فضفضة هل كنت او كنتى تتمنى يكون اسمك اسم مركب مزدوج ؟ (1 عدد المشاهدين)

[جدو سامى 🕊️ 𓁈]

هل كنت او كنتى تتمنى يكون اسمك اسم مركب مزدوج ؟



من العادات الجميلة اللى كانت عندنا فى مصر قبل منعها قانونا هى الاسماء المركبة زى مصطفى كمال او محمد وجدى او محمد انور وكتير من اسرة محمد على ومن رجال الامبراطورية العثمانية كانوا بيتسموا باسماء مركبة يعنى بيكون لك اسمين عادى مصطفى او احمد او محمد مع اسم زى فاضل او كامل او انور او شاهين او شوقى او عصمت الخ .. وفيه ستات من جوارى او زوجات الخديوى اسماعيل وحتى من زوجات السلاطين العثمانيين كانت اسماءهن مركبة زى شفق نور مثلا ..



والعادة دى موجودة لغاية النهارده فى انجلترا وفرنسا والولايات المتحدة

مثلا مونيكا بيولتشى اسمها مركب مونيكا آنا ماريا بيلوتشى

وكيت ونسليت اسمها مركب كيت اليزابيث ونسليت

ومتنساش جان بول سارتر وجان جاك روسو وناس كتير



Double-barrelled name

Double name or double given name

Double or compound surname



حتى انه فيه اسماء مركبة ثلاثية ورباعية كمان

triple-barrelled surnames

quadruple-barrelled surnames



وممكن تعرف اكتر فى مقال Given name فى ويكبيديا الانجليزية فى فقرة معنونة بعنوان Compound





فالسؤال هو انت او انتى كنت تتمنى تتسمى اسم مركب .. وايه هو الاسم المركب اللى تتمنى يكون اسمك ؟