ثقافة وعي نفسك (1 عدد المشاهدين)

[koko1972]

عايزه أسألكم سؤال 🫵
إيه البطولة في إنك تتظاهر إنك قوي طول الوقت؟
انهارت من جواك؟
خد نفس كده وحدد لنفسك وقت للانهيار… وبعدين كمل.
واللي يسألك قولّه: لحظة أنهار وأجيلك
مش بطولة إنك تمثل إنك جبل ما بتحسّش
الناس أصلًا ما بتفهمش الكلام عشان تفهم الصمت
انهار وقول: أنا تعبان… أنا تعبت… مش قادر… محتاج تستحملوني
واللي ما يستحملش تعبك وضغطك؟
إكس عليه ونقطة ومن أول السطر
مالوش لازمة عندك يتركن مع اللي شبهه
اللي ما يقدّرش ضعفك وضغطك
ما يلزمكش ولا إنت ملزم بيه
وإنت قوي
وهتكون أقوى ما تقلقش
كل زعل وكل انهيار وكل تعب بعده جبر من ****
مش من البني آدمين دور الناس لو كويسين كبيرهم
إنهم يستحملوك وما يضغطوش عليك
ما تنتظروش منهم أكتر من كده
ولو حتى دي مش عارفين يعملوها؟
اركن
اركنوا العلاقات اللي صغّرت عليكم
وخليكم مع الناس العاقلة بجد الي بتحتوي وبتحس بوجعك وألمك مش اللي بتدّعي الحكمة وعقلها فاضي
اركن أي حد ما يقدّرش وجودك ولا يقدّر حزنك
ولا يقدّر ضعفك
وخدوها قاعدة وصدقوني مافيش إنسان ضعيف طول الوقت فيه إنسان بيمر بلحظات ضعف وبيطلع منها أقوى
إنت مش ضعيف…
اكتشف نقطة قوتك واطلع من ضعفك
وما تخجلش تبين ضعفك مش عيب علي فكره
ولا مطلوب منك تبقى سوبر مان لا بتحس ولا بتتأثر
لما يكون عندك جرح
قول: آه الجرح هنا بيألمني
عشان اللي حواليك يخافوا يزودوا الألم
ولو مجروحين؟
قولوا: إحنا مجروحين
يا تكونوا معانا تهونوا يا تسيبونا في حالنا
إنما تجيبوا مشرط وتكملوا علينا؟ لا ولا هنسمحلكم بكده اصلا ولو فرضنا وقفتكم بمواقف او كلام حلو بس عشان تعايروا بعد كده بوقفتكم فالله غني عنكم
لا عايزين كلمتكم ..ولا وقفتكم…
سيبونا في حالنا أحسن
أعظم حاجة تعملها في إنسان
إنك تسيبه في حاله كل واحد فيه اللي مكفيه
مش ناقص حد فاضي يقرفه
ولو فاضي؟ بص لنفسك ولعيوبك وصلّح نفسك
ما تصلّحش حد ولا تنظر علي حد
#الصحة_النفسية
#وعي_نفسي
#حدود_نفسية
#اختار_نفسك
#اركن_اللي_يأذيك