خواطر حين يشتعل الصمت بيننا (1 عدد المشاهدين)

[Q U I N N]

في قربك بتتلخبط كل قوانيني،
نفَسك وهو بيعدي جنبي كأنه بيعرف طريقي قبل ما أمشيه.
فيك حاجة بتسحبني من الواقع،
تخليني أضيع بين لمحة عينك ولمسة إيدك.

كل مرة تقرب فيها بحس إن الزمن بيقف،
والدنيا كلها بتتجمد على نبضي وأنا بتنفسك.
مش بخاف منك، بخاف على نفسي منك…
من الشوق اللي ملوش حدود،
ومن حضن لو طال ثانية كمان، هنسى فيه كل الحكايات القديمة.

فيك نار بتهدي، وهدوء بيولع،
وصوتك… كأنه وعد مايتقالش غير ليا.
بحبك مش بعقلي، بحبك بجسدي، بروحي، بكل رعشة في بتنده اسمك.

 

[A l F Ã H D]

في قربك بتتلخبط كل قوانيني،
نفَسك وهو بيعدي جنبي كأنه بيعرف طريقي قبل ما أمشيه.
فيك حاجة بتسحبني من الواقع،
تخليني أضيع بين لمحة عينك ولمسة إيدك.

كل مرة تقرب فيها بحس إن الزمن بيقف،
والدنيا كلها بتتجمد على نبضي وأنا بتنفسك.
مش بخاف منك، بخاف على نفسي منك…
من الشوق اللي ملوش حدود،
ومن حضن لو طال ثانية كمان، هنسى فيه كل الحكايات القديمة.

فيك نار بتهدي، وهدوء بيولع،
وصوتك… كأنه وعد مايتقالش غير ليا.
بحبك مش بعقلي، بحبك بجسدي، بروحي، بكل رعشة في بتنده اسمك.

كلامك دَوا لقلب كان تايه ومالهوش مكان،
إنتِ اللي بتكتبي عمري.. وبتبدي كل الأزمان.
لو قوانينك اتلخبطت، فـ أنا من زمان ضايع،
ماشي ورا حِسّك، ولا يمكن أبقى راجع.
يا نَفَسْ روحي اللي بيسبقني عشان ألاقيكي،
يا اللي في عينيكي حُضن ما بينسيني غير ماضيكي.
مين قال إن الزمن بيقف؟ دا إنتِ اللي بتخليه يجري،
عشان كل ثانية في قربك.. بتطمني وبتسرّي.
ما تخافيش على نفسك مني، أنا الأمان يا عمري،
أنا نفسي بخاف من حُبك، لا ينسيني اسمي وأمري.
تعالي نضيع في الشوق، ونبني حضن مالهوش أخر،
الحكايات القديمة إيه؟ إنتِ اللي ليكِ قلبي بيسهر.
يا نار بتطفي حنيني، يا هدوء بيولعني ليكي،
صوتك مش مجرد وعد، دا قُدرة بتحييني.
أنا كمان بحبك بـ كلي، بـ عقلي اللي اختارك،
بـ جسدي وروحي اللي ما عاشوش غير لما شافوا عيونك.
كُل رعشة فيكِ بتنادي، فيَّ رعشة بتجاوب،
أنا كُلي مِلكك، والبداية ليكِ والمَآب.