جورج :طب احنا في منطقه اي
المهندس : احنا في منطقة خطر... وقدامنا تلت ساعة عشان نقدر بعد مسافة ٤٠ كيلو ولازم نتحرك حالا.
بيتحرك الكل نحو العربيات والمدرعات والدولفين وبيأشر للكل يتحرك مبتعد عن بحر الرمال باقصي سرعة... المهندس قلقان ميقدروش يبعدو المسافة دي في الوقت القليل دا..
.
علي الرغم ان العربيات بتتحرك باقصي سرعة لكن مع التوتر ال حاصل كأنها بتتحرك بسرعة بطيئة.
التوتر بيزيد في قلب المهندس بعد ما بدأ يشوف الإشعاع من بعيد.. دا معناه انهم لسة مبعدوش المسافة الآمنه...بيبص من شباك العربية ال راكبها وهو بيتابع تزايد الإشعاع والصوت بيزيد في ودان الجميع.
بيأشر المهندس للسواق يفعل الوضع الآلي ويحط ايدو علي. ودانه لان الصوت صعب جدا... بيتواصل مع كل سواقين العربيات وبيأمرهم بنفس الحاجة.
الكل بينفذ بدون تردد لأنهم عارفين واخدين قرار بان اي حاجه يقولها لازم تتنفذ وغير انهم واخدين بالهم من ال حواليهم ف طبيعي ينفذو.
الصوت بيعلي وتأثر أعضاء المنظمه بالصوت بيزيد كل واحد بيضغط بايدة جامد علي ودانه....ومع السرعة ال بتتحرك بيها العربيات الصوت بيبعد بس لسة تأثيرة شغال... والاشعاع بيزيد كل شوية... في وسط ترقب من الكل.
وصلو علي بعد ٢٠ كيلو يعني نص المسافة وباقي نص المسافة تاني.
صوت صريخ من احد العمال انه مش قادر يستحمل الصوت وشدة التردد العاليه دي... ومع صوت الصراخ بتحصل حاله فوضي عاليه من باقي العمال الموجودة
المهندس بيتواصل مع كل العربيات وبيصرخ في الكل... : مينفعش كدا لازم الهدوء والا كلنا دماغنا هتنفجر التزمو الهدوء لغاية ما نوصل لمقر الآمان... احنا ماشيين بمعدل كويس جدا اتطمنو ممنوع اي حركه واي تهور من اي حد.
.
الحقيقة هما ماشين بمعدل اقل بس هو قال كدا عشان يطمن الكل ويهديهم... لكن الحقيقة انهم في خطر.
بيتواصل مع كل سواق يحاول يزود السرعة اكتر.
الدولفين لاحظ توتر المهندس وفهم انهم في خطر وان المعدل ال ماشيين بيه قليل.... بيبص ناحيه الإشعاع وبيغمض عينه.
لحظات صعبه بتمر علي الموجودين... الكل بيتمني يوصل لمكان الآمان... مع وجود تأثير الصوت الشديد محدش عارف يعمل اي حاجة غير انه بيضغط علي ودانه باقصي ما عنده.
بيعدي المشهد سلو موشن... المهندس غرقان عرق من التوتر وبيضغط بايدة علي ودانه.
جورج قاعد وبيعمل زي المهندس... العمال في ال بيصرخ وفي ال بيحاول يلتزم الهدوء.... الدولفين واقف ومغمض عينه وبيضغط بايدة علي ودانه...والحرباء جنب جورج علي نفس الوضعيه ال هو فيها...والسواقين بيزودو السرعة وبيرجعو لوضعهم تاني.
.
باقي اقل من ١٠ كيلو ونوصل لمقر الآمان... دقايق بتعدي كأنها ايام... ثواني بتعدي كأنها ساعات... لحظات قليلة بتعدي كأنها لحظات كبيرة.... والمسافة ال ١٠ كيلو كأنها ١٠٠ كيلو.
لحظات والاشعاع بيقرب اكتر واكتر... الصوت تأثيرة بيقل مع الابتعاد لكن الخوف من الإشعاع خصوصا مفيش حد لابس ملابس وقاية.
.
واخيرا بعد لحظات التوتر بيوصلو لمقر الآمان لكن المهندس بيأشر للكل انهم يكملو التحرك...وبيوقفهم علي بُعد ٦٠ كيلو متر تحسبا لاي خطر.
.
بينزل الكل وهما لسة ماسكين ودانهم لان التأثير كان قل بس لسة مرحش... وبعد عشر دقايق اخيرا بيروح تأثير الصوت من الكل.
المهندس بيتطمن اخيرا وبيهدا بعد فترة التوتر اى كان فيها
المهندس : كدا قدامنا يوم كامل عشان نقدر نرجع للمكان تاني.
الدولفين : هننتظر هنا وبعد يوم هنتحرك للمكان.
الكل بيسمع كلام الدولفين وبيروحو يرتاحو.
.
بيعدي اليوم وهما في مكانهم ما بين الراحه والأكل والترقب لاي حاجة تحصل... وسماع التعليمات من المهندس.
المهندس بيقف علي مكان عالي في العربيه وبيأشر للكل يسمع ليه.
الكل بيبص للمهندس بتركيز
.
المهندس : اولا حمدلله علي سلامتكم من يوم امبارح... عارف انه كان يوم صعب ومتعب وانا سبتكم ترتاحو يوم كامل ومقولتش اي تعليمات لكن الكلام ال هقولو دا مهم جدا.
احنا كمان شوية وهنتحرك للمكان...ممنوع حد يعمل اي تصرف بدون ما يرجعلي حتي الدولفين ودا حفاظا علي سلامه الكل.
ممنوع تلمس اي حجر او اي صخرة بجزء من جلدك... لو شوفت اي حيوان اقتلو فورا او ابعد عنه...لانه هيبقي مسموم وهيبقي فيه أمراض اشعاعيه كتير... ممنوع استخدام اي حاجة موجودة داخل حيز ال٤٠ كيلو ال سبناه... لو حصل وحد استخدم حاجة من دي متترددش لحظه انك تقولنا...لان دا هيكون خطر علي الكل... اتمني منكم الالتزام.
العمال بيستمعو بدون اي ردة فعل.
.
بيبدأ المهندس يتحرك ويحرك الباقي
وهما ماشيين بيلاحظو حيوانات كتير ميته ودماغها منفجرة ولون جلدهم بيبقي غامق جدا بسبب الإشعاع.
بيوصلو بعد ساعتين من تحركهم... لأنهم كانو ماشيين بسرعة عادية.
بينزل المهندس والكل
المهندس : بكرر تاني ممنوع لمس اي حاجة هنا وممنوع اي تعامل مع أي كائن موجود واديكم لاحظتو الحيوانات ال كانت موجودة.
. العمال بيهزو راسهم بالموافقة.
.
المهندس بيطلع ريموت تحكم عن بعد وبيكون في زراير كتير... بيضغط علي زر معين وبيبدأ المبني ينضف نفسه من الإشعاع.... وكابتن الطيارة بيطلع الطيارة بحرص وبيضغط علي زر تنضيف ذاتي والطيارة بتنضف نفسها زيها زي المبني.
بينتظر لحظات لغاية ما الطيار أشار ان الطائرة تم تنظيفها بالكامل... بيطلع المهندس مع الطيار وبياخد معاه ١٠ عمال.
بتطلع الطايرة وبينزل منها حبل والعمال ال تحت بيربطو المعدات ال أشار ليها المهندس في الحبل دا.
بتتحرك الطيارة للمكان ال كانت واقفة عنده.
.
بيوصلو للمكان والمهندس بيشوف ان المكان أصبح جاهز.
بينزل المعدات الأول والمعدات نزلت كأنهم اتحطت علي ارض طبيعيه.
بينزل الطيار سلم بينزل عليه العمال واحد ورا التاني ووراهم المهندس.
.
بيقف الطيار بالطيارة في مكانه منتظر أشارة من المهندس.
بينزل المهندس والعمال وبيجهزو الادوات ال هيعملو بيها البكرة المركبه ( ال شرحها فوق انه اخدها من العالم أرشميدس)
.
بيبدأ التركيب وهو مركز جدا ومش عايز اي حاجة تفصلو عن ال بيعمله لانه مش عايز اي خطأ يحصل.
بيستعين بمساعدة العمال ال معاه لان المعدات ال معاه شديدة وتقيلة جدا.
قدر المهندس يخلص اول بكرة... وبيحط فيها الحبل...بيكرر ال عمله وبيعمل بكره تانيه..... وتالته.... ورابعه.... وخامسة.... وسادسه.
.
بكدا ٦ بكرات ومتوزعين بطريقة معينه ودي ال هيقف هيتثبت عليها المبني.
الحبال المجهزة المحطوطه في البكرات بيربطها في الهليكوبتر... وبيطلع للطيارة عن طريق السلم ال بينزل منها.. وبيطلب من العمال ينتظرو مكانهم وفهمهم هيعملو اي... المفروض هما عارفين بس زيادة تأكيد... وبيحرص عليهم علي اي خطأ ولازم يكونو في كامل تركيزهم.
