هتكلم عن كواليس مسرحيه سك علي بناتك وهبدأ بالفنان أحمد راتب واللي كان عايز يعمل دور حنفي لأن في ضحك أكثر لكن الفنان فؤاد المهندس اقنعه أن دور سامح عبدالشكور بتاع كلية العلوم مناسب له ولطريقته في الكوميديا وبيقول الاستاذ احمد راتب أنه في البداية مكنش مقتنع بالدور لحد ما في احد ليالي العرض المسرحي كان مصاب بدور برد والمفروض أنه في الفصل الثالث أنه بيزعق للاستاذ فؤاد وهو كان صوت متحاش تماماً فهو وبيزعق وبيقول لا مش هتجوز نادية بقى فكان صوته متحاش وطالع بالعافية فالناس افتكرت إن ده ضمن الأداء يعني هو خايف من الدكتور رأفت فبيقول لأ بصوت متحاش وبدأت تضحك بشده وهنا الاستاذ فؤاد قاله حلو اوي ده وكل يوم هتزعق فيا بنفس الطريقة بصوت متحاش.
محسن محي الدين بقى حكي حكاية تانية وبيقول أنه هو وشريهان كانوا دائما وأبدا بيفوزوا بمعظم مسابقات الرقص وعشان كده الاستاذ فؤاد المهندس عملهم فقرة مخصوص يرقصوا فيها عشان يظهرهم فالمذيعة سألته علي جملة "أنا بص يا عمي" فقالها أن المشهد ده كان بعد الرقص علي طول وهو كان لسه بيأخد نفسه فالاستاذ فؤاد بيدخل عليه هو وشريهان وهو نايم علي الارض بعد ما شريهان وقعته وبعدين بيجري وراه وبيسأله إيه اللي جابك هنا فبيقوله وهو بيأخد نفسه بصعوبة "أنا بص .. أنا بص أنا" فالاستاذ فؤاد عشان يبروز الافية راح قالي ايه انا بص ديه كل ما أكلمه يقولي انا بص لكن في الحقيقة أنا كنت بأخد نفسي والاستاذ فؤاد راح مثبتها كإفيه ليا وبرضو الافيه بتاع إيه الكرش ده يا عمي فده برضو جه علي المسرح وكان في *** بيبكي اثناء لما كنت بحاول اشيل الاستاذ فؤاد فبدأت اربط ما بين بكاء الطفل وكرش الاستاذ فؤاد فالاستاذ فؤاد عجبه الافيه فثبت جوه احداث المسرحية.
حنفي ده بقى قصة لواحدة والأستاذ فؤاد المهندس كان بيفرش لمحمد ابو الحسن عشان هو اللي يرمي الافية ويضحك وده في مجال الكوميديا قمة الايثار ومفيش ممثل كوميدي بيعمل ده غير اللي واثقين من نفسهم اوي اوي اوي حتي الاستاذ عادل امام معملوش غير مع عدد محدود اوي من ضمنهم إبنه المهم هتلاقي اطول فرشة لإفيه مركب كان فرشة افيه مين عمر الشريف ده صنعته ايه بقى واللي هو الاستاذ فؤاد عمال يقوله عمر الشريف وعلي يدي وفي النهاية حنفي ميعرفوش وخد من الافيهات المركبة ديه كتير لمحمد ابو الحسن وفرش أكثر من الاستاذ فؤاد زي افيه يرضيك يا عمي أنها خدت العفش فبيقوله عفشها حقها ثم انت مش معاك القايمة فقاله هو أنا هنام على القايمة والاتوبيس ابو شلن واللي فرشله الاستاذ فؤاد جامد عشان لما يقوله أنا مستني الاتوبيس ابو شلن الناس كلها تنهار من الضحك.
كل اللي حكيته ده بيدل علي شيء واحد أن الأستاذ فؤاد كان يستحق لقب الاستاذ لأنه كان بيساعد الصغيرين وهو مش خايف أنهم يسرقوا منه الاضواء بالعكس كان عنده من الثقة بالنفس إنه يبروز شغلهم.
