حوادث وقضايا عائلة ديفو (1 عدد المشاهدين)

[koko1972]

اللي قدامك دول يبقوا عائلة "ديفو" قضيتهم واحدة من اكتر القضايا الغامضة في التاريخ الامريكي لأن بسبب اللي حصلهم اتعمل مجموعة من أفلام الرعب

الحكاية بتدور سنة ١٩٧٣ في منطقة اسمها "اميتيفيل" تابعة لولاية نيويورك في أمريكا ويوصل بلاغ لواحد من اقسام الشرطة عن كارثة في بيت عائلة ديفو

بتتحرك قوة من افراد الشرطة للبيت اللي اتقدم عنه البلاغ ولما يدخلوه يشوفوا واحد من اسوء المناظر قدامهم

اول غرفة يفتحوها يلاقوا قدامهم الأب رونالد والام لويس ميتـ،ين بـ رصاصتين ،

تاني غرفة يلاقوا فيها مارك وچون الاطفال واحد عنده ١٢ سنة والتاني ٩ سنين ميـ،تين بـ رصاصة

تالت غرفة يدخلوا يلاقوا البنتين داون و إليسون واحدة ١٢ سنة والتانية ١٨ سنة ميتـ..ين كل واحدة بـ رصاصة

المشترك بين الـ٦ المقتـ،ولين أن هما ميتـ،ين وراسهم على المخدة وكل واحد في مكانه ، يعني اتقـ،،تلوا وهما نايمين

بعد الفحص والتفتيش ملقوش اي اثار لأقتحام البيت او حتي فيه اي حاجة اتسرقت منه ، كل الابواب والشبابيك سليمة ومقفولة

فورا تبدأ الشرطة في التحقيقات بتاعتها وأول حد تم التحقيق معاه هو "رونالد" وده كان الإبن الاكبر للعائلة والناجي الوحيد من اللي حصل وهو اسمه رونالد على اسمه ابوه

بدأت الشرطة تسأله في التحقيقات عن مكان وجوده وقت وقوع الجريمة ، فقال انه بيخرج من ٦ الصبح يروح معرض السيارات بتاع ابوه علشان يتابع الشغل وبعد ما خلص راح بيت صديقته وقعد معاها طول اليوم ، في خلال الفترة ديه كان بيتصل بأهله يتطمن عليهم لكن ماحدش كان بيرد فا قلق وعرف بعدها اللي حصل

في نفس الوقت بيطلع تقرير الطب الشرعي واللي قال إن الـ٦ مقــ،تولين بنفس البندقية ، ومن خصائص البندقة اللي المجرم أستخدمها انها صوتها عالي جداً

فا كان السؤال، ازاي من اول طلقـ،ـ،ة انضربت ماصحيش اهل البيت كلهم وازاي محدش قاوم او اتحرك من مكانه زي مايكون متخدرين او واخدين منوم، لما ربطوا الحاجات ديه مع بعض مع عدم وجود اي آثار اقتحام للبيت فا كان الاستنتاج إن ال عمل كده واحد من اهل البيت او حد عارفهم كويس وبيقدر يدخل ويخرج براحته

سألوا رونالد بتشك في مين يكون عمل كده في عيلتك ؟
فا رد عليهم انه شاكك في شخص بينهم وبين بعض عداوة، وإن الشخص ده كان بيهد،ده دايما انه هيقـ،تله هو عيلته كلها

وتستمر التحريات ونرجع بالوقت اللي اتقدم فيه البلاغ للشرطة ، وقت وقوع الجريمة دخل رونالد واحدة من الحانات اللي متعود يتردد عليها وفضل يصر.خ يقول:

اتقـ،،تلوا ، ماتوا كلهم ، اتقـ،تلوا

فا بدأ الناس اللي موجودين في الحانة يهدوه علشان يفهموا منه الموضوع ، قال انه كان قلقان على عيلته لأنه كان بيتصل بيهم كتير وهو عند صديقته وماحدش كان بيرد عليه فا بسرعة راح البيت ودخل لقاهم كلهم ميـ،تين ومن الذعر ساب البيت وجري على الحانة علشان حد يلحقه

بسرعة شخص من اللي كانوا موجودين في الحانة اتصل بالشرطة وحكي ليهم كل اللي حصل من اللي قالوه رونالد و اتحركت الشرطة واكتشفت اللي قولنا عليه فوق

كل ده والتحقيقات والتحريات شغالة ويكتشفوا ان رونالد مد*من مخد*رات ،وانه كان دايم الخلافات بينه وبين والده وكمان من هواياته أنه بيحب يجـمع الاسـ،،لحة

في الوقت ده كل الشكوك كانت ناحية رونالد خصوصاً لما فتشوا البيت ولقوا من ضمن الاسلـ،حة اللي عنده نفس نوع البندقية اللي العيلة اتقـ،،تلت بيها ، فا اتأكدوا وقتها ان رونالد ليه يد في الموضوع واتوجهت ليه التهمة

وبعد الضغط عليه يعترف أن هو اللي قتـ،،ل عيلته ،لكن الغريب كان كلامه في التحقيقات ، لأنه قال انه ماعملش كده لوحده كان معاه شخص لكنه مش بشر

رونالد كان بيقول ان فيه شخص بيكلمه في دماغه ، دايما بيقوله لازم تقـ،تلهم وانه وقت الجريمة كان فيه ضل بيجري وراه وبيقوله نفس الكلام ، لازم تقـ،تلهم وقال انه كان بيظهرله *** صغير من العدم ويقوله نفس الكلام

قال انه من كتر الضغط والصوت اللي بيسمعه عمل اللي عمله ، الشرطة في الوقت ده قالت انه بيتظاهر بالجنو*ن علشان يخرج من القضية وبناء عليه يتعرض على الطب النفسي

لكن تقرير الطب النفسي يقول إنه سليم وبكامل قواه العقلية ، واستمرت التحقيقات ورونالد كل كلامه أن كان فيه قوة خارقة كانت بتساعده في اللي عمله لحد ما يتعرض على المحكمة ويتحكم عليه بـ ١٥٠ سنة سجن، لكن الحكاية ماكنتش لسه خلصت

بعد سنة البيت اتباع لعائلة اسمها عائلة "لوتس" لكن العائلة ديه هربت من البيت بعد شهر واحد بس وده بسبب الأحداث اللي كانت بتحصل معاهم ،

قالوا ان الابواب بتتقفل وبتتفتح لوحدها ، بنتهم كانت بتقول ان ليها صاحب ماحدش بيشوفوه غيرها وكمان بيسمعوا اصوات بتطلب منهم يهربوا من البيت علشان فعلاً يسيبوا البيت ويهربوا

بيت عائلة لوتس او زي ما اتشهر في القصص بـ بيت "اميتيفيل" الأحداث اللي حصلت فيه مع عائلة لوتس اتعمل منها اشهر افلام الرعب وفي بوست تاني هكتبلكم قصة البيت واللي حصل فيه من اول ما سكنه عائلة لوتس

 

[༒سليم༒]

تسلم ايدك مشاركه روعه