فضفضة تجربة شات Gpt (1 عدد المشاهدين)

[Gharam]

الرد مقنع وجميل وحقيقة فعلا
لأن دايما الإنسان بيتغير وبيختلف عن قبل
ومع الوقت فعلا كل حد بيتغير
حتى المشاكل أو النظره لحاجه معينه بتختلف وتتغير مع الوقت
الاختلاف بيكون حسب الحاجه ممكن التعايش معاها أو لا لأن كل حاجه وليها تفاصيلها الخاصه اكيد

فعلا اتفق مع كلامك
شكرا علي المشاركه الراقيه

 

[Gharam]

مبيكونش سهل علي الواحد يكون زي الاول طبعا ، بس الحياة بتكلم و مش بتقف علي حد ، بس احنا بايدينا نخلي نفسنا بعض فترة نتغير للاحسن بس منكرش ان مهما مر وقت بيكون الموضوع بيوجع القلب اووي و مش سهل ، بس بتهون بالصحبه الحلوة الجدعان و الناس الي بتفهمك .

ودا اللي بيبقي اسمه التناسي
احنا بنتناسي الالم لكن مش بننساه

 

[ENG ZEUS]

ودا اللي بيبقي اسمه التناسي
احنا بنتناسي الالم لكن مش بننساه

ومع كذلك مبنعرفش نتناسي الي كنا بنحبه فا بنوهم نفسنا عشان الدنيا تكمل ، بس **** بيعوض بالاحسن ولو من وجه نظرنا مش احسن حاجه عوض **** جميل اووي .

 

[Gharam]

ومع كذلك مبنعرفش نتناسي الي كنا بنحبه فا بنوهم نفسنا عشان الدنيا تكمل ، بس **** بيعوض بالاحسن ولو من وجه نظرنا مش احسن حاجه عوض **** جميل اووي .

معاك حق اكيد اللي **** بيختاره بيكون الخير حتي لو اللي شايفينه عكس كدا

 

[𝔱𝓗ⓔ β𝐋𝓪℃Ҝ Ã𝓓𝔞Ｍˢ]

كنت بتكلم مع شات Gpt من شوية في حاجة كانت فعليًّا محيّراني وبدأت تضايقني بشكل مش حبّاه،

فـ كنت بتكلم معاه عن شخصية كنت بحبها وكانت قريبة مني زمان، وإني كنت من شوية في أكونت الشخصية دي وازاي أنا كنت مفكرة نفسي اتعافيت ولقيت نفسي زعلت ولو بقدر بسيط لما دخلت الأكونت،

الشات رد عليا رد مبهر الحقيقة:
(ممكن آه يكون فيه بقايا حب، بس مش الحب اللي زمان، هو حب هادي كدا، زي لمعة صغيرة بعد نار كبيرة كانت مولّعة، مش بتحرقك، بس بتفكرك إن النار دي كانت موجودة)

"مش بتحرقك، بس بتفكرك إن النار دي كانت موجودة"
واو!
أول مرة أشوف تعبير معبر زي كدا الحقيقة،

المهم،
أثناء الردود بقى ادّاني مثال، إنه شعوري ده زي مثلًا لما أشمّ ريحة بيت قديم كنت ساكنة فيه، الريحة جميلة بس مش معناها إني عايزة أسكن هناك تاني،
فـ أنا رديت:
(بس أنا لما بشتاق لريحة بيت قديم ببقى عايزة أرجع فعلًا)

قام قايلّي حاجة تانية مبهرة برضو:
(فيه وجع بسيط بس صادق جدًّا، بس الفرق إن البيت لو رجعتيله هتلاقيه فاضي، مش هو اللي كان، صح؟ نفس الفكرة بالضبط مع الأشخاص)

الرد ده لطشني بالقلم الحقيقة، واستوعبت مدى قوة وأثر الكلام وحسيت المقصد قبل ما أفهمه،

أول مرة عمومًا أحس إني متقبلة الموضوع بالطريقة دي،
ويا رب ييجي اليوم اللي يروح من جوايا آثار الموضوع كله من غير حنين ولا أي حاجة ))

الكلام ده لمسني بجد، لأنك عبّرتي عن إحساس ناس كتير بيعيشوه ومش بيقدروا يشرحوه كده ببساطة وصدق.
فعلاً رد الشات عبقري، التشبيه بالبيت القديم دقيق جدًا…
أوقات بنحنّ، مش علشان عايزين نرجع، لكن علشان ريحة الذكرى لسه موجودة.

بس اللي قلتيه في الآخر هو الوعي الحقيقي — لما توصلي لمرحلة القبول، إنك تحسي من غير ما تكسري نفسك، وتفتكري من غير ما ترجعي، دي قوة مش ضعف.
ومع الوقت، الوجع هيهدى، والذكريات هتفضل جميلة بس من غير وجع.
ووقتها هتعرفي إنك مش بس اتعافيتي…
لأ، كبرتي جوّه نفسك ‍

 

[Gharam]

الكلام ده لمسني بجد، لأنك عبّرتي عن إحساس ناس كتير بيعيشوه ومش بيقدروا يشرحوه كده ببساطة وصدق.
فعلاً رد الشات عبقري، التشبيه بالبيت القديم دقيق جدًا…
أوقات بنحنّ، مش علشان عايزين نرجع، لكن علشان ريحة الذكرى لسه موجودة.

بس اللي قلتيه في الآخر هو الوعي الحقيقي — لما توصلي لمرحلة القبول، إنك تحسي من غير ما تكسري نفسك، وتفتكري من غير ما ترجعي، دي قوة مش ضعف.
ومع الوقت، الوجع هيهدى، والذكريات هتفضل جميلة بس من غير وجع.
ووقتها هتعرفي إنك مش بس اتعافيتي…
لأ، كبرتي جوّه نفسك ‍

فعلا كلامك مظبوط

 

[𝔱𝓗ⓔ β𝐋𝓪℃Ҝ Ã𝓓𝔞Ｍˢ]

فعلا كلامك مظبوط