نقاش معلومة على الماشى.. ازاى تفرق بين الكواكب والنجوم بالعين المجردة فى السماء

[جدو سامى 🕊️ 𓁈]

باختصار عشان تعرف ان اللى انت شايفه ده نجم ولا كوكب

الاتنين بيبانوا كأنهم نجوم

النجم بينبض راقبه كويس لو بينبض كأنه فيه ألسنة لهب يبقى نجم

لكن لو لاقيته ثابت بضوءه يبقى كوكب

طيب ده كوكب انهى كوكب بالضبط

لو لونه احمر يبقى المريخ

لو لونه ابيض لامع اوى وظهر بعد الغروب على طول او قبل الشروق على طول يبقى الزهرة

غير كده لو ابيض ولامع اوى بس ف اوقات متاخرة من الليل او مبكرة بس بعد مدة من الغروب او قبل مدة من الشروق يبقى المشترى

ولو لمعانه خفيف او ضعيف يبقى زحل

وعشان تبقى متاكد اكتر وكمان استعمل موقع وتطبيق Stellarium بتجيب لك بموقعك وبالوقت بالضبط كوكبات ونجوم وكواكب السما عندك بالضبط خصوصا لو انت عايش فى مدينة جديدة او حتى فيها السما واسعة والبيوت متباعدة والسما قدامك براح