نقاش حيرتنا كرجالة بين جمال وجه وجسم الستات وبين العيشة معاهم 24/7

[جدو سامى 🕊️ 𓁈]

من المشاكل اللى بتقابلنا كلنا كرجالة هى حيرتنا بين اعجابنا بجمال وجه وجسم الستات اللى بيخلينا عايزين نرتبط بيهم وحبنا الرومانسى والجنسى ليهم كنتيجة لاعجابنا بجمال وجوههن واجسامهن واصواتهن واسلوبهن بالرقة والاغراء والانوثة .. وبين التعامل معها 24 ساعة فى اليوم و 7 ايام بالاسبوع تحت سقف واحد .. باختصار ممكن تكون جميلة ومغرية جدا للمساكنة او الارتباط الرومانسى والجنسى .. لكن تكون طباعها ومعاشرتها سيئة جدا معاك لسانها طويل او مسيطرة او اعتمادية او استغلالية او بتحتقرك لانك محتاج دعمها المالى ليك او اجتماعية وانت انطوائى او متدينة وانت غير متدين وامثلة كتير حسب طبعك وطبعها وحسب توافقكم فى التعايش 24/7 زى ما قلت .. فيه ستات كتير جدا خصوصا فى شرقنا الاوسط العيشة معاها لا تطاق بسبب تربيتها الشرقية العربية وتكريه اهلها ليها ف الرجالة وحاجات زى كده حتى لو كانت ملكة جمال او على الاقل كانت مغرية ليك بصوتها ووجهها وجسمها وشعرها الخ ..​

ومن المشاكل كمان ان فيه ستات كتيرة ورجالة كتير بيحطوا فى اعتبارهم وقت الزواج او المساكنة او الارتباط الجنسى الجسدى ان فيه انفصال او طلاق .. ودى مشكلة .. انتى عشتى مع ابوكى وامك خصوصا لو مثاليين معاكى ومفكرتيش ابدا ومش هتفكرى تنفصلى عنهم .. طب ليه مبتشوفيش بويفريندك ومساكنك او جوزك نفس الشئ ليه مش بتتمنى العيشة الابدية معاه حتى الموت زى ما بتحبى ابوكى وامك وعايزاهم معاكى للابد​