شعر خواطر إقتباسات قصيدة (ازيك يا وحيد)

[الكاتب]

ازيك يا وحيد
لسه زي ما انت عنيد
بعدت احبابك عنك و خسرت القريب و البعيد
مسجون في حزنك و اكتئابك
قاعد بتكتب ف كتابك
بتكتب احزانك و اوجاعك
و هي اوجاعك
ان حد حبته سابك
و ايه يعني
لا هتبقي اول ولا اخر متساب
دا ياما في الحب عذاب
و برضوا مش هتبقي اول قفلة باب
زعلان ليه
زعلان علشانها
و علشانها ضيعت احلامك
قولي بس اي الي صابك
3 سنين و انت علي ذات الحال
موحشكش ضحك و هزار العيال
و ايفهات صحاب زمان
موحشكش خروجة ترجع منها هلكان من كتر الف في الشوارع عشان بس صاحبك قالك انا زهقان
موحشكش زمان
الضحكة الحلوة علي وشك و اغنية تهز بيها وسطك
و اغنية ف النص الليل او فيلم رومانسي جميل
و مسرحية انا الزعيم
موحشكش الفن الجميل


فين ايامك
بقيت سهران طول الليل
بتكتب ف شعر حزين
اغلب كلامك كلو عنها
و انت اصلا مش في بالها
مش بتيجي في خيالها
منت عارف
و رغم انك عارف انك مش في خيالها
لسه برضوا بتكتب عنها
لسه برضوا بتكتب عنها
> الكاتب» dark