فكاهة اهو دا اللي خلاني دخلت مستشفي المجانين (1 عدد المشاهدين)

[جدو سامى 🕊️ 𓁈]

_ الا قوللي يا اسطي قنديل!
= أقولك!
_ انت خرجت من عند الناس اللي كنت عندهم ليه؟
= ما أقولكش!!
_ وبتشتغل من زمان في السواقة؟
= اقولك!
_ ورّيني كدة الرخصة بتاعتك!
= ما اقولكش!
- استني عليه لما نروّح..احنا لسه بنجربه في السواقة!
_ باين عليه سواق قديم وممتاز!
= يا افندم انا سواق أباً عن جد..سواق بالوراثة..
أنا اتعلمت السواقة علي عربية أبويا اللي ورثها عن عربية جدي لما كانت موتوسيكل اللي جدي ورثه عن أبو جدي لما كانت عربية حنطور...
انا كنت ابن عز وشرفك...ولولا شقاوة ابويا وعمايله المنيلة مكنش حصل اللي حصل!
_ ازاي؟
= اصل انا كنت خاطب واحدة كان ليها بنت كبيرة..وفي يوم اكتشفت ان ابويا عاوز يتجوز البنت دي..حاولت أمنعه مفيش فايدة..لقيت نفسي هبقا جوز حمات ابويا ، وان لو مرات ابويا اللي تبقا بنت مراتي خلفت ولد ، الولد دا هيبقا أخويا لانه ابن ابويا..مفهوم؟
_ احنا مش فاهمين حاجة أبدا!
= اهو دا اللي خلاني دخلت مستشفي المجانين!!!
#المجانين_في_نعيم