اقتل طلما عاوز تقتل..
مجموعه من البشر تجردو من جميع معاني الاخلاق
كل طقوسهم مبينه علي القتل وتقديم القرابين
ليهم كتاب مقدس وهو الانجيل الاسود اللي فيه كل معاني الرعب الغير اخلاقيه
ولكن كل ده مش شئ غريب لان في الاول والاخر البشر دول مثلهم الاول والاخير هو الشيطان
ولكن هيفضل الاهم من كل ده الشيء المرعب في الموضوع وهو ان الناس دي
موجوده وسطنا وفي مصر وداخل قصر البارون
كلنا عارفين انو في شياطين وبرضو عارفين ان في بشر بتعبد الشياطين
ومش بس كده دول كمان بيضحو باراوحهم وبيقدومها قربان للشيطان
معظمنا عارف المعلومات دي كويس اوي
وممكن انت تكون عارف الكلام ده اصلا
بس اللي متعرفهوش بقي ان في مصر في عبده شياطين
انا عارف انك عارف ان في عبده شياطين في مصر وموجودين في قصر البارون
بس هل انت مصدق كل ده
انت مصدق ان في بني ادم طبيعي يروح لحد هناك ويسلم نفسه بنفسه ويسيب كل عبده الشيطان
يعملو فيه كل اللي عقلك ميتصورهاش
زي الزنا والتعذيب وشرب دمه كمان
انت اهو بدات تدرك ان في حاجه غلط
انت ممكن تقولي ما ممكن يبقي وهم احنا عايشين فيه
بس انا جاي اكد علي معلوماتك دي واقولك انك لازم تصدق نفسك
وان فعلا في عبده شياطين في مصر هتقولي ازاي يعني
هقولك ان انا شوفتهم بعيني ومش بس كده انا كمان كنت هبقي قربان عمليه استحضار كمان عندهم
شوفت بقي ان انا مش جاي اهزر..
مسا عليكو ياحبايب قلبي عاملين ايه
طبعا بقالي كتير بعيد عن الكتابه ولكن حبيت امسي عليكم بقصه مختلفه من نوعها
فا عاوزك كده تعمل مشروبك المضبوط وتيجي تركز معايا في القصه ومتنساش تقولي رايك
في يوم الدنيا كانت فيه هاديه ومفيش صوت
قاعد علي تليفوني بقلب فيه والاقي فجاه من شخص مجهول بيقول فيها
ازيك يا ادم انا ياسر في موضوع ضروري وحاجه خطيره كمان لو وقتك يسمح كلمني
وده رقمي
انا قريت الرساله وطنشت الصراحه لكن فضولي قالي رن عليه شوفه عاوز ايه
وانا اقول يمكن اشتغاله من صحابي
لكن فضولي قالي لا رن وشوفه
قولت ارن رد كان بها مردش يبقي افكني منه
قومت واخد الرقم ورنيت عليه رنه والثانيه والواد مكدبش خبر ورد علي طول
ياسر بهدوء : كنت عارف انك هتكلمني
ادم : اتفضل انا معاك وسمعك
ياسر : بص يا ادم انا مش هضيع وقتك بس كنت حابب احكيلك عن مصيبه كبيره بتحصل
ادم : مصيبه ! طب احكي ياصحبي
ياسر : اللي احكيه ده مينفعش يتحكي في التليفون لازم اشوفك واحكيلك
ادم : طيب يا ياسر مينفعش هنا يعني في التليفون
ياسر : لا مينفعش لان الموضوع ده سر مرعب لازم تسمعه وتشوفه بعنيك كمان
ادم : اشوفه بعيني ! طيب اسمع ممكن بكره اقابلك في اي كافيه يعني عادي
ياسر : لا يا ادم مش هينفع لازم النهارده ولو امكن يكون في بيتك يعني
ادم : في بيتي ايه ياصحبي هتقلقني منك ليه
ياسر بنبره حاده : ادم الموضوع اكبر من بكتير من انه يكون هزار
ادم : خلاص ياعم متزعقش كده واهدي شويه هبعتلك عنوان شقتي وانا مستنيك
قفلت معاه وقعدت افكر ابعتله العنوان طب هو يعرف اسمي ازاي
طب عاوزاني في ايه قعدت افكر في حاجات كتير بس من كلامه بدات احس ان في حاجه بجد
فا بعتله عنواني وهو مكدبش خبر وقتها ولقيته رن عليا الساعه 10 بليل
قالي انا وصلت العنوان هو انت فين فوصفتله شقتي وقفلت
وفضلت قاعد مستنيه فضلت قاعد دقيقه اتنين عشره ومطلعش قومت فتحت الباب وبصيت علي السلم مفيش حد علي السلم اله امال هو راح فين
