شعر إقتباسات حكاية الرواكول

[جدو سامى 🕊️ 𓁈]

حكاية الرواكول
عشان المرارة تعبانة
جريت على الأرزخانة
قالوا ما فيش رواكول
قلتلهم وأعمل ايه
ضحكوا وقالوا يا بيه
عليك بأكل الفول
قلتلهم جايبلي المرارة
وواكل شيكارة
غير البصارة والمبلول
ادوني حتى شريط
قالوا دا إنت عبيط
وشكلك كده مهبول
قلتلهم وديني
لأكتب عنكم في دواويني
وبعرف أقول
قالوا هو إنت شاعر
قلتلهم وعندي مشاعر
وشاعر بمية بول
تنزل على وشكم
دا إنتوا من غشكم
بتخبوا العلاج على طول
وحتقوم خناقة
وأنا عندي لياقة
ودراعي مش مشلول
واللي منعني عن ضربهم
البت اللي عندهم
حلوة قوي ووشها عسول
وادتني حباية
وقالت هي اللي حدايا
وتشكرني لما تقول
قلتلها حقول عليكي
وأوصف جمال عينيكي
اللي فيها قبول
أبو ندى