فرفشة ميلفات لا تأمن (1 عدد المشاهدين)

[koko1972]

كأي رجل مصري أحس بالجوع ليلا روحت أجيب سندوتشات حواووشي، وكأي أب مصري ضعيف الشخصية قدام بنته أخدتها معايا تحت زنها وإلحاحها.
وما هو إلا والراجل بيسلمني وبيستلم مني الفلوس ودي على مرأى ومسمع منه:
- ماما بتعمل أحلى حواوشي في الدنيا، بدل ما جيت، وتعبت نفسك، ودفعت فلوس.. كان ممكن تقولها اعملي لي حواوشي وكانت هتعملك.
و**** العظيم حسيت بإحراج، ومبقتش عارف أعمل إيه قدام الراجل فالتزمت الصمت!
اللي قاهرني من قرة عيني حبيبتي حاجتين.
أولا: إنها طالعة معايا من البيت وهي طايرة من الفرحة إننا هنشتري حواوشي وكمان قالت لي زود لي معاك!
ثانيا: إن خطبتها العصماء دي كان ممكن عادي تتأخر دقيقتين اتنين بس بعد ما نمشي من قدام الراجل ولا حتى تتقدم دقيقتين!
فعلا صدق الشاعر:
فلا تأمن زمانك قط أنثى ** ولو كانت مفعوصة عندها خمس سنين!