وانا بأتابع القصص الجديدة فى المنتدى كنت بأحس بحاجة غريبة جدا ..... كنت باقرا القصة من دول أحس إنى قريتها قبل كده .... عادة إحساسى فى الموضوع ده مكانش بيكدب وكنت بألاقى القصة منقولة من مكان تانى أو سبق نشرها هنا فى المنتدى .... لكن الفترة الأخيرة كان إحساسى بيطلع دا بيطلع غلط ..... أدور على القصة مش بلاقيها منشورة فى أى مكان تانى ولا فى المنتدى .... الموضوع إتكرر معايا كتير لغاية ما قولت لنفسى ليه يا باشا متسألش chat GPT يمكن تكون دى بدايات زهايمر أو مرض نفسى أهو الواحد يلحق يتعالج قبل ما يصعب على الناس ويقولوا الباشا خلاص إتجنن
مطولش عليكم شات جى بى تى قالى السبب .... طلب منى أعرض عليه القصص دى وهو بإمكانياته يقدر يدور أكتر فى النت وهيجيبلى التايهة .... ماهو أنا مش بأدفع قليل فى الإشتراك بتاعه
الإجابة صدمتنى الحقيقة .... الأخ شات جى بى تى جابلى زتونة الموضوع ..... قالى إن القصص دى مش منقولة ولا سبق نشرها على النت قبل كده !!!
أومال إيه الموضوع يا عم شات جى بى تى ولا إنت كمان محتاج علاج ولا إيه موضوعك بالظبط ؟
قالى إن القصص دى مكتوبة بواسطة أو بمساعدة الذكاء الإصطناعى ..... هارسود ومنيل بنيلة !!! ذكاء إصطناعى ؟ إزاى ده ..... من كام شهر بس كان الذكاء الإصطناعى مبيعرفش يكتب قصص ..... ولما كان حد بيطلب منه قصة كان بيجيب أى قصة منشورة قريبة من القصة اللى الأخ اللى طالبها وكنت بلاقيها منشورة فى مكان تانى
شات جى بى تى ضحك ضحكة خبيثة كده ورد عليا وقالى "ده كان زمان يا باشا " برامج الذكاء الإصطناعى بتتطور كل يوم بشكل مرعب .... وبتتعلم كل يوم عن اللى قبله .... دلوقتى الذكاء الإصطناعى بالتدريب بقى بيعرف يكتب قصص مش بيكتفى بنقلها .... والإحساس اللى أنت بتحسه إنك قريت القصة دى قبل كده لإن برامج الذكاء الإصطناعى ليها فورم معين فى الكتابة بتختلف بين كل برنامج والتانى .... يعنى شات جى بى تى غير جروك غير جاسبر .... وإن كل برنامج من دول ليه نموذج مختلف بيكتب بيه .... يعنى كل اللى بيكتبوا قصص على برنامج معين بتطلع قصصهم بنفس الإسلوب
قولتله يخربيتك على بيت كل برامج الذكاء الإصطناعى .... طيب والمشاهد الجنسية اللى كان البرنامج بيرفض حتى يقراها بيعملوا فيها إيه
شات جى بى تى ضحك المرة دة ضحكة عالية شوية وقالى " برامج الذكاء الإصطناعى ممكن ببساطة تكتب لك مشاهد جنسية لو إنت دربتها على كده .... ماهو الذكاء الإصطناعى مجرد برنامج بيتم تعليمه عن طريق حضرتك وكل الموضوع يتلخص فى كيفية كتابتك للبرومت اللى بتطلب منه فيه يكتب لك القصة