دخلت وقفلت الباب وروحت البلكونه وبصيت وملقتش اي حد في الشارع
جبت تليفوني ورنيت عليه ولكن مردش
قولت لا كده في حاجه غلط
ورنيت تاني ولكن تليفونه اتقفل
قولت لا كده الواد ده حصله حاجه بجد قعدت الف في الشقه افكر وانا مش علي بعضي
الواد ده كان عايز ايه وايه اللي حصله وليه تليفونه اتقفل فجاه كده
قومت واخد بعضي ونزلت علي الشارع
بص ياعزيزي انا ساكن في منطقه هاديه لا حقيقي هاديه يعني تسمع فيها دبه النمله حرفيا
فـ اكيد لو في بني ادم حواليك هتحس بيه وده اللي انا كنت حاسه
ده في بني ادم بيراقبني فعلا
شاب هيئته وشكله غريب اوي وايده كلها كانت مليانه وشوم وخارم ودنه وحاطط فيها حلق
من منظره كده انا مكنتش مطمن ليه
ما بالك بقي ان هو كان واقف قصاد العماره بتاعتي واول لما نزلت منها وهو باصص عليا
ده لو امين شرطه مش هيعمل كده انا عملت عبيط وقتها وسيبته ومشيت
وقولت ادخل يمين الجاي واقف هناك علي الناصيه وابص واشوفه بيعمل ايه
روحت وبصيت علي الواد حرفيا لقيته اختفي مفيش ليه اي اثر
مين ده وكان بيعمل ايه هنا ولكن وقفني ساعتها شعور ابن لذينه حرفيا خلاني اترعب
وانا ببص علي الشخص اللي كان واقف قصاد العماره بتاعتي لقيت اللي بيحط ايده ع كتفي
اتخضيت وقتها وببص اشوف ايد مين دي
لقيت شاب طويل كده وباين علي شكله انه متوتر او خايف من حاجه
لقيته بيقولي ادم تعالا ورايا بسرعه وسابني ومشي انا بصيلته كده
روحت وراه وقولت ده اكيد ياسر اللي كلمني
دخلنا حاره ضيقه ولقيته واقف هناك
وقالي انا اسف جدا علي اللي انا بعمله معاك ده بس زي ما قولتلك اللي بيحصل تقيل اوي بس ده مش اكبر منك انا عارف انك بتحب المغامرات والحاجات دي واللي انا هحكيه ده وهخليك تشوفه بعينك كمان مصر كلها لازم تعرفه
قولتله شوقتني طب احكيلي
قالي مينفعش يا ادم احنا هنا في خطر
قولتله طب ما انا كنت مستنيك من بدري في الشقه وانت اللي مجيتش
رد عليا بجمله غريبه وخلتني اترعب شويه
قالي هما حوالينا دلوقتي وبيراقبوني وبيراقبوك انت كمان
فـ انا بصيلته وانا مستغرب وقولتله بيراقبو مين معلش وانا مالي
قالي ما انا قولتلك اللي بيحصل كبير اوي يا ادم لازم نتصرف ونروح مكان امان هتعرف تتطلعنا شقتك من غير ما حد ياخد باله مننا
قولتله عيب عليك انت في منطقتي قمت زاقق باب حديد كان جمبنا والباب الحديد ده الباب الخلفي للعماره بدات اطلع انا وهو لشقتي وهو كان طالع ورايا وهو كان مرعوب حرفيا
قولتله اهدي اللي كان بيراقبك اختفي
قالي هيظرو تاني الناي دي مش هتسبني ولا هتسيبك
انا فضولي زاد اكتر
طلعت عند باب الشقه وحطيت المفتاح في باب الشقه لقيت حاجه خلتني اترعب حرفيا قومت سايب المفتاح في الباب ورجعت ورا وببص لياسر وانا واقف ومتنح حرفيا ده كان في رسم مرسومه علي الباب
والرسمه دي كانت النجمه الخماسيه بتاعت الشيطان بصيت لياسر وهو كان ساكت ولكن انا كنت مرعوب من جوايا فتحت باب الشقه ودخلنا هو قعد وانا سحبت كرسي وقعدت في وشه
قولتله احكيلي بقي في ايه اللي بيحصل ده مريب
رفع راسه عليا كده وقالي في سنه من السنين تم محاكمه جماعه كده من الناس
بتهمه عباده الشيطان واقامه حفلات جماعيه وذبح الاطفـــال واكلهم كمان مشهورين بلبس الخوذ
والملابس الغريبه بيعبدو الشيطان معتقدين ان هو الاله الواحد للكون كله بيمجدو الشيطان بالسحر
متجردين من كل القيم الاخلاقيه وبيحللو المثليه الجنسيه وزنا المحارم
