خواطر نفسي اشوف نفسي بعيونك (1 عدد المشاهدين)

[مها بنت السلطان]

نفسي أشوف نفسي بعيونك
دايماً كنت بشوف ملامحي في المراية عادية ملامح مألوفة مفيهاش سحر كبير، لحد ما قابلتك وشفت نظرتك ليا
نفسي بجد استلف عينيك ثواني، وأشوف بيهم نفسي عشان أعرف إزاي نظرة واحدة منك قادرة تخليني أحس إني ملكة جمال الكون ، وإيه السر اللي بتلمحه فيا فبيخليك تسرح فيا وتنسى الدنيا حواليك
نفسي أشوف التفاصيل اللي بتعشقها، والحتت اللي مكنتش بحبها في نفسي فبقت بعيونك هي أحلى ما فيا نفسي أدوق طعم الحب الصافي اللي بيلمع في عينيك وأنا بتكلم، وأعرف إزاي ملامحي الهادية دي بتقدر تخطف قلبك للدرجة دي.
يمكن لو شفت نفسي بعيونك، هعرف ليه أنت وطني وليه لما بكون معاك، بحس إني أخيراً وصلت للمكان اللي بيخليني أحب نفسي من غير شروط
أنا مش محتاجة مرايات تانية بعد النهارده. أنا بس محتاجة أفضل غرقانة في عيونك، عشان دي الحالة الوحيدة اللي بشوف فيها نفسي كاملة.

 

[koko1972]

نفسي أشوف نفسي بعيونك
دايماً كنت بشوف ملامحي في المراية عادية ملامح مألوفة مفيهاش سحر كبير، لحد ما قابلتك وشفت نظرتك ليا
نفسي بجد استلف عينيك ثواني، وأشوف بيهم نفسي عشان أعرف إزاي نظرة واحدة منك قادرة تخليني أحس إني ملكة جمال الكون ، وإيه السر اللي بتلمحه فيا فبيخليك تسرح فيا وتنسى الدنيا حواليك
نفسي أشوف التفاصيل اللي بتعشقها، والحتت اللي مكنتش بحبها في نفسي فبقت بعيونك هي أحلى ما فيا نفسي أدوق طعم الحب الصافي اللي بيلمع في عينيك وأنا بتكلم، وأعرف إزاي ملامحي الهادية دي بتقدر تخطف قلبك للدرجة دي.
يمكن لو شفت نفسي بعيونك، هعرف ليه أنت وطني وليه لما بكون معاك، بحس إني أخيراً وصلت للمكان اللي بيخليني أحب نفسي من غير شروط
أنا مش محتاجة مرايات تانية بعد النهارده. أنا بس محتاجة أفضل غرقانة في عيونك، عشان دي الحالة الوحيدة اللي بشوف فيها نفسي كاملة.

يا سيدي يا سيدي ايه الكلام الكبير دة يا مها