طب والحل إيه يا عم شات جى بى تى ؟؟
قالى ببساطة إن أى قصة مكتوبة بالذكاء الإصطناعى أو بمساعدته مهما كان كفاءة البرنامج المكتوبة بيه ممكن تكشفها بسهولة لو بس عرضتها عليا .... وأنا رجولة منى كشات جى بى تى هأقولك دى مكتوبة بالذكاء الإصطناعى أو بمساعدته ولا لأ .... وكمان هأقولك نسبة الإبداع البشرى فيها كام فى المية وده بس علشان أنت راجل طيب وبتدفع ددمم قلبك كل شهر فى البرنامج
طبعا من ساعتها وأنا بأعرض قصص كتير عليه .... وللأسف لقيت إن كتير من الكتاب بقوا يستخدموا برامج الذكاء الإصطناعى فى الكتابة وبنسب كبيرة كمان .... تخيلوا حضراتكم إن فيه قصص بتتنشر هنا مكتوبة بالذكاء الإصطناعى بنسبة 100%
سؤالى بقى للناس اللى بتستعمل الذكاء الإصطناعى
إيه بتستفيده لما تنشر قصة مكتوبة بواسطة آلة ؟
أى كاتب بيلاقى متعته فى الكتابة نفسها مش فى أى حاجة تانية .... بيفرغ شحنة عاطفية أو بيكتب عن تجارب مر بيها أو غيره
لكن القصص المكتوبة بالذكاء الإصطناعى مهما كانت جودتها بتحس إن ملهاش طعم .... أو عاملة زى الطبيخ البايت فى التلاجة
إنت لو كنت كاتب موهوب وعندك فكرة قصة وخليت الذكاء الإصطناعى يكتبهالك فإنت بتهدر موهبتك وبتضيع متعتك فى الكتابة
ولو كنت بتكتب علشان تحصد لايكات وتعليقات تبقى خايب !!! ليه بقى ؟
لإن الإعجابات والتعليقات دى موجهة للكاتب اللى هو البرنامج اللى كتبلك مش ليك
وأحب أقولك إن القصص دى عمرها ما بتعيش .... أول ما القارئ يخلص قرايتها بينساها .... لإن مفيهاش الحس الإنسانى اللى بيخلى الناس تفتكرها
وانا بأتابع القصص الجديدة فى المنتدى كنت بأحس بحاجة غريبة جدا ..... كنت باقرا القصة من دول أحس إنى قريتها قبل كده .... عادة إحساسى فى الموضوع ده مكانش بيكدب وكنت بألاقى القصة منقولة من مكان تانى أو سبق نشرها هنا فى المنتدى .... لكن الفترة الأخيرة كان إحساسى بيطلع دا بيطلع غلط ..... أدور على القصة مش بلاقيها منشورة فى أى مكان تانى ولا فى المنتدى .... الموضوع إتكرر معايا كتير لغاية ما قولت لنفسى ليه يا باشا متسألش chat GPT يمكن تكون دى بدايات زهايمر أو مرض نفسى أهو الواحد يلحق يتعالج قبل ما يصعب على الناس ويقولوا الباشا خلاص إتجنن
مطولش عليكم شات جى بى تى قالى السبب .... طلب منى أعرض عليه القصص دى وهو بإمكانياته يقدر يدور أكتر فى النت وهيجيبلى التايهة .... ماهو أنا مش بأدفع قليل فى الإشتراك بتاعه
الإجابة صدمتنى الحقيقة .... الأخ شات جى بى تى جابلى زتونة الموضوع ..... قالى إن القصص دى مش منقولة ولا سبق نشرها على النت قبل كده !!!
