ثقافة ناظر الوقف .. نجيب الريحانى وعباس فارس (1 عدد المشاهدين)

[جدو سامى 🕊️ 𓁈]

- أوضة واحدة بيضتوها بـ 92 جنيه !!
= ايوه
- ايوه ازاى ... ليه بيضتوها بايه بلبن زبادى ،بمربى تفاح ؟؟!!
= اظن كتير شوية ؟؟
- كتير شوية دا كتير اوى اوى ... دا نصب دا نهب .. كلام فى سرك ناظر الوقف بتاعتنا من الصنف التقيل
= يا شيخ !!
- اوى اوى اوى ... دا حرامى
= حرامى !!
- أيوة .... وحرامى وحمار كمان
= حمار !!
- يقيدهم زى ماهو عايز لكن مش بالشكل دا ... بياض أوضة 92 جنية !!
= امال ازاى ؟؟
- لا دا انتم مساكين أوى انا اقولك ازاى كحت البياض القديم مثلا كذا ... سنفرة الحيطان بعد الكحت كذا .... تقطيب الخروم والثقوب كذا ... تلييس الحيطان بعد التقطيب كذا .... دهان اول وش كذا ... دهان تانى وش كذا .... دهان تالت وش كذا ... وبعد كدا مش يقيد 92 جنيه يقيد 192 كمان ... كدا تبقى مبلوعة ..

(بيرن التليفون ويعرف نجيب الريحاني أن اللي قدامه وكان بيشتم فيه ويهزأه ناظر الوقف فبيحاول يهرب لكن ناظر الوقف بيمسكه ويهزأه ويقعده علي الآلة الكاتبة تاني)

= غير حسبة الجواب ده واكتبه علي طريقتك أنت
- نخليهم ٩٢ جنيه برضو ولا نبحبح شوية
= بحبح
- أنا بقول كده برضو.. هبحبح

أبو حلموس ١٩٤٧
سيناريو وحوار :-بديع خيري_نجيب الريحاني
إخراج ابراهيم حلمي