رياضة تصريح حسام حسن (1 عدد المشاهدين)

[koko1972]

‏بمناسبة تصريح حسام حسن "مصر ام العرب وام افريقيا"
‏غالبا اللي اقنع حسام بالكلام المتعالي الأجوف ده هو نفسه اللي اقنع الناس على الانترنت انهم يقولوا عن نفسهم اجمد حاجة واعظم حاجة ومش مضطر تبرر نفسه ولا محتاج تعتذر ولا محتاج تهتم بأي شيء غيرك ولا تتفهم ولا تتعاطف، محدش عايش في العالم غيرك يا نادر يا معجزة القدر انت.
‏الاولى تحت شعار الوطنية والتانية تحت شعار الثقة بالنفس واختيار نفسك اولا وبلا بلا بلا
‏لا دي وطنية ولا دي ثقة بالنفس .. الاتنين تخلف عقلي، لكنه تخلف عقلي له بريق، شعبوي، سهل الهضم، كلما كان كلامك مفهوم بسهولة للاغبياء كلما انتشر واصبح رأي عام، وهو ده الرأي العام اللي احنا عايشين معاه ومطالبين باحترامه، انا لا احترمه ولا هحترمه، مش لأني هغير العالم، لكن بس للحفاظ على عقلي
‏اخيرا
‏"حسام حسن كان محتاج يدافع لأن دي الامكانيات"
‏"الهجوم على مدرب المنتخب هو هجوم على مصر"
‏تمام، كلام فارغ بس تمام، ده المنطق اللي انتوا مقتنعين بيه يعني؟ تمام كده؟
‏طيب ليه مطبقتوش نفس المنطق ده على كيروش وكوبر وغيرهم، ليه ساعتها كانت النعرة المتخلفة المتجاهلة لكل المعطيات؟ ليه قلتوا دي مش كورة منتخب مصر؟
‏انت تبنيت منطق بخدم هجومك على ناس، ثم تبنيت منطق عكسه تماما للدفاع عن ناس تانيين
‏وانا المفروض اصدقك في الحالتين لأنك في المرتين بتتكلم بصوت عالي من اللي بيعجب بسطاء العقول اللي جسمهم بيقشعر من الصوت العالي وبيقولوا عليه "يا سلام ده بيعبر عننا"
‏خد من اللي بيعبر عنك للاخر بقى ومتشتكيش لما تصحى الصبح تسأل نفسك هو انا فقدت عقلي امتى بالضبط؟

 

[⭐Medo]

يعني مع أن حسام حسن يمشي