أومال إيه الموضوع يا عم شات جى بى تى ولا إنت كمان محتاج علاج ولا إيه موضوعك بالظبط ؟
قالى إن القصص دى مكتوبة بواسطة أو بمساعدة الذكاء الإصطناعى ..... هارسود ومنيل بنيلة !!! ذكاء إصطناعى ؟ إزاى ده ..... من كام شهر بس كان الذكاء الإصطناعى مبيعرفش يكتب قصص ..... ولما كان حد بيطلب منه قصة كان بيجيب أى قصة منشورة قريبة من القصة اللى الأخ اللى طالبها وكنت بلاقيها منشورة فى مكان تانى
شات جى بى تى ضحك ضحكة خبيثة كده ورد عليا وقالى "ده كان زمان يا باشا " برامج الذكاء الإصطناعى بتتطور كل يوم بشكل مرعب .... وبتتعلم كل يوم عن اللى قبله .... دلوقتى الذكاء الإصطناعى بالتدريب بقى بيعرف يكتب قصص مش بيكتفى بنقلها .... والإحساس اللى أنت بتحسه إنك قريت القصة دى قبل كده لإن برامج الذكاء الإصطناعى ليها فورم معين فى الكتابة بتختلف بين كل برنامج والتانى .... يعنى شات جى بى تى غير جروك غير جاسبر .... وإن كل برنامج من دول ليه نموذج مختلف بيكتب بيه .... يعنى كل اللى بيكتبوا قصص على برنامج معين بتطلع قصصهم بنفس الإسلوب
قولتله يخربيتك على بيت كل برامج الذكاء الإصطناعى .... طيب والمشاهد الجنسية اللى كان البرنامج بيرفض حتى يقراها بيعملوا فيها إيه
شات جى بى تى ضحك المرة دة ضحكة عالية شوية وقالى " برامج الذكاء الإصطناعى ممكن ببساطة تكتب لك مشاهد جنسية لو إنت دربتها على كده .... ماهو الذكاء الإصطناعى مجرد برنامج بيتم تعليمه عن طريق حضرتك وكل الموضوع يتلخص فى كيفية كتابتك للبرومت اللى بتطلب منه فيه يكتب لك القصة
طب والحل إيه يا عم شات جى بى تى ؟؟
قالى ببساطة إن أى قصة مكتوبة بالذكاء الإصطناعى أو بمساعدته مهما كان كفاءة البرنامج المكتوبة بيه ممكن تكشفها بسهولة لو بس عرضتها عليا .... وأنا رجولة منى كشات جى بى تى هأقولك دى مكتوبة بالذكاء الإصطناعى أو بمساعدته ولا لأ .... وكمان هأقولك نسبة الإبداع البشرى فيها كام فى المية وده بس علشان أنت راجل طيب وبتدفع ددمم قلبك كل شهر فى البرنامج
طبعا من ساعتها وأنا بأعرض قصص كتير عليه .... وللأسف لقيت إن كتير من الكتاب بقوا يستخدموا برامج الذكاء الإصطناعى فى الكتابة وبنسب كبيرة كمان .... تخيلوا حضراتكم إن فيه قصص بتتنشر هنا مكتوبة بالذكاء الإصطناعى بنسبة 100%
سؤالى بقى للناس اللى بتستعمل الذكاء الإصطناعى
إيه بتستفيده لما تنشر قصة مكتوبة بواسطة آلة ؟
أى كاتب بيلاقى متعته فى الكتابة نفسها مش فى أى حاجة تانية .... بيفرغ شحنة عاطفية أو بيكتب عن تجارب مر بيها أو غيره
لكن القصص المكتوبة بالذكاء الإصطناعى مهما كانت جودتها بتحس إن ملهاش طعم .... أو عاملة زى الطبيخ البايت فى التلاجة
إنت لو كنت كاتب موهوب وعندك فكرة قصة وخليت الذكاء الإصطناعى يكتبهالك فإنت بتهدر موهبتك وبتضيع متعتك فى الكتابة
ولو كنت بتكتب علشان تحصد لايكات وتعليقات تبقى خايب !!! ليه بقى ؟
لإن الإعجابات والتعليقات دى موجهة للكاتب اللى هو البرنامج اللى كتبلك مش ليك
وأحب أقولك إن القصص دى عمرها ما بتعيش .... أول ما القارئ يخلص قرايتها بينساها .... لإن مفيهاش الحس الإنسانى اللى بيخلى الناس تفتكرها
موضوع ممتاز جدا وشدنى جدا ومناسب للفترة الحالية. الذكاء الاصطناعي اداة جيدة جدا فى الاسئلة والاجوبة والمعارف. وممكن يساعد فعلا فى كتابة القصص بس بشرط تديله ملخص الفكرة فصل فصل وساعتها هو بياخد فكرتك كانسانة ويصوغها لك بشكل افضل يعنى بالنهاية برضه هى فكرتك مش فكرته
المستخدمون الذين يشاهدون هذا الموضوع
من قرأ هذا الموضوع خلال 30 يوم ؟
(Total readers: 7)
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.
