ازيكم يا عيال عاملين ايه **** تكونو بخير ♥
النهاردة عندنا زهرة من اجملان لم تكن اجمل زهرة في العالم وهي زهرة القلب النازف
النهاردة عندنا زهرة من اجملان لم تكن اجمل زهرة في العالم وهي زهرة القلب النازف
لا حضرتك دي مش صورة ذكاء صناعي او من الخيال دي حقيقية وموجودة
الزهرة دي اصلها من اليابان وشرق اسيا وكان عادة ملوك اليابان دايما يخلو الزهرة دي قدام القصر او جنب العرش بتاعة لجمال شكلها ولروعتها
الزهرة دي في منها نوعين نوع متسلق زي العنب كدا او شجيرة مبيتعداش طولها 2 متر وبتنموا في الاجواء المعتدلة وعلى عاكس اغلب النباتات الزهرة دي مبتحبش الشمس المباشرة
الخبر الحلو بقا ان الزهرة دي ممكن تتزرع في البيوت عادي وفي وطننا العربي كمان فانت لو من الناس اللى بتحب تزين بيوتها او عندك جنينة ممكن تزرعها عندك شكلها هيبقا خراافي وهتبقا احسن من اي شجرة زينة تانية هتجيبها
- طب نزرعها ازاى؟
- بص ياسيدي الزهرة دي زي نا قولنا مبتحبش الشمس المباشرة ف بداية زراعتها بتكون يا في اخر الخريف او اول الربيع ولو انت عندك الجو معتدل والشمس مش حر اوي تقدر تزرعها منها للشمس علطول ولو زي حلاتنا كدا الحر مبهدلك مينفعش تزرعها في الشمس لانها مش هتستحمل وهتتحرق وتموت ف يستحسن تزرعها تحت شجرة تانية تكون كبيرة او تزرعها في مكان ضل بتوصله شمس خفيفة ولو هتزرعها فوق سطوح ممكن تعملها زي تعريشة تداريها من شمس الظهر الشديدة
- طب ونظام الري بتاعها اي؟
- الزهرة دي بتحب في فترة الصيف والنص التاني من الربيع مع بداية ارتفاع درجات الحراره انها تكون رطبة جدة لازم تتسقي بشكل يومي اما بقا في فترة الشتا فتتسقى بشكل نادر جدا ممكن مرة كل شهر او 20 يوم هي طبيعتها كدا وبيبدأ الازهار في نص الربيع وبيفضل مستمر لحد اخر الصيف
- طب والتسميد بتاعها؟
- الزهرة دي بتتسمد مرتين في السنة بس مرة في الخريف ومرة في الربيع بس لازم سماد عضوي زي مخلفات الحيوانات وكدا
بس في ملاحظة لازم تاخد بالك منها ان الزهرة دي القطرة اللى بتنزل منها دي بتكون سامة بس درجة سميتها للانسان مش عارية يعني لو جات على جلدك هتعملك حساسية وشوية التهابات بس لو عندك حيوان اليف ابعده عنها عشان لو كل الزهرة هيموت
تاني ملاحظة انك لو هتشتريها من مشتل فيه اوراقها نسخمة من اوراق ست الحسن والجمال فخلى بالك انك تاخد الشجرة الصح
وبس كدا الف مبروك عليك شجرة زينة تجمل شكل بيتك ولو حد يعرف مشتل او مكان بيبيعها او بيبيع بذورها يقولى لانها تلزمنى بصراحة
♥
♥
