انا شغال فني أشعة في واحدة من المستشفيات ،
بشتغل بالتبادل ٣ ايام في الاسبوع شيفت ليلي و ٣ شيفت صباحي،
في يوم وانا في فترة شيفت الليل جالي مريض معاه تحويل اشعة مقطعية على الصدر بسبب ضيق التنفس
الشخص ده كان شكله عادي جدًا، مفيش فيه اي حاجة مريبة ،
بس اللي حصل ده هو اللي مريب،
لأني لما بدأت اعمله الاشعة ونام على السرير ،
السرير ما اتحركش مللي واحد لتحت
وفيزيائيًا اي جسم ليه كتلة لازم يضغط على المساعدين بتوع الجهاز يعني لازم السرير يهبط بسبب الوزن وده محصلش،
لما شكيت في الموضوع وبدأت ابص على الميزان الرقمي الملحق بالسرير شوفت اغرب حاجة ممكن تعدي عليا طول حياتي وفي خلال فترة شغلي،
الميزان قاري الوزن "صفر" الشخص اللي على السرير له حجم وشكل بس ملهوش وزن!!
بس ده بردو ماكنش اغرب حاجة لاحظتها،
الغرفة بتاعت الاشعة كانت باردة لأني كنت مشغل التكييف ،
بس مجرد ما دخل الجو بقي دافي بطريقة ملحوظة لدرجة ان جسمي بدأ يعرق،
بصيت على التكييف لقيته شغال بأقصي طاقته وبشكل طبيعي مفيهوش مشكلة ،
طبقًا لقوانين الفيزياء
"الطاقة لا تفني ولا تُستحدث من عدم"
يعني فيه مصدر في الغرفة هو اللي بيولد الحرارة اللي انا حاسس بيها،
هي مظهرتش من العدم!
في البداية كنت فاكر أن فيه مشكلة في الجهاز نفسه بتاع الأشعة ومش قادر يقرأ الأرقام ،
بس لما المريض مشي من عندي ومجرد ما خرج من الغرفة،
الجو رجع تلج تاني،
يعني زي ما قولت
الطاقة لاتفني ولا تستحدث من عدم،
الشخص ده هو كان سبب الحرارة الغريبة اللي كانت في المكان،
بصراحة الموضوع كان غريب بس حاولت أوهم نفسي أني ديه مجرد تهيؤات،
كملت شغلي وتخطيت الموقف لحد ما جيت على نهاية الشيفت وتسليم الوردية ،
وزي ما متعود بدأت اقلب في صور الحالات اللي صورتها علشان ابعتها للأرشيف وشوفت حاجة خلت جسمي اتلبش ،
لما فتحت ملف المريض ده تحديدًا لقيت الجهاز مسجل مدة تصوير ١٠ ثواني،
بس كمية الإشعاع المستهلكة في الـ ١٠ ثواني دول تكفي اكتر من ١٠٠ شخص،
وخليني اقولك أن مستحيل كمية الطاقة اللي خرجت من الجهاز ديه تضييع،
لأن الجهاز لما يخرج كمية الطاقة ديه هتؤدي ان الجسم يا يتمزق يا يتحرق وده محصلش ، الراجل كان خارج من عندي وشكله عادي جدًا،
فضلت قاعد مبلم مش فاهم حاجة،
من وقت ما الشخص ده دخل عليا لحد اللي شوفته قدامي على الشاشة بيقول أن في حاجة مش طبيعية بتحصل ،
وكل ده كان تفسيره حاجة واحدة بس بما اني دارس فيزياء كويس وبقرأ فيها دايمًا،
لو الجسم ملوش وزن يبقى ملوش "تفاعل" مع الجاذبية. ده معناه إن الكائن ده ممكن يكون "إسقاط" (Projection) أو "تجسد طاقي" واخد شكل مادة، لكنه مش مادة حقيقية من عالمنا.
دماغي كانت عمالة تودي وتجيب ،
مش مصدق اللي بيحصل !
بسرعة اتصلت بموظف الاستقبال وسألته على بيانات الشخص ده ،
كنت عاوز اعرف اسمه ايه ومين الدكتور اللي كشف عليه وطلب منه الاشعة،
لكن المرعب أن الموظف قالي مفيش اي شخص بالمواصفات ديه جيه المستشفي من الأساس ،
اكدلته انه جيه وانا عملتله الاشعة لدرجة أن احنا راجعنا الناس اللي جت واحد واحد طول الشيفت في الداتا اللي عنده وهو الوحيد اللي ملقتش أن ليه داتا ،
وهنا انا كنت قدام خيار واحد بس،
وهو أن اللي كان عندي ده مش إنسان أصلا!!