.
بيروح المهندس الناحيه التانيه وبينزل وبيوجه كل مجموعه عمال لمكان معين في المبني يربطو فيه الحبال... وبيراجع ورا كل مجموعه بنفسه يشوف كل التجهيزات والحبال في أماكنها.
بيكون في مدرعات بيثب فيهم الجزء التاني من الحبال ومع ال 1....2....3. بيبدأ كل المدرعات في التحرك بهدوء.
المهندس واقف وبيراقب تحرك المبني وتحرك المدرعات وبيأشرلهم بايده كانه مايسترو بيدير فرقة موسيقيه.
.
بيترفع المبني لفوق مع تحرك المدرعات وبيتجهه ناحيه المكان ال موجود في العمال. بيطلع المهندس للطيارة وبيأمر الكابتن يتحرك ببطئ مع المبني. وبيراقب المبني وبيتواصل مع المدرعات باجهزه اللاسلكي... ومع كل لحظة بتعدي بيتحرك فيها المبني للمكان ال هيتحط فيه... المهندس مش مستعجل خالص وبيحرك الكل ببطئ.
وبعد وقت مش قليل بيوصل المبني للمكان.
.
المهندس بيأمر المدرعات انها ترجع ببطئ عشان تنزل المبني. ببطئ.... ببطئ لغاية ما نزل المبني وبالمعدات ال مع العمال واوامر المهندس قدرو يثبتو المبني في المكان المظبوط... بينزل المهندس للمبني وبيتفحص بنفسه ان كل حاجة في مكانها وان كل شئ مظبوط... بيأشر للطيار انه كل شئ تمام ودي إشارة ان يروح ويجيب الدولفين وجورج و الحرباء وبالفعل الطيار بينفذ.
.
بيتحركلهم وبيطلعو معاه وبيراجع كل حاجة تاني قدامهم وبيشرحلهم ازاي قدر يعمل كدا وازاي صمم المبني.
.
الدولفين : واخيرا تم الانتهاء من المكان الأول ودا الأصعب يتبقي ٣ أماكن.
.
.
نرجع للقرية عند يوسف*
.
بعد ما ندي حضنتني وهديت.. بوست راسها وطمنتها ان كل حاجة تمام.
باخد سمر وبمشي... بس قبل ما بمشي بحذرهم ان حد يطلع من البيت اي حاجة عايزينها يرنو عليا او علي سمر غير كدا ممنوع
بيوافقو علي كلامي وانا بسيبهم وبمشي انا وسمر..
.
في الطريق *
سمر : انا متشكرة ليك اوي يايوسف انك مسبتهاش وانك عملت كدا عشاني... انا بجد مش عارفه اقولك اي.
انا : متقوليش حاجة كفاية قلبك وحنيتك معاهم وانك سمعتي كلامها وتلقيحها ومحطيتيش في دماغك غير انك تساعديها وبس.. انتي بجد بتفكريني بهاجر... لما ارجعلها هجيبها تتعرف عليكي اكيد هتحبيها وهي هتحبك... هي نفس شخصيتك كدا..
.
سمر بتبسم وبتقول : اتمني اقابلها فعلا.
وبيتمشو مع بعض وبيوصلها البيت بعد ما اتاكد ان مفيش حد شايفهم وهو بيرجع بيته بيريح شوية.
بيتفاجأ بواحد من رجاله مرعي قدام البيت وبيخبط.
انا : ايوة.
الراجل : بيشوف اني موجود بيقول افتح الباب ...
انا : مين انت.
الراجل : انا من رجاله المعلم مرعي
انا : عايز اي.
الراجل : أوامر المعلم وبنفتش البيوت.
انا : بصفتك اي يعني.
الراجل : دي أوامر المعلم.
صوت راجل في الشارع. : سيبو يابني مش هيعمل حاجة مش عايزين مشاكل معاهم.
انا : ماشي ياحج عشان خاطرك
فتحتله دخل يفتش في اللبس وفي البيت علي اي حاجة تخص المتلتم وملقيش حاجة
الراجل : تمام بعد اذنك يابيه.
انا : اتفضل
.
مشي الراجل وانا فهمت ان مرعي بيبعت الناس للبيوت عشان يحاول يعرف مين المتلتم وبيدور علي اي حاجة تدلهم انهم يعرفو مين المتلتم.
برجع سريري انام عشان كان يوم متعب جدا.
.
بصحي الصبح اعمل نفس ال بعمله بنزل اتمشي شوية وبرجع بعدها افطر وبعدين بدأت اجهز كل حاجة هحطها في الغرفة السرية دي بعد ما العمال ظبطوها بناء علي تعليماتي.
.
كتبت كل الأجهزة والاسلاك ال هحتاجها ونزلت الفيوم اشتريتها بس مش كل حاجة لاني مش عايز الفت الانظار ليا يعني كنت مثلا هشتري جهاز كمبيوتر عالي... ف اشتريت الجهاز بس ومعاه شوية اسلاك واشتريت لبس معاه و طلبات للبيت بحيث محدش يشك في اي حاجة.
ظبطت الأسلاك ودي اشتريتها كلها لان الأسلاك قدرت اشيلها في اللبس ف محدش هيشوفها.
ركبت حل الأسلاك وظبطت أماكنها مع جهاز الكمبيوتر.
.
تاني يوم اشتريت شاشة الجهاز... بكدا معايا جهاز والشاشة بتاعته.
هحتاج كدا اتنين تاني زيهم.
.
استنيت يومين وقدرت اخبي جهاز بالشاشة بتاعته ودخلته الاوضة السرية وركبته وكدا باقي واحد... قدرت أخفيه برضو ودخلته الاوضة وبكدا ٣ أجهزة عاليه القدرة معايا..
ربطهم ببعض وظبطت عليهم كل الاعدادات ال انا عايزها وأمنتهم من اي اختراق... وطورت عليهم برامج حماية قوية جدا وكل دا بفضل اللابتوب ال كان معايا اني قدرت اتعلم عليه حاجات كتير وطبقتها بالفعل وعملت تجارب علي البرامج دي وبالفعل كانت ناجحه جدا... ونزلت عليه خاصية التخفي...( طبعا مش محتاج اقولكم عن خاصية التخفي دي اي)
.
عدا اسبوع بالظبط علي تظبيطي للاوضة وبالفعل بقت جاهزه بالكامل للشغل.
انا وبعد تعب كتييير : حان الوقت يا فتي.
.
في وسط الأسبوع دا.
كنت بروح لشريف اوديلهم اكل وحاجات ليهم وملابس وكنت بتكلم معاهم علي اخر تطورات مرعي ورجالته.
انهم كل يوم بيدورو ورا المتلتم ومش هيسكتو غير لما يلاقوه او يلاقو حد قريب منه ومرعي كل يوم الخوف بيتسرب جواه ان شخص قدر يغلبه وبسبب الفلوس ال بقت مع شريف فجأة واختفاء شريف وندي وسعاد... كل دا كان كفيل يخلي مرعي دماغة تتجنن.
وكنت محذر ان عم صابر يروح هناك كتير وانه يقلل مرواحه لهناك عشان محدش يتتبعو ويعرف المكان دا.
.
ندي بقت تعاملني كويس جدا عكس ما كانت عليه وانا عرفت قد اي هي غلبانه وانها كانت بتعمل كدا لخوفها علي ابوها... وعدتها اني هطلقها بس الدنيا تهدأ وهي قالتلي انها عادي مش مستعجله وشريف كان مبسوط بيها وفرحان انه خلاص اتخلص من عقدة مرعي.
.
في يوم لقيت شريف قاعد وسرحان.
انا : مالك ياعم شريف قي اي.
شريف: لحد امتي هنفضل مستخبيين هنا... لحد امتي هنفضل هنا.
انا : معلش استحمل ياعم شريف قريب هاخدك انت وبنتك ومراتك وهتقعد في مصر لغاية ما مرعي يهدا وبعدها ترجع بلدك تاني بس الأوضاع تهدأ.
شريف :انا مش عايز ابقي هربان يايوسف
انا : مش هتبقي هربان انت هتبقي بتحافظ علي بنتك ومراتك..واوعدك هترجع بس امشي ورايا ومش هتخسر.
شريف بيقعد لحظات بيفكر وبعدها : خلاص يابني ال تشوفو وكله عشان ندي.
انا : دا الكلام برضو ومتقلقش انت ساعدتني كتيير هنا وانا بحاول ارد ال انت عملته معايا.
شريف بيسكت وبيهز راسة بالموافقة.
.
في نفس الايام دي.. كنت بروح لسمر كل يوم بس مش بقعد كتير عشان شغلي.
كنت بحكليها كل حاجة عن ندي وشريف وسعاد... كانت بتقولي انها عايزة تروحلهم بس انا رفضت... عشانها وعشانهم... عشان هي تركز في مذاكرتها وعشان خايف حد يلاحظ.
.
دا ال حصل في اسبوع ما بعد فرح ندي
.
