خواطر طول مانت سعيد ف حياتك (1 عدد المشاهدين)

[جدو سامى 🕊️ 𓁈]

طول مانت سعيد ف حياتك
مطمن على المستقبل
بتتمنى الخلود وبتتضايق من سيرة الموت
وطول مانت تعيس ف حياتك
او شايف مستقبلك مظلم اسوا من حاضرك ماليا على الاقل
او لك اخوات معاديين او جيران بلطجية او مهكرين وحقودين
او كل اللى بتحبهم ماتوا
وكل اللى بيكرهوك عايشين
ومش قادر حتى ترجع لوضع الاطمئنان
اللى كان لما كانوا اللى بيحبوك عايشين
يعنى حتى مش تتطور وتحقق احلامك
مع فتاة احلامك المستحيلة
ومش قادر تسافر تشوف البلاد اللى نفسك تشوفها
بره سجن الحدود وبره سجون كتيرة
وتلاقى الوقت فات وهو فايت من الاول اصلا وفايت من الاخر
بتتمنى الموت النهارده قبل بكرة
عالاقل تموت بكرامتك من غير تشرد من غير بهدلة
اصلا ايه فايدة الحياة وطولها
مادام مش بتحقق لك اى حلم من احلامك
ومادام بتقربك كل يوم من الفقر والتشرد والبهدلة
ولحد ما ييجى واحد من الاتنين الموت او البهدلة والفقر والتشرد
بتعيش ف خيالاتك لحد نهايتك او نهاية العالم
وحتى وضع الاطمئنان رغم انه اهو معقول والدنيا ماشية
مينفعش تعتبره انجاز اصلا وكل احلامك عالورق وف الخيال
مش لاقى اللى يحققها واللى تحققها معاك ف الواقع
الوقت فات كنت فكرت ف ده من عشرين سنة
بس ساعتها ماكنتش عارف اللى انت النهارده عارفه
وساعتها ماكنتش هتعرفه
وساعتها برضه لو حاولت ماكنتش هتعرف تحقق احلامك دى
هو فايت دايما
Eternal Sleep, Eternal Rest, Quietus
لا اكل ولا شرب ولا جوع ولا عطش ولا قلق ولا تعب
لا مؤامرات ولا ارهاب ولا بلطجة ولا حقد ولا كراهية
نوم نوم نوم وبس راحة راحة راحة وبس
هدوء هدوء هدوء وبس تحت الشجر وتحت التمثال الرخام المرمر
زى ما قال ابو العلاء المعرى اللى بهدلوه برضه بنفس التعصب
هذا ما جناه ابى على
But he isn't the one to blame