خواطر يوميات موظفه مطحونه (1 عدد المشاهدين)

[♧مـْـْْـْحـًـًًـًًًـًًـًـمـْـْْـْڊ♧ ๓ยħค๓๓ค๔]

تدخل بدري والمكتب فاضي،
كوباية النسكافيه في إيديها راضي
تفتح الإيميلات بتنهيدة،
وتقول: “يوم جديد... قادر يعديها


المدير داخل بالبريستيچ،
بدلة سودة… وبرفيوم ،فرنسيّين
يقولها بابتسامة خفيفة:
عاملة إيه يا لطيفة؟


ترد بسرعة، وهي بتكتب:
كويسة يا فندم، بس مش شايفة المكتب!
الملفات فوق بعضها جبال،
وهي تايهة في وسط الأوراق والأحوال

يطلبها مديرها تدخله مرتبكه ومحتاسه
يسال مالك منهاره وباين عليكى محتاره
تكتفى بالتنهيده والتسبيله والتقصيعه
يقولها سيبك من كله الشغل الف مين بطله

يتصل جوزها من نص اليوم
إنتي لسه في المكتب ولا في المول؟
ترد عليه وهي متوترة:
“يا عم سيبني... ده أنا في حرب مكتبية


بين فايل مفقود، ايميل مقفول،
وتقرير لازم يطلع “على طول
بدور على الحل بذكاء،
وتضحك: انا مش سكرتيرة... دي معركة بقاء


لكن لما تيجي لحريتها
ولا كلمة تمس هويتها
تقول بثقة ونظرة قوية
أنا بلبس اللي يريحني... مش اللي يرضي الدنيا


وترجع للبيت على صوت المواعين،
وشعور بالتعب... بس قلبها حنين
تضحك لنفسها فالمراية
“أنا ست حرة... بس يا ريت في أجازة جاية.

مجرد كلام هزلى اكيد ، لا يمت للشعر بصله

 

[Adam sy]