.
.
في لحظه هدوء تام بيوصل رسالة مجهولة ل.
خالد._سحر _ لين _ سيليا ( كش ملك)
كلهم : يلا بينا.
.
وبتوصل رسالة مجهولة ليوسف
.. لو عايز معلومات اكتر انتظر مني رسالة قريبا. وفي نهاية الرسالة مكتوب ((العراف))
.
وهنا اكون انتهيت من الجزء الخامس.
انتظروني قريبا في الجزء السادس من... <<برمجه >>


الجزء السادس

تذكير بآخر حدث .
بيوصل رسالة لخالد وسخر ولين وسيليا ( كش ملك )
كلهم بيردو في نفس الوقت ... يلا بينا .
وبتوصل رسالة ليوسف من شخص مجهول .
لو عايز تعرف معلومات اكتر انتظر مني رسالة قريبا ...)العراف )
.
بتوصلي رسالة مجهولة من العراف ...معرفش مين العراف دا دار جوايا شوية اسألة هل دا فعلا هيساعدني ؟ولا دا فخ من افخاخ المنظمه ؟...وهل كدا انا اتكشفت ؟ طب هل هو عارف انا فين أو انا مين اصلا ؟ولا مجرد رسالة من مجهول لحساب مجهول ؟ !! وهل هيبعتلي تاني ولا لا ...بعد التفكير الطويل رحت في النوم .
.
في البدروم بيتجمع خالد وسحر ولين وسيليا .
قاعدين ساكتين محدش بيتكلم ..قاعدين منتظرينه بعد غياب .
خالد منتظر صديق عمره وأخوه مش فارق معاه ال هما فيها قد ماهو مستنيه لانه وحشه ولأنه طال غيابه...اخيرا رجع .
سحر منتظرة اخوها ال لما بتكون زعلانه من خالد بتروح ليه هو يحللها مشاكلهم ...سندها بعد خالد منتظرة تشوف صديق عمرها هي كمان لأنهم أصحاب من زمان اوي .
لين وسيليا منتظرين يشوفو ويفهمو ليه الغياب دا وكان فين ...وهل الغياب دا اثر عليه بالايجاب ولا السلب .
.
لحظات قليلة بتعدي عليهم كأنها ساعات ....لحظات بتعدي كأنها ايام ...خالد بتبدأ ضربات قلبه تزيد اخيرا هيلتقي بيه تاني وأنه موجود ومسابهمش ...اخيرا هيشوف صاحبه تاني .
سحر بتبص علي الباب كل شوية وهي مستنياه يخبط عشان تفتحله.
.
بيخبط الباب اخيرا بعد فتره سادها الهدوء والسكون .
سحر بتبص علي خالد كأنها بتقولو هو ؟
خالد بيبصلها وبيهز رأسه بالموافقة وبيبتسم بهدوء .
سحر بتجري علي الباب تفتح وبيكون واقف بابتسامة بيبص لسحر .
انا : ازيك يا سحر .
سحر بتسكت شوية وبعدين بتبدأ تتكلم : ا..ا....أن....انت وبتبدأ تعيط ..
بطبطب عليها وببوس رأسها وبدخل وهي بتيجي ورايا .
خالد بيبقي قاعد هادي واول ما بيشوف يوسف بيقف وبيتنح في وشه .
انا بقرب من خالد بهدوء وانا لسة ببتسم
.
انا : عامل اي يا خالد .
خالد ساكت مش بيتكلم باصصلي وبس ومش بيتحرك .
بعد لحظات سكات خالد بيحرك أيده اخيرا وبيحطها علي كتفي...كأنه بيتأكد دا انا فعلا ولا لا .
بعدها بتنزل منه دمعه وهنا كأنه بالفعل اتأكد اني موجود فعلا .
وبيضربني علي صدري بالبوكس بأيده الاتنين وبيحضني وانا بحضنه جامد .
انا : وحشتني يا اخويا وحشتني اوووي .
خالد : ليه عملت كدا احنا كنا لسة مطلعناش من صدمه الحادثة .
انا : معلش كان لازم ابعد شوية وكل حاجة هتعرفوها في وقتها ( وببعد عن خالد وبنقعد )
خالد : طب ليه مطمنتناش برسالة أو بأي حاجة .
انا : كنت محتاج مشغلش بالي باي حاجة ...بعدين دا كلها شهر ولا اكتر بشوية يعني مش كتير
خالد : دينا هتموت من الزعل عليك يا يوسف...كل يوم واقفة في البلكونه بالليل وهي مستنياك تظهر .
انا : صحيح حد منهم عرف اني جاي .
خالد : لا لسة .
انا : كويس انا هبقي اطلعلهم .
.
انا : ازيك يالين ...ازيك ياسيليا .
لين وسيليا: حمد**** علي سلامتك يايوسف
انا : **** يسلمكم...اي اخباركم واخبار الدنيا .
لين : تمام جدا ....وكل حاجة تمام كنا منتظرين رجوعك بفارغ الصبر .
انا : اي اخبار القائد ..(.وببص عليهم وبغمزلهم )
لين : بخير .
انا: طيب تمام ...لين وسيليا هتباتو هنا ...خالد وسحر اطلعو ريحو....انا هروح خمسه وارجع اشوف دينا وامي ومنار عشان وحشوني اوي ...وأشوف ابويا فين عشان وحشني .
كلهم بيهزو رأسهم بالموافقة علي كلامه
..
دينا بتتكلم *
قاعده زي اي يوم مر عليا من ساعة ما مشي واتقطع الاتصال بينا وبينه ..قاعده ساكته وباصه للباب مستنياه يجي في أي يوم ويفتح الباب ...منار بتروح جامعتها وترجع نتغدي وتدخل تذاكر ...باين عليها حزنها علي يوسف أنه مفيش تواصل بينا وبينه واحنا مش عارفين اي ال حصله بس هي بتحاول تداري زعلها وانا قولتلها ركزي في مذاكرتك لأنها كليه محتاجه تركيز جامد غير أن حلم منار أنها تفتح مستشفي ( متنساش أن منار في طب بشري ) .
امي قاعده تنضف أو بتصلي اوقات بحسها زعلانه اوي وممكن يحصلها حاجة من فراق يوسف واوقات بحسها مش فارق معايا وعلي طول تطمني أنه هيرجع وأني مقلقش .
انا كنت مقهورة اني بعد ما عرفت أنه اخويا شقيقي مشي وبعد عني ...معرفش ازاي هو اخويا فعلا بس مش مهم المهم أنه طلع اخويا بجد وعايزة اصارحه بكدا بس هو يرجع ويطمني عليه .
في وسط تفكيري الباب بيخبط خبطتين بالراحه...فكرته خالد لانه هو ال بيخبط بالطريقة دي .
امي كانت هتقوم تفتح بس انا قولتلها خليكي وهقوم انا .
فتحت الباب وقولت :تعال يا خالد ودخلت قعدت مكاني من غير ما اشوفه لاني متعوده أن خالد كل يوم بيجي يسأل علينا ويتطمن ويشوف لو عايزين حاجة في وسط غياب بابا ال مشغول علي طول في شغله وسفره .
رجعت مكاني الباب كان مفتوح حته بسيطه في مش باين مين ال برا .
مستنيه خالد يدخل بس محدش دخل ...استغربت في أي .
انا (دينا ): ادخل يا خالد تعالي انت
امي : انت مكسوف ياواد ياخالد ولا اي متدخل يابني .
برضو مدخلش وانا وامي مش فاهمين في أي .
امي : قومي شوفي يادينا في أي يمكن شايل حاجة .
بقوم من مكاني فجاه الباب اتفتح علي الاخر .
بنبص انا وامي ونشوف مين ال فتح الباب لاخره وبنلاقيه واقف بابتسامه هاديه وباصصلنا .
انا قعدت شوية استوعب هو مين دا .؟
يوسف : ينفع ادخل .
امي سمعت صوته قامت جريت عليه : حمد**** على سلامتك يابني وهي بتدمع وخدته بالحضن ...وهو بينزل من عينه دموع وبيحضن أمه .
انا وقفت متفاجأه من ال شايفاه ...رغم اني كل يوم مستنياه بس لما شوفته اتفاجأت . هو دا يوسف بجد ؟ولا انا بيتهيألي أنه هو ؟
وانا شايفه امي ويوسف حاضنين بعض عيوني دمعت .
.
امي بتحسس علي وش يوسف : انت كويس ..كنت بتاكل اكل كويس ؟ انا هروح اعملك اكل انت اكيد مكنتش بتاكل كويس .
يوسف : انا كويس وبخير واديني قدامك اهو مفيش حاجه.
امي : تعال ارتاح ياحبيبي تعال ارتاح ياضنايا .
بيدخل يوسف بيقف قدامي وبيمسك راسي يبوسها وبيحضني وانا واقفة مصدومه وعيني بينزل منها دموع وانا في حضن يوسف بيمر قدامي فلاش باك لكل حاجة حصلت معايا لغاية ما هو واقف قدامي دلوقتي.
