قصاصة أضحك طول اليوم (1 عدد المشاهدين)

[koko1972]

- حد يصدق إن المعلم بصبوص العتره زعيم البطاريق اللي كان بيقضي الشتا بتيشيرت نص كم وعليه جاكت بقي يلبس فنلتين عكس بعض وبلوفر من تحت الهدوم وكلسون.
= بصبوص العتره بقي يلبس كلسون؟
- ايوة يا کمال بيه ده بيقعد في البيت باللكلوك والزعبوط كمااان
= لا حول ولا قوة الا ب****.
- مش عايز اقولك الكبيره يامعلم.
= قول يامعلم هوبرى هو الشتا السنادى خلى فيه بطاريق.
- و**** مكسوف يامعلم.
= قول ياهوبرى خلى اللى بيحبوا الشتا يورونى نفسهم ويطلعوا من تحت البطاطين
- و**** يامعلم لمحت جرنال تحت الفانلة فى صدر المعلم بصبوص بس للأمانة معرفش هو العدد الأسبوعى للأخبار ولا الأهرام.
= وكمان العدد الاسبوعى لاحول ولا قوه الا ب****. ياخسارتك يامعلم بصبوص، علشان كده الجرانيين مسحوبة من البلد
- أومال انت فاكر ايه ياكمال بيه العوض على ****
طب عارف التلفيحة اللى انت ادتهاله بعد ماخرج من السجن.
= أيوه فاكرها اتسرقت منه ولا ايه؟
- ياريت يامعلم
= اومال ايه ياهوبرى قول متوغوشنيش.
- اقولك ايه يامعلم، **** يسامحنا بقا
= قول ياهوبرى إيه مراته خنقته بيها؟
- ياريت يامعلم، ياخسارتك يامعلم بصبوص
= قول ياهوبرى فيه ايه؟ جرا ايه لتلفيحة المعلم بصبوص؟رابط بيها ركبه يامعلم علشان الجرانين مش نافعه عالركب

 

[taiwany]

هو مش كمال بيه ده بتاع فيلم العار

 

[koko1972]

هو مش كمال بيه ده بتاع فيلم العار

هو بعينه