وقتل الاطفـــــال وتعاطي المخدرات بيداعمو عموما لاي حاجه ضدد الاخلاق اتعمل كنسيه لعبده الشيطان واللي انضمو ليها اكتر من 50 الف شخص وطلبو انو يبقي ليهم كتاب مقدس
واتسمي الانجيل الاسود ومن اشهر العبارات اللي موجوده في الكتاب ده اقتل طالما عاوز تقتل بيمجدو الشيطان بأن هو صاحب القوه في العالم كله اهو الناس دي موجوده في مصر ووسطنا هنا
ومن فتره بدا يتعرف ان في عبده شيطان في مصر والسبب انو كان بيحصل حاجات غريبه جوا قصر البارون بليل كانو بيعملو حفلات ويشغلو اغاني الميتال بصوت عالي وبيفضلو يشربو مخدارات بطريقه فظيعه وبسبب الاصوات اللي كانت بتطلع منهم دي اتعرف ان في حاجه غلط بتحصل جوا
قصر البارون واتعرف وقتها انهم عبده الشيطان ولكن محدش يعرف ولا واحد فيهم ولا حد كان يعرف هو بيعلمو ايه في القصر بليل ولا حتي حد يعرف هما بيدخلو ازاي جوا القصر ولا حد عارف هما بيمارسو طقوسهم دي فين ولكن انا يا ادم من حظي السئ ان انا عرفت كل ده ولو مكنتش عرف كل اللي بقوله دلوقتي مكنش هيحصلي اي حاجه من دي الناس دي بتمارس طقوس مرعبه حرفيا كلها من اجل ارضاء الشيطان اللي هو بالنسبالهم اله بيقتو بعض بـ اشبع الطرق لكن كلها بنظام
في طرق كتير لتقديم هدايا للشيطان واستحضاره زي القداس الاسود والقداس الاحمر والاتنين يا ادم اشبع من بعض ولكن اخطرهم بقي القداس المختار .......
دي كانت نهايه الجزء الاول وانتظروني قريبا في الجزء التاني من القصه
الجزء التاني من قصر البارون
وقفنا اخر مره لما كنت انا وياسر قاعدين بنتكلم وبيحكيلي اللي بيحصل في قصر البارون
واخر حاجه وقفنا عندها القداس المختار
بص يا ادم القداس المختار ده وهو انهم يختارو قربان منهم هما او من اي مكان ويقدموه للشيطان
وهو ده السبب اني جيتلك لحد هنا يا ادم وهو ان في يوم من الايام اخويا اتقدم قربان للشيطان
وقتلوه بطريقه بشعه لانه للاسف كان واحد منهم ولما مات بدات اعرف كل ده من مذاكرته اللي هو كان بيكتبها
وقررت اني اوصلهم ليهم بـ اي طريقه وادخل وسطهم وكان صعب عليا جدا اني اوصلهم
لانك صعب انك تتعرف علي واحد منهم لانهم ليهم علامات مميزه زي الاوشم المرعبه اللي بتغطي جسمهم كلهم او الاشارات اللي بيستخدموها زي شاره قرون الشيطان مثلا
صعب علي اي حد انو يدخل وسطهم يا ادم بس زي ما قولتك حظي السئ دخلني وسطهم
وعرفت كل اسرارهم وعرفت مكانهم كمان ولما اكتشفو ان انا عايز افضحهم ومش واحد منهم كمان
كانو عاوزين يخلوني مختار للقربان بتاعهم وامرهم الكاهن بتاعهم ان انا لازم اتقدم قربان للشيطان
بس انا هربت منهم بصعوبه ولكن ولا عارف ارجع بيتي ولا عارف اروح في اي حته
وده اللي جبني ليك ياملواني
انا فضلت باصص وساكت
انا : ايوه يعني انت برضو عاوز ايه دلوقتي
ياسر : عايز ايه ! بعد كل اللي انت عرفته ده وبتقولي عاوز ايه عاوز اجيب حقك اخويا اللي مات بسببهم
انا : حق اخوك، حق اخوك ايه مش هو اللي دخل وسطهم وبنفسه كمان ومش هو برضو اللي اختار ان هو ينهي حياته بنفسه ، ايه ذنبك انت بقي واي دخلي انا بكل ده
ياسر : انت بتقول ايه يا ادم ، ده انا كنت مفكرك انك الوحيد اللي هتفهم كل ده وتقف معايا
انا : اقف معاك في ايه ، عاوزاني انا اقف معاك وفي وش الناس دي ، انت متخيل انهم وصلولي هنا وعرفو مكان شقتي