افتكرت ابويا ال معرفش دلوقتي هو ابويا فعلا ولا اي ولو هو ابويا فهل هو أبو يوسف برضو ولا لا ....افتكرت معاملته القذرة ليا وأنه كان راميني لجوزي بسبب الفلوس والشهرة ومعامله جوزي كأني خدامه عنده ...واخواتي ال معرفش هما فعلا اخواتي ولا اي ال كل شخص فيهم كان همه الفلوس ولا حد فكر يسأل عليا في وجودي في بيت جوزي أو بعد ما هربت وجيت هنا مع يوسف ...ولما كنت بشتكيلهم كانو بيحسسوني أن دا طبيعي لكن الحقيقة أن دا كان كابوس انا عايشه فيه **** طلعني منه بمعجزة ....افتكرت احمد ال قابلته وحبيته وبعدها اختفي وبيبعتلي رسالة كل فترة وفترة ومعرفش عنه حاجة من ساعة ما سافر ....افتكرت بعدها معامله يوسف وعيلته ليا أنه ازاي احتواني وانا غريبة عنهم وانا واحده اصلا لاقيني في الشارع وهاجر ال كانت بتعشق يوسف مفكرتش في مرة ان وجودي في البيت ممكن يخطف منها يوسف لا بالعكس كانت بتحبني وتعاملني كأني اختها من ساعة ما دخلت البيت دا ....وام يوسف ال عاملتني زي بنتها بالظبط واعتبرتني من العيلة .
.
فقت من الفلاش باك علي يوسف وهو بيبعد عني شوية وبيمسح دموعي ال كانت غرقت كتفه لقيته بيكلمني ويقولي
يوسف : انا رجعت اهو ياحبيبتي متعيطيش عشان خاطري .
اتسمرت مكاني لأن اديلي فتره محدش قالي ياحبيبتي وقتها حسيت قد اي يوسف قريب مني اوي اوي وحته مني ... لاول مره احس ان اخويا فعلا ...لاول مره اشوف نفسي فيه .
انا (دينا ) : متبعدش عني تاني يايوسف انت متعرفش انا كنت بتقطع ازاي وانت مش هنا ...متعرفش انا قلبي كان حاسس بايه وانت غايب ومنعرفش عنك حاجة .
مسح دموعي وحضني تاني اوي ....حسيت وقتها أن قلبي ارتاح بعد ما قطعه مني رجعت . ..لقيتو بيقولي
يوسف : ممكن كفايه عياط عشان خاطري ولا اروح امشي
انا ( دينا ): خلاص خلاص اهو بطلت عياط بس متقولش اروح امشي تاني .
يوسف : مش هقولها تاني بس كفاية عياط بقي .
انا مسحت دموعي بايدي وقعدت مكاني وقولتله: اهو خلاص مسحت دموعي ...ومسكت أيده وانا قاعده وحطيت راسي علي كتفه .
.
انا (يوسف) : فين منار وحشتني اوي .
امي: في المستشفى عندها تدريب ياحبيبي ارتاح انت عقبال ما هي تيجي .
انا : هتتاخر
امي : لا زمانها في الطريق وجايه
انا : طبعا ابويا في شغله ومش بيسأل كعادته .
امي : يدوب يبعت يسأل علينا مرة في الأسبوع ويرجع يختفي تاني كتر خيره شغله متعب .
انا: هو مش كان هيستقر في مصر .
امي : أيوة ماهو بيخلص شغل برا وهيرجع يستقر هنا .
انا: هبقي أكلمه اشوفه .
امي : هقوم اعملك اكل ياحبيبي وانت ارتاح شوية .
.
امي بتعمل اكل وانا ببقي قاعد ودينا سانده رأسها علي كتفي ومكلبشه أيدها في أيدي كاني ههرب منها .
.
شوية وبيتفتح الباب وانا قاعد انا ودينا بنفس الوضع .
بتدخل منار بتحط شنطتها علي المكتب وبتحط مفتاحها في الدرج وبتدخل الحمام كل دا وانا قاعد وكاني مش موجود .
بتطلع منار من الحمام بتدخل اوضتها وبتغير لبسها ...كأنه يوم عادي .
وبتدخل المطبخ تبوس راس امي وبتقولها : عاملالنا اكل اي انهاردة ياماما
امي : زي مانتي شايفة .
منار : طب بسرعة عشان انا واقعة من الجوع .
امي : طيب .
بتطلع منار من المطبخ ....وهي باصة في موبايلها .
منار : عامله اي يادينا .....وبتبص اخيرا عليا.
منار كانت واقفه اتسمرت مكانها ... بقت مبحلقة فيا وساكته مش بتتكلم ...بتحاول تستوعب ...انا باصصلها في عينها بابتسامه هاديه .
بعد لحظات السكون ال كان اخيرا منار بتبدأ تتكلم .
منار : اي .......أي....أ......أ..... ان......انت .......أنت بجد وبتبدأ تدمع .
انا : انا رجعت اهو وبخير .
منار : لا...... لا... انا بتخيل صح .
انا : لا ياحبيبتي انا رجعت اهو ....وبقف بروح عندها .
منار : انت.....انت يوسف اخويا صح ؟
انا : ايوة انا يوسف اهو قدامك ...وبمسك أيدها .
منار : اي.....أيييي.......ومن غير ما تقول كلمه بتبدأ تعيط وبتترمي في حضني
بتعيط وهي في حضني وانا بطبطب عليها وبحاول أهديها
منار ( وهي بتعيط ): ليه عملت كدا يعني بابا كل أيامه في شغله ومش ليلاقي دقيقة حتي يكلمنا فيه .....تروح انت تسيبنا يايوسف...طب انا لما احتاج اكلم حد اكلم مين ....يوسف انت بالنسبالي ابويا واخويا وحبيبي انت متعرفش انا كان بيحصل فيا اي وانت بعيد عني ....ارجوك يايوسف متسيبنيش تاني ...انا تايهه من غيرك .
انا : خلاص مش هسيبكم تاني بس عشان خاطري كفاية عياط انا مبحبش اشوفك بتعيطي كدا
منار: بتهدا شوية في حضني وبعدين باخدها وبنقعد جنب دينا وبحضن الاتنين بدراعي وانا بينزل من عيوني دموع .
كل دمعه نزلت مني في اللحظه دي كان ليها معني ...خوفي عليهم لو حصلي حاجة ....خوفي عليهم لو مقدرتش انقذهم من ال جاي .....خوفي اشوفهم مغيبين والاسد بيتحكم فيهم .... خوفي اشوفهم محتاجيني وانا مش موجود او محتاجين مساعدتي وانا مش قادر اعمل حاجة ليهم ....خوفي اكون عاجز قدامهم
خوفي من المستقبل كان مسيطر عليا في اللحظه دي واتمنيت وجود هاجر جنبي دلوقتي...هي ال كانت بتطمني وتهديني ...هي ال كانت بتفهمني .
.
اوقات كتير بحس نفسي ضعيف ومش هقدر اواجه حتي نمله ببقي نفسي اموت في ساعتها عشان ارتاح من الهم ال حطيته علي نفسي دا .... واوقات تاني بحس أني مليان قوه وتقدر اهزم اي حد واي منظمه ايا كانت مين وببقي عايز اي حد اواجهه دلوقتي .
.
عارف أن الغابه أصعب مما اتوقع وان مش بالسهولة ال احيانا بشوفها دي بس انا واثق في نفسي وواثق في التيم ال معايا أنه هيقدر يقف معايا لاخر لحظه .... هعلن بكرا عن اجتماع لكل التيم ودا هيكون اهم اجتماع من اول ما دخلت السكه دي .
.
في وسط تفكيري بتقطعني امي : الاكل جهز ياحبيبي يلا تعال انت محتاج تاكل انت مش شايف وشك مسخوط ازاي .
انا : يلا جايين اهو ناكل كلنا .
.
امي بتحط الاكل ودينا بتساعدها وبنقعد ناكل .
انا : كان نفسي ابويا يكون موجود معانا وكان نفسي هاجر برضو تكون معانا هنا بس هما مش فاضيين دلوقتي...بس قريب نتجمع كلنا وناكل مع بعض ويبقي معانا خالد وسحر وكل اصحابي
امي ودينا ومنار بيبصو لبعض بحزن .
امي : انشاء **** ياحبيبي كل انت دلوقتي وبكرا **** يسهل .
انا : **** يسهل .
.
بعد ما بنخلص اكل دينا بتقوم تعمل شاي لينا كلنا .
انا : اعملو حسابكم بكرا بالليل في ضيوف جايين وهيباتو في الشقة فوق ف بعد اذنك يادينا هنطلع انا وانتي ننضفها ونرتبها .
امي : ضيوف مين ياحبيبي
انا : هتعرفو بكرا
امي : ينورونا ياحبيبي .
انا : نشرب الشاي وهنطلع ننضف الشقة فوق .
امي : ارتاح انت وهطلع انا ودينا ومنار ننضفها .
