شعر يا أهل المغنى دماغنا وجعنا (1 عدد المشاهدين)

[مها بنت السلطان]

يا اهل المغنا دماغنا وجعنا

دقيقه سكوت لـله

دا احنا شبعنا كلام ماله معنا

يا ليل و يا عين ويا آه

.....

طلعت موضه غصون و بلابل

شابط فيها حزين

شاكى و باكى و قال موش عارف

يشكى و يبكى لمين

و اللى جابت له الداء و الكافيه

طرشه ماهيش سامعاه

يا اهل المغنا دماغنا وجعنا

دقيقه سكوت لـله

....

ردى عليه يا طيور بينادى

وارمى له الجناجين

و انت كمان يا وابور الوادى

قول له رايح علا فين

قول له اياك يرتاح يا وابوره

و يريحنا معاه

يا اهل المغنا دماغنا وجعنا

دقيقه سكوت لـله

.....

كل جدع فرحان بشبابه

يقول فى عنيه دموع

ياللى جلبتى شقاه و عذابه

حللى لنـا الموضوع

طالع نازل يلقا عوازل

واقفه بتستناه

يا اهل المغنا دماغنا وجعنا

دقيقه سكوت لـله

.....

حافظين عشره اتناشر كلمه

نقل من الجورنال

شوق و حنين و امل و امانـى

و صد و تيه و دلال

و اللى اتعاد ينزاد يا اخواننا

و ليل و نهار هوّاه

يا اهل المغنا دماغنا وجعنـا

دقيقه ســكوت لـله