فيلم انا مديون للراجل ده - من فيلم الوعد (1 عدد المشاهدين)

[جدو سامى 🕊️ 𓁈]

-انا بقى مديون للراجل ده
=اذا كان هو مش فاكرك ، فيه حد بينسى شكل واحد له عنده فلوس ؟!!
-عشان احنا الاتنين شكلنا اتغير .. زمان لما قتـ. ـلت أول مرة في حياتي وهربت ..
=قتـ. ـلت مين ؟!
-مراتي وعشيقها ، دخلت عليهم وهما عـ. ـريانين عجنتهم في بعض وهربت ، جيت من الصعيد على هنا دخلت ع الحارة دي في أوضة جنب عشة فراخ لا معايا فلوس ولا أي حاجة ، قدرت اصبر ع الأكل يوم ، ويوم كمان ، وفي اليوم التالت مقدرتش جيت ع المكان اللي احنا قاعدين فيه ده وطلبت فول وطعمية وسلطة وكلت
=ودفعت ازاي ؟!
-مدفعتش .. فضلت قاعد مكاني لحد القعدة ما طالت عن المعتاد الراجل جه ولم الأطباق وقالي "مع السلامة" .. وفضل على كده 5 أيام وفي كل مرة يقولي "معلش ، ادفع المرة اللي جاية" ، لا سألني انت مين ولا زهق مني .. وحتى بعد ما اتقبض عليا والمخبرين مجرجريني طلع ورايا واداني ساندويتش
=ولا تعرفه ولا يعرفك !!
-ولا اعرف اسمه ولا يعرف اسمي وتلاقيه نسي الحكاية دي كلها ، ابقى مديون ولا مش مديون ؟؟ .. يا حاج ، الحساب يا راجل يا طيب ..
الوعد ... ٢٠٠٨
سيناريو وحوار : وحيد حامد


View: https://www.facebook.com/photo/?fbid=383877817700037&set=gm.3345686302241777&idorvanity=104287949714978&__cft__%5B0%5D=AZWffagRSoEzn_OCQ_7e0bCeqqvTX7ZWIU57Xwo5IMXR3Hdh7JjqDAQ2ya7RrGVj5ZZqLCV6bjm_SNGyFFv4kvBufbi5U2BPh_Vpgmd_Im5aapgZSSDkkfpLCSRmfc5D84ZAaJemzvndTt06Fe2oyi0oTLB3V1QPTe241O9-D8Sf-qEWvxs8XuUg56bHU72ovPk&__tn__=EH-R