ثقافة ما لا تعرفه عن الفنان أحمد رمزى (1 عدد المشاهدين)

[جدو سامى 🕊️ 𓁈]

ما عندوش أي إحساس بالغيرة، وشايف إن الست لو كلمت راجل غيره عادي جدًا، ومش بس كده، ده خسر أعز صاحب ليه لأنه بصّ لمراته!

الوجه الآخر لرمز الرجولة زمان: الفنان أحمد رمزي.

بتحكي نجوى فؤاد إن الفنانين زمان كانوا مجانين، واللي بيخطر في بالهم بيعملوه.

أكبر دليل قصة جوازها من أحمد رمزي اللي استمر ٣ أيام بس.

نجوى، بعد طلاقها من أحمد فؤاد حسن، خافت يرجّعها تاني، فما صدّقت العِدّة خلصت وراحت لرمزي قالت له:
أنا فاضية، فاتجوزها.

وبعد ٣ أيام جالها سفرية ١٧ يوم، ولما رجعت تدور على رمزي مش لاقياه.
ولما ظهر قال لها:

"مش أنا رجعت لأم باكينام بنتي؟ خلّينا صحاب أحسن" وطلّقها، وهي خدت الموضوع بهزار.

الغريب إن رمزي كذّب الرواية دي وقال:
"إحنا كده كده كنا مع بعض من قبلها، ولا كان في بالي جواز أصلًا، بس حصلت ظروف خاصة خلتنا نتجوز"

رمزي نفسه اعترف بمبادئه وقال:
"أنا ما عنديش الإحساس بتاع الغيرة. الست لو تعرف واحد غيري، أهلاً وسهلاً، هي حرة! إيه أمسكها من رقبتها؟ ده مزاج"

والأغرب لما أحمد السقا سأله عن الصداقة بين الرجل والست، وإن الشيطان بيكون ثالثهم، اتعصّب وقال له:
"مفيش شيطان يا عم، صلّي ع النبي! إيه يعني هيحصل بينهم بتاع؟ ما يحصل"

مبادئه دي انعكست كمان على صداقته مع عمر الشريف، اللي كان صاحب عمره من أيام المدرسة، وصداقتهم استمرت سنين طويلة، بس دمرتها إشاعة إن رمزي بيبصّبص لفاتن حمامة مرات عمر.

عمر لما عرف اتجنّن، وأثناء تصوير فيلم صراع في المينا ضرب رمزي في مشهد الخناقة لدرجة إنه عوّره وزقّه في الميه، وده كان أكتر مشهد واقعي لأنه كان بيضربه بجد.

وبعدها اتقاطعوا ٦ سنين، لحد ما صلاح ذو الفقار صالحهم.

ورمزي لما اتسأل عن حقيقة حبه لفاتن، رفض يعلّق، وقال إنها أفضل فنانة وإنسانة عرفها طول حياته