والفضل يرجعلك طبعا ، بص يا صبري انا بره قصتك دي لانها باختصار شديد متخصنيش
اذا كان الناس مبلغه عنهم ومحدش قدر يقف في وشهم انا وانت هنقف في وشهم ليه مفكرني مين
انا اسف مش هقدر افيدك
وسيبته وقمت وقتها وفضلت ساكت وهو كان باصصلي بنظره كلها خيبه امل وسبني وطلع بره الشقه
وانا قومت قافل الباب ودخلت اقعد في اوضتي لكن كل كلمه هو قالها كانت بتلف جوه عقلي
كنت حاسس بتنأيب الضمير وقتها ، انا عارف ان انا اللي عملته ده غلط بس اللي هو بيحكي فيه ده برضو اكبر مني بكتير
عدي 3 ايام من ساعه اللي حصل
بقيت متراقب منهم بسببه ومكنتش عارف اخرج بره شقتي وانزل شغلي خايف يحصلي حاجه منهم
ولكن قولت ياروح ما بعدك روح انا لازم انزل انا مليش دخل بكل اللي اتقال ده
وقررت اني انزل شغلي ساعتها وارجع لي حياتي الطبيعيه لكن شكلها كده مفهاش راجعه
لان اللي حصل بعدها كان مرعب انا تقربيا كده بقيت مرغوب بالنسبه للناس دي لان انا لما وصلت شغلي يومها بعد غياب 3 ايام لقيت المدير اول لما شافني قالي هو انت كنت فين يا ادم طول الايام اللي فاتت دي
انا : كان عندي ظروف ولله يا استاذ حازم
حازم : ظروف ايه دي اللي تخليك تختفي وتقفل تليفونك
انا : انا اسف حضرتك بس هيا مش هتكرر تاني
حازم : ما هيا فعلا مش هتكرر تاني فعلا لانك ملكش مكان وسطنا
انا : ليه كده يا استاذ حازم ايه اللي حصل
حازم : بص ياابني انا ولله اعلم كده انت كنت مختفي فين طول الفتره اللي فاتت دي بس من الواضح كده انك كان وراك مصيبه كبيره قوي خلت ناس غريبه ومشبوهه تيجي تسال عليك هنا في شغلك
انا : ناس مين دي !
حازم : اشكال تقرف وريحتهم تقرف حرفيا كانو بيجيو ويسألو عليك كل يوم وامبارح زعقت في واحد منهم وقولتله ان هو مشي من الشغل ومش هيجي تاني فا سابولي جواب وقتها وقالولي لما يجي ابقي ايديله الجواب ده وانا خدته منهم
وقام طلع الجواب من جيبه وادهوني وقالي هيا دي الورقه اللي سبب رفضك من المكان
والجواب كان مفتوح طلعت الورقه وبصيت فيها وكان متكوب :
اللي مكتوب كان بالدم انا ساعتها اتصدمت
ومعني ان الجواب مفتوح يبقي المدير فتحه واكيد عارف معني الرسمه دي
كان ليه حق انو يرفدني لان هو حس ان في حاجه غلط حرفيا
انا وقتها خدت الجواب وروحت صفيت حسابي ومشيت من المكان
روحت قعدت في مكان اتغديت وفضلت قاعد لحد الليل قاعد عامل افكر في اللي حصل ده كله
ومش عارف ايه اللي جاي بس من الواضح كده اللي جاي اصعب من بكتير
بصيت في ساعاتي لقيتها 11 قولت انا مكنش ينفع افضل للوقت ده كله بره البيت
قومت وخدت تاكسي لحد بيتي ونزلت وطلعت الشقه علشان هبدا اشوف اعمل ايه
واكلم ياسر اشوف حل معاه لسه بفتح باب الشقه علشان ادخل ولكن لما فتحت باب الشقه لقيت حاجه خلتني اقف مكاني
ريحه الشقه وقتها هيا اللي خلتني اقف مكاني ريحتها بشعه بطريقه محدش يقدر يستحملها
بدات اشغل نور الشقه كله واول لما فتحت نور الشقه كله لقيت الشقه كلها متغرقه بالدم علي الحيطه والارضه والانتريه
وفي كل حته حرفيا وقفت مكاني مرعوب من بشاعه المنظر ددمم كتير وعلي الارض والحيطه مرسوم حاجات مرعبه
ولكن في نص الشقه كان مرسوم النجمه الخماسيه بشكل كبير قوي وفي نصها كان في ديك اسود مدبوح
وقفت مكاني من كتر الرعب ومكنتش عارف اعمل ايه ولا عارف ايه اللي حصل هنا
بدات اطلع تليفوني وانا مرعوب وارن علي ياسر ولكن وقتها كان تليفونه مقفول