انا : لا لا ملوش داعي ارتاحي انتي ياماما وانا ودينا ومنار هنرتبها ولو منار عندك مذاكرة خلاص خليكي واحنا هننضفها .
منار : لا هطلع معاكم انت واحشني اوي وعايزه اقعد معاك كتير
انا : وانتو واحشيني اكتر
منار : انا عايزه اعرف لية الغيبه الطويلة دي كلها .
انا : هحكيلكم بعدين عنها بس انا دلوقتي هدخل اريح شوية وأقوم نطلع فوق .
منار : ماشي وانا كمان عايزه ارتاح شوية .
.
بعد ما ريحت شوية بقوم بغسل وشي
انا : يلادينا .
دينا : يلا
انا : منار صحيت
دينا : لا لسة اروح اصحيها
انا : لا لا خلاص سيبيها تصحي براحتها .
دينا : تمام ....وفي دماغ دينا ان دي فرصة كويسة انها تقول ليوسف علي الموضوع ال قالو الدكتور ليها انها فعلا أخته .
.
طلعت انا ودينا فوق .
دينا : يوسف محتاجة اقولك علي حاجة ضرورية.
انا : نخلص الجزء دا بس وبعدين نتكلم عشان منكسلش
دينا : اممم ماشي ال تشوفه .
بدأنا تنضيف...كانت مليانه تراب نضفناه .
وقولنا نريح شوية .
انا : ها اي الموضوع الضروري اللي كنتي عايزاني فيه .
دينا : يوم الحادثة لما انت كنت غايب عن الوعي الدكتور طلب حد يتبرع بالدم ومكنش في حد فصيلته شبه فصيلتك موجود غيري في انا قولت للدكتور واتبرعتلك انا بالدم .
انا : اه انتي عايزة كيس الدم ولا اي خلاص ماشي هديهولك ياسين .(وبضحك )
دينا : أخص عليك دانا اديك عمري كله ياحبيبي
انا : بهزر معاكي ....المهم كملي
دينا : المهم أن بعد شوية الدكتور جيه وقال مين ال اتبرع بالدم ...قولتله انا ..قالي معلش ممكن كلمتين علي انفراد ورحت معاه المكتب .
انا : تمام
المهم في المكتب قال ...........ومنار بتدخل بتقطع كلام دينا .
منار : مصحتونيش ليه.( دينا بتضايق شوية لأنها نفسها تقوله )
انا : منا قولت اسيبك براحتك واحنا خلاص قربنا نخلص اهو .
منار : خلاص هكمل معاكم بقي .
دينا : خلاص نكمل كلامنا بعدين يا يوسف يلا نخلص ال ورانا .
منار : كنتو بتتكملو في أي .
دينا : ملكيش دعوه ياسوسه .
منار ؛ بقي كدا طب انا نازله .
انا : رايحه فين لا ياحبيبتي طلعتي هنا يبقي تشتغلي معانا .
منار: لا والنبي ياواد منا ال طالعه بارادتي علي فكره .
انا : طب يلا يا ام إرادة انتي.
دينا ؛ انتو صداع انتو الاتنين انا هنزل أخد برشام صداع
منار : قولي انك بتتهربي
دينا : مصدعه بقولك ابوك
منار : يلا يابت نخلص الشقة دي احنا هنلعب ولا اي .
دينا : طب يلا وريني شطارتك بقي يا ام لسان طويل انتي .
انا : كفاية كلام بقي يلا نشتغل احنا كدا مش هنخلص
منار : انا شايفة كدا برضو
دينا : وانا كمان .
.
خلصنا تنضيف في الشقة وقعدنا نرتاح شوية .
منار : هو مين ال جاي بكرا ياجو
انا : هعرفكم عليهم لما يجو بكرا
منار : يوه بقي
انا : مالك يابت
منار : عايزه اعرف .
انا : بكرا
منار : يووووه
انا : خليكي كدا موتي بفضولك
منار : مش عايزه اعرف اصلا .
انا : خلاص بتسألي ليه بقي .
منار : عادي يعني العلم بالشيء .
انا : طيب بكرا هتعرفو وكفايه صداع بقي انا نازل تحت يلا يادينا .
دينا : يلا ياحبيبي
منار : يوووه بقي
نزلنا تحت لقيت امي قاعده بتعيط
.
انا : مالك ياماما .
امي : مفيش بس افتكرت حد غالي عليا اوي .
انا :افتكرتي مين
امي : هاجر .
انا : بس انتي بتعيطي ليه هاجر هترجع قريب ياماما.
امي : وحشتني اوي وكان نفسي تكون في لمتنا دي .
انا : هنتجمع تاني واللمه دي هتكون اكبر
أمي : إنشاء **** ياحبيبي ( وبتمسع دموعها ) ...نضفتو كويس فوق
انا : اه تمام انا هدخل ارتاح شوية عشان بكرا يوم طويل.
امي : ماشي ياحبيبي تصبح علي خير .
انا: وانتي من أهله .
.
ببعت رسالة للتيم: الاجتماع اتأجل يوم ....بكرا راحه وبعده الاجتماع....افتكرو بكرا اخر يوم للراحه .
الكل بيرد : تمام .
.
بصحي تاني يوم في معادي ال متعود اصحي فيه .
الصبح بدري بنزل الشارع بتمشي شوية واشم هوا ...وبرجع اخد دش وافطر....
بقعد مع امي شوية وبعد كدا بتيجي دينا ومنار بعدها .
بحس دينا متوترة شوية .
انا : مالك يادينا
دينا : اي .... لا مفيش مصدعه بس شوية
انا : انزل اجبلك علاج طيب .
دينا : لا لا مش لازم شوية هكون كويسة ...انا لما بصحي من النوم كدا بكون مش فايقة ومصدعه شوية .
انا : ماشي ياحبيبتي المهم تكوني بخير .
دينا : انا بخير ياحبيبي
انا : هتفطري
دينا : اه هقوم اعمل فطار
انا : وانتي يامنار عامله اي .
منار : بخير ياحبيبي
انا : **** تكونو بخير ديما
منار : احنا بخير طالما شايفينك معانا وساندنا .
انا : **** يخليكم ليا **** .
منار : ويخليك لينا ياحبيبي ....انا هفطر وانزل المستشفى
انا : ماشي ياحبيبتي علي مهلك ...يلا انا نازل دلوقتي مشوار وهرجع بالضيوف....هجيب الاول طلبات للغدا عشان الضيوف تمام.
امي : ماشي ياحبيبي
.
نزلت جبت طلبات عشان الضيوف وواجب الضيافة وكدا وبعدين رحت للضيوف اجيبهم واجي .
.
دينا *
مش عارفة ليه بقيت كل ما بيبعد شوية ببقي قلقانه اوي ....بقيت عايزاه جنبي علي طول ...انا عارفه انه راجل ويروح ويجي عادي بس اتعلقت بيه اوي مش عايزاه يسيبني ويمشي .
عدت ساعة وهو لسة مجاش وابتدا القلق يظهر عليا .
امي : يابنتي اهدي هو رجع خلاص وراح يجيب الضيوف اي ال قالقك تاني .
دينا : مش عارفة بقيت مش عايزاه يغيب عني .
أمي : يوسف مش صغير عشان نكتفه جنبنا .
دينا : عارفه بس بخاف عليه اوي ...خصوصا بعد ال حصل مع هاجر وهو كان هيروح فيها كمان .
امي : دا قدر **** منقدرش نغيره.
دينا : عارفه بس اعمل اي غصب عني
امي:اتطمني وهو زمانه جاي يلا قومي ساعديني.
.
قومت (دينا ) ساعدت امي في الاكل وبعد ما خلصنا قعدت شويه ..
عدت ساعة تانيه وهو لسة مجاش .
دينا : انا هرن عليه
امي : رني شوفيه فين وجاي أمتي .
دينا: هرن اهو .
.
برن بس الخط مقفول .
ابتدي القلق يتملكني تاني بعد ما كنت اتطمنت شوية من كلام امي
.
عدت ساعة ومفيش اي جديد قاعده علي اعصابي ومستنياه يفتح الباب دلوقتي...لدرجه اني فكرت أنه مجاش من الاول وأني كنت في حلم أو كنت بهلوس .
.
عدت ساعة كمان يعني عدي ٤ ساعات.
اخيرا الباب بيخبط بعد ما عدا ٤ ساعات وشوية .
.

....
رحت جبت الضيوف بس اتأخرت شوية عشان الطريق ...قولت ارن علي دينا عشان يجهزو الاكل بس افتكرت اني رميت الخط وانا ناسي ارقامهم ف قولت اكيد.هما هيكونو عملوا. عقبال ما نوصل .
.
وصلت البيت بخبط....لقيت دينا بتفتح الباب وباين عليها القلق .
انا : مالك .
دينا : اتأخرت ليه وخطك مقفول ليه .
انا باخدها في حضني عشان اطمنها ...اهدي اهدي ياحبيبتي انا هنا والخط بتاعي رميته من فتره ونسيت اسيب خطي الجديد حتي كنت عايز ارن عليكم بس الارقام كلها مش عندي .
