أطلق العنان لمشاعرك
خليني أقولكم الأول أنه يوجد قسم كامل هنا في مجتمع الميلفاوية للقصص (بكل أنواعها جنسية وغير جنسية) ..
حتي القصص الجنسية مقسمة لعدة أفرع مختلفة علي حسب ميولك وأهتمامك ..
نيجي بقي للسؤال الأهم ---- هل الكتابة بس للتعبير عن المشاعر ؟
هاجاوب من وجهة نظري البسيطة ، الكتابة ممكن يستخدمها أي إنسان للتعبير عن تجاربه الشخصيه في ماضيه أو حاضره ---- بس كده؟ ---- لأ طبعاً ، ممكن كمان يعبر بيها عن أحلامه أو عن خياله ..
طبعاً في مستويات أعلي من كده ، أنك تكون بتكتب علشان تناقش قضية وتوضح وجهة نظرك فيها أو تترك ده للقارئ ..
الكتابة كمان من خلالها تقدر توصف أحاسيسك ، مشاعرك المكتومة ، تقدر تطلق العنان لكل ما هو بداخلك ، بإختصار هي متنفس لكل مشاعرك الجياشة ---- كمان الكتابة يا عزيزي في أوقات كتيره ممكن تبقي ونيسك ورفيقك ..
في الكتابة أنت بتكتب لنفسك مش علشان ترضي حد أو تزعل حد ---- ودا يخلينا نروح لسؤال تاني مهم ---- أنت بتكتب ليه أصلاً ؟ ..
في ناس بتكتب حباً في الكتابة نفسها "ربما في داخلي أشعر أني أنتمي لهذه المدرسة" ، لكن في ناس بتكتب علشان تنقل صورة أو حدث معين ، وفي منا بيكتب علشان يفضفض ، وفي منا بيكتب علشان بيحب يشوف أعجاب الناس بكتابته ----
المهم بالنسبة ليا أنك تكتب ، أنك تبدأ ---- ربما يجي يوم وتلاقي كتاباتك علي الرصيف بتتباع ، محدش عارف ، ممكن موهبتك جواك وأنت نفسك مش عارف ، عايزك تجرب وتعافر محدش عارف مستقبلك فين في كتاب كتير وشعراء بدأوا الكتابة متأخرين وكمان كانت الكتابة أبعد ما يكون عن تخصصهم أساساً ..
أستمتع بالكتابة كلمة مش هيحس بيها إلا اللي خاض التجربة ..
أبدأوا بالقصص القصيرة وجربوا ---- بالمناسبة أنا هاوي مبتدئ لكن قررت أخوض التجربة وبدأت بالفعل وليا قصص منشوره هنا ولسه هكمل ..
لسه بتفكر ، قلقان كتابتك متعجبش حد ---- طيب هقولك حاجه إتقالتي من شخص قريب جداً لقلبي وساعدتني وها أنا أردها أليكم ---- هتلاقي ناس بتنتقدك ، هتلاقيهم بيحكموا عليك أشد الأحكام ، هتلاقيهم بيحبطوك كمل ولا تبالي متنساش أننا قولنا أنك بتكتب لنفسك لا عايز ترضي حد ولا تزعل حد ..
الزوار اللي بيشاهدونا بس لسه مستني كتير علشان تنضم معانا كعضو وتطلق العنان لمشاعرك ، فكرر وقرر ، إحنا قررنا وبدأنا ..
أنا منتظاركم تنضموا لي ولفريق هؤلاء الذين يستمتعون بالكتابة ..
أنتظروا الجزء الثاني ---- كيف تكتب قصة ؟
مش عارف كلامي هيعجبوا ولا لأ لكن دا كلامي من جوايا علشان كده ربما يكون مش منظم ..
مساء الخير علي كل الميلفاوية