معرفتش اعمل ايه وقتها قمت واخد بعضي وخرجت من الشقه ونازل علي السلم
وانا مش عارف راسي من رجليا لكن عقلي بيقولي ان اللي حصل في شقتك حاجه مرعبه وخطر عليك
وانا نازل لقيت تليفوني بيرن طلعت تليفوني ولقيته رقم غريب وقتها
قمت رادد عليه وكانت المكالمه كا التالي:
الشخص : ايوه يا ادم انا ياسر انزل من شقتك واطلع من الباب الخلفي مفيش وقت للشرح اهرب بحياتك من هناك
وقفل وقتها بدات اتوتر حرفيا وقومت خارج من الباب الخلفي وطلعت بقيت في الحاره اللي ورا العماره بالضبط
انا مش عارف ايه اللي بيحصل وايه اللي كان ممكن يحصلي تاني دلوقتي
منك *** يـ ياسر هو انت عملت ايه في حياتي يابني
قمت ماسك تليفوني تاني وانا مش عارف اعمل ايه وبدأت ارن علي الرقم اللي رن منه ياسر
ولكن لما جيت ارن عليه لقيت التليفون بتاعه اتقفل انا وقفت مكاني ومش عارف اروح فين
لحد لما لقيت تليفوني بيرن من تاني وطلع الرقم اللي رن منه ياسر وقمت رادد عليه
ياسر : ادم اطلع من المكان اللي انت فيه دلوقتي وانا هبعتلك عنوان تجيلي عليه
وقفل وقتها وثواني وكان بعتلي العنوان
فا طلعت من المنطقه وركبت تاكسي وقولتله علي العنوان وروحت للمكان وقتها وصلت ولقيت ياسر واقف هناك
ونزلت وروحت ناحيته وانا بزعق فيه
انا : هو ايه اللي انت عملته ده شوفت وصلتنا لفين مين دول وعاوزين مني ايه هو انت متعرفش هو عملو فيا ايه
ياسر : راحو شقتك صح؟
انا : الحمد *** ان انا مكنتش فيها وقتها لكن دبحوني مكان الديك الاسود اللي هما دبحوه
ياسر : ديك اسود !!
انا : ايوه معرفش ايه القرف اللي هما عملوه ده في شقتي ده كان منظر مرعب حرفيا ورسمو نجمه خماسيه
في نص شقتي وعلي الحيطان في رسوم مش مفهومه بالدم
ياسر : هو انت شوفت الكلام ده بعينك
انا : لا حد حكالي ، بقولك ايه يـ ياسر مش وقت غباء
ياسر : ادم هو انت عارف هما عملو ايه في شقتك
انا : عملو ايه يعني
ياسر : كويس انك مكنتش موجود وقتها لانهم حضروه في شقتك
انا : الشيطان!!
ياسر : ايوه الاله بتاعهم
فضلت ساكت وبعديها قولتله
انا : هو انت بتقول ايه يعني انا لو كنت قعدت شويه في الشقه كنت ممكن اشوفه
ياسر : ايوه يا ادم دول مش بيهزور دول عملو اللي ممكن ينهي حياتك حرفيا ، هو انت متخيل هما عملو ايه في شقتك
دول عملو عمليه الاستحضار بالقداس الاسود في شقتك
دخلو عندك مجموعه علشان يعرفو يستحضروه فيها شوفت الرموز والرسومات اللي كانت موجوده علي الحيطان كلها دي
انا : ايوه شوفتها
ياسر : اهي دي رموز ورسومات شيطانيه بيكون جايبن ديك ريشو اسود وبيجي معاهم كاهن بيقرا من الانجيل الاسود بتاعهم شويه طلاسم وبعد ما يخلص قرايه التعويذه بيدبع الديك من رقبته وبيحطو دمه في كاس وبيشرب منه الكاهن
وبيقدمو الكاس ده علي اللي موجودين معاهم وبيعتبرو ان الديك ده ودمه مقدمينه هديه للشيطان
وبيبدوا بقي يوزعو الدم ده في المكان كله اللي حصل عندك في الشقه ده يا ادم مصيبه كبيره
وهروبك ده مش هيوقفهم عنك انا بقالي شهور بهرب منهم ومش عارف واهلي اتأذو منهم وانا اتأذيت منهم كتير
يا ادم القرار في ايدك مكانهم جوا قصر البارون وانا هعرف ادخلك هناك محدش يعرف سرهم غيري نقدر ندخل هناك ونوقف كل اللي بيحصل ده وهو انك تفضحهم فضحيتهم يعني الناهيه
فا انا سبته كده وقتها وروحت اتمشي قدام شويه ومش عارف حتي افكر دماغي وقتها كان فيها صراع من كتر التفكير