دينا : طب متتأخرش عني تاني بقي
انا : حاضر ياحبيبتي.
.
دينا رجعت لورا شوية : فين الضيوف ياحبيبي .
انا : طالعين .
بعد خمس دقايق تقريبا .
انا : اتفضل ياعم شريف بيتك ومطرحك .... اتفضلي يا مدام سعاد البيت بيتك .....اتفضلي ياندي.
بيدخلو التلاته ورا بعض بيسلمو علي دينا وعلي امي .
وانا بعرفهم علي بعض ...دينا ...دا عم شريف ودي مراته سعاد ودي بنتهم ندي
ياعم شريف دي ست الكل امي .
.
سلمو علي بعض وترحيب من امي ودينا .
بيقعد شريف وسعاد وندي ودينا بتقدملهم عصير .
.
بعد شوية كلام وتعارف بتدخل منار بعد ما بترجع من المستشفى وبتتفاجأ من وجود شريف وسعاد وندي ...بس بعدها بتاخد بالها أنهم الضيوف ال انا قولت عليهم .
انا : اعرفكم دي كتكوته العيلة منار في طب بشري وخلاص قربت تخلص .
شريف : ازيك يادكتور .
منار : ازيك ياعمو .
.
منار بتسلم عليهم كلهم .
انا : يلا بقي نتغدا .
شريف : ملوش لزوم يابني .
انا : ملوش لزوم ازاي بس ياعم شريف دانت شيلتني فوق راسك .
شريف : يابني دا واجب عليا لو الأرض مشالتكش اشيلك فوق راسي .
انا : تسلم ياعم شريف يابو الرجوله بس يلا هنتغدا مع بعض واطلع اوريكم الشقة فوق .
.
بعد مناهده ..اتغدينا كلنا وكنت سايبهم يتكلمو مع بعض وانا مش بتدخل ...مركز في الاكل بس .
.
كلنا وبعد كدا شربنا شاي .

.
يلا اوريكم الشقة فوق ال هتقعدو فيها .
.
خدتهم وطلعت وريتهم الشقة وقولتلهم ارتاحو شوية وهطلعلكم بعد ما ترتاحو .
.
نزلت تحت وسبتهم يرتاحو .
انا عايز اقولكم حاجة بس اتمني تفهموني .
امي : خير ياحبيبي .
انا : ندي تبقي مراتي .
.
عم الصمت علي المكان للحظات .... كلهم باصينلي وساكتين ...عينهم منزلتش من عليا ...مستنيين اقولهم اني بهزر .
انا ساكت وهما ساكتين محدش بيتكلم
كسر الصمت صوت دينا وهي بتقول : انت قولت اي .
قالتها كأنها عايزه تتأكد هي سمعت صح ولا غلط
انا : ندي تبقي مراتي وهتقعد معايا هنا هي واهلها لفتره كبيرة
.
بصيت علي امي لقيت عينها مليانه دموع وبتنزل علي خدها .
لقيت منار انفجرت فيا : طب وهاجر ؟ نسيتها ؟ هاجر يايوسف .؟ مش كنت بتقول هتيجي وهنتجمع كلنا من تاني ؟ يعني انت كان قصدك هتجيب بديله هاجر بقي ؟ هاجر يايوسف القلب الطيب الحنين ؟ نسيتها بالسهولة دي ورحت اتجوزت ؟ يعني غيابك كان ما الا انك بتتجوز ؟ احنا هنا قلقانين علي سيادتك ومش قادرين نقعد وحضرتك بتتجوز وترفه عن نفسك .... وكل شوية تقول هاجر هترجع ...احنا ال مفكرين مش قادر تتقبل أنها ماتت طلعت اصلا بتقول كدا عشان هتجيب البديلة ... بكل سهوله كدا نسيت هاجر ؟ هاجر ال مسابتكش لحظه واحده ؟ انت اي يا اخي حجر مبتحسش ....لا وقاعد تصبر فينا...قال اي اصل هاجر مماتتش .... هاجر ماتت من اللحظه دي....مكنتش مصدقة أنها ماتت بجد لكن كونك نسيتها دي في حد ذاتها موت ليها .
.
كلام منار كان كأنه وحش بيدخل ياكل في قلبي وجسمي ... دموعي نزلت غصب عني حسيت وقتها قد اي انا حقير ... علي الرغم أن جوازي من ندي كان ليه سبب بس كل كلمه من منار كانت سم بياكل في قلبي .
كنت متوقع كلام كتير منهم بس كلام منار كان كفيل يخليني عايز اموت دلوقتي....كان نفسي الأرض تبلعني في بطنها ومتطلعنيش تاني .
غمضت عيني وظهر قدامي نور جميل اوي .
لقيت ايد بتتحط علي كتفي ...فتحت عيني مشوفتش حد غير هاجر لقيتها في وشي وبتبتسم وبتهز رأسها كانها بتطمني .
ابتسمت تلقائي وهزيت ليها راسي كاني فهمت هي عايزة اي .
.
لقيت منار بتقولي : عينك متجيش ناحيه عيني مرة تاني ولا تفكر تكلمني
انا ولاول مره هبدأ اتكلم : اتمني متحكموش عليا بدون ما تعرفو السبب ...وهاجر انا منستهاش يامنار ولا بتروح عن بالي لحظه ولغاية ما تعرفو السبب اتمني والصورة الكامله توضح قصادكم متزعلوش مني لأن بعد كدا هتفهمو كل حاجة . ولغايه ما تفهمو محدش يسألني علي حاجه ...ومتسمعوش كلام اي حد يقولو لغاية ما أنا ال اقولكم ...ايا كان مين ال قالكم متصدقوش كلامه ...لغاية ما انا ال اقولكم بنفسي وتكون كلمه السر ... كش ملك .
.
علي وشهم محدش فاهم حاجة كلام كأنه غريب عليهم وهو فعلا كلام غريب ...يعني اي متصدقوش كلامي غير لما اقولكم انا واقول كلمه السر ...تؤ هو في أي اصلا محدش فاهم حاجة ..منار واقفه مش حاطه عينها في عيني ...وامي دموعها نازله من حزنها من ال حصل ...دينا تايهه مش عارفه اي ال بيحصل نفسها ال بيحصل دا يكون كابوس وتصحي منه في اقرب وقت .
.
خلصت كلامي وطلعت فوق علي السطح .
كان في قعده كويسه عاملها فوق ...طلعت قعدت علي كرسي وريحت دماغي.
عدا قدامي شريط حياتي من اول ما بدأت في محاربه الغابه وتفكيري في ازاي هقدر أغلبها .
افتكرت كل صحابي .
بيشو وجورج ومصطفي ونهي وليلي وريم وخالد وسحر ونور وميرنا ... والاجمل بينهم هاجر .
افتكرت قعدتنا مع بعض وهزارنا وضحكنا ولعبنا مع بعض .
افتكرت كل حاجة حلوه حصلت بيننا و قدامي جمله مكتوبه "لازم نتجمع "
بقي حلمي اجمع كل أصحابي ونرجع ايد واحده .
مبقاش في غيري انا وخالد وسحر ...والباقي بعدته الحياه لكن مسيرنا نتجمع .وهو دا هدفي .
افتكرت دينا وال حصل معاها وازاي قابلتها وجبتها البيت وبقت زي اختي واكتر كمان .
افتكرت ابويا ال من وانا صغير سايبلي حمل كبير علي ضهري .
هو مش مخلينا محتاجين حاجة الحمد**** بس كان نفسي يفضل معايا وقت اكبر .
افتكرت يوم اجتماعي الاخير مع اصحابي
.افتكرت خيانه جورج ...وابتعاد مصطفي عني ومعاملته ليا ال اتغيرت مليون درجه .
الوحيد ال فضل جنبي ...خالد ...وسحر مسابونيش لحظه ...حقيقي فخور أن في يوم كنت صاحبهم وهما اصحابي **** يخليهم لبعض وميفرقهمش ابدا وأشوف عيالهم ..
.
بيعدي شريط حياتي وبعده جيه سؤال مهم بيدور في بالي .
هل هنجح ؟ هل بعد كل هقدر انقذ البشريه من سلطه الأسد وأتباعه ؟ اسبوعين فقط وهيبدأ الأسد في نشر الڤيروس .... اسبوعين قدامي عشان ابدا مهمه اكون او لا اكون .
بكرا اجتماع التيم ...التيم كامل هيكون .... هنعرف من خلاله العنصر المجهول ... يوم بعنوان نكون او لا نكون .
وبيغلبني النوم.
..
تحت كلام بين امي ومنار ودينا .
منار : هو دا ابنك ال كنتي بتموتي عليه ...هو دا اخوكي ال مكنتيش بتاكلي عشانه ...البيه طلع كان بيتجوز
امي : اهدي يامنار بقي هو قال ان في أسباب وهيقولهالنا متحكميش عليه بدون ما تسمعي أسبابه .
