أولاً لازم نحدد نوع المعرفة ومدي قوتها في الأساس
مافيش مظلوميات في الموضوع
(علي الأقل فكرة الدراما دي مش بحبها)
لو علاقة قوية لازم هراجع نفسي
وأحاول أفهم أسباب التغيير لأن مافيش حاجه بتيجي فجأه ووارد تبقي المشكلة فيا
لكن لو علاقة عابره يبقي صنفت نفسها بدون ما نتعب نفسنا في التفكير
لو علاقة حب فهي تخضع لأمور كتير منها القبول من عدمه
ومنها الراحه في الوجود فقط ودي بتتأثر بالمتغيرات
(يعني ممكن يكون الأخر كان مرتاح لوجودي فقط ولما بيصدر مني شيء عكس رغبته بيقي سهل أنه يستغني عني)
وعلاقة الحب بالذات معقده جداً لأن حبي للطرف التاني بيعميني عن فهم مشاعره وتصنيفها بشكل صحيح
(هبقي شايفه بيحبني والحقيقه أنه مرتاح لوجودي فقط بشرط عدم إزعاجه بتصرفاتي ومع أول تصرف قوي أصطدم بحقيقة مشاعره)
وهناك صنف جامد ، مهما حبيتيه لا يلين ودا نوع البعد عنه بيبقي مهم مهما كان صعب