ولكن انا وقف كل ده بقرار واحد وهو اني هدخل قصر البارون معاه ياعزيزي ودلوقتي كمان
الجزء التالت والاخير قصر البارون
مهما كان قلبك ميت فـ هو مستحيل ان هو يجيبك هنا
وفي الوقت ده قصاد قصر البارون علشان تتدخل وتشوف عبده الشياطين جوا
لكن انا قدري جابني لحد هنا علشان يخليني ادخل جوا
دخلنا انا وياسر وقتها جوا القصر والساعه كانت معديه 2 بليل
كل ده علشان نفضح اللي بيحصل جوه من نجاسه رغم اللي بيحصل جوا مرعب بدرجه لا تتخليوها
وقتها لما وصلنا مكنش في نفس جوه المكان ولا بره المكان
رغم ان في ناس اشتكت من اللي بيسمعوه جوه المكان وبيطلع بليل
وهيا اغاني الميتال اللي بتخرج من القصر ده بليل ولكن بعد ما بلغو
بقي يمارسو حفلاتهم وطقوسهم تحت في الادوار السفليه في القصر وده اللي محدش يعرفه نهائي
ولكن ياسر قالي ان هو عارف هندخل منين كمان لا مش من الباب الامامي لا احنا هندخل من الباب الخلفي لان الباب الامامي دلوقتي مقفول مؤقتا وصلنا وقتها عند الباب الخلفي
انا وياسر واللي اكتشفت وقتها ان هو شباك قديم مدفون نصه تحت الارض
والنص التاني فوق وده اللي هندخل منه ولو دخل بني ادم من المكان ده لازم يكون رفيع فا انا بصتله وقتها وانا مرعوب حرفيا لكن هو قالي متخافش هندخل جوه ونصور كل اللي بيحصل وهنخلص من كل القرف اللي هما بيعملوه
بدا هو يدخل قصادي ونط لجوه وانا بدات اخد نفس وانا مرعوب وقمت ناطط وراه لجوه وريحه المكان كانت طبيعيه جدا عن النجاسه اللي بتحصل هنا وهيا ريحه معفنه بشكل رهيب
بسبب الطقوس اللي بيعملوها بدات ادخل انا وياسر جوا القصر وسط الضلمه والتراب اللي موجود في المكان كله وكان في اثار رجول كتير علي الارض والحيطان كانت متوسخه بحاجات غريبه بيتهألي يعني ان ده كان ددمم
وكل حاجه وقتها كانت بتتوثق علي تليفوني بدات امشي انا وصبري ودخلنا اكتر لجوه
لحد لما وصلنا عند سلم سلم بينزل لتحت وسلم بيطلع لفوق
ياسر : بص يا ادم احنا لو طلعنا لفوق فا احنا هنبقي في القصر عادي في المكان الطبيعي وده شئ ميخصناش لان ده برضو شئ مرعب واكبر مننا بكتير لان اصلا القصر ده ملعون وانت عارف كده كويس
انا : تقصد بنت البارون اللي انتحرت هنا زمان
ياسر : لا يا ادم القصر هنا في ناس كتيره ماتت فيه زمان بطرق مرعبه اما بنت البارون اللي انت مفكرها انتحرت دي زمان فا انا عاوز اقولك ان هيا اللي بدات عباده الشياطين في المكان هنا وهي سبب وجود الناس المرعبه دي هنا احنا هننزل عندهم تحت وهخليك تشوف كل حاجه بنفسك لان انا جايبك الليله دي بالذات علشان هيقدمو القربان لاستحضار الاله بتاعهم
اللي هو الشيطان لان النهارده الليله الـ 30 من الشهر الاسود بتاعهم وده معاد الحضور بتاع الاله
انا بصتله وانا مرعوب وبعديها بدانا ننزل براحه علي السلم لتحت
سلم طويل حرفيا كل لما كنت انزل درجه كنت بحس ان روحي بتطلع حرفيا كأن نازل لموتي تحت احساس كان مرعب بشكل غريب لحد لما وصلنا لتحت واول لما وصلنا لتحت لقيت ياسر بيقولي
ياسر : وطي صوتك واسمع كده معايا
انا : هو فيه ايه
ياسر : وطي صوتك واسمع
بدأت اسكت كده واركز مع الصوت لحد لما بدات اركز واسمع صوت شخص كده بيقول حاجات غريبه بدات اروح ناحيه الصوت لقيت ياسر قام شددني مره واحده
ياسر : بقولك ايه هو انت بتصور صح
انا : ايوه بصور
ياسر : طب وقف تصوير
انا : ليه يعني هو احنا داخلين نسلم عليهم يعني