منار : انتي لسة بتدافعي عنه ومصدقاه ... هاجر كانت خسارة فيك ..هاجر مكانتش تستاهل تعمل فيها كدا .
دينا : كفاية بقي كفايه انا تعبت من ال بيحصل ..مفيش يوم مقعده في خير وسلام ومحبه ... انا تبعت **** خدني بقي وريحني... طالما مفيش يوم كويس في حياتي .
امي : بعد الشر عليكي ياحبيبتي اهدي انتي وهي بقي وهو اكيد هيقولكم الأسباب في وقتها خلاص اهدو عشان الضيوف.
منار: عيني مش هتيجه في عينه لغاية ما افهم عمل كدا ليه .
امي : ماشي اهدي بقي كفاية انا حاسه الواد هيروح مننا .
منار : ال زي دا يستاهل ...حتي لو هو اخويا .
امي : اسكتي متقوليش كدا تاني علي اخوكي
.
منار بتدخل اوضتها وبتقفل الباب ودينا بتقعد في هدوء تام بدون حركه .
وامي بتروح ترتاح شوية .
.
تاني يوم .
بصحي في معادي ال متعود عليه . نزلت لقيت شريف صاحي وفاتح الباب .
دخلت .
انا : ازيك ياعم شريف .
شريف : بخير يابني.
انا : البيت بيتك براحتكم في البيت .
شريف: يبني انا حاسس أننا متقلين عليكم انا شايف نروح نقعد في لوكندا لغاية ما الأوضاع تتحسن.
انا : ياعم شريف انت بتقول اي ..انت كدا بتغلط فيا ... يعني البيت يبقي موجود وتقعد في مكان تاني عيب عليك الكلام دا يابو الأصول انت راجل صعيدي وفاهم .
شريف: أيوة يبني بس .
انا : ولا بس ولا غيره خلاص.
شريف : ال تشوفو يبني .
انا : ومتقلقش اسبوع او اكتر وهاخدكم لبيت لوحدكم تاخدو راحتكم فيه عشان لو مكسوف ولا حاجه وعشان ندي وامها يكونو مرتاحين اكتر .
شريف : ال تشوفو يبني .
انا : عندك فطار في التلاجه وعندك اكل ولو عزت اي حاجة كلمني ياعم شريف لكن ممنوع حد منكم ينزل الشارع كدا .
شريف : ماشي تمام .
انا : انا نازل دلوقتي هتعوز حاجة.
شريف : سلامتك .
انا : صحيح ياعم شريف اي حد يسالك عني قولو معرفش انا مجرد مستأجر هنا ....يعني انت كانك قاعد في بيت اجار ...حتي لو امي ال سالتك جاوبها كدا .
شريف : ماشي تمام .
..
نزلت تحت لقيت امي قاعده بوست راسها وهي قاعده مدتش اي رد فعل ..
لقيتها بصتلي بصتطة تأنيب وتحسر علي ال عملته .... متكلمتش باي كلمه .
انا : انا منستش هاجر يا امي ....وسبتها ونزلت .
كانت منار ودينا نايمين
نزلت اتمشيت شوية ... كعادتي ورحت وقفت علي عربيه فول فطرت ورجعت البيت .
لبست ولعت رسالة للتيم .... اجتماع بعد ساعتين من الآن في وبعت لكل لوكيشن المكان علي البرايفت
.
بعت رسالة تانيه فيها .
ممنوع اي اتنين يوصلو مع بعض ..
ممنوع تركب اي مواصله لغايه المكان ....هتوصل لنص المكان بالموصاله والباقي تكمله مشي ..لو حد مراقبك.ابعتلي رسالة .
.
كان كل لوكيشن بيوصل لنفس المكان بس الطريق ال هيتبعه مختلف .
وفي نهاية الرسالة .....كش ملك .
.
عند مصطفي وكريم .
مصطفي : يوسف ظهر .
كريم : كان فين وهو فين دلوقتي
مصطفي : منعرفش هو كان فين لكن هو دلوقتي في بيته .
كريم : لازم تعرف كان فين وبيهبب اي .
مصطفي: ماشي
كريم : الرئيس نازل مصر قريب .
مصطفي ( بيتفاجأ ) : دي اول مره ينزل مصر
كريم: أيوة وهيحتاج معلومات كتير مننا لازم تكون جاهزة
مصطفي: معلومات عن أي .
كريم : معلومات عن يوسف ... هو ميعرفش يوسف هو عارف أن في شخص بيحاربهم هما والغابه .
مصطفي: وانت هتقول علي يوسف .
كريم : اكيد .
مصطفي: غلط طبعا
كريم : ليه غلط
مصطفي: انت لو قولت علي يوسف كدا الرئيس مش هيبقي محتاجك اصلا يمكن يقتلك كمان لأن هو عايز منك ال بيحاربه دا يطلع مين .. وبعد ما يعرف خلاص كدا مهمتك خلصت .
كريم بيفكر شوية بعدين بيرد ويقول : يعني انت شايف أن بمجرد ما يعرف يوسف خلاص مهمتي معاه خلصت.
مصطفي: بالظبط ويا اما هيقتلك يا اما هيوديك ورا الشمس .
كريم بيسكت شوية بعدين بيقول : خلاص احنا نقوله اخبار بسيطه من ال احنا عايزين نقولهاله ومش هكشف عن يوسف غير لما اكون حاجة كبيرة في ال BH أو لما اضمن أن الرئيس مش هيقدر يستغني عنه .
مصطفي: بالظبط كدا تعجبني
كريم : خلاص يلا روح شوف شغلك بقي .
..
..
في مكان بعيد عن طريق السيارات بمسافة ٢٠ كيلو تقريبا .
مكان مفهوش غير رمال وبعض من النباتات الصحراوية ...صبار وتين شوكي .
بيوصل شخص للمكان وبيقف في مكان معين وبعد لحظات بيتفتح بوابه تحت الارض بتسحب الشخص لتحت كان الأرض بلعته..
دقايق قليلة وبيوصل الشخص التاني من مكان مختلف وبيقف في نفس المكان بالظبط ... وبتتفتح البوابه وبتبلع الشخص التاني .
بيتكرر الموضوع مع الشخص التالت والرابع والخامس .
خمس اشخاص نزلو المكان دا كان الأرض بلعتهم ومبقاش ليهم اي أثر .
.
بننزل للمكان تحت بنلاقي شخص قاعد علي كرسي وال ظاهر هو ضهره بس .
والدنيا بتكون ضلمه في ضوء خفيف لكن صعب تشوف فيها .
بيكون في بنت واقفه جنبيه .
بس برضو مش باينه مين .
بيظهر الشخص الأول وبيقف قصاد الشخص ال قاعد ولسة مش ظاهر مين برضو .
بيظهر باقي الخمس أشخاص وبيقفو جنب بعض في ثبات بدون حركه باصين ناحيه الشخص ال قاعد.
بتختفي البنت ال واقفه جنب ال قاعد .
والنور بيتفتح في كل أنحاء المكان .
.
بيظهر يوسف قاعد علي كرسي وباصص لكل ال موجودين بس بيكونو ٤ بس .
الشخص الخامس اختفي مع البنت ال كانت واقفة جنب يوسف .
.
بيكون واقف خالد ولين وسحر وسيليا بالترتيب كدا
بيأشرلهم يوسف يقعدوا وهما فعلا بيقعدو .
..
..
ببدأ اتكلم : اهلا بيكم في مقرنا الرئيسي " شطرنج "
مكان متأمن بكل الطرق وشبه مستحيل الوصول ليه ..
مكان ابتدأ يتأسس من اول يوم وصلنا فيه القاهره ... محدش كان يعرف عنه حاجة غير واحد بس وهو ال كان مسؤول عن المكان وتأمينه .وبالفعل نجح في مهمته ...من فتره كبيرة في آخر اجتماع بيني وبين اصحابي كان كل واحد من اصحابي ليه مهمه في ال بدأ وخلص وفي لسة وفي ال مبدأش اصلا ومتفهم ليه ..
.
خالد بيستغرب من كلامي كأنه مش فاكر أو بيحاول يفتكر .
بيدخل شخص من وراهم وبيظهر وشه .
هلو اميجوس ..
بيبص الكل وراهم .
خالد : بيشو ؟
بيشو : اي ياعم خالد واحشني مووووت ياخويا .
بيقوم خالد ياخد بيشو بالحضن : واحشني اكتر ياخويا .
بيشو بيسلم علي سحر ولين وسيليا وبيقعد جنبهم .
انا : ودلوقتي اسيبكم مع بيشو يحكيلكم بدأ ازاي .
بيشو : الموضوع بدأ انكم عارفين أني بحب الهندسة بس مدخلتش هندسة في مصر هنا ....يوسف كلفني بموضوع بناء مكان سري وأمن ومستحيل الوصول ليه .
رحت المانيا كنت بدرس لدراستي وبدرس هندسة قابلت مهندسين كتير واتعلمت منهم كتير ..
جالي فكره اني اعمل مكان تحت الارض بس كان ناقص اعرف فين المكان وأني الاقي المكان المناسب .
دورت كتير ملقتش احسن من هنا يكون أقرب ليكم وصعب الوصول ليه .
متواصلتش مع يوسف استشيرة في المكان لانه كان قالي انت ال تختار المكان ايا كان المكان فين مش مهم المهم انه يكون متأمن كويس وبالفعل المكان دا محدش هيقدر يوصله ولو حد وصله محدش هيقدر يدخل المكان بدون علمي لأن انا ال يسمح بدخول الأشخاص من عدمها .
البوابه بتتحرك من مكان للتاني يعني لو طلعتو دلوقتي هتطلعو في مكان غير ال دخلتو منه .
بعد ما خلصت اتواصلت مع يوسف عن طريق ايميل خفي وجيه بنفسه شاف المكان وشاف كل التأمينات الموجودة ودخل عليه برامج حمايه وتأمين اكتر .
مكان ممنوع اختراقة.
الكل كان مستمع بانبهار خالد كان شبه نسي المهمه ال انا مكلف بيشو بيها بسبب ضغوطات الدنيا وال حصل ف كان طبيعي ينسي .
.
طول القاعده لاحظت أن سحر قاعده متضايقة وبتبصلي بقرف بس محططتش في بالي دلوقتي.
.
انا: ودلوقتي حان الوقت للاعلان عن حصان الشطرنج ..... اتفضل.
بتدخل بنت من ورايا .
الكل * ليزا ؟؟
ليزا : اهلا بيكم
انا : اقدملكم ليزا مرات كريم ... " حصان الشطرنج "
الكل مستغرب
انا : ليزا هي القطعه الاهم ال اعتمدت عليها كتير وجابتلي معلومات اكتر عن الغابة .
خالد : ازاي واي ال حصل .
انا : في أول يوم ليا في الشركه مع كريم شوفت ليزا حسيت انها غير كريم .
راقبتها فتره عرفت انها عارفه موضوع الغابة والمخطط ال هي عايزاه .
اتواصلت معاها من ايميل خفي وبالفعل كلمتها وفهمتها انا بعمل اي بس مقولتلهاش انا مين .
قولتلها علي التيم ال بحاول اعمله عشان اغلب الغابه وهي رحبت بالفكره.
طلبت اقابلها بس كنت مواجهة عقبه اني ممكن .أو هي تتكشف .
أجلت مقابلتنا لفتره عشان الأوضاع تهدأ ...كنت بقولها علي مهمات تعملها وهي بالفعل كانت بتنفذ...وأغلب مهماتها كانت فيها سفر ولأنها اجنبيه ف دا كان سهل عليها انها تروح وتجي .
.
راحت انجلترا بحجه أنها هتسلم علي عيلتها وطبعا دا كان طبيعي في كريم وافق فورا ولأن كريم في الوقت دا كان عايز يركز.
اه صحيح نسيت اقولكم أن كريم بيشتغل مع ال BH وطبعا ال عرفني كانت ليزا من اول يوم كلمتها فيه.
وكريم ضم معاه مصطفى عشان يساعده وبالفعل الاتنين بيراقبوني
...اه متستغربوش .
بمسك ريموت وبدوس علي شاشة بيظهر فيها كريم ومصطفي .
بشغل وقت ما كريم ومصطفي بيتكلمو عن أن الرئيس نازل مصر قريب وان مصطفي منع كريم من أنه يقول عني .
بصراحة أنا لازم اشكر مصطفى لانه هيخليني اركز معاهم اكتر لانه منع كريم من أنه يقول اي حاجه عني ..في الوقت الحالي .
متستغربوش ليزا مركبه كاميرات في مكتب كريم
ملحوظه كريم مفكر أن المكتب بتاعه متأمن كويس جدا .
ميعرفش اني اصلا مهكر كاميرات الشركه كلها .
.
الغابة دلوقتي علي وشك نشر الڤيروس ودا مش في مصلحتنا ... يعني لازم نشتغل اسرع من اي وقت عدي .
اجتماع انهاردة كشف ليكم عن حاجات كتير ولسة الاجتماع مخلصش .
بشاور لليزا وهي فهمت كان دا سيم بيني وبينها
ليزا بترجع تضغط علي زرار بالون الاحمر وبنلاقي زي كلبشات بتطلع تمسك ايد لين وسيليا وهما قاعدين .
انا : متقلقوش متقلقوش ... ابقو خلو رئيس ال BH ينقذكو .
لين : يوسف احنا بالفعل عايزين نساعدك.
انا : عارف عارف وانا هخليكم هنا وبعد أربع أيام من دلوقتي هجيلكم تاني ومتقلقوش هتتعاملو احسن معامله وتاكلو احسن اكل .
سيليا : اتمني اكون فاهم انت بتعمل اي .
انا : انا فاهم كويس ....بشاور تاني لليزا وهي بتفهم وبتتحرك تاني تدوس علي زرار بيخلي الكراسي ال قاعدين عليهم لين وسيليا تتحرك وتروح جوا اوضه وبتتقفل الاوضة .
.
انا : دلوقتي انا..خالد ...سحر ... ليزا....بيشو أعضاء التيم .
اعتقد دلوقتي انتو فهمتو حاجات كتير مكنتوش فاهمينها.
.
ودلوقتي الكل هيمشي انا كان لازم أجيبكم افهمكم كل حاجة وبعد أربع أيام من دلوقتي اجتماع تاني وهيكون مهم جدا . وهكشف بيه عن قطعه أخري في بورد الشطرنج.
.
انا : سحر وخالد تعالو معايا ثواني .
بيروح خالد وسحر مع يوسف وسحر بنفس الطريقة ال كانت عليها باصة علي يوسف بقرف ومش طايقاه .
انا : مالك ياسحر.
سحر : مليش .
انا : لا مالك بجد.
سحر : يعني انت مش عارف مالي .
انا: هعرف منين .
سحر : طيب يا محترم يالي منستش هاجر .
انا فهمت هي قصدها اي واي ال مضايقها .
خالد : في أي ياسحر انا مش فاهم حاجة.
سحر : أسأل صاحبك .
خالد : في أي يايوسف .
انا : هي ال بتتكلم انا معرفش .
سحر : البيه صاحبك كان مختفي لانه كان بيتجوز ومراته وامها وأبوها موجودين عنده في الشقه بتاعته ال كان قاعد فيها هي وهاجر .
خالد : اتصدم من ال بتقوله ... انتي بتقولي اي .
سحر : زي ما بقولك كدا واسأله اهو قدامك .
خالد : دا بجد يايوسف .
انا : اتمني تهدو وكل حاجه هتفهموها قريب...انا اتجوزتها عشان احميها وهفهمكم كل حاجة في وقتها بس اتمني دلوقتي محدش يسألني كتير لاني مش هجاوب...كل ال هقدر أقوله دلوقتي أن انا منستش هاجر جوازي دا كان ليه اسباب تانيه خالص .
سحر بتسكت وخالد مش عارف يقول اي
انا : يلا روحو دلوقتي وبعد أربع أيام هنتقابل .
.
عند شريف
شريف : شوفو مين بيخبط .
ندي راحت فتحت لقت حد غريب نادمت علي شريف .
شريف : أيوة يابني اتفضل .
شخص : مين انت وتعرف اي عن يوسف .
شريف ؛ انا اسمي شريف واستاذ يوسف انا مستأجر منه الشقة دي ليه فيه حاجة .
الشخص : لا لا خلاص .
ندي : في أي يابابا.
شريف : معرفش
ندي : اومال قولت ليه للراجل انك مستأجر .
شريف: يوسف هو ال قالي كدا
ندي : وهو يقولك كدا ليه ومين دا
شريف : معرفش يابنتي و****.
ندي : طيب .
.
بالليل بيرجع يوسف بعد الاجتماع بيطلع علي السطح بينام وتاني يوم بينزل يتمشي كالعادة وبعدين بيروح يفطر ويرجع يسلم علي امه ال بتكون لسه مش بتبص في وشة ولا هي ولا منار ولا دينا ..
ودينا كان نفسها تقوله انها فعلا أخته بس ال حصل خلاها تأجل الموضوع لأنها اتضايقت من ال حصل ومبقتش طايقة يوسف هي كمان .
.
بيروح يسلم علي شريف وشريف بيقولو علي ان حد طلع سأله وقاله ال حصل .
انا : تمام ياعم شريف واي حد يسألك قولو كدا .
شريف : تمام .
بيعدي الاربع ايام بنفس النمط مفهوش جديد .
اليوم الرابع
يوسف بيبعت اللوكيشن الكل بنفس الطريقة.
وبيتجمعو في نفس المكان بس المرادي كان مكان البوابه مختلف عن المره ال فاتت .
الكل بيدخل وبيقعد ...خالد....سحر ....بيشو ...ليزا .
انا : دلوقتي اقدملكم اهم قطعه .
ال.....
الكل بيشوف وبيتفاجأ " نعم " ؟؟؟؟؟

.
الي اللقاء نلتقي في الجزء السابع من .{برمجه }