سجل عضوية للتمتع بالمنتدى واكتساب مميزات حصريه منها عدم ظهور الإعلانات

تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="koko1972" data-source="post: 536903" data-attributes="member: 38593">بعد ٥ شهور هتكون مودة الأدهم كده قضت الـ٦ سنين سجن اللي اتحكموا عليها.هل الفقر مبرر للناس علشان يستخدموا السوشيال ميديا والأطفال علشان يكسبوا منهم؟تفتكروا بعد كل الفترة دي مودة هتخرج شخص أفضل وتنفع المجتمع ولا هتكون العكس تمامًا؟قضية مودة واحدة من أكتر القضايا اللي عملت جدل في مصر، لأنّها كانت ما بين تعاطف شديد وكره شديد.. مودة عملت إيه بالظبط؟كانت بتظهر في بث مباشر على تطبيقات التواصل الاجتماعي من أي مكان بقى.. الشارع، المول، كافيه أو حتى في شقتها وأوضة نومها..الغرض من اللايفات دي كان إنّها تجذب أكبر عدد من المتابعين علشان تقدر تعمل إعلانات وتقبض أكتر.وكمان بالمرة تكون علاقات صداقة مع ناس كتير ومختلفة.. يمكن يقدروا يجيبوا لها شغل بأي طريقة..مودة كان هدفها الأول هو الفلوس، ودائمًا كانت بتدور على أي طريقة تزود بيها دخلها علشان تعيش مرتاحة ومستقرة أكتر هي وأهلها…وفعلًا قدرت مودة إنها تجمع مبالغ كبيرة جدًا من السوشيال ميديا، وكانت عارفة إنّها كل ما تعمل فيديوهات تثير الجدل أكتر كل ما تتشهر أكتر وتاخد فلوس أكتر…فكانت بتجرب طرق مختلفة.. زي إنها تحاول تعمل مشاهد تمثيلية أو فيديوهات على تيك توك، أو حتى تعمل فيديوهات مع مشاهير تانيين علشان تتشهر أكتر…لحد ما في مرة عملت سلسلة فيديوهات كانت فاكرة إنّها هيجيبوا لها فلوس أكتر، وما كانتش تعرف إنّها هتتحبس بسببهم!!مودة استخدمت في الفيديوهات دي *****.أول **** كانت شهيرة باسم ساندي، وكان في *** تاني، والاتنين كانت أعمارهم ما تجاوزتش الـ١٨ سنة…الناس والنيابة شافوا إن دي أسباب لازم تتحاسب عليها،وقالوا إن مودة استغلت ضعف الأطفال وعدم إدراكهم علشان تحقق أرباح مادية من وراهم.واتحكم على مودة الأدهم بـ٦ سنين سجن…النهارده، وبعد ما فات تقريبًا ٥ سنين كاملة على دخولها سجن القناطر، المفروض مودة تخرج في مايو ٢٠٢٦..يعني تقريبًا بعد خمس شهور…بما إنّها قربت تخلص فترة العقوبة بتاعتها.. تفتكروا إيه هيكون شكل مودة أو مصيرها لما تخرج…تفتكروا الناس اللي اتعاملت معاهم جوه وعاشت معاهم ٦ سنين كاملين أثروا فيها إزاي؟وهل هتطلع شخصيتها أكثر اتزانًا ولا هتطلع بغضب على سنين عمرها اللي قضتها في السجن!؟</blockquote>

التحقق: 1+1