ياسر : بقولك وقف تصوير وحالا لان احنا هنقرب منهم اوي ولو حسو بينا فا احنا هندفن هنا في القصر ابوس ايدك وقف التصوير
فا انا سكت وبالفعل وقفت التصوير وقتها وهو بدا يتحرك ببطأ رهيب قدامي وانا كنت ماشي وراه لحد لما وقف مره واحده وبدا يطلع لحاجه عاليه لان في شباك عالي هنطلع ونبص منه عليهم بدات اطلع وراه وقتها واول لما طلعت ورفعت وشي وبصيت لجوه لقيت منظر خلي جسمي يسيب حرفيا جايبين بنت صغـــيره وملقعينها نهائي وربطنيها وكاتمين بوقها ومقعدينها في نص النجمه الخماسيه علي الارض وكلهم ملفوفين حواليها وقاعدين علي الارض بطريقه مرعبه وقاعد قصاد البنت الصـغيره دي راجل بدقن بيضه وكبير في السن ويدل من هيئته ان هو الكاهن بتاعهم وعمال يقول كلام غريب حرفيا وكانه طلاسم او تعويذه من عندهم
انت الاله الكون
انت القوه العظيمه
انت من وضع الروح في اجسدنا
لك الملك فينا
استسحمك في قبول القربان منا
انا واقف فوق بتفرج علي المنظر ده
والكاهن ده وقتها بدا يقوم ويجيب حاجه زي ما يكون فخريه كده
كان فيها مايه تقريبا واللي اتضح وقتها انها مش مايه اصلا
دي كانت حاجه معفنه من كل اللي كانو قاعدين (شخين فيها يعني)
انا : هو هيعملو فيها ايه دلوقتي انا مش فاهم ليه اصلا مقعدينا بالشكل ده وربطنيها
ياسر : هقدومها قربان للاله لانها المختاره من يوم 30 للشهر الاسود
انا : نعم! هيقدموها قربان ازاي يعني
في لحظتها لقيت في صوت علي تحت وطلع صوت البت الصغيره اللي هما ربطنيها وعماله تصرخ وهيا صوتها مش طالع بسبب الي حاطينه علي بقها
المصيبه انها كانت بتصرخ بسبب ان الكاهن كان بيقرب منها وهو كان ماسك في ايده سكينه وقتها فا انا بصيت لياسر وقتها
انا : ايه ده هو ده تقديم القربان عندهم احا
واول لما قولت الكلمه دي لقيتهم اخدو بالهم مننا وقتها المكان كله بدا يجري ناحيتنا
قمت ناطط انا وياسر بسرعه وجرينا بسرعه من مكانا
ياسر بعصبيه : انت ودتنا في مصيبه احنا مش هنطلع من هنا
انا : مصيبه اكتر من اللي كانو هيعملوها في البت اجري ياعم انت بسرعه
بدانا نجري واحنا مرعوبين واصوات الناس المرعبه دي كانت بتجري ورانا في المكان
دخلنا طريق وقتها مش هو اللي احنا جينا منه فاحنا عاملين نجري انا وياسر ونبص حوالينا ومش عارفين احنا جينا منين اصلا
انا : احنا ضعينا الطريق اللي احنا جينا منه
اله ده ياسر اختفي ده كان بيجري معايا دلوقتي انا وقفت مكاني مصدوم وعمال ابص حواليا
هو راح فين والسؤال الاهم هو المكان هدي ليه كده فجأه
انا عندي ان هما يجرو ورايا احسن من ان المكان يهدا فجاه بدون اي حاجه
انا مش مطمن حاسس كده ان في حاجه غلط بتحصل بس انا وقتها كان همي ياسر الي دخل معايا اكيد اخدوه وانا بجري طب ما انا كنت معاه مخدونيش انا كمان ليه
انا عارف اللي بقوله ده غريب بس اللي حصل دلوقتي ده مش مفهوم انا واقف مكاني ولا عارف اطلع من المكان ده ولا عارف ايه اللي بيحصل هنا
لان انا واثق ان في حاجه غلط بتحصل ولكن وقتها فضولي كان مسيطر علي عقلي
بيقولي روح للمكان اللي تحت الي هما كانو فيه دلوقتي اكيد يعني هتلاقي حاجه هناك فبدات اعدل وشي علي ارجلعهم هناك بس قبلهم قررت اعمل حاجه وهيا اللي هتنقذني وتخرجني من هنا
ماشي في القصر ونزلت تحت وانا مش عارف ايه سبب الهدوء اللي في القصر ده فضلت ماشي لحد لما وصلت عند الشباك اللي كنا واقفين عنده من شويه وطلعت لحد عنده وبدأت ابص منه ولكن اتفأجات وقتها ان مفيش حد نهائي في الاوضه
قررت وقتها اني انزل لتحت واشوف ايه اللي كان بيحصل
هي كانت فكره غبيه وانتو هتعرفو ليه دلوقتي
انا نزلت تحت لحد لما وصلت للمكان اللي كانو رابطين فيه البنت من شويه واللي كانت ريحته معفنه بشكل رهيب
لان ده المكان اللي بيتقدم فيه كل القرابين انا كنت هناك وكنت ماسك تليفوني في ايدي
وكنت بصور اللي حواليا الحيطان كلها ددمم ورموز خاصه بيهم
وانا واقف فوق النجمه المرسومه علي الارض اللي كانت كلها ددمم وريحه وحشه
وانا بسجل الفيديو وبقول بصو يجماعه انا جوا قصر البارون وبالتحديد
لقيت شخص غريب وقتها بدا يتكلم ويقول
وبالتحديد في مكان موتك
لفيت للصوت لقيته الكاهن بتاعهم
انا اول لما شوفته بدات اوجه تليفوني ناحيته واقول اهو الكبير بتاعهم اهو الكاهن بتاعهم اهو المكان دي بيتعمل فيه حاجات بشعه حرفيا
كل ده وانا مرعوب من جوايا بس انا بحاول اني ابين اني مش خايف منهم
وعمال اقول للراجل ده انا هفضحكو
هو بدا يبتسم وقتها وقام ضاحك وقالي
الكاهن : مشكلتك وهيا ان قدرك جابك في المكان الغلط وفي الوقت الغلط
انت واقف وبتصورنا وفاكر انك كده بتفضحنا كل ده علشان انت غبي ومش فاهم اي حاجه ومش مقدر انت فين انت فاكر نفسك جاي لحد هنا علشان تفضح كل اللي بيحصل في المكان ده ده دليل علي غبائك انت لو كنت ركزت شويه كنت هتعرف انك مجيتش بمزاجك بل احنا اللي جابنك لحد هنا علشان تكون القربان لليله الـ 30 هو انت مسألتش نفسك هو ليه ياسر اختفي من وراك فجأه وليه انت كمان ما اختفتش زيه
وقتها انا بدأت اترعب حرفيا
انا : هو هو انت عايز تقول ايه يعني مش فاهم
بدا يقرب مني وقتها وهو ماسك في ايده كتاب مكتوب عليه الانجيل الاسود
الكاهن : مشكلتكم كبشر عاديين وهو الصدق المبالغ فيه ازاي تثق في حد متعرفوش
مش يمكن ياسر ده واحد مننا
انا بدأت ازعق فيه : انت كداب انتو كفره
بدا وقتها يضحك
الكاهن : برضو لسه مش مصدق
وقام عادل وشه ويبص ورايا بطريقه غريبه فا انا بدات الف وابص ورايا بهدوء لقيتلكم ياسر واقف ومعاه كل اللي كانو قاعدين من شويه
وهنا انا ادركت كل اللي حصل ده كانت لعبه من ياسر علشان يجبني هنا وسطيهم
لانه طلع واحد منهم فعلا متحوط بيهم كلهم وقتها ومكنش قدامي مهرب من الموت غير حاجه واحده
"فلاش باك"
وهنا انا قررت اني اعمل حاجه واحده بس هيا اللي هتنقذني وتخرجني من هنا
والحاجه اللي انا عملتها وقتها ان انا كنت بكلم صديق ليا اسمه يوسف فيديو كول من اول لما ياسر اختفي طلعت تليفوني ومكنتش بصور المكان وقتها ولا بهددهم بالفيديو اللي انا بصوره ده لا ده انا كنت بكلم يوسف فيديو كول وقتها وكل اللي كان بيحصل حالا في المكان دلوقتي كان متشاف ومسموع من يوسف وهو كتر خيره سجل كل اللي حصل وانا اول لما قولت الكلام ده لقيتهم بدوا يرجعو ورا ويستخبو وهما مرعوبين حرفيا لان فضحيتهم هتبقي مصيبه كبيره عليهم لان اللي بيعملوه هنا بشع حرفيا انا وقتها كانت معايا فضحيتهم دي اللي من خرجت هناك بسببها او سابوني علي التسجيل ده اللي بقي مع يوسف خلاص وخرجت وقتها من قصر البارون ومن ايد عبده الشياطين بسلام
هيجي واحد محنك يقول عاوزين نشوف التسجيل ده هقولك التسجيل ده لو طلع انت مش هتشوفني تاني لان ده السبب الوحيد اللي مخليني عايش لحد دلوقتي لان لو الفيديو ده طلع فا انا هموت