مشاهدة المرفق 83641 هتكلم عن كواليس مسرحيه سك علي بناتك وهبدأ بالفنان أحمد راتب واللي كان عايز يعمل دور حنفي لأن في ضحك أكثر لكن الفنان فؤاد المهندس اقنعه أن دور سامح عبدالشكور بتاع كلية العلوم مناسب له ولطريقته في الكوميديا وبيقول الاستاذ احمد راتب أنه في البداية مكنش مقتنع بالدور لحد ما في احد ليالي العرض المسرحي كان مصاب بدور برد والمفروض أنه في الفصل الثالث أنه بيزعق للاستاذ فؤاد وهو كان صوت متحاش تماماً فهو وبيزعق وبيقول لا مش هتجوز نادية بقى فكان صوته متحاش وطالع بالعافية فالناس افتكرت إن ده ضمن الأداء يعني هو خايف من الدكتور رأفت فبيقول لأ بصوت متحاش وبدأت تضحك بشده وهنا الاستاذ فؤاد قاله حلو اوي ده وكل يوم هتزعق فيا بنفس الطريقة بصوت متحاش.
محسن محي الدين بقى حكي حكاية تانية وبيقول أنه هو وشريهان كانوا دائما وأبدا بيفوزوا بمعظم مسابقات الرقص وعشان كده الاستاذ فؤاد المهندس عملهم فقرة مخصوص يرقصوا فيها عشان يظهرهم فالمذيعة سألته علي جملة "أنا بص يا عمي" فقالها أن المشهد ده كان بعد الرقص علي طول وهو كان لسه بيأخد نفسه فالاستاذ فؤاد بيدخل عليه هو وشريهان وهو نايم علي الارض بعد ما شريهان وقعته وبعدين بيجري وراه وبيسأله إيه اللي جابك هنا فبيقوله وهو بيأخد نفسه بصعوبة "أنا بص .. أنا بص أنا" فالاستاذ فؤاد عشان يبروز الافية راح قالي ايه انا بص ديه كل ما أكلمه يقولي انا بص لكن في الحقيقة أنا كنت بأخد نفسي والاستاذ فؤاد راح مثبتها كإفيه ليا وبرضو الافيه بتاع إيه الكرش ده يا عمي فده برضو جه علي المسرح وكان في *** بيبكي اثناء لما كنت بحاول اشيل الاستاذ فؤاد فبدأت اربط ما بين بكاء الطفل وكرش الاستاذ فؤاد فالاستاذ فؤاد عجبه الافيه فثبت جوه احداث المسرحية.
حنفي ده بقى قصة لواحدة والأستاذ فؤاد المهندس كان بيفرش لمحمد ابو الحسن عشان هو اللي يرمي الافية ويضحك وده في مجال الكوميديا قمة الايثار ومفيش ممثل كوميدي بيعمل ده غير اللي واثقين من نفسهم اوي اوي اوي حتي الاستاذ عادل امام معملوش غير مع عدد محدود اوي من ضمنهم إبنه المهم هتلاقي اطول فرشة لإفيه مركب كان فرشة افيه مين عمر الشريف ده صنعته ايه بقى واللي هو الاستاذ فؤاد عمال يقوله عمر الشريف وعلي يدي وفي النهاية حنفي ميعرفوش وخد من الافيهات المركبة ديه كتير لمحمد ابو الحسن وفرش أكثر من الاستاذ فؤاد زي افيه يرضيك يا عمي أنها خدت العفش فبيقوله عفشها حقها ثم انت مش معاك القايمة فقاله هو أنا هنام على القايمة والاتوبيس ابو شلن واللي فرشله الاستاذ فؤاد جامد عشان لما يقوله أنا مستني الاتوبيس ابو شلن الناس كلها تنهار من الضحك.
كل اللي حكيته ده بيدل علي شيء واحد أن الأستاذ فؤاد كان يستحق لقب الاستاذ لأنه كان بيساعد الصغيرين وهو مش خايف أنهم يسرقوا منه الاضواء بالعكس كان عنده من الثقة بالنفس إنه يبروز شغلهم.
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.