معرفش اللي بقوله ده ممكن يدخل العقل ولا هتقولوا عليا مجنون
مجرد ما قفلت م الموظف المكالمة وبدأت افكر سمعت صوت رسالة جاية على الواتساب ،
ولقيت في الرسالة الكلام المكتوب ده
"نصيحتي الأولي والأخيرة ليك متحاولش تدور ورايا"
بقلم / محمد المغربي
#رجل_من_غالم_اخر
#يحدث_ليلاً
#محمد_المغربي
بشتغل بالتبادل ٣ ايام في الاسبوع شيفت ليلي و ٣ شيفت صباحي،
في يوم وانا في فترة شيفت الليل جالي مريض معاه تحويل اشعة مقطعية على الصدر بسبب ضيق التنفس
الشخص ده كان شكله عادي جدًا، مفيش فيه اي حاجة مريبة ،
بس اللي حصل ده هو اللي مريب،
لأني لما بدأت اعمله الاشعة ونام على السرير ،
السرير ما اتحركش مللي واحد لتحت
وفيزيائيًا اي جسم ليه كتلة لازم يضغط على المساعدين بتوع الجهاز يعني لازم السرير يهبط بسبب الوزن وده محصلش،
لما شكيت في الموضوع وبدأت ابص على الميزان الرقمي الملحق بالسرير شوفت اغرب حاجة ممكن تعدي عليا طول حياتي وفي خلال فترة شغلي،
الميزان قاري الوزن "صفر" الشخص اللي على السرير له حجم وشكل بس ملهوش وزن!!
بس ده بردو ماكنش اغرب حاجة لاحظتها،
الغرفة بتاعت الاشعة كانت باردة لأني كنت مشغل التكييف ،
بس مجرد ما دخل الجو بقي دافي بطريقة ملحوظة لدرجة ان جسمي بدأ يعرق،
بصيت على التكييف لقيته شغال بأقصي طاقته وبشكل طبيعي مفيهوش مشكلة ،
طبقًا لقوانين الفيزياء
"الطاقة لا تفني ولا تُستحدث من عدم"
يعني فيه مصدر في الغرفة هو اللي بيولد الحرارة اللي انا حاسس بيها،
هي مظهرتش من العدم!
في البداية كنت فاكر أن فيه مشكلة في الجهاز نفسه بتاع الأشعة ومش قادر يقرأ الأرقام ،
بس لما المريض مشي من عندي ومجرد ما خرج من الغرفة،
الجو رجع تلج تاني،
يعني زي ما قولت
الطاقة لاتفني ولا تستحدث من عدم،
الشخص ده هو كان سبب الحرارة الغريبة اللي كانت في المكان،
بصراحة الموضوع كان غريب بس حاولت أوهم نفسي أني ديه مجرد تهيؤات،
كملت شغلي وتخطيت الموقف لحد ما جيت على نهاية الشيفت وتسليم الوردية ،
وزي ما متعود بدأت اقلب في صور الحالات اللي صورتها علشان ابعتها للأرشيف وشوفت حاجة خلت جسمي اتلبش ،
لما فتحت ملف المريض ده تحديدًا لقيت الجهاز مسجل مدة تصوير ١٠ ثواني،
بس كمية الإشعاع المستهلكة في الـ ١٠ ثواني دول تكفي اكتر من ١٠٠ شخص،
وخليني اقولك أن مستحيل كمية الطاقة اللي خرجت من الجهاز ديه تضييع،
لأن الجهاز لما يخرج كمية الطاقة ديه هتؤدي ان الجسم يا يتمزق يا يتحرق وده محصلش ، الراجل كان خارج من عندي وشكله عادي جدًا،
فضلت قاعد مبلم مش فاهم حاجة،
من وقت ما الشخص ده دخل عليا لحد اللي شوفته قدامي على الشاشة بيقول أن في حاجة مش طبيعية بتحصل ،
وكل ده كان تفسيره حاجة واحدة بس بما اني دارس فيزياء كويس وبقرأ فيها دايمًا،
لو الجسم ملوش وزن يبقى ملوش "تفاعل" مع الجاذبية. ده معناه إن الكائن ده ممكن يكون "إسقاط" (Projection) أو "تجسد طاقي" واخد شكل مادة، لكنه مش مادة حقيقية من عالمنا.
دماغي كانت عمالة تودي وتجيب ،
مش مصدق اللي بيحصل !
بسرعة اتصلت بموظف الاستقبال وسألته على بيانات الشخص ده ،
كنت عاوز اعرف اسمه ايه ومين الدكتور اللي كشف عليه وطلب منه الاشعة،
لكن المرعب أن الموظف قالي مفيش اي شخص بالمواصفات ديه جيه المستشفي من الأساس ،
اكدلته انه جيه وانا عملتله الاشعة لدرجة أن احنا راجعنا الناس اللي جت واحد واحد طول الشيفت في الداتا اللي عنده وهو الوحيد اللي ملقتش أن ليه داتا ،
وهنا انا كنت قدام خيار واحد بس،
وهو أن اللي كان عندي ده مش إنسان أصلا!!
معرفش اللي بقوله ده ممكن يدخل العقل ولا هتقولوا عليا مجنون
مجرد ما قفلت م الموظف المكالمة وبدأت افكر سمعت صوت رسالة جاية على الواتساب ،
ولقيت في الرسالة الكلام المكتوب ده
"نصيحتي الأولي والأخيرة ليك متحاولش تدور ورايا"
بقلم / محمد المغربي
#رجل_من_غالم_اخر
#يحدث_ليلاً
#محمد_المغربي
