- الناس عمرها ما كانت مبسوطة
= لا كانت مبسوطة
- الناس عمرها ما كانت مبسوطة
= لا وحياة أمـ ـك كانوا مبسوطين
- الناس عمرها ما كانت مبسوطة !
= لا بس انت كنت مسافر ولا حاجة
- الناس عمرها ما كانت مبسوطة
= ما خلصنا يلا هتلحنها ولا ايه ما عرفنا الناس عمرها ماكانت مبسوطة عنها ما اتبسطتت ، هبسطها ازاى اتحزم انا ومراتي وننزل نرقصلهم ،.
خلصنا الناس عمرها ما كانت مبسوطة ما أنت رخم وفى وسطيهم عايز الناس تتبسط منين وانت في وسطيهم يا كئيب،.
عندك حاجة تانية تقولها ؟
- عندي .
= أتفضل .
- عمر الناس ما كانت مبسوطة !
=هو احنا هنلعب المكعبات يا ولا ، منا فاهم اللي بعديها ايه ، مبسوطة الناس عمرها مش كده .
- يا فندم حاول تسمعني.
=عايز ايه ؟
- الناس كانت عاملة اضراب بطيء وسري ،بتديهم قليل بيشتغلوا اقل ،بتاخد منهم ضرايب زيادة بياخدوا رشاوي واكراميات أزيد .
بتغصبهم على مشروعات كرهنها بيبوظوها عشان يشمتوا فيك
صدقني يا فندم ما حدش يقدر يضحك على الناس لا في أنتيكا ولا في اي حتة في العالم كله .
#مسرحية_تخاريف انتاج 1989
- لينين الرملى ومحمد